الموضوع: ابي رائيكم لاتبخلووون علي

هلا ومرحبا فيكم اخوااااني

ارجو التكرم وافادتي

بصراحه انا ناوي ازور الكويت نهاية الاسبوع المقبل

ودي انكم تعرفووني على بعض الامكان والشقق او الفنادق المناسبه بالكويت الخاصه بالعوائل

وتكون بعد اسعارها مناسبه

وإذا احد له برنامج مناسب حق يومين اوثلاثه يضعه لي هنا

شاكر ومقدر تعاونكم معي

اخوكمـ الشااامخ

مواضيع عشوائيه ممكن تكون تعجبك اخترناها لك:

• غرقت الكويت
• أحتاج رأيكم في هذه المطاعم والمقاهي ؟
• ارجو الرد السريع
• الوالد خلص نص عمره في دولة الكويت
• استفسار عن ايجار السيارات وحجز الفانادق من المطار
• روان بنت الكويت
• منع استخدام الهاتف النقال باليد اثناء القياده بالكويت
• اول مره أسافر الكويت ياليت تساعدونا وتفيدونا
• شاليهات الكويت ؟؟؟
• امارتي ايام في الكويت يبغي شوركم ؟
• عاجل من يعرف اين هي قنصلية الكويت في الخبر ؟
• سنوات لإنجاز المشروع ليغطي كامل الكويت في بكلفة مليار دولار
• الصرافيين
• استفسارات منوعة عن الكويت
• استفسارات كويتيه
• ممكن رايكم في الشقق هذي
• استفسار من الاخوات الكويتيات
• حياكم بتصويري فندق رجنسي بالكويت
• فندق بلازا اتينية
• وين احصل المقاهي الرياضية ؟

ياهلا اخوي الشامخ وحياك الله بالكويت

بالنسبة للفنادق والشقق فهي ليست بسعر واحد وانت تعرف بان الفندق على حسب تصينفه وموقعة واتمنى منك تضعك لنا ماهو طلبك للسكن وماهي ميزانيتك

وهل رحلتك ستكون عن طريق ىالطائرة او عن طريق البر

بالنسبة لامكان الزيارة فهي كثيرة ومتنوعه وعلى مزاجتك حيثي ماذا تفضل؟

الشواطئ والمنتجعات
الاسواق والمراكز التجارية الحديثة
الاسواق الشعبية والتراثية
الحدائق ومدن الالعاب
المطاعم والمقاهي
دور السينما والمسارح
التعرف على معالم البلد
زيارة المراكز الثقافية مثل المتاحف

حدد ونحن نجيب

حياك الله بالكويت
الكويت فيها كثير من http://www.q8shots.com/kuwait/kuwait-hotels/المطلة على البحر مباشرة ومنها http://www.q8shots.com/kuwait-malls/kuwait-marina-mall/في السالمية ما علي كلام واذا تبي فندق خمس نجوم وسعره حلو راح يكون http://www.q8shots.com/kuwait-hotels...-rotana-hotel/بمنطقة الفحيحيل ممتاز وراقي طبعا ملاصق http://www.q8shots.com/kuwait-malls/al-kout-complex/الي فيهم الكثير من المطاعم وhttp://www.q8shots.com/kuwait-restur...-popular-cafe/ وصالات السينما وكل شيء يمك ما راح تتعب ولا تحرك سيارة تبي تتمشي على البحر في خوش ممشى وتبي تقعد في كافيه شوب عندك النافورة الراقصة وخاصة بالليل تبي سينما في اكثر من صالة وطبعا داخل http://www.q8shots.com/kuwait/kuwait-malls/في الكثير من المحلات التجارية والماركات العالمية.



اما اذا تبي شي زين وسعره مقبول نظام http://www.q8shots.com/kuwait-hotels...otels-resorts/تقدر تروح على http://www.q8shots.com/kuwait-hotels...otels-resorts/ في المهبولة مكان نظيف وحلو .بس مو يم المحلات وبعيد عن الزحمة.

وفي بالسالمية وشرق الكثير من http://www.q8shots.com/kuwait/kuwait-hotels/المختلفة المستويات والاسعار

تقدر تشوف الكثير من http://www.q8shots.com/kuwait-hotels...kuwait-resort/والمجمعات وعناوينها فيhttp://www.q8shots.com

كل يوم في http://www.q8shots.comالحبيبة
كل شيء كل مكان

جرب فندق الكورنيش مطل على البحر بمنطقه السالميه الي فيها كل المجمعات الكبيرة مثل المارينا والمارينا كريسنت للمطاعم والفنار والبستان ومارك سبنسر

راقي جدا ويصلح للعوائل

اسعاره جدا مناسبه

وقريب من جميع مناطق الكويت

في موضوع لي في رابط الفندق ياليت تشوفه وشكرا

هلا وغلا بالزااير انا بصررااحه احب اخدمك وانشاءالله تكون خدمه لك اول شيء حدد لي علشان اقدر ارد عليك اوكي

1-) السعر جم تبي بالظبط
2-) جم يوم بتقعد انت .. وهل انتم عوائل
3-) تبي تكون بالسالميه بالمعمعه والزحمه ترى مو حيل زحمه والجو حلو ولاتحاتي ماكو زحمه اللي نفس بالرياض
تبي مجمعات قريب من بعضها تبي اماكن سياحيه للاطفال

انا احترق بسرعه عطني علشان اعطيك ماحب واحد يدخل ويقول ابي ازور واهوا مو محدد اي شيء لا فتره الزياره ولا كم فلوس الفندق ولا محدد الاماكن اللي يحبها ولا مطاعم انت حدد وراح تقول جزاك الله خير انا اعطيك بالوصف


والشباب والشابات اهني مايقصرون فيهم الخبر والبركه


ادري اسألتي وايد هههههه


انطرك

هلا ومرحبا فيكم اخوااااني

بصراحه انا معجب بتواجدكم الجميل بمتصفحي وانا راح احدد لكم اللي ابي

اول شي انا ميزانيتي محدوده جدا يعني على قدي وراح تكون مدة الزياره ثلاتة ايام فقط

ثانيا ابي فندق يكون سعره معقوول ولايتجاوز 500 ريال سعودي او شقق فندقيه تكون حلوه وسعرها

لايتجاوز300 الى 350 ريال

من ناحية التمشيه او المطاعم اتركم تحددونها لي لان زيارتي راح يكون لي انا وزوجتي واود ان تكون اماكن

تصلح للعوائل ويكون نفس المكان محافظ جدا

للمعلوميه

انا راح يكون سفري من طريق البر مكان الانطلاق الرياض الدمام طريق ابوحدريه الخفجي الكويت


شاكر ومقدر تفهمكم لما اقصد

الشااامخ

فنhttp://www.q8shots.com/kuwait/kuwait-hotels/ما اعتقد تحصل في الفترة هذي سعر 500 ريال ماكو عروض اما http://www.q8shots.com/kuwait-hotels...otels-resorts/انشاء الله طلبك موجود في مختلف http://www.q8shots.com/kuwait-malls/al-manshar-mall/ما راح تحتار http://www.q8shots.com/kuwait-restur...kuwait-branch/ودولة محافظة والمناطق مو بيعدة 30 دقيقة تكفيى لاي مشوار فيها وخاصة انه معاك سيارة.

http://www.q8shots.com/kuwait/kuwait-malls/

يعطيك العافيه اخووي

ومشكور على التواجد مرة اخرة

دمت في احسن حال

الشااامخ

هذا برنامج ل 3 أيام
ان شاء الله يعجبك :
-------
اليوم الأول
روح شوف الابراج ..في مطعم فيه:أفطر فيه أو بمطعم:شيليز..جنب الابراج(مشي)
تغدى في:
برج الحمام (لبناني)
أكوابارك(حديقة العاب مائية)
ثم سوق شرق
فيه مطاعم كثيره في سوق شرق..تعشى فيها
بعدين:اسواق المباركية التراثية

==============

اليوم الثاني
الافطار في مطعم زعتر وزيت اللي على البحر في المارينا مول
وبعدين اتمشى واتسوق.. فيها مطاعم واجد..أختار لك واحد وتغدى فيه
بعدين أدخل السينما شوف الفلم اللي يعجبك
في يخوت ومراكب على البحر..تقدر تركبهم
زيارة المركز العلمي
و تعشى فيه
===============

اليوم الثالث
افطر في المهلب( بحولي) وفيه سينما ادخلها بعد الفطور
بعدين اتمشى واتسوق
اتغدى في قيصر(بمنطقة حولي داخل:حولي بارك)
حولي بارك:فيها مطعم قيصر والعاب ترفيهية للاطفال..و قريبه من المهلب
عالمغرب روح ل: منتزه الشعب الترفيهي

اوكي انا بعطيك اول ماتوصل الكويت على خير وسلامه اوكي ..

اول ماتدخل الحدود تقول الحمدلله على السلامه

تكمل وتروح السالميه أسأل اي شخص وانت داخل الكويت من سأل ماضاع ولما توصل السالميه أسألهم بعد وين سوق القنار ولما توصل السوق الفنار في قبل السوق مطعم ماكدونالدز واااضح وضوح الشمس اوكي
في دخله من عندك المطعم ادخل معاها وكمل وراح يجيك شارع معترض انت انزل من النزله وكمل سيده لما يجيك شارع معترض الحين اجباري يمين او يسار قبل لاتلف طالع يمينك هذا شقق فندقيه بس غالي بجنبه بالظبط فندق اسمه الدولي ليلته ب 20 دينار حلو وكويس ونظيف وكل شيء قريب عندك مطاعم سينما عصير فرش ملابس رياضيه الكورنيش قريب مارينا مول قريب مجمع مريم مجمع شاها مجمع ليلى قالري مركز السطان ممممم كل شيء قرريب

انشاءالله لما تدخل السالميه الكل بيخدمك قول لاي واحد شباب ابي سوق الفنار اول مايوصلك قوله في مطعم ماكدونالدز لما تشوفه ادخل مع الدخله وكمل سيده يجيك شارع معترض كمل سيده شوي اوكي وتشوف فندق شقق اخذ يمين 15 قدم تشوف الفندق الدولي ترى مو بعيد عن بعض حذفة عصا والمطعم ماكدونالدز موبعيد بعد

المهم الحين وين تروح اول ماتوصل وتسكن وتخلص وكل شيء روح انت واهلك وتمش للمطعم واكل ومن اهني كل شيء عندك مطاعم سينما وولاخره


باجي الشغلات تحصلهم عندك واذا تبي شيء انا حاضر هذا ايميلي

** يمنع كتابة الإيميلات والأرقام الشخصية **
BeeBoo