الموضوع: يا أهل الكويت الطيبين طالب فزعتكم

السلام عليكم

صباح الخير يا أهل الكويت .. بختصر عليكم السالفة وإن شاء الله أحصل الفائدة

أخوكم رايح على الكويت للمرة الأولى .. لأني متعين جديد بالقرب من الكويت ومعي شباب بين المرحلة الجامعية والمتوسطة

وحبيت أزور ذاك الكويت البلد الرائع بأهله و أرضه

في الحقيقة أريد ترفيه شبابي لأن الأهل ما بعد وصلوا حتى الآن معي لمدة يوم ونصف فقط

الأماكن المقترحة والمناسبة ..... ويا شباب تراها أول زيارة وأحتاج الموقع بالتفصيل حي كذا شارع كذا مقابل كذا

1-أفضل سينما ومجمع تجاري متكامل ... وهل أجد فيلم كركر معروض حتى الآن

2-ما رأيكم في أبراج الكويت وزيارتها .. وأين موقعها ..

3-شاطئ الأبراج أرائكم عنه وهل أجد به جيت سكي .. وألعاب بحرية أخرى

4-أفضل ملاهي في الكويت بها ألعاب للكبار خاصة ولا تنسون الوصف للمكان

5-سمعت عن المركز العلمي فهل فعالياته طيلة العام وما الذي أجده هناك بالتحديد

6-أفضل الحدائق الموجودة في كويتنا الغالي فسمعت عن حديقة الشعب ما رايكم بها وهل يسمح للعزاب الدخول اليها

7-أفضل صالات الألعاب مثل كوزمو أرائكم حولها وموقعها

ويا ليت الرد لكل من يقرأ الموضوع ترى ما أحللك إذا ما رديت في انتظاركم جميعا

مع أهمية تحديد الموقع لكل متنزه سياحي لاني أول مره أزور الكويت

في الانتظار :108:

مواضيع عشوائيه ممكن تكون تعجبك اخترناها لك:

• ياحبايبنا وين شقق ريجنسي الي جنب المارينا
• ذكريات منيو فريج صويلح
• وينــــه ؟؟
• استفسار لا تبخلون بالرد علينا
• فهد رحلتي الى الكويت فبراير م
• بدلات كفالي وين
• الفزعه يا اهل الكويت ابي رقم الستي سنتر بالسالمية
• الحصول على التمويل والقروض الشخصية
• أول زيارة وأول طلب
• امهات الكويت الذويقات
• برج الحمرا يغير ملامح العماره في مدينة الكويت
• رحلتي للكويت الحبيبةفندق مارينامعالم الكويتصور
• استفسار عن محل الينابيع الجاريه في الكويت
• مهرجان الزهور في الأفينيوز
• سعر التذكرة الى الكويت
• طلبتكم طلبة تسألون لي وتعطوني خبر مع الشكر الوفير والدعاء لكم بالجنه
• لمن يهمة الأمر
• الذهاب الى جزيرة فيلكا ؟؟
• طلبكم
• الطيران المدني الكويتي يوافق على إضافة رحلة طيران اضافية

حياكم الله بالكويتبلدكم الثاني

-أفضل سينما ومجمع تجاري متكامل ... وهل أجد فيلم كركر معروض حتى الآن

المرينا مول افضل مكان مجمع تجاري فيه سينما ومطاعم وشاطئ ومكانه بالسالميه على البحر وفلم كركر خلص عرضه ماراح تلقاه وعندك بعد سوق شرق نفس الشي ومجمع الكوت بمنطقة الفحيحيل

2-ما رأيكم في أبراج الكويت وزيارتها .. وأين موقعها ..

انصحك ابزيارة ابراج الكويت لا تطوفها وموقعها على الكورنيش يعني وين ما تمشي على شارع الكورنيش راح تشوفها وتقدر توصل لها بسهوله

3-شاطئ الأبراج أرائكم عنه وهل أجد به جيت سكي .. وألعاب بحرية أخرى

شاطئ ممناز انصحك بزيارته وراح تلقى الجت سكي

4-أفضل ملاهي في الكويت بها ألعاب للكبار خاصة ولا تنسون الوصف للمكان

عندك المدينة الترفيهية بمنطقة الدوحة ومنتزه الشعب (حديقة الشعب) انصحك تزورهم اهم الاثنين

5-سمعت عن المركز العلمي فهل فعالياته طيلة العام وما الذي أجده هناك بالتحديد

لاتطوفك زيارة المركز العلمي لان من اروع الاماكن الموجوده في الكويت فيه سينما الاي ماكس (عجييبة) واكواريوم يعني مكان ما يتطوف

6-أفضل الحدائق الموجودة في كويتنا الغالي فسمعت عن حديقة الشعب ما رايكم بها وهل يسمح للعزاب الدخول اليها

يسمح للعزاب للدخول لحديقة الشعب


7-أفضل صالات الألعاب مثل كوزمو أرائكم حولها وموقعها

صالة كوزمو موجوده في سوق السالمية ومنطقة كيفان بجانب نادي الكويت بس انا انصحك بالسالمية اكبر وموجوده داحل مجمع تجاري هذا فضل مكان للبولينغ في الكويت


وانصحك بزيارة مجمع الافنيوز احدث مجمع في الكويت يقع في منطقة الري على الدائري الخامس مجمع كبير وفيه مطاعم كثيرة بس لسينما ليلحين مافتحت

واذا تبي مطاعم وكوفي شوبز عندك الافنيوز والمرينا مول والكورنيش

المشاركة الأصلية كتبت بواسطة أبوالمهند
http://www.arabtravelersforum.com/tr...3/#post1566721

السلام عليكم

صباح الخير يا أهل الكويت .. بختصر عليكم السالفة وإن شاء الله أحصل الفائدة

أخوكم رايح على الكويت للمرة الأولى .. لأني متعين جديد بالقرب من الكويت ومعي شباب بين المرحلة الجامعية والمتوسطة

وحبيت أزور ذاك الكويت البلد الرائع بأهله و أرضه

في الحقيقة أريد ترفيه شبابي لأن الأهل ما بعد وصلوا حتى الآن معي لمدة يوم ونصف فقط

الأماكن المقترحة والمناسبة ..... ويا شباب تراها أول زيارة وأحتاج الموقع بالتفصيل حي كذا شارع كذا مقابل كذا

1-أفضل سينما ومجمع تجاري متكامل ... وهل أجد فيلم كركر معروض حتى الآن



سينما مارينا اللي في مجمع مارينا او سوق شرق

2-ما رأيكم في أبراج الكويت وزيارتها .. وأين موقعها ..


الابراج لازم تزورها وهي على شارع الخليج العربي وراح تشوفها بكل مكان

3-شاطئ الأبراج أرائكم عنه وهل أجد به جيت سكي .. وألعاب بحرية أخرى

ياكثر الجيت سكي هناك لكن اذا عندك خبره اركبه واذا اول مره حاول تقول اصاحب الجت يعطيك التعليمات لانه صعب جدا لاول مره الله يستر عليك

4-أفضل ملاهي في الكويت بها ألعاب للكبار خاصة ولا تنسون الوصف للمكان


مافي شك المدينه الترفيهيه وهي تقع في مدينه الدوحه شمال الكويت
5-سمعت عن المركز العلمي فهل فعالياته طيلة العام وما الذي أجده هناك بالتحديد


انصحك تروح للمركز العلمي هذا الصرح الكبير وهو شغال يوميا راح تشوف ثلاث اقسام

اولا الكواريوم وهي الخاصه بالحيوانات البريه والمائيه

سينما اي ماكس وهي تشتغل لساعات محدوده في اليوم يعني اذا دخلت اسال عنها واذا في فلم جاهز ادخل على طول لانك راح تشوف سنما غريبه عجيبه كانك عايش في الحدث
6-أفضل الحدائق الموجودة في كويتنا الغالي فسمعت عن حديقة الشعب ما رايكم بها وهل يسمح للعزاب الدخول اليها
حديقه الشعب مافي شك افضل حديقه وهي في منطقه الشعب على البحر ويدخلون الشباب عادي وفيها العاب سكيت الثلج او العادي وبولينغ والعاب خطره كثيره
7-أفضل صالات الألعاب مثل كوزمو أرائكم حولها وموقعها
كوزمو في سوق السالميه روعه وفيها البولينغ اذا كنت من محبي البولنغ وايضا في كوزمو في نادي الكويت الرياضي
ويا ليت الرد لكل من يقرأ الموضوع ترى ما أحللك إذا ما رديت في انتظاركم جميعا

مع أهمية تحديد الموقع لكل متنزه سياحي لاني أول مره أزور الكويت

في الانتظار :108:



وحياك بالكويت وانا حاضر لاي سؤال

ترى اذا دخلت شارع الخليج بالكويت راح تلقى كل شي يمك وراح تدل كل شي وماراح تضيع شي
فلم كركر لي الحين ينعرض
والمركز العلمي عالبحر بشارع الخليج مقابل فندق Holiday Inn
وحديقة الشعب بعد تشوفها على شارع الخليج وعادي تدخل مجموعة شباب
بس في يوم واحد بالاسبوع نسائي مادري بالضبط يا السبت او الاثنين
عموما كل السينمات حلوة مثل (الفنار ليلى المارينا بلازا "سينمات السالمية")
وعندك بحولي سينما المهلب
وعندك سينما سوق شرق
عموما الفنار فيه 5 سينمات والمارينا 3 وشرق 3
هذا موقع السينما عشان تشوف الافلام اليديدة ومواعيد عرضها واماكن عرضها
http://www.kncc.com

وحيااااااااااااااااااااااااااااااك الله بالكويت ومثل ما قاااااااااال عميدناااااااااااااا ناااااااااصر
احنا جااااهزين لاي استفساااااااار

1-أفضل سينما ومجمع تجاري متكامل ... وهل أجد فيلم كركر معروض حتى الآن



سينما المارينا و سينما سوق شرق الافضل :24:
و
فلم كركر : معروض من 8-9 الى يوم 12-9..
و بعدها مادري اذا راح يكون موجود او لا..
يمكن ما يكون موجود و يمكن يكون موجود يوم الخميس بليل تقدر تعرف عن طريق موقع السينما..

http://www.cinescape.com.kw








2-ما رأيكم في أبراج الكويت وزيارتها .. وأين موقعها ..



حلوة الابراج..
اذا اول مره تيي الكويت او ما زرتها من قبل لازم تزور الابراج متعه :109:
و الابرج على شارع الخليج العربي بين ميس الغانم و تشيليز.. :24:








3-شاطئ الأبراج أرائكم عنه وهل أجد به جيت سكي .. وألعاب بحرية أخرى



اي اعتقد فيه جيت سكي بس ما انصحك بالشاطي اللي جنب الابراج لانه يخرع فيه دوامات
و دايمه الناس يغرقون فيه :108::108:

و بعد الشاطي اللي قبل مطعم نينو (اعتقد اسمه واجهه 11)








4-أفضل ملاهي في الكويت بها ألعاب للكبار خاصة ولا تنسون الوصف للمكان



حديقة الشعب تقع في منطقة الشعب البحري على شارع الخليج العربي
و المدينة الترفيهية تقع في منطقة الدوحه
و ايضا بعد حلوة مرح لاند اللي في منطقة الصباحيه على طريق الملك فهد








5-سمعت عن المركز العلمي فهل فعالياته طيلة العام وما الذي أجده هناك بالتحديد



فعاليات شنو مثلا..
اذا عن الافلام في السينما الايماكس فاهما كل عيد تقريبا يغيرون الافلام
و ساعات بعد بالصيف او بعطلة نصف السنه :101:

و تلقى بالمركز العلمي (صاله الاستكشاف - للاطفال بس ممتعه حتى للكبار اذا ما كان معاك اطفال ما يدخلونك لها على ما اظن :114: + الاكواريوم حلو يحتوي على البيئة البحريه و البرية للكويت + سينما الايماكس و اللي تعرض افلا بتقنية الـ 3D) :24:








6-أفضل الحدائق الموجودة في كويتنا الغالي فسمعت عن حديقة الشعب ما رايكم بها وهل يسمح للعزاب الدخول اليها



اي يسمح بس اهيا مو حديقه
اهيا مدينة ملاهي :106:


اذا حابين تروحون حديقه بمعني الحديقه
فانصحكم بحديقة شاطىء الشويخ على شارع الخليج العربي :24::101:








7-أفضل صالات الألعاب مثل كوزمو أرائكم حولها وموقعها



كوزمو صاله بولنج
موجوده في سوق السالميه و بعد في كيفان بالمجمع التابع لنادي الكويت الرياضي :24:


















و ان شاء الله افدتك :11ight:

حياك الله بديرتك الثانية الكويــــــــــــــــــــــــــــــــــــــــــت

بالنسبة لمجمع الافينيوز هذى صورة توضح لك خط سير المجمع انطلاقا من سوق السالمية

1
https://travel.maktoob.com/photo/sho...&ppuser=149034

2
https://travel.maktoob.com/photo/sho...&ppuser=149034

وهذا المجمع من اكبر المجمعات الموجودة فى دولة الكويت الحبيبة
وانصحك تروح صالة كوزمو الموجودة فى مجمع سوق السالمية
وطبعا زور الابراج والكائنه فى العاصمة
وحديقة الشعب الترفيهية
والمدينه الترفيهية الكائنه فى الدوحة

واذا تبى شى ترانى حاضر وما يردك الا لسانك

حياك الله ابو المهند هذي الساعه المباركه ونشاء الله ماقصرو الاخوان بردود

اخوي ابو المهند اذا تبي ترفيه شباب من الدرجه الاولى المدينه الترفهيه بمنطقة الدوحه بصراحه كبيره حيييل وراح تستانس وألى بعدها حديقة الشعب على شارع الخليج العربي
بنسبه لأجمل مجمه كلهم حلوين وفيهم سينما بس مدام انكم شباب انصحكم بمارينا وبنسبه لكبر مجمه الافنيوز للحين ماتبطلت السينما تحت الانشاء
وبنسيه لبراج الكويت لزم تزورها لان اذا طلعت من الكويت ماسزرتها راح تتحسف والتذكره بدينار يعني لو بس تقعد فيها نصف ساعه كافي انك تشوف الكويت من ارتفاع وذا نزلت عندك شاطي الابراح وفي جت تسكي والي يقولك دوامات انا اول مره اسمع فيها بس كل الناس تأجر الجت عنهم وتستمتع والساعه بلجت على معتقد يا عشر دنانير او 8 دنانير مو اق ولا اكثر المركز العلمي شي حلو لازم تزوره وانشاء الله اكون فتك لو بشي بسيط بس ياخوفي يا ابو المهند تسوي مثل ماسويت بخواننا القطريين وراح تهبط عنوياتنا لان متخوف منك ههههههههه يمكن الدور علينه المره هذي بس ماعلي اخوي عزيز وغالي وحياك الله بلكويت بس للحين متخوف اخاف بعد زيارتك للكويت تحط موضوع وعنوان الموضوع هل الكويت بلد سياحي الاجابه لا
مثل ماسويت ببوابت قطر وعنوانك هل قطر بلد سياحي الاجابه لا

ابو المهند انا حاليا متواجد بسعوديه وبتحديد بلخبر اذا تفيدني من خبرتك بلخبر بكون لك من الشاكرين لان بصراحه مادل شي ولا عرف شي الى مجمع الراشد وانا توني واصل اليوم الصبح ياريت تفيدني بروح استفسر من بوابة السعوديه انشاء الله مايقصرون معاي

السلام عليكم ثانية

أحببت التقدم بالشكر والعرفان لكل من أجاد وأفاد عن موضوعي ولا شك قد أخذت قطرات الكلمات والتوجيهات بعين الاعتبار ... فالشكر موصول للجميع عامة

وها أنا أزور الكويت للوهلة الأولى لأرى الوطن كوطني والصحبة كصحبتي

وبالنسبة للأخ كويتي السائل عن الخبر والله ثم والله لا أعلم عن الخبر شيء الا حي الثقبة والكورنيش فقط

لأني لم أزرها لأكثر من يوم وليلة كمدة المسح على القدمين أجلك الله

وكما ذكرت يمكنك الاستفادة من الأخوة في بوابة السعودية ولكم جميل الشكر وأحلى العمر

للاسف لحقت عالموضوع متاخر
عالعموم الحمدلله على سلامتك
وحياك الله باي وقت