المشاركة الأصلية كتبت بواسطة ميشو 2014
http://www.arabtravelersforum.com/tr...9/#post8273859
السلام عليكم ورحمة الله وبركاته
وعليكم السلام ورحمه الله
عندي كم استفسار وان شاء الله أعضاء المنتدى الطيبين مايقصرون معايا
هذي أول رحله ان شاء الله لماليزيا وكانت من إختيار زوجي
الرحله شخصين
تم التنسيق للرحله قبل 3 أيام بس !!!
ادري بتقولون في احد يخطط لسفره قبل 3 ايام بس 
بس عاد كذا جات ظروفنا مع الشغل
المهم أبو الشباب قال انا عليا حجز الفنادق والطيران الداخلي وترتيب الحجوزات
وانتي عليكي تنسيق الرحله وجدول التماشي 
وانا قلتله مواااااافقه
طبعا حسيت اني توهقت
احلى شي السفرات المفاجئة لها طعم غير
توكلي على الله ولا تخافين ماليزيا حلوة وايد
لفي على التقارير وبتشوفين اللي يسرك
طيب بتقولون ليش خايفه ماتعجبني ماليزيا
لان اميل للبلدان ذات حضاره وتاريخ
زرت تركيا وهي من احب البلدان عندي احب ازور المتاحف معالم الدوله العثمانيه والقصور
وزرت اسبانيا .. بلاد الاندلس والمباني القديمه وكذا مرورا بالمغرب
بعكس زوجي اللي يميل الى الالعاب والطبيعه والكافيهات
بس ان شاء الله تساعدوني وانبسط في رحلتي وتكون منسقه ومرتبه
لو في اي تعديلات ساعدوني
بالعكس التغيير مطلوب انا عكسك ما أحب سوالف المتاحف والحضارات
الافضل عندي الأكشن والوناسه
وان شاء الله تغيير هالفكرة بعد السفرة
الفنادق طبعا كلها مليانه بس لقينا في المتوفر
سلانجور - صن واي هوتيل اند سبا
حلوووووووووو
لنكاوي - بيلانجي بيتش ( عجبنا الوستن بس مافي غرف شاغره ) ولو في حل لمشكلة حشرات لنكاوي اقصد بخاخات ام معقمات ممكن نشتريها
مو لهالدرجة ان الحشرات تهاجمنا
بس احتياط خذي بخاخ ضد لسعات الناموس احتياط
انا زرتها مرتين ما احتجته ابدااااااااا
بيننانح ( بارك رويال )
حبيب قلبي هالفندق اختيار موفق
كوالالمبور ( وستن على شارع العرب )
حلو وقريب من مول البافليون
جنتنج ( جراند جنتنج )
ما أنصحك تسكنين بجنتنق ؟؟ ماله داعي
زوريها من الصبح للمساء وانت بكوالالمبور
مع العلم ان الألعاب الخارجية مغلقه للصيانة لمدة سنتين
يعني بتنبسطون بركوب التلفريك
وبعض الألعاب بالصاله الداخليه ممكن تناسبكم
وباقي الوقت تسوقوا في المجمع
هل الفنادق تمام ولا تحتاج الى تعديل
؟؟
مدة الرحله 16 يوم
يوم الوصول
الوصول الا مطار كوالالمبور الدولي
ثم التوجه الى سلانجور الساعه 4 العصر
الراحه في الفندق ثم التوجه الى
Sunway Pyramid Mall
تناول العشا ولو مو تعبانين من الرحله ممكن نشوف فلم في السينيما 
اليوم الأول
محتاره اذهب الصباح الى جوله في بتروجايا
ومنها الى العاب الصن واي لاقون
وفي الليل مول ومنتزه الماينز
ولا مايستاهل المايز ؟؟؟؟؟؟
--------------
الصن واي حلوة وممتعه ويبيلها تروح من الساعه 11 الصبح ومن حلاتها ماراح تطلعون قبل الساعه 5 العصر
الماينز يستاهل 
عبارة عن مول مش كبير ولا صغير وومتع
وفيه رحلات الي داخل البحيرة
اختاري اللي تعجبك
وبعدها تتسوقين وتتعشين او تتغدين فيه
ولا الفطور في الفندق الصباح بعدين نروح العاب الصن واي لاقون
نعم نعم افطري وانزلي الألعاب
ومن بعد الراحة انزلي مول البراميد عجيب بنفس فندقكم
وفي الليل رحلة الكروز والتجول في بتروجايا
ولا بتروجايا مو حلوه بالليل ؟؟؟
ما جربتها بس يمدحونها روحي العصر
ولا
اليوم الثاني
الافطار في الفندق بعدين عالمطار الى لنكاوي 
طبعا لنقاوي حيرتني مرررره اقترحو عليا جدول للنكاوي
لاني سمعت ان بعد الساعه 7 يقفل كل شي ؟!!
لنكاوي
حنجلس فيها 3 ليال
لنكاوي حلوة
تكفيها 3 ليال
تزورين فيها :
القرية الشرقية والتلفريك وهم في مكان واحد
لا تطوفين رحلة المانجروف
واذا تحبون السباحة والغوص الخفيف لرؤيه الأسماك الملونه والمرجان البيبي شارك
روحي رحلة بولابايار
والمساء تتمشون بالسوق الليلي
او تقعدون بالفندق على البحر الجو حلو للأسترخاء
تابعي تقرير رحلتي الثالثة ،،،،
ان شاء الله تستفيدين من كلامي
وسفرة موفقه باذن الله
رد مع اقتباس
المفضلات