الموضوع: يا جماعه الخير انا في ورطه

انا طالب في بولندا وعندي فيزا شنقل وانتهت بتاريخ 31-12-2011
( يعني منتهيه لها اسبوعين )
وشريت تيكت من بولندا ع ميونخ (ترانزيت) ثم ع الرياض.. ورحلتي يوم الجمعه هذي
واشتريتها من النت ( يعني لا اقدر استرجع المبلغ ولا اغيرها ولا اقدر استخدمها بعدين)

سوالي : اذا وصلت ميونخ(المانيا) وش الاجراءات اللي يسوونها في حقي او تتوقعون يمشوني .. ابي مشورتكم وخصوصا اللي مر بتجربه مثل هالقصه ؟

لكم مني جزيل الشكر والعرفان وانتظر ردودكم باحر من جمر

مواضيع عشوائيه ممكن تكون تعجبك اخترناها لك:

• ليالى فى ميونخ
• استفسار عن أماكن السكن قرب المناطق السياحية في برلين
• للمشرفين والمشرافات ابي فزعتكم
• مدينه
• ماهو افضل موقع لحجز سيارة في ميونخ
• بغيت مساعدتكم باول سفرة لي لالمانيا
• أيهما افضل اوت لت ميونخ والا القريب من مطار سالسبورغ
• وين نصلي الجمعة في ميونخ
• اقرب اوت لت لستراسبورغ
• منو يعرف
• استفسار لرحلتي
• آخن ولا احلى منها
• نقاش حاد داخل الاسرة بين كولون او دسلدروف
• محتاج استشارة لاهنتوا
• مساعده يااخوان كيف احجز موعد في القنصليه الالمانيه بجده الموقع يوجد به الرياض فقط
• مصنع مرسيدس في شتوغارت
• تجاربنا مع الفنادق
• الشنقن من الكويت
• يا خبراء عندي استفسار مشترك بين المانيا النمسا أرجو المساعدة
• مواقع في ميونخ مهم للذين يستخدمون

الاخ محمد
صعب انك تلاقي جواب اكيد عن اللي بحصل معاك بالضبط لان واضح وشي اكيد الان انت مخالف قوانين الاقامه في الاتحاد الاوربي
ولكن مبدئيا انت ماضني بتخرج من بولندا الا بعد ان يغرموك عن عدد ايام التجاوز واللي يجب ان تركز عليه انك تاخذ منهم وصل على الغرامه هذي ومكتوب فيه انها غرامه لايام التجاوز على الاقامه ساعتها عند وصولك المانيا فعند الدخول ولان طيارتك قادمه من بولندا ماضنتي اساسا بتلاقي شرطه جوازات عند دخولك الترانزيت ولكن المشكله اللي بتواجهك عند توجهك للطاره اللي مقلعه للسعوديه فان كان الترانزيت سريع يعني بتبقون في نفس الطائره ماتغيرونها وهذا الشي نادر الحصول فمافي اي مشكله ولكن على الاغلب في تغيير الطائره بتكون احتمال مشكله قبل صعودك الطائره المتوجهه الى السعوديه ساعتها يجي دور الاوراق او الوصل اللي تغرمت فيه تقدر تضهره لهم واتقوللهم انك دفعت واتغرمت عن ايام التجاوز في بولندا البلد الاساسي اللي عطاك الفيزه واتجاوزت على اراضيهم اما بالنسبه لالمانيا فانت كل اللي عليك انك تبقى في منطقه الترانزيت يعني لا تقرب وتدخل المطار او الاراضي الالمانيه لان بالقانون الدولي ارض الترانزيت ارض دوليه ليست تابعه لدوله معينه ساعتها هالشي هذا هو اللي بيساعدك على دخولك الطائره بدون مشاكل انشاء الله ولكن مثلما قلت لك في احتمال انهم يسالوك قبل ركوبك الطائره ولو كان معاك اوراق تثبت انك دفعت الرسوم ساعتها الامور تمشي تمام ان شاء الله
وياريت لو وصلت بسلامه ترد لنا خبر عن ايش اللي حصل معاك بالضبط زياده في المعلومات

يعطيك الف عافيه حبيبي ع ردك .. انا احتياطا ماخذ معي ورقه من السفاره تفيد ان كان عندي اختبارات ورايح اكمل الاجراءات بالسعوديه ( بس ما اتوقع رايح تنفع) .. وبكره متوجه للمطار في بولندا اسالهم اذا يبون يطلعوني ع رحلتي واشرحلهم الوضع ..
واسوء الامور ان تروح علي التيكت ( والشكوى لله) واشتري تيكت جديد لاسطنبول ( ممكن تكون اسهل المخاطره) ..

بس اللي محيرني كل اللي اسويه اجتهادات شخصيه ما اني عارف عواقبها .. انا خايف من المانيا تحطني بلاك ليست من دخول اوروبا !

السلام عليكم اخي ابابيل

وعليكم السلام والرحمه والاكرام deya qutaib

اخوي العزيز محمد عيفان
ورقه السفاره اللي معك احتمال انها بتنفعك في بولندا قبل ركوبك الطياره ولكن احتمال قليل
وابيك تعرف القانون الاوربي عشان تعرف ايش الاشياء اللي تتوقعها احتمال بتصادفك
انت فيزتك دوله بولندا هي المسوله عن اعطائكياها وانت خالفت القانون البولندي وبهذي الحاله بيسووه انهم بيغرموك عن عدد ايام التجاوز فاهم شي تركز على بولندا الان وصدقني ان انحلت مشكلتك في بولندا وركبت الطياره فالمانيا مالهم حق قانوني بمحاسبتك وساحاول شرح الفكره لك وضرب امثله حتى تتمكن من فهمها
انت الان في بولندا وتجازت فتره الاقامه لديهم مشكلتك الاساسيه معهم هم فالافضل انك تتوجه للمطار قبل فتره كافيه من موعد الطائره لان اتوقع انهم باخروك هناك شوي باستجواب ومن هالامور وبالاخير الشغله بما انك مسافر ومعك ورقه رسميه من السفاره وثاني شي وهو الاهم انت طالب وفيزتك فيزه طالب فهم بيحلون الشغله بمساله غرامه ماليه عن كل يوم تاخير وتجاوز عن فتره الاقامه وهذي طبعا امور بتحتاجلها وقت قبل سفرك فالافضل منك كان انك تتوجه بايام قبل السفر لدائره الاجانب وبيسوولك الغرامات اما الان الامر واقع وبكرا طيارتك ماتلحق تسوي شي فاللي ندعوه من الله تكمل هذي الامور بسرعه قبل سفرك وبالمطار يغرموك وتطلع للطائره ساعتها ان ركبت الطائره صدقني ياخوي المانيا ما خص ابوهم انهم يسالوك عن شي خصوصا ان تذكرتك للسعوديه وانت نازل عندهم ترانزيت وحتى افهمها لك اكثر
افرض اني انا شخص سعودي حصلت فيزه الى كندا وحجزت لكندا وطائرتي بتنزل المانيا تنرانزيت ومجبور اغير الطائره انزل في مطار المانيا بالطائره القادمه من السعوديه واركب الطائره الذاهبه لكندا فمن البديهي ان فيزتي لكندا تكفي لعذا الغرض ومستحيل يقولولي عشان انك نازل عندنا في المانيا ترانزيتن لازم اتكون عندق فيزه شنكن اصوليه ونضاميه وساريه المفتعول
اضن الان بهذا المثال فهمت الفكره
فابيك تتاكد ان المانيا قانونيا بما انك نازل في ارض الترانزيت مالهم حق يسالوك لانك مو على اراضيهم وثانيا تذكره سفرك للسعوديه بجيبك وانت في الترانزيت فقط لتغغيير الطائره لا اكثر ولا اقل

اما مشكلتك الاساسيه هي في بولندا وبصراحه حسب خبرتي في بولندا وشرطتهم فالموضوع يمشي بالفلوس انت طالب في هالبلد واكيد تعرفهم مثل ما انا اعرفهم يعني فقط توكل على الله وشد حيلك وروح المطار قبل الرحله بفتره كافيه واول مايفتح شباك البوردنك قدم جوازك وشوف وش بيسوون وبس يسالوك ويحققون معك وتقدر تحل المشكله مع الشرطه البولنديه وتقدر تركب الطائره ساعتها صدقني تسعه وتسعين بالميه من المشكله انحلت وباقي واحد بالميه ممكن تحصل في المانيا وان حصلت لا تستلملهم بسهوله وتعطيهم وجه في المانيا قصدي لان القانون معك وانت مانت نازل باراضيهم واكرر خليك في الترانزيت ولا تعبر داخل المطار يعني ابقى في المنطه السوق الحره في المطار ساعتها قانونيا في المانيا مالهم اي حق عليك وانت منت متجاوز اراضيهم وماداخل الماينا حتى تشكل خرق للقانون الالماني

توكل على رب العالمين وقوي قلبك ولاتخاف واللي بيحصل يحصل ومثل ماوصيتك اخوي مشكلتك الاساسيه في بولندا ان قدرت تحلها وعلى الاغلب تنحل بالفلوس فاعرف ان مشكلتك انحلت انشاء الله

وراح ابقا اراقب الموضوع واتمنى اسمع منك اخبار طيبه

يعطيك الف عافيه حبيبي وبيض وجهك ع وقفتك ..
اليوم الصباح كنت بمطار بولندا واتحدثت مع المدير المناوب حق المطار وقلي ماعندك مشاكل نطلعك من مطارنا لميونخ بدون غرامه بس ما رضى يعطيني ورقه لان قال لو عطيتك ورقه مو من صالحك ..!!

وداتصلت ع مطار ميونخ وقالوا انتبه لا تجي !!
فستاخرت وقلت الفلوس تروح وتجي اسحب ع التيكت والله يعيني اشتري تيكت ثاني من وارسوا - اسطنبول -الرياض
لان هذا اسلم وافضل حل ..

وربك يختار الله فيه الخيره ويعطيك الف الف عافيه وماعدمناك اخي العزيز )

اللي فيه الخير ان شاء الله قدمه ربنا وخلاص توكل على الله والمبلغ انشاء الله بيتعوض
ولكن الان بعد ان اخذت القرار واستقريت على سفرتك الجديده انشاء الله بالخط الجديد وبصراحه بيني وبينك مافكرت فيها اذا انت شاري تذكره طيران وحده بخط رحله متواصله بس تنزل ترانزيت في ميونخ فقط بيكون ترانزيت شنو اللي راح يفرق عن ترانزيت اسطنبول؟؟؟؟؟؟؟
طبعا على كل حال انشاء الله توصل بالسلامه واعتقد بس الضغط النفسي والقلق اللي كنت تعيش فيه اليومين اللي فاتو وريحت حالك من الان بيسوى سعر التذكره

وربي يوفقك ياخوي

ربي يوفقك ياخوي