الموضوع: سفره مع اليهال ممكن استفسار عن الفنادق؟؟

يعطيكم العافيه جميعا

لوسمحتوا عندى استفسار انا هالمره بسافر ان شاء الله مع عيالى ( 5-4-2)سنوات

فا محتاجه فندق يستانسون فيه يعنى حتى لو ماطلعنا مايضيق خلقهم بالفندق

فكرت بفندق اتلانتس بس وايد مانصحونى لان زحممممممممه وايد وحر لانه مفتوح


وبالنسبه للاستفسار الثانى انا من زمان مارحت الامارات باغسطس الرطوبه تذبح لحد الحين؟؟؟

واذا حبيت اروح نص يوم فندق اتلانتس شنو الشغلات اللى ممكن استخدمها كزائر حتى لو ادفع عليها رسوم


ايييي واخر استفسار اذا ابى اودى عيالى حق الدلافين وحق الاكوادفنشر نفس المكان والا الدلافين بمكان ثانى من الفندق؟؟
ومشكورين

مواضيع عشوائيه ممكن تكون تعجبك اخترناها لك:

• فن سيتي تفتتح أحدث مراكزها الترفيهية في دلما مول بأبوظبي
• أفضل حديقة مائية
• الادويه اخذها بالطياره او احطها بالشحن
• محلات الاواني الفخمه؟؟؟؟
• تقرير بسيط عن رحلتي الى
• استفسارات منوعة عن دبي
• باركوووووولي فزت
• استفسار من أهل الامارات
• الجزائر
• عااااجل جداً
• ابي معلومات عن فندق هوليدي انترناشونال في الشارقة
• استفسار عن
• هل أسافر للإمارات بدون جواز ؟؟
• استفسارات عن دبي في عيد الاضحى
• كيف أقضي أجمل الأوقات في أول رحلة لي إلى الإمارات مع عائلتي
• شاهين عند نافورة دبي العالمية صورة
• هذا جدول سفري ضروري رايكم
• شرايكم بالفنادق اللي اخترتها
• فندق هوليدي إن الشارقة
• دلوني يا أهل الخير

السلام عليكم

والله بالنسبه للجو روه بس عادي والجو حلو بليل كم يوم انا موجود نتمشى عادي

والله مكان للاطفال عندكم هالمجمعات فيها العاب ومطاعم وتسوق ( دبي مول فندق الادريس )(الامارات مول فندق الكمبنسكي) (فيستفال ستي بفندق كراون بلازا) (ديرة ستي سنتر فندق ستي سنر نفسه)( الوافي مول فندق الرافلز)

اما بالنسبة لاتلنتس ممكن تروحوله من الصبح وتدفعون تذاكر وتسبحون وتستانسون وموقعه نخلة جميرا قري من فندق الكمبنسكي والامارات مول

فندق ذا ادريس العنوان ايضا ممتاز واحدث مجمع حاليا وقريب من ( صالة تزلج-وحوض السمك الاكواريم+قاعة الاستكشاف حديقة حيوانات المائية مثل البطاريق والسمك ....

حسب معلوماتي فندق الادريس مافي حجز اذا حصلتو لا تطوفونه وهم الكمبنسكي زين وارشح بعده فندق كراون بلازا يمه فندق انتركونتينتال واللوبي بينهم مربوط ببعض ولزق بالسوف فيستال فيه العاب وارشح بعده ستي سنتر فندق وسوق بس صار اقم شي الحين ولكن زين

عموما والله الاماكن مو بعيده عن بعض بس مشاورير التكاسي مثلا للمشوار 50 درهم او 45 للاتجاه الواحد

اتمنى اني قدمت شي مفيد

الجو عندنا حار ورطوبه

فأفضل شي للاطفال المسابح والحدائق المائيه

فاذا قدرتي اسكني في اتلانتس روعه واليهال بيتونسون فيه اكثر بيقضون يومهم في المسابح والاكوابارك والسباحه واللعب مع الدلافين وعندهم نادي للاطفال يهبل ومكان للالعاب الاكترونيه :24:

بس سالفة انه مفتوح شدعوه ؟ منتجع روعه والحر بيكون برى مب في الغرف !!!

واذا مب حابه اسكني في ذا ادريس the adrress بعد حلو وملاصق لدبي مول بتقضون يومكم فيه وبيروحون الاكواريوم وبيتزلجون اذا حابين :24:

واذا حبيتي مول الامارات حلو ويونس فتقدرين تسكنين في الكمبنسكي الملاصق فيه

فندق جراند حياة كبير و مسابحه رااااائعة

red1981man
اليازي-UAE
سعود بن محمد

يسلمو على هالاقتراحات كفيتوا ووفيتوا اول مايرجع ابو الشباب ان شاء الله بتناقش معاه باللى قلتوه

اليازي-uae

والله ممممممممممممممممو انا اهمه اللى يقولون الفندق مفتوح وحررر والا انا اخر مره يت الامارات ماكان بعده فاتح الفندق

hiiiiiii
اخوي والله اتلانتس ماعليه قصور ولا كلام مرررررررة فخم وحلو وراح ينبسطون عيالك لانه فيه اشياء ترفيهية كثثثثثيرررة والله انا لما رحنا سكنا في اتلانتس بابا خايف اننا نمل وخاصة اخواني الصغار لا والله ماودهم يطلعون لانو فيه العاب وخاصة المسابح حقته والبيش والاماكن التفيهية التعليمية والله مرررة انبسطوا واذا ودك فندق ثاني فخم والله انصحك ب the adress فخم فخم وحلو مررررة وخاصة انوا تحته دبي مووول هذا احلى شي وعلى سالفة الحر دبي نفس جو دول الخليج الثانية حر بالصيف ومستحيل فندق فايف ستار مو مكيف احنا سكنا باتلانتس ماحسينا بالحر كلهم ماشاء الله روعة وكلاس
سوووووووووووري طولت عليكم بالكلام

المشاركة الأصلية كتبت بواسطة نسمة الليل
http://www.arabtravelersforum.com/tr...2/#post3139431

اليازي-uae

والله ممممممممممممممممو انا اهمه اللى يقولون الفندق مفتوح وحررر والا انا اخر مره يت الامارات ماكان بعده فاتح الفندق




هلا عزيزتي

انا عارفه شو يقصدون عشان الفندق كبير وابوابه مفتوحه فتحسينه حار وخاصة في اللوبي تحت

فاليهال اذا طلعو الحديقه المائيه او الحوض انسي يحسون بشي بيستانسون في الماي محد بيستحر غير الكبار :surf

فأنتي خليهم طول اليوم في المسبح مع ابوهم يسبح معاهم وطلي عليهم كل شوي مثل ماسويت انا :105:

و كنت ارجع اتصب من العرق ولا مايرضون يطلعون الا المغرب وبالعافيه الله يصلحهم

اختي نسمه ليل انا اقترح عليك والراي لك طبعا
قسميهم بين الاتلانتس والادرس
الاتلانتس ممكن تدفعين حق التذاكر ما ياعادل اقامة لليله فخوذو فيه 3 ايام
والباقي في الادرس لانه مرررره فضيع ويم دبي مول ما راح تشلين هم اليهال الونبدروم بحدود 1000 درهم من عند عرب لينك