الموضوع: الى محبي نيوزيلندا فيزة الكويتي الأسعار ؟؟

السلام عليكم
كيف حالكم
الى الاحبة الكرام ارجوا مكنكم افادتي
هل الكويتي يجب عليه اخذ فيزا من سفارة نيوزيلندا في الكويت ام لايوجد سفارة نيوزيلندا في الكويت وما الذي علي ان اعمله
وهل البلد اامن وجميل والاسعار غاليه ام متوسطه
ارجوا منكم الافادة ولكم جزيل الشكر والتقدير

مواضيع عشوائيه ممكن تكون تعجبك اخترناها لك:

• نوع الفيزا ؟
• فندق كراون بلازا أو فندق ؟؟
• روتوروا نيوزيلندا
• اجرءات المتبعة في مطار نيوزلندا مهم
• أتسابق مع الزمن فهل من يدلني على الطريق؟؟
• للمبتعثه أوكلاند أم دنيدن
• الدراسة في نيوزيلاندا نايبير او روتروا او ويتانقا
• سوال لمن عرف نيوزلندا
• انا ابي اسافر ليوزلندا
• سؤال عن القبلة
• طيران مدني ام ارامكو ؟؟؟؟
• هل المعاهد في اوكلاند متقاربة المستوى ؟
• اريد اشحن الى نيوزيلاند فمن يرشدنا الى الطريق ؟؟
• كم من ســؤال جاوبوني يالربع ضروري تكفون
• رايح نيوزيلندا يحدثكم من وتييانغا في نيوزيلندا واي خدمه وانا حاضر
• باركوا لي يا شواصي و
• وأخيراً طالع الى نيوزيلاند بإذن الله
• طبيعة ولا في الخيال نيوزلندا صور
• احلى مدن نيوزلندا
• قرار الابتعاث

اخوي الكويتي ما يحتاج ياخذ فيزا من سفاره النيوزلانديه
لان بامكانه يحصل على الفيزا عند وصوله مطار نيوزلاندا و هناك يضيفون فيزا سياحيه و فترتها 3 اشهر

البلد امن جدا و سياحي درجه اولى بلد جميل و رائع
اسعارهم مقبوله جدا و ارخص من دول الاوربيه يعني 500 دينار كويتي تحتاجه في خلال 3 اشهر
طبعا حسب مصاريفك لكن متوسط 500 يكفي جدا طبعا طبعا غير التذكره

و اذا احتجت لاي مساعده لا تتردد في مراسلتي انا بالخدمه

بنت الكويت ماقصّرت معك

بس يبدو انك ماطليّت ع المواضيع المثبتة بالقسم

اقراها راح تستفيد كثير

ماقصرت بنت الكويت

واقول لك كما قال حساس .۔ عليك بالمواضيع المثبته والتقارير

موفق


|||||

ينقل الموضوع للاستفسارات + اضافه على العنوان ليتناسب مع المضمون

|||||

في الخدمه اخواني
اذا احتجتو اي شي يخص نيوزلاند انا هني موجوده ولا تترددون بمراسلتي
عندي خبره في جميع جامعات نيوزلاندا و معاهدها بحكم دوامي معهم

السلام عليكم
يعطيج الف عافيه بنت الكويت وهذا العشم فيج مشكوره
بس عندي جم سؤال والي يعافيج تردين علي اوكي ما ابي اتوهق لما احجز تذكرة حق نيوزيلندا وبالاخير يرجعوني ترى ماتسوى عدل

انتي قلتي الكويتي مايحتاج فيزا ياخذها بالمطار اوكي فهمت الي بعرفه عندهم شروط ولا لآ
لازم تشرحين لي اختي
و انتي مسافره اكثر من مره نيوزيلندا
هذا الي بعرفه وتوج يايه من نيوزيلندا ولا صارلج فتره
علشان لااتووووووووووووووووووووووووووهق
تسلمين واتمنى تردين علي باقرب فرصه

انا مسافره وايد على نيوزلاندا و توني راده من نيوزلاندا صارلي 5 اشهر بس
يعطونك الفيزا في المطار عند الوصول و فترتها 3 اشهر
ومافي اي شروط ولا اي شي
بس اكيد يبون يشوفون عندك تذكرة رجوع
و اثبات عندك مبلغ يكفيك في الفتره الي تبي تقعد فيها في نيوزلاند
طببعا الفيزا الي يحطونها لك اهي فيزا سياحيه
لكن اذا انت مسافر للدراسه فهذي لها شروط ثانيه

و على شان يطمئن قلبك هذه موقع الهجره نيوزلانديه و فيها اسامي الدول الي يعطونهم فيزا في المطار
و موجود فيها ددولة الكويت

http://glossary.immigration.govt.nz/...eCountries.htm

مشكوره الف شكر على الرد يا بنت الكويت وسامحني طولت بالرد لاني كنت مشغول الف شكر لج

ولا يهمك اخوي

و بالتوفيق يارب