الموضوع: بزور الامارات بعد كم يوم شلون طريقة اطلع لي رقم؟

السلام عليكم

انا ان شاء الله راح ازور الامارات في المهرجان ومحتاج يكون معي جوال

يعني مثلا اذا بشتري شريحة جديدة من موسسسة الامارات للإتصالات بيكون سعرها 160 درهم
في احد عنده فكرة عن محل في الامارات يبيع شرائح مستعملة
و سعرها يكون ارخص من الجديده
ارجوا اخباري كيف الطريقة للحصول عليها
وشكرا

مواضيع عشوائيه ممكن تكون تعجبك اخترناها لك:

• اللي وده يسوي خير فيني يتفضل لاهل الخبيره في دبي
• دائرة السياحه انظري لنا
• ابوغيداء في الامارات افزعوا له
• مهرجان دبي للتسوق يرفع إشغال فنادق الإمارة إلى
• عاجل التاشيرة عمل ومدة استخراجها
• حالة الطقس و درجات الحرارة في أغلب مدن الدولة
• ودي اسكن في شقق البستان ولكن
• افتتاح نادي مونتي كارلو الشاطئي السعديات في
• برنامجي لمدة اسبوعين فاين أقضيهم ؟
• كالعاده هندي يفوز بسحوبات مهرجان التسوق بدبي
• برج دبي
• استفسااااار عاجل عن شقـق
• شقه غرفتين في البرشا
• ووو
• تعالو بسالكم
• فنادق دبي
• افادتكم
• الإمارات تباشر تشغيل إلى مدينة مانشستر
• اسواق الجملة والمعارض التجارية في دبي
• تجربتي للفندق الجديد جراند اكسليور البرشاء وتجربتي لفندق أرماني

اخي العزيز
انا ما ادري ليش تبي تطلع رقم غير رقمك - الموضوع طبعا راجع لك - بس هالحين الوضع صار اسهل بكثير من او ل وخاصة في الامارات والدول العربية خاصية التجوال متوفره واذا معك موبايلي سوف تستقبل مكالماتك مجانا سعر المكالمات الصادرة مو غالي وخلك على اتصال بمن تحب:101:

وليه 160 عندك شريحة شركة دو شحن 55 درهم وفيها 20 مجاني اشحنها 20 ثانية وكلم على كيفك
تلقاها في ابن بطوطة مول لهم فرع هناك

أول ماتوصل المطار
أنصحك تاخذ بطاقة الزوار من دو او اتصالات

اتصالات:
سعرها 90 درهم
وفيها رصيد 35 درهم
المزايا: الارسال اقوى
العيوب: المكالمات اغلى لأنها تحسب بالدقيقة، يعني لو تكلمت دقيقة وثانية يخصم دقيقتين


دو:
سعرها 49 درهم
وفيها رصيد 20 درهم
المزايا: سعر المكالمات ارخص لأنها تحسب بالثانية
العيوب: الارسال اضعف

وليه شريحة أصلا

موبايلي استقبال المكالمات مجانا

الاتصالات السعودية اذا شبكت على شبكة دو تستقبل المكالمة من السعودية 55 هللة وتكلم على السعودية ريالين في الدقيقة ..

لو بتحسبها تطلع أرخص لك واريح لك

55 هللة لو تستقبل مكالمات من السعودية مدة ساعة كاملة طوال فترة الرحلة تكلفك 33 ريال

هلا اخوي

لو سفرتك ايام بسيطه ماله داعي تاخذ شريحه تستعملها كم يوم وعقب ترميها
وما يبيعون عندنا ارقام ستعمله !! علشان الرقم يكون بأسم شخص وما تعرف اذا حد عقب ياخذ الرقم وشو يسوي فيه هاي مسؤوليه على صاحب الرقم الاصلي

الاحسن انك تستخدم بطاقتك اذا يوفرون لك خدمة التجوال الخارجي بأسعار زينه

انا ما استخدم موبايلي و لا اتصالات
لاني بحرينية الشر كة اللي استخدمها بالبحرين هي ( زين)
و عندي سؤال مهم اذا اشتريت خط من الامارات سواء من شركة دو او الاتصالات هل اذا رجعت البحرين راح اقدر استقبل مكالمات من الامارات؟
ارجو الافاده للاهميه لان راح اقدم على اشغال هناك و راح اعطيهم الرقم الاماراتي

اها
زين ما اعرف مالها شبكه في الامارات بس اضن تنشبك مع دو
المهم اختي اذا خذتي من اتصالات الشريحه بتتم وياج على طول حتى لو سرتي البحرين عادي بس لازم يكون فيها رصيد علشان تستقبلين مكالمات