الموضوع: تعالوا نحسبها مع بعض

قررت أنا وزوجي الحبيب نخربها في العطله الصيفية الجاية يعني في شهر يوليو والقرار هو زيارة أربع دول مرة وحدة .. قوية صح لكن أنا وزوجي جادين لكن ودنا نحسبها أنا والأعضاء المحترمين قبل نتوهق يعني نتورط والخطة كالتالي :
الدول التي ننوي زيارتها هي : 1 - الإمارات ( دبي ) ليلتين 2 - ماليزيا ( كوالالمبور - سيلانجور - جنتنج - بينانج ) 16 ليلة 3 - سنغافورة 3 ليالي . 4 - استراليا ( سدني - جولدن كوست - ملبورن ) 16 ليلة
المسافرون هم : أنا وزوجي وطفلي البلغ من العمر 6 أشهر .
مدة السفر : 37 ليلة
الميزانية المقررة : 45000 ألف لا تزيد وودي تنقص .
بعد هذا الشرح أريد إفادتي عن النقاط التالية :
1 - هل يمكن الذهاب إلى هذه الدول في سفرة واحده ؟ وكم التكلفة الإجمالية للتذاكر الدولية والداخلية .
2 - هل الميزانية كافية للإنبساط أم غير كافية ؟
2 هل هناك مكاتب سياحية في الرياض تستخرج التأشيرة للزبون أعني تأشيرة ( سنغافورة وأستراليا )

مواضيع عشوائيه ممكن تكون تعجبك اخترناها لك:

• دراسة اللغة في نيوزيلاندا فوائد شخصية
• نيوزلاندا يوم فقط
• استفسار عن الاسعار
• استفسار مهم ولكم الثواب
• تكــــفووووووون للطلاب السعووديين
• استفسااار عن السسكن لظرورهـ رحلتي بكره ياجماعه
• رجاء خاص لخريجي الثانويه فقط
• وظائف من البنك الأهلي التجاري للطلاب السعوديين في نيوزيلندا
• ابغى عناوين معاهد في نيوزيلندا
• استفسار ضروري
• بعثة دراسة
• منتدى قوي يخلي الواحد يسائل
• صــور للــطــبـيـعـه فـي نـيـوزلانـــدا
• وين أهل الفزعة
• أسماء المقبولين المبدئي لنيوزيلاندا
• متسـيح وحداني في بــلاد الـكــيوي
• المســـــــــــاعدة ممن لدية الخبرة في نيوزيلاندا
• ارجو المساعده في موضوع دراسة للغة
• حجز التنقلات الداخليـه داخل الاراضي النيوزلانديه متوهق
• فيزا نيوزيلاند

[size=2.5]
[align=center]
السلام عليكم
الله ييسر لكم ويسهلها عليكم وتروحون وتنبسطون يارب العالمين ...

ماشاءالله ماخليتو مكان ... لكن لوتمت بتكون رحلة جداً ممتازه وشامله ...
بجاوب على أسئلتك أولاً وهي :
1 - هل يمكن الذهاب إلى هذه الدول في سفرة واحده ؟ وكم التكلفة الإجمالية للتذاكر الدولية والداخلية .
بالطبع أختي تقدرين تروحين للي تبين وبنفس الطريقة اللي تبين لكن راح يكون سعر التذكره غالي وعلى سبيل المثال لا الحصر ...
الرياض - دبي - ماليزيا " طيران الإمارات ذهاب .
كوالالمبور - بينانج " الطيران الماليزي " ذهاب وعوده .
كوالالمبور - سنغافورة - سيدني " الطيران السنغافوري " ذهاب .
سدني - جولد جوست - ملبورن " الطيران المحلي الأسترالي " ذهاب وعوده .
سدني - دبي - الرياض " الأمارتية " العودة لأرض الوطن .

طبعاً هذي خطه مبدئية مبنيه على خطة لياليكم في الماكن المحدده من قبلك أختي ، التكلفه راح تكون غاليه على حساب انك راح تسافري على كذا خطوط طيران وخاصةً داخل أستراليا أسعار التذاكر غالية جداً .. وما أعتقد انه راح تنزل عن 8000 ولكن حالياً حتى مكاتب السياحة صعب يعطونكم القيمه لأن الأسعار تتغير بين ليلة وضحها ...

2 - هل الميزانية كافية للإنبساط أم غير كافية ؟
الحسبة صعبه وخاصةً انكم راح تتنقلون وانا برأيي أنه المبلغ " قليل " وخاصةً ان أستراليا وسنغافورة بلاد ليست رخيصه .

2 هل هناك مكاتب سياحية في الرياض تستخرج التأشيرة للزبون أعني تأشيرة ( سنغافورة وأستراليا ) .
طبعاً اختي الكثير والكثير من مكاتب السياحة توفر لكم هذه الميزه وبالمجان وهذا للمكاتب الكبيرة .

أختي ان شاءالله الأحبه راح يتجاوبون أكثر وان شاءالله خبراء استرالياراح يوضحون أكثر من ناحية التكلفه .

تحية وتقدير
[/align]
[/size]

شكراً أخوي ( ياماس ) على الرد السريع والشافي والله يعطيك العافية
لكن وش تقترح علي لأني مصممه على هذا البرنامج ولا عندي استعداد استغني عن زيارة أي دولة من الدول المذكورة والميزانية صعب زيادتها .
1 - هل أخفض الليالي ؟ وكيف ؟
2 - هل أسكن في فنادق أقل من خمس نجوم ؟
3 - كم الميزانيه اللازمة لمثل هالسفرة ؟

[align=center]
السلام عليكم ورحمة الله وبركاته

ما شاء الله عليج اختي عاشقة السفر من الواضح بانه لج من اسمج نصيب

والظاهر ناويتها هالسنه سفرة العمر ما شاء الله ,

انا برأيي انه سفرة استراليا تغنيج عن اي سفره اخري فالمتعة الي بتحصلينها هناك و حسب ما سمعت كافيه و يمكن بعدها تأجلين السفر فترة من الزمن .

لذا من رايي ان تأجلوا سفرة الامارات بما انها قريبه و توفرون فلوس التسوق والفنادق
لأستراليا ..و ان كان ولا بد تقدرون تخلون الترانزيت على ماليزيا لمدة 3 أيام أو أربعة منهم تستغلونهم بالذهاب لجنتنغ هاي لاند و الباقي بكوالالمبور علشان المطار .

و عند وصولكم لاستراليا تجولوا فيها على راحتكم و حاولوا ما تصرفون بماليزيا كثير و خلوا الغالب من الاموال لأستراليا و نزهاتها و أسواقها ..

و أيضا بطريق العوده إنزلوا كملوا الرحله بماليزيا و لمدة 6 ايام فقط تقضونها ما بين بينج / 2, لنكاوي /2 و كوالالمبور / 2 .

لكن الله يعينكم على شيل الشنط وحطهم و لا تنسون الوزن ( فالله يعين أبو العيال )
الا اذا قمتوا بشحن الأغراض من أستراليا و و صلتوا ماليزيا بشنط الملابس بس فالأمر راح يختلف .

و ننتظر رأي باقي الإخوه لنستفيد معاج فإختج ايضا ناويتها استراليا هالسنه بإذن الله


تحياتي .............[/align]

حبيبتي انا ضد هالسفرة لاتنسين ان معاك طفل وهذا شي مو سهل..يعني خليها استراليا بس لان صعبة تروحون كل هالدول مرة وحدة وماشاء الله ماليزيا بروحها سفرة لحالها يبيلها..وبعدين ماله داعي تروحين دبي لانك اكيد رايحتها كثير..ولا تنسين ساعات السفر والتنقل واغراض البيبي..والله انا يوم رحت فرنسا اخر مرة كان ولدي عمره 5 شهور واغراضه اكثر منا!!حتى ان احنا قللنا ثيابنا عشانه!!
وكثرة ضغط الطيارة على الطفل مو زينة..فحاسبي

[align=center]
وعليكم السلام ورحمة الله وبركاته

من رايي تحذف أربع ليالي من ماليزيا لتوفير

بعدين موقعك في ماليزيا كلها جنب بعض الي هي كوالا و سلنجور و جنتنق.

أسكني يا كوالا لمبور أو سالنجور وتكفي لأن التمشي بيكون في ولاية سلنجور.

بعدين ليه ماذكرتي لنكاوي تراها حليوه ليلتين هناك روعه.

لأن ماليزيا في نظري يكفيها 12 ليلة وكفايه عليها وزيادة لأنك بتروحين لدولة أفضل منها بكثير وهي إستراليا

و أخاف تتحسفين إنك طولتي في ماليزيا. سنغفورا ترى تكفيها ثلاث ليالي أو ليلتين لأنها كلها على بعض 45 كيلو

طول وعرض. دبي يومين و انتم راجعين علشان تريحون هناك وتاخذون شوي حر ورطوبة و تعودون لرياض.

هذا رايي لتوفير لعل وعسى يعجبك.[/align]

[size=2.5]
[align=center]
حياك الله أختي
بما انك متمسكة في برنامجك هذا .. عطيني وقت لحد بكرا وأنا بطريقي لمكتب سياحي علشان خويي راعي شهر العسل ومنها راح أسأل عن وضع الطيران والقيمة التقريبية علشان نبتدي نحسبها أحسن ....

بعد قيمة التذكرة راح نشوف السكن واعتقد من المحتمل انه راح نستغني عن الرفاهية نقلل نجوم الفندق من خمسة إلى أربعة نجوم في بعض الأماكن وخاصة انه فيه فنادق أربع نجوم تضاهي الخمس نجوم في دول أخرى ...

وبعده بنحاول نربط محافظكم علشان ماتبذخون وتقلولن من التسوق ألي بنظري انه لو نفتك من التسوق كان السياحة بخير ... وشوفي مشرفتنا الباحثة تروح وتجي حول التسوق " ياحبكم يالحريم على الخساير " ..

بختلف مع أختي الباحثة بخصوص انك تروحين لماليزيا ثم ترجعين لماليزيا مره ثانيه وهذا بحد ذاته خسارة فوق خسارة ... لأنه بمجرد نزولك في مكان ما وبمجرد خروجك منه سوف يترتب عليكم عمل حساب للمكان الجديد .. من جميع النواحي نفسياً ومادياً ...

بشكل عام أنا اتفق مع اخوي ابوأسامه برأيه .. وعن سنغافورة يكفيها ليلتين فقط لأنها غاليه ومافيها شي يميزها عن كوالالمبور سوى غلى الأسعار ... ودبي بعد زين وانتم راجعين لكن بيكون خط السير هذا مكلف من ناحية وناحية أخرى لا شلون عاد بكرا بقولك ... ولا بعده لان بكرا الجمعة ...

والله يوفق
[/align]
[/size]

رحلة حتكون جدا ممتعه إذا كان مافي الرضيع لأن ستة أشهر شي غلب مافي كم ساعه إل يبي يرضع وبعدها يعمل عملته ويبي يغير وجو ماليزيا وسنغفوره رطب حار .

فإن أختصرتي الرحلة لدبي وأستراليا أبرك والجيات أكثر .

بس أن أصريتي فلكي الأتي :
ماليزي فنادق أربع نجوم من 200 إلي 240 رنجيت ماليزي
سفره من كوالا لبينينج بلباص 20 رنجت الشخص ، سيارة خاصة من 350 إلي 400 رنجت، رحلة ثلاث لأربع ساعات

قارب أو الباص البحري من بينانج للنكاوي ب 35 رنجت ، رحلة ساعتين

من لنكاوي لكوالا أفضل طيارة 200 رنجت الشخص تقريبا

من كوالا لجنتنج سارة أجرة ب 50 رنجت سيارة خاصة 150 إلي 200 رنجت

من كوالا لسنغفورة بلباص 35 رنجت الشص ، سيارة خاصة من 500 إلي 650 رنجت طيارة 380 رنجت الشخص ،

ومن سنغفورة لأستراليا أفضل تشتري التذكرة من دولتكم أو ماليزيا لأ سنغفورا عملتها ضعف عملة ماليزيا والسعودية ، وممكن تاخذون رحلة بحرية من ماليزيا أو سنغفورها حتكون كل أتي ملاكا لنكاوي تايلند بوكيت ، سنغفورة أسترالي جولد كوست وجولدن ساند، وهذي تكلفلها تقريبا 4000 أربعة ألاف وأقل للشخص الواحد والله معاكم ولا تنسونا من الصور ,

وسفرة سنغفورة وماليزيا مع شوية تقشف تكلفلها تقريبا
200*20 يوم= 4000
1000 مواصلات
1500 مطاعم عربية تذبح لازم تشكلو شوي
2000 هدايا
1000 مصروفات يومية وشراء الخرايط
يعني رحلة حتكلف 9500 - 1100 رنجيت

طبعآ بدون تذاكر جيتكم يعني من يوم تدخلو ماليزيا ويستقبلكم تاكسي ب 80 رنجت لين يوصلكم تاكسي غيره في سنغفوره ب 80 دولار

رحلة سعيدة

ومن الأفضل تاخذون علي شركة طيران وحدة وأعتقد مسار رحلتكم سعودية/ماليزيا/سنغفورة/أستراليا/دبي /السعودية
أنسب خطوط وحتكون الأرخص الخطوط السنغفورية

[align=center]

تبون الصج خرعتونا من هالحسابات الظاهر بتصفي على أستراليا بس لا ونص المده و
الا شرايج إختي عاشقة السفر ,, و الي زاد انه هالحسبه الي حاطينها للسوق والتسوق تقريبيه و بأدني المصروفات .

عموما سالفه السوق أخوي يا ماس أنا قايله خلاص بخفف منها بس مو معناته اني أتوب بالمره تراها صعبه شوي , و الظاهر انكم تتفقون مع كلام ابو العيال الله يعيني عليه عقب ما يقرا كلامكم

و ان شاء الله اختي عاشقة السفر تكون من الي ما يحبون الاسواق و التسوق علشان تضبط معاها .


تحياتي ..........[/align]

[align=center]الله يكون بعونك اختي / عاشقة السفر.......لان السفر مع طفل صغير متعب شوي وانا اشوف ان 30 يوم ماشاء الله كثيرة شوي عليك ،انا مااتمنى لك التعب بالعكس لاكن والله من جد اشوف انها متعبة خاصتا في ماليزيا لان الشغلة يبغالها طلوع جبال وشلالات ومشي وبحر فالله يكون بعونكم وان شاء الله تنبسطو في رحلتكم يارب...

اما عن استراليا الله يكون في عونكم على المشي ،لان فيها مشي مو طبيعي ،شوفي هو الواحد مايحس فية لان المناضر جميلة هناك وفية ناس يفتحون النفس لاكن المشكلة بالصغيرة المشي فيها متعب شوي الله يحفضها لكم ...
[glow=ff99cc][blink]ونصيحة مني لك اذا فكرتي تستغني عن اي شي لاتشيلين هم استغني الا الجولد كوست لاااااااااااااااااا لاتتنازلي عنها ابدا من جد برادايس جنة ربنا بارضة ..........................[/blink][/glow]اتمنى لكم التوفيق في رحلتكم ، وان تحصلين على اجابات لكل الاسئلة التي تودين معرفة اجاباتها...[/align]

[align=center]ماشاء الله تبارك الله
الله يسعدكم بهالرحله اختي عاشقه السفر والي ان شاء الله بتكون جدا ممتعه
بس الله يعينكم معكم طفل صغير..

ليتك تأجلين دبي وتخلينها وقت ثاني الاماكن الي بتروحين لها تغني عنها

وفعلا مثل ماقالت الباحثه
استراليا تغنيك عن المناطق الباقيه
وذا تسهلت معها ماليزيا تطلع الرحله قمه في الروعه

وماشاء الله اخوي ابوغدي ماقصر بالحسبه [/align]

الله يعطيكم العافية غمرتوني بلطفكم وأحب أبشركم إني استغنيت عن رحلة دبي ويكفيني ماليزيا سنغافورة استراليا ولا عندي استعداد اتنازل لكن يا خوفي من تقصير الفلوس لأن هي المشكلة
وأقول يا أخوي يا ماس أنا أنتظر ردك على أحر من الجمر .
وبالنسبة للتسوق أنا بصراحة مجنونة أسواق والله يعين زوجي .
أما بالنسبة لخط الطيران فما أدري وشلون بيكون لأني أنا وزوجي ما عندنا فكرة عن أفضل خطوط الطيران , وكيف نبي نروح لهذي الدول .

[size=2.5]
[align=center]
السلام عليكم ورحمة الله وبركاتة

أختي الكريمة
طبعاً راح يكون عندكم خيارات كثيرة بخصوص طريق السفر وخيارات كثيرة بخصوص شركات الطيران وووو الكثير الكثير ... وبما أنكم غيرتو خارطة الطريق وعليه راح أضع أخف الرحلات علشان ماتصابون بالملل من خلال سفرتكم بالطائرات وعليه عندي اقتراح واحد وان وافقتي عليه بشوف الخطوط المعنية بخصوص السعر وهي :-

الرياض - جدة – سنغافورة – كوالا – بينانق – سنغافورة – سيدني – جولد كوست – ملبورن – سيدني – سنغافورة – جدة – الرياض

طبعاً راح تكون الرحلة على الطيران السنغافوري بالنسبة للرحلات الدولية أما الداخلية فلكل دولة طيرانها .
من الرياض لجدة قيمة لوحدها .
من كوالا إلى بينناق قيمة لوحدها .
من سيدني إلى قولد وإلى مالبورن قيمة لوحدها .

طبعاً حسب ما أخبروني به مكتب الطيران السنغافوري بأنه سوف يكون هناك عروض لمثل هذه الرحلات وبأسعار مغرية ولكن في الصيف .
وهناك أيضاً عروض على الطيران الإماراتي ولكن في الصيف ، وحتى هذه اللحظة الأسعار تعتبر مرتفعه نوع ماء .

وبما سبق وقلت هذه الأسعار الحالية ممكن تنقص او تزيد من مكتب لمكتب ولكن ليس بالكثير ... وكذلك راح تتغير الأسعار اما للزيادة أو للنقصان وذلك خلال الفتره القادمه
[blink][glow=990066]الصيف[/glow][/blink]

تحياتي
[/align]
[/size]

الله يعطيك العافيه أخوي بس ما فيه طيران من الرياض إلى سنغافورة ونفتك من جده
وقولي رايك في خطة الطيران هذي وكم تكلف تقريباً
الرياض كوالا بينانج سنغافورة سدني جولد كوست ملبورن سدني سنغافورة بينانج لنكاوي كوالا الرياض
1 - الرياض كوالا الرياض الخطوط السنغافورية
2 - بينانج سنغافورة بينانج الخطوط السنغافورية
3 - سنغافورة سدني سنغافورة الخطوط السنغافورية
السؤال الآن هل تصلح هذه الخطة أو لا ؟
وإذا كانت تصلح كم تكلف تقريباً ؟ وإذا كان فيه أحسن منها شيروا علي الله يخليكم .
علماً بأنّ زمن الرحلة 35 يوماً مقسمة كالتالي :
ماليزيا 14 ، سنغافورة 3 ، استراليا 18

السلام عليكم ورحمة الله وبركاتة



اتمنى من الله العلى القدير التوفيق والسداد لكم في رحلتكم....من وجهة نظري افضل خط سير هو كالتالى:

الرياض - كوالا - بينانج - الرياض ..يكون على الخطوط السعودية سعر التذكرة تقريبا للشخص الواحد..3129 ريال(حسب الحجز عن طريق النت)..طبعا من كوالا الى بينانج الذهاب والعوده افضلة يكون بالسيارة منه الاستمتاع بالطريق وعندكم وقت كبير وهو 14 يوم ...

ومن ثم التوجه الى سنغافورا من كوالا عن طريق البر طريق ولا اجمل 380 كم بسعر تقريبي 200 الى 300 رنجت...والمكوث في سنغافورا المده المطروحه 3 ايام .. وانا في نظري انها كثيرة على سنغافورا.. على كل حال...

ومن ثم الانطلاق من سنغافورا الى سدنى...ومنها الى جولد كوست ... ومنها الى ملبورن ... ومنها.. الى سدني تكون العوده على الطيران السنغفوري الى سنغافورا...
وبالطيران الماليزي الى كوالا... ومنها الى الرياض..
سعر التذكرة ..(طبعا حسب الحجز عن طريق النت) من سنغافورا الى سدني ذهاب وعوده..2160ريال للشخص الواحد....
فيصبح الاجمالى لخط السير على شركتين طيران ...3129+2160=5289ريال بخلاف الطيران الداخلي

هذا ما احببت ايضاحه...وان شاء الله تكون المعلومة وصلت..

طبعا هذا خط السير...من الملاحظ ان الحجز للطيران داخل استراليا اذا كان عن طريق النت فهو ارخص...وافضل طيران داخلى هناك هو طيران الكوانتس..الذي تم تعديل اسمة قبل اشهر الى الطيران الاسترالي...ويوجد لهم مكتب في مجموعه كانو للسفريات بالرياض بجوار فندق الهولدي ان المنهل...

ومنها العوده الى ارض الوطن بحفظ الله ورعايته.. هذه الخطة التى احببت ان اطرحها

ملاحظة: برد عنك اخوي ياماس,,, بخصوص الطيران السنغفوري او الماليزي... فقط من والى جده في المملكة العربية السعودية...

مع تحياتى

الخواطـر

[size=2.5]
[align=center]السلام عليكم

أخوي ابولمى ماقصر عطاكِ الجواب بخصوص الطيران من الرياض ... وبعد ماقصر عطاكِ اسعار أوليه ...

طيب أختي طالما انك ماتبين تمرين جده وش رايك بطيران الإمارات لأنهم ينزلون عروض في الصيف على النحو التالي " الرياض - دبي - كوالا - لنكاوي - بينانق - دبي - الرياض " بسعر حوالي " 2800 ريال تقريباً " وهذا سعر جداً ممتاز ...

ومن كوالا تقدرون تشوفون أسعار حلوه اما على الماليزيه أو السنغافورية أو الأستراليه للسفر إلى أستراليا ... وانا أعتقد لو تآخذون الأستراليه لأنه يمكن تلاقون تخفيض بالرحلات الداخلية لأستراليا ....

ولنا بقية في هذا الموضوع وراح نشيل ونحط إلى أن يجي الصيف " بس خوفي تفركش السفره :d " والله يوفق على كل حال ...

تحياتي[/align]
[/size]

الأخت عاشقة السفر

انا ممكن افيدك من ناحية مصاريف استراليا بالنسبة للمصروف اليومي 150$ كافي جداً بالنسبة للسكن انصحك السكن في Courtyard Hotel By marriot فندق على البحر في قولد كوست في وسط السرفس بردايس يوجد بجانبة كل الخدمات ومنطقة امنة جداً وبالنسبة للمواصلات يوجد goldcoast Bus تشتري تكرة للباص لمدة 14 يوم بمبلغ 35 AUD والباصات موجودة 24 ساعة وتأخدك لأي مكان في قولد كوست وبالنسبة لسيدني انصحك السكن في منطقة الدارلنج هاربر ويوجد فندق الهوليدي ان دارلنج هاربر فندق جيد في موقع ممتاز اتمنى اني افدتك وبصراحة هذا اللي اتذكرة الحين لاني في المكتب واذا اتذكرة شي ثاني راح اوافيك فية
مرفق صورة فنق Courtyard by Marriot in gold coast
شكرا :surf