الموضوع: رحلتنا الأولى إلى كوالالمبور تساؤلات

السلام عليكم ورحمة الله وبركاته

حجزنا رحلة عائلية في شهر أوقست من جدة إلى كوالالمبور، وبحكم إنها أول رحلة لي لماليزيا ولا اتحدث اللغة الإنجليزية تخوفت من بعض الأمور واجهل البعض الآخر ..


من خلال بحثي هنا عرفت بعض الأماكن التي أرغب بزيارتها


شلالات تمبلر بارك
غابات بوكيت ناناس
حديقة البرجين
حدائق برادنا وحديقة الفراشات
شارع العرب
مطعم الدوار


حجزنا للفندق حيكون في best western premier ، لمدة 12 ليلة ..




كيف أقدر أرتب جدولي ؟
أنا وأهلي من محبي الطبيعة والشلالات والغابات والأماكن الهادئة عموماً ..
هل توجد أماكن أخرى يُنصح بزيارتها في كوالا ؟


+


أتمنى زيارة بينانج لتجربة القطار الجبلي وزيارة مصنع القهوة والشوكولاته
هل بإمكاني الذهاب والعودة في نفس اليوم ؟!
وكم مدة القطار الجبلي ؟ استطيع النزول بعد نصف ساعة أو ساعة ؟
والمسافة بينه وبين المصنعين ؟


نفترض بأروح بالباص من كوالا إلى بينانج ..
متى موعدالرحلات ذهاب - عودة ؟
وطريقة الحجز للقطار الجبلي ؟ أقدر احجز من النت ؟ بدون ما اضطر آخذ واعطي هناك بالإنجليزي ):
والعودة لاحقاً من بينانج إلى كوالا في حالة الوصول ليلاً .. هل الوضع آمن ؟


+


احتاج تفاصيل أكثر وترتيب الأماكن حسب قربها من بعض ، أماكن يُنصح بها ؟ والمطاعم الجيدة ؟


بالنسبة للتخاطب هناك هل هو صعب لمن لا يجيد الإنجليزية ؟ أم الأساسيات تكفي ؟


+


كاميرون هايلاند .. نفس التساؤلات المتعلقة بالذهاب والعودة وهل تستحق ؟

مواضيع عشوائيه ممكن تكون تعجبك اخترناها لك:

• استفسارات قبل السفر
• جدول سريع لشهر عسل بليز
• عاجل ساعدوني ؟؟
• معزم على الروحة
• تم شراء التذاكر أرجو الدخول للأهمية
• جدول يومي لبيآننج وكوآلآ
• موضوع لعدة استفسارات
• اخترت الفنادق وأحب اشاركم واشوف آرائكمقصة حب تايلند وبقيه الاعضاء بليز ردوا علي
• جدول 21 يوم ماليزيا كوالا بينانج لنكاوي مرتب
• المساعده في تنسيق شهر العسل
• ياعرب يامسافرين شورو علي هل الميزانيه كافيه او لا
• اجراءات المطار ؟؟
• رحلة لعائلة بطفلين لـ يوم ساعدوني بالجدول أرجوكم
• شركة كاميرات كانون وين أحصلها بكوالا ؟
• ارجو منكم المساعده واخذ الرأي منكم
• ارغب في برنامج عائلي
• سؤال في افضل طرق الانتقال بين المدن في ماليزيا
• شيء محير لنكاوي لاقون ارجو المساعدة
• هل مطاعم الوجبات السريعة في ماليزيا جميعها حلال
• محتار جداااااااا ارجو مساعدتي

انا فهمت انو 12 ليله بتقضيها بكوالا ترا صعب تروح الكاميرون وترجع بنفس اليوم وكمان بينانج مشوارها يمكن اربع ساعات ادا ماخاب ظني مرا صعب تروحو وترجعو بنفس اليوم ليش استبعدتوولنكاوي وليش اصلا ماقسمت الايام عالمناطق مرا صعب عليكم كدا الله يكون بعونكم لو تقدر تقسمها ادا كان حجزك مسترد والكاميرون تستحق بس تروح وترجع بنفس اليوم انسئ مرا طريقها جدا متعب يبغالها اقل شي يومين من الموبايل

واللغه لاتخاف مهي مرا متعبه يعني الاساسيات حتخارج معاك ويعرفو هناك من الموبايل

يعطيكِ العافية على ردك


12 ليلة، لثلاثة أشخاص ..
لبينانج وحدها مو مشكلة نتعب يوم واحد،
بس احتاج تفاصيل أكثر وإجابات عالأسئلة اللي ببالي ..


وبالنسبة لإننا نقسم أيامنا عالمناطق هذي صعبة عليا وبتضيّعنا في أول سفر ..
طالعة مع الوالد والوالدة والأمور هذي ثقيلة عليا أنا البنت، لهذا السبب اقتصرت على كوالالمبور المرة هذي ..

يعني انتي وابوكي وامك بس اجل الله يكون بعونك وبالنسبه انك تتعني لبينانغ عشان مصنع القهوه والشوكلاته تريها محلات مهي مصانع وتلقي نفس الشغلات بكوالا وبالنسبه لو تبي تغير جو فتروحو لها بباص الايرولاين وتقديري تحجزيه من النت ودا موقعهhttps://www.aeroline.com.my/png_kul.html بس خلي في بالك مشوارها مو اقل من 4 ساعات بس لو تطاوعينا وتقسميها تري مرا سهاله وكلنا رحنا اول مرا عالاقل دخلي جزيره معاكم يعني تاخدولكم بلنكاوي او بينانغ 3 الئ 4 ايام وكملي الباقيه بكوالا حرام تتعني لهناك لكوالا بس حتزهقو تري وبالنسبه للمطاعم بكوالا عندك الطربوش وخيمة الصحرا وناب الايراني كلها بشارع العرب ووحضرموت يقولو قريب من السفاره الكويتيه غير الفاست فوود مليان وبالنسبه للمطعم الدوار دا في المناره وعندك البرجين وحديقتهم والاكواريوم كلهم جنب بعض ونصيحتي لكم تطلعو باص الهوب اون هوب اوف دا يمر بك علئ 22 معلم بكوالا مابيت حدائق وقصور وروحو كمان يوم جوله ببتروجايا قريبه من كوالا خدولكم جوله بالبحريه وروحو المبنئ الرئاسي ومسجد بوترا ولو عندك اي استفسارات تانيه ابشري مابنقصر معاكي من الموبايل

لنكاوي ام الطبيعة والجمال..وكوالا كثييييييييير فيها خمس ايام فمابالك ب12.لكن براحتك..عموما
اضف جنتق تقدر تزورها من كوالا
وايضا بتراجايا منطقة قصر الحكم وجولة نهرية.
وايضا عالم تحت البحار .


بينانق روحه ورجعه من نفس اليوم شبه مستحيله لانها بالباص اربع ساعات رايح واربع راجع
وش يبقى لك اتوقع تعب وبالقوة تلحق على بينانق بالنهار.
وكذلك الكاميرون.

اما اللغه فمحدثك مايعرف يكتب اسمه بالانقلش ولاتعبت هناك.
الامور سهالات ترى نصف الشعب كذا.
مره بالاشارة ومره صور وخرايط ومره نكسر الكلام
ومن المواقف مره اضطريت ادخل عند الموضفين في الاستقبال وافتح قوقل الترجمه وكتبت عربي وهم يقرون الترجمه انقلش ويضحكون ثم سارو يكتبون انقلش وانا اقرا الترجمه وفهمنا بعض.




بالتوفيق