اهلـــين للجميع
خصوصا مشرفين القسم ,,
وربي ماشجعني اكتب الموضوع الا عشان أطمن الجميع
خصوصا خواتي اللي يحبون البحرين ويستمتعون فيها ...
خصصت البنات لان خوفهم اكبر ..
زرت البحرين يوم الخميس اللي طاف ,, وكان مجمع السيف زحمة والوضع عااااااادي جداً
رحت أنا وزوجي .. تمشينا وتغذينا وكان فيه عوائل سعودية .. يلعبون اطفالهم ويتغدون زي العادة ..
راح زوجي للقهوة اللي بالدور الارضي وانا فرفرت المجمع لحالي ولا كأن شي صار .. بالعكس
البنات البحرينيات يتبسمون بوجهي لانهم عارفين اني سعودية من العبايه والنقاب .. وربي ان كذا وحده تشوفني وتتبسم
صار لي الموقف 3 مرات .. ولاحظت فيه بنات معلقين بروشات صغار فيها علم السعوديةوفيه ناس معلقين على سيايرهم علم الامارات ..
وعلى فكرة شفت كذا شخص قطري واماراتي .. ومايهون السعوديين كابين هناك هههههههههههه ..
ورجعنا للخبر لان عندنا شقة هناك ماحبينا ننام ونتخسر هههههه
قمنا الجمعه دق زوجي على أخوه الصغير عمره 19 يموت بالسنما ..
وقلنا تعال معنا
وصارت رحله ثلاثيه ..
رحنا هالمرة للستي سنتر .. تغذينا بالمطعم الايطالي الا انا ماتغديت هههههه
لاني مسويه رجيم
وبعدين خشينا السنما مليااانه ميه بالميه فل ..
شفنا فلمين fast 5 هذا حق اخو زوجي ماحبيت ادخله بس علشانه هههه
وطبعا طبعا دخلت فلم قراصنة الكاريبي وهذا اللي أنا اخترته وفرحت لمن شفته معروض,,
وبعدها درت لي كذا محل ما أتوب .. ههههههههههه
والحمد لله مشينا الساعه 10 ونص و وصلنا الخبر الساعه 11
وللمعلومية .. مااااا شفت ولا تفتيش ... بالخط ..
والوضع مرة عادي ,, بس الجمارك السعودية والبحرينيه مخلين السيد واحد بس ؟؟!
وكان زحمه شوي ..
وصلى الله وبارك
اختكم آنيا من الجبيل البلد
مواضيع عشوائيه ممكن تكون تعجبك اخترناها لك:
- لأول مرة افكر بالزيارة للبحرين
- جزيرة حوار زياره فقط
- امريكي واريد السفر الى البحرين
- شقق مسلسل لحظه ضعف
- فندق مونرو البحرين
- سؤال بخصوص محمية العرين
- ماهي أوقات استقبال الزوار في محمية العرين
- استفسار عن أسعار فنادق البحرين ال نجوم؟
- شقق جزر امواج
- فنادق من البحرين و
- ياأهل البحرين ومحبي البحرين
- سوف اذهب لوحدي الى البحرين ؟واكره الوحدة؟ وش السواة
- مساعدة أهل البحرين بنيان تري
- مساعدة لو سمحتم
- استفسارات عن التصريح المطلوب
- محلات راقيه جدا للأثاث
- ممكن استفسار الله يرضى عليكم
- ابحث عن فندق نجوم في البحرين اهم شي انترنت بالغرفة
- سأقضي العيد بالبحريناريد مساعدتكم
- احذرووووووووووووووووا فندق مشتان اللي في المنامة
رد مع اقتباس
المفضلات