الموضوع: ميونيخ وبعدين وين اروح ؟؟

السلام عليكم ورحمة الله وبركاته

كيف الحال والاحوال

اولا احب اشكر كل من في هذا المنتدى العظيم على جهودهم الجبارة

التي لن نستطيع ردها ولو بجزء بسيط من مايقدمونه لنا

جزاكم الله خيرا وجعل ذلك في ميزان حسناتكم


اخواني انا في بالي ان شاء الله السفر بالصيف القادم الى اوروبا

طبعا اول مدينة احب ازورها هي ميونيخ الالمانية

بس بعدين ماادري كيف اخطط للرحلة

بقولكم

السفر بيكون اخر شهر 6 ميلادي وراح تكون عشرين يوم

اولا ابغى اروح ميونيخ وودي ازور النمسا وسويسرا وايطاليا وباريس

وكلها راح تكون بالسيارة

الله يجزاكم خير كيف اخطط للرحلة ابيكم تساعدوني غير كذا حجز التذاكر كيف بيكون يعني ذهاب ميونيخ
وعودة باريس كذا زين والا اغير

وش تنصحوني باي خطوط بس ابي خطوط رخيصه

وابي رايكم بالخطوط الفرنسية اشوف التذاكر عليها مررره اسعارها خياليه

اه نسي طبعا السفر انا وزوجتي واحتمال احتمال طفل سنتين ونص والاحتمال الكبير انا وزوجتي فقط

وحبيت اسال هل لازم احجز سكن قبل مااسافر والا اقدر اذا وصلت هناك الاقي لي سكن

وشكرا جزيلا لكم مقدما

واسف على الازعاج

مواضيع عشوائيه ممكن تكون تعجبك اخترناها لك:

• بالغ الاهميه احتاج مسكن لمدة سنه هيدلبيرق وماحولها
• اذا ممكن آرائكم
• بغيت برنامج لـــ 20 يوم اوروبا عائلة و اطفال
• استفسار عن مقاس الصور للفيزا
• محتاج جدول لميونخ وماحولها لشهر اكتوبر
• ابغى مساعدتكم
• افضـل الفنــادق
• استفسار عن قارمش
• حجوزاتي غلط بغلط
• ياخبراء مالنا الا الله ثم انتم
• فزعتكم
• استفسار عن الملحقية الكويتية في المانيا
• السفر الى المانيا
• مساعده صغيره جزاكم الله خير
• مواقع لتأجير السيارات مطار ميونخ
• انتظر منكم النصيحه والمساعده
• معقولة محد عنده فكرة عن الفيزا
• مساعدة لوجه الله في توفير شقق في ميونخ...
• هامبورغ
• ارجوا المسااااااااااااااعده

المشاركة الأصلية كتبت بواسطة رحلة الايام
http://www.arabtravelersforum.com/tr...2/#post6482710

السلام عليكم ورحمة الله وبركاته

كيف الحال والاحوال

وعليكم السلام ورحمة الله وبركاته

الحال والاحوال كلها تمام بحضورك وحضور الطيبين امثالك

اولا احب اشكر كل من في هذا المنتدى العظيم على جهودهم الجبارة

التي لن نستطيع ردها ولو بجزء بسيط من مايقدمونه لنا

جزاكم الله خيرا وجعل ذلك في ميزان حسناتكم


اخواني انا في بالي ان شاء الله السفر بالصيف القادم الى اوروبا

طبعا اول مدينة احب ازورها هي ميونيخ الالمانية

بس بعدين ماادري كيف اخطط للرحلة

بقولكم

السفر بيكون اخر شهر 6 ميلادي وراح تكون عشرين يوم

يفضل حساب المخطط بعدد الليالي
20 يوم = 19 ليله

اولا ابغى اروح ميونيخ وودي ازور النمسا وسويسرا وايطاليا وباريس

ماانصح تجمعون كل هاذي الدول في رحله وحده لانكم ماراح تستمتعون وراح تكون الرحله متعبه وكلها تنقل بين المدن

** ملاحظه : باريس تمنع ارتداء النقاب للنساء

لذلك افضل مخطط من وجهة نظري الشخصيه هو كالتالي :

3 ليالي ميونيخ الالمانية

4 ليالي زيلامسي أو كابرون النمساوية

2 ليلتين كونستانس الالمانية

4 ليالي انترلاكن السويسرية

3 ليالي لوقانو السويسرية

3 ليالي ميلانو الايطالية

وهذا رابط لمسار الرحله من قوقل ماب :

http://maps.google.com/maps?saddr=%d...mra=ls&t=h&z=7



وكلها راح تكون بالسيارة

احسن شيء انك تستأجر سياره لانها 80 % من متعة الرحلة


الله يجزاكم خير كيف اخطط للرحلة ابيكم تساعدوني غير كذا حجز التذاكر كيف بيكون يعني ذهاب ميونيخ
وعودة باريس كذا زين والا اغير

وش تنصحوني باي خطوط بس ابي خطوط رخيصه

الخطوط الالمانيه اللوفتهانزا , الخطوط الفرنسيه , الخطوط المصريه , الخطوط التركيه , الخطوط الاردنية


وابي رايكم بالخطوط الفرنسية اشوف التذاكر عليها مررره اسعارها خياليه

ماجربتها لكن يمدحونها

اه نسي طبعا السفر انا وزوجتي واحتمال احتمال طفل سنتين ونص والاحتمال الكبير انا وزوجتي فقط

وحبيت اسال هل لازم احجز سكن قبل مااسافر والا اقدر اذا وصلت هناك الاقي لي سكن

يفضل حجز السكن قبل السفر علشان ماتتوهق هناك ويمكن تصادف رحلتك مهرجان عندهم والا شيء وبعدين تبلش ولا تحصل لك سكن

على الاقل احجز الايام الاولى

وشكرا جزيلا لكم مقدما

واسف على الازعاج



العفو يالغالي وماسوينا الا الواجب وان شاء الله الخبراء مايقصرون معك

تسلم وبيض الله وجهك

والله مدري كيف اشكرك

الله يعطيك العافية ويجزاك خير ويوفقك دنيا واخره

بسالك معليش اسف على الاطاله

يعني امشي على هذي المدن بالسيارة على حسب ترتيبك

وبسالك لو غيرت بدال ميلانو تصير فينيسيا او يوم ميلانو ويومين فينيسيا يصلح والا لا

طيب سمعت اني ادفع ضريبة تقارب الالف ريال وخلاص الحرمة تتنقب عادي اقصد في باريس

واسف جدا جدا على كثرة الاسئلة

المشاركة الأصلية كتبت بواسطة رحلة الايام
http://www.arabtravelersforum.com/tr...2/#post6482946

تسلم وبيض الله وجهك

والله مدري كيف اشكرك

الله يعطيك العافية ويجزاك خير ويوفقك دنيا واخره

العفو يالغالي وتراني ماسويت شيء , هذا واجب علينا وانا اخوك

بسالك معليش اسف على الاطاله

يعني امشي على هذي المدن بالسيارة على حسب ترتيبك

وبسالك لو غيرت بدال ميلانو تصير فينيسيا او يوم ميلانو ويومين فينيسيا يصلح والا لا

كل شيء يجي والمخطط اللي تبيه يصير بس اهم شيء انه مايكون فيه تعب عليك

ممكن تشيل ليله من لوقانو وتحطها في ميلانو

ويصير هذا اليوم كله لزيارة فينيسيا بالقطار من الصباح الى المساء

يعني تروح من ميلانو الى فينيسيا في نفس اليوم وترجع مدة الرحله بالقطار تقريبا 3 ساعات

طيب سمعت اني ادفع ضريبة تقارب الالف ريال وخلاص الحرمة تتنقب عادي اقصد في باريس

لا أعلم

واسف جدا جدا على كثرة الاسئلة



خذ راحتك ولا تخلي شيء ماتسأل عنه

الله يعطيك على قد نيتك ويوفقك يارب

اجل الله يعينك علي دامك عطيتني وجه ههههههههههه

حلوو 3 ساعات من ميلانو الى فينيسيا طيب السيارة مو اقل وقت والا بالقطار افضل

لان السيارة بتكون معاي لحد ماارجع ان شاءالله

طيب رايك اسكن في ميونيخ والا قارمش

ورايك استئجر السيارة من مطار ميونيخ من شركة سيكست

وعادي اذا وصلت استئجرها والا استئجرها من هنا قبل وهل اقدر اسلمها في سويسرا او باريس لو حطيتها بالمخطط

طيب سؤال بيني وبينك مستحي والله تراني ماعرف انجليزي تتوقع بقدر اتفاهم هناك واعرف والا بحتاس

تراني مييييييح انجليزي وحتى المدام مامعنا لغة ابد ...۔ ممكن يكون معاي برنام مترجم على الايفون يساعدني

بس خايف اني مااقدر افهم شي واتوهق

المشاركة الأصلية كتبت بواسطة رحلة الايام
http://www.arabtravelersforum.com/tr...2/#post6483044

الله يعطيك على قد نيتك ويوفقك يارب

اجل الله يعينك علي دامك عطيتني وجه ههههههههههه

ابد خذ راحتك يالغالي وان شاء الله اقدر افيدك لو بشيء بسيط

حلوو 3 ساعات من ميلانو الى فينيسيا طيب السيارة مو اقل وقت والا بالقطار افضل

لان السيارة بتكون معاي لحد ماارجع ان شاءالله

انا لو مكانك ابروح بالقطار علشان ماأبلش بالمواقف هناك لأن تعرف فينيسيا شوارعها مائيه


طيب رايك اسكن في ميونيخ والا قارمش

اسكن في ميونيخ , وبالنسبه لقارمش يكفي تزورها من الصباح الى العصر تقريبا

ورايك استئجر السيارة من مطار ميونيخ من شركة سيكست

شركة سيكست أو شركة يورب كار

كلهم جربتهم وكلهم تعاملهم ممتاز جدا

لكن سيكست راح تأخذ تامين عليك بنفس قيمة الاجار يعني اذا اجار السياره 2 الفين ريال راح يأخذون تامين 2 الفين ريال , أما يورب كار راح يأخذون نسبه مثلا اجار السياره 2 الفين ريال راح يأخذون تأمين 750 ريال تقريبا

وعادي اذا وصلت استئجرها والا استئجرها من هنا قبل وهل اقدر اسلمها في سويسرا او باريس لو حطيتها بالمخطط

تقدر تستلم السياره من بلد وتسلمه في بلد ثاني ماعندك مشكله لكن فيه ضريبه لازم تدفعها حقت تسليم السياره في بلد ثاني

استأجر عن طريق النت

موقع شركة سيسكت :
http://www.sixt.com/

موقع شركة يورب كار :
http://europcar-middleeast.com/index...fqhs4wodkn6uxg

أو تروح لفرع الشركة الموجود في مدينتك مثال :

فرع شركة سيكست في الرياض موجود في طريق خريص مقابل مدينة الملك فهد الطبية رقم التلفون 012197171
فرع شركة يورب كار في الرياض موجود في شارع الاحساء بالملز ومقابل وكالة الحمراني للسيارات

طيب سؤال بيني وبينك مستحي والله تراني ماعرف انجليزي تتوقع بقدر اتفاهم هناك واعرف والا بحتاس

تراني مييييييح انجليزي وحتى المدام مامعنا لغة ابد ...۔ ممكن يكون معاي برنامج مترجم على الايفون يساعدني

اهم شي تكون تعرف الكلمات الرئيسية , واصلا هم مايتكلمون انجليزي يعني لاتشيل هم فيه ناس راحت ورجعت وهم مايعرفون انجليزي مضبوط

بس خايف اني مااقدر افهم شي واتوهق



اقرأ التقارير للأعضاء واحفظ المعلومات المهمه وسجلها عندك

انا قبل ماأروح قريت لين دخت وحفظت كل شي , ومن زود الحفظ اقول للمدام وانا في شارع من الشوارع ترى اذا لفينا من هنا راح نحصل منظر شكله كذا وكذا .... وزوجتي تقول لي انت قد جيت هنا

لذلك لازم تقرا وتشوف الصور وان شاء الله امورك تمام

هذا رابط لتقرير اخونا المبدع ( رائع جدا ) وفي اول صفحه من التقرير شرح لك كيف تستاجر السياره من شركة سيكست عن طريق الانترنت :

http://www.arabtravelersforum.com/travel527480/

وشلون تقول تفيدني بشي بسيط ماشاء الله عليك ماخليت شي والله

الله يجزاك خير ويعطيك ربي الف عافية

سؤال
اوروبا عموما هل هي امان يعني الواحد يتمشى بالشوارع بكل امان وباي وقت عادي

وعندي سؤال ثاني

ودي استفسر عن كيف اتنقل ومعلومات شوي عن النمسا وسويسرا وايطاليا

هل اسال هنا بنفس الموضوع والا كل استفسار افتح له موضوع بالقسم المناسب

وربي يعطيك الف اعافيه

سؤال اخير معليش

بحثت عن اسعار التذاكر ولقيتها والله غاليه من 3 وفوق وفيه ناس كثير يقولون لي احنا رحنا
السنة الماضية على المانيا ب2300 ريال على الخطوط السعودية وشلون ماادري هل فيه وقت معين احجز فيه
واقدر الحين احز لبعد سته شهور

الخطوط الفرنسية توقف في بيروت وفي باريس يعني احسها تعب شوي
بشوف ابحث في خطوط اخرى لعل وعسى القى شي مناسب

سؤال اخير خلاص والله والله

ممكن القى شقه بحدود 300 ريال في ميونيخ والا كل شي فوق
والله ودي بشي رخيص وزين وامن وموقعه حلو والواحد معاه سيارة يعني يقدر يروح ويجي ع كيفه

المشاركة الأصلية كتبت بواسطة رحلة الايام
http://www.arabtravelersforum.com/tr...2/#post6485476

وشلون تقول تفيدني بشي بسيط ماشاء الله عليك ماخليت شي والله

الله يجزاك خير ويعطيك ربي الف عافية

آمين واياك يالغالي

سؤال
اوروبا عموما هل هي امان يعني الواحد يتمشى بالشوارع بكل امان وباي وقت عادي

لاأعلم عن اوروبا كلها

لكن زرت النمسا والمانيا وايطاليا وسويسرا وكلهم دول آمنه جدا

وتراني من النوع اللي ينام بدري يعني ماجربت اطلع بالليل


وعندي سؤال ثاني

ودي استفسر عن كيف اتنقل ومعلومات شوي عن النمسا وسويسرا وايطاليا

هل اسال هنا بنفس الموضوع والا كل استفسار افتح له موضوع بالقسم المناسب

وربي يعطيك الف اعافيه

اسأل عن اللي تبي

وبأي مكان اهم شي لاتكرر الاسئله عشان مايقفلون الوضوع

او مثلا اسأل عن الاشياء اللي تخص سويسرا في بوابة سويسرا والاشياء اللي تخص المانيا في بوابة المانيا

سؤال اخير معليش

بحثت عن اسعار التذاكر ولقيتها والله غاليه من 3 وفوق وفيه ناس كثير يقولون لي احنا رحنا
السنة الماضية على المانيا ب2300 ريال على الخطوط السعودية وشلون ماادري هل فيه وقت معين احجز فيه
واقدر الحين احز لبعد سته شهور

ممكن تحجز الحين وعموما الخطوط الاماراتيه دائما اسعارها ثابته
اما القطريه نزلت عرض قبل فتره بنص السعر لكن لازم تروح بالشتاء
ممكن تصبر الى مابعد رأس السنه الميلاديه ( دائما تصير فيه عروض )

الخطوط الفرنسية توقف في بيروت وفي باريس يعني احسها تعب شوي
بشوف ابحث في خطوط اخرى لعل وعسى القى شي مناسب

جرب المصريه او الاماراتيه

سؤال اخير خلاص والله والله

ممكن القى شقه بحدود 300 ريال في ميونيخ والا كل شي فوق
والله ودي بشي رخيص وزين وامن وموقعه حلو والواحد معاه سيارة يعني يقدر يروح ويجي ع كيفه

لا أعلم عن الشقق

حاول تسأل مميزتنا دموع الوجد واللي هي أكثر شخص خبير بالسكن او أسأل مشرفنا ابو عمر




الله يوفقكم وان شاء الله تكون رحله ممتعه وسعيده