الموضوع: هل تنصوحوني افتح حساب في اي بنك في نيوزيلندا

سأجيبك بما أعرف..

أنصحك بأن تفتح حساب بنكي هناك، لعدة أسباب، أولها العمولة المرتفعة في كل عملية سحب دولي، ثانيها انه بعض الأماكن ماتشتغل فيها بطايقنا ، اذكر محل رفض بطاقة الراجحي والأمريكي اللي كانت معايا.
في شي مهم كمان، أنه البنوك السعودية عندها حد أعلى للسحب الدولي ، أحياناً كانت ترفض بطاقة الراجحي تسحب معايا يومين ولا أكثر، فبعد عن المشاكل وافتح حساب هناك زي ما أنا عملت.



الشيكات السياحية، ما أظن منها فايدة ! :101: أنا ما أخذت منها ولا احتجتها

بالنسبة للجوال، الشرايح السعودية ماتشتغل هناك لكن خد جهازك، تاخد شريحة من هناك ببساطة جداً، زور أي مكتب من مكاتب فودافون المنتشرة في كل مكان، اطلب شريحة مسبقة الدفع، اذكرها ب35 دولار


:24:

اخوي رايح نيوزيلندا

انا انصحك تفتح حساب هناك لان الفتره اللى راح تجلسها طويله يعني خذ معاك مبلغ في الاول عشن تفتح بيه حساب وبعدين خلى الوالد ولا احد من السعوديه يحولك فلوس من السعوديه على حسابك اللى فتحته في نيوزيلندا ، اريحلك ، لانك لو تبغي تستعمل بطاقات الصراف السعوديه طوال السنه اللى راح تجلسها قول راح يحسبوا عليك عمولات كثيره تقريبا كل سحبه 30 او 40 ريال يعني شوف كم سحبه حتسحب في الشهر واضربها في 12 ، يعني كثير ، افتح حساب وخلي اهلك يحولولك على حسابك .

الشيكات السياحيه انا اشوفها مهمه ، يعني لو اول ماتروح تبغي تأخذ معاك مبلغ 5000 او 6000 ريال خذها شيكات سياحيه عشن بتكون أمن ، والشيكات الشياحيه تأخذها من محلات الصرافه والبنوك ، انا لما جيت اسافر اخذتها من العمودي للصرافه يعني تروحله وتقوله ابغي شيكات سياحيه وهو راح يسألك باي عمله تبغاها قوله ابغاها بالدولار الامريكيه راح يسأل اي فئة لانه فيه فئه 50 دولار و100 دولار و500 دولار و1000 دولار وبعدين راح يقولك كم تبغي تصرف ويحولك المبلغ اللى تبغاه ، يعني كانك تبغي تصرف ريالات سعوديه الى دولارات امريكيه بس بدل مايعطيك عملات ورقيه يعطيك ورقه زي الشيك بالفئة اللى طلبتها وعلى الورقه علامه امريكان اكسبريس وحتلاقي في الورقه مكانين للتوقيع انت راح توقع في مكان ولما تروح نيوزيلندا وتبغي تصرفها راح يطلب منك الموظف انك توقع في المكان الثاني ولازم يكون توقيعك مطابق للتوقيع اللى عملته في الاول ، ويأخذ منك الموظف الشيك ويصرفلك هو كانك اعطيته عمله ، وميزة الشيكات السياحيه انك اول ماتأخذ الشيك راح توقعه فلو فرضنا انسرق الشيك راح يكون صعب على اللى سرقه انه يقلد التوقيع وغير كده فيه رقم عالمي تتصل بيه وتبلغه عن رقم الشيك اللى انسرق او ضاع وماراح احد يقدر يصرفه من اي مكان ، يعني فكرته حلوه وبسيطه .

بالنسبه لشريحه الجوال الشريحه السعوديه شغاله هناك ، ويمكن اخويا ياسر معلوماته قديمه او لما سافر كانت ماتشتغل ، لكن انا لما كنت هناك في يناير 2006م اول ماوصلت اتصلت باهلي بالشريحه السعوديه وكلمتهم ، وبعدين اشتريت شريحه نيوزيلنديه شركه فودافون وصرت استعملها والشرائح موجوده في كل مكان ، يعني لاتنقل همها ، وانا بصراحه اول مااشتريتها ماعرفت اشغلها واعطيتها للعيله اللى كنت عندهم وشغلولي هي ، بس طبعا لما تشتري الشريحه لازم تشتري شحن ليها ، يعني الشريحه لوحدها حتلاقيها 35 دولار وتشتري سحن ليها فيه 10 دولار وفيه 20 دولار .

اتمنالك التوفيق

اوه يالعندليب ، ما دريت انه الشريحة السعودية اشتغلت هناك ، شكلي قديم :109:

بخوص فتح حساب في بنك نيوزيلندي....لازم تفتح حساب لازم...مو عشان راح يكون اسهلك او عشان العمولة...ولاكن عشان انك راح تعيش هناك فترة طويلة واكيد انك راح تجدد الفيزا...وطبعا هني في نيوزيلند الجوازات راحو يطلبو منك كشف حساب من بنك نيوزيلندي...ماراح يقبلو كشف حساب من السعودية...تحياتى

اشكركم اخواني وماقصرتووووووووو بس فيه استفسار
كم المبلغ الي يطلبونه عشان اقدر افتح احساب ؟ وابي توقعاتكم يعني يعني تتوقعون كم تكلفني السفره مع العلم اني تقريبا ضبطت اموري ماشي ماشي انشاءلله لو تكلف 500 الف هههههههههههههههههههههههههههههههههههههههههههه

اقل مبلغ رايحين يطلبو منك لفتح حساب هو 500 $ نيوزيليندي....انا انصحك ببنك اسمة Asb اسهل بنك تفتح في حساب...راحو يعطوك البطاقة في نفس الوقت...بس باقي البنوك راح يدوك البطاقة بعد اسبوع.....بالتوفيق

انا مع كل اللي قالوه الاخوان ما قصروا ....
الا سالفة الشيكات السياحية ما أيدها ، لأن المدة طويلة وادا فتحت حساب هناك خلاص مالك حاجه بالشيكات .

الله يوفقك

مشكورين اخواني بس ما قلتووووو كم يكفيني

أنا فتحت حساب بدون أي مبلغ ، ثم أودعت فقط 40 دولار ووصلتني البطاقة على البيت ثاني يوم. البنك BNZ
(Bank Of New Zealand)

والان في بنك بي ان زد فتح الحساب ب 50 دولار و البطاقه في نفس اليوم . وين راح تقضي السنه؟

في نيوزيندا اخوي

بالنسبة للجوال، الشرايح السعودية ماتشتغل هناك



تشتغل عزيزي ياسر .. بس الدقيقه في حدود 11 ريال سعودي






لكن خد جهازك، تاخد شريحة من هناك ببساطة جداً، زور أي مكتب من مكاتب فودافون المنتشرة في كل مكان، اطلب شريحة مسبقة الدفع، اذكرها ب35 دولار



جديده بـ 40 دولار .. ومستخدمه بـ 20 دولار

الى الاخ رايح لينوزيلاندا, نعم انا مقيم في البلد , وشاكن فيها فتره .

اوكي الله يوفقك اخوي انت سائلتني وين رايح تقضي السنه عشان تعطيني كم ممكن تكلف السفره انا رايح اقضيها في نيوزيلندا