الموضوع: ترى سفرتي تعتمد على الله ثم عليكم

السلام عليكم ورحمته الله وبركاته


كيف الحال ياشباب ؟؟ ان شاء الله تكونوا بصحة وعافية....



انا تصفحت المنتدى ولقيت اشياء كثيرة استفدت منها ..لاكن عندي بعض الأستفسارات أتمنى أني القى اجابات عليها:




#########
2 ابي اعرف افضل وأرخص وسائل التنقل بالبحرين يعني مثلا النقل العام أو استئجار سيارة أو الاعتماد على التكسي .


3 ابي منطقة فيها كافيهات اشاهد فيها مباراة الهلال مع الغرافة .


4 منطقة العدلية اين تقع بالتحديد وماهو المميز بها .


5 اللي عرفته ان الاسواق والمدينة المائية هي افضل الأماكن اللي يمكن زيارتها اذا ممكن تضيفون اماكن من عندكم .


والله براسي أكثر من استفسار لكن احس اني ثقلت عليكم ... مشكورين مقدما ..

مواضيع عشوائيه ممكن تكون تعجبك اخترناها لك:

• مساعدة ضرووووري
• منتجع بنيان تري العرين
• تحذير من فتح رسائل الجوال في البحرين ؟؟؟؟؟؟؟
• جزر امواج
• استفسار عن ستي سنتر
• مطار البحرين فى هذا الوقت
• فورمولا البحرين؟؟؟
• سلبيات وإيجابيات رحلتي للخبر والبحرين
• كيف عيدكم بالبحرين؟؟؟
• الله يجزاكم خير جاوبوني؟؟؟؟
• صيف البحرين
• مليون مسافر عبروا جسر الملك فهد العام الماضي
• إداره المستشفيات في جامعات البحرين
• اسعار الشقق ولإيجار في البحرين حالياً؟
• إستفسار عن جزر حوار
• واهوووو الحديقه
• فندق ومنتجع الزلاق في البحرين
• وين اكبر وافضل مكتبه لبيع الكتب بالبحرين ؟
• المشاركه الاولى استفسار عن فندق
• الدخول للبحرين بالبطاقة او الجواز افيدوني

المشاركة الأصلية كتبت بواسطة بردان والجو حر
http://www.arabtravelersforum.com/tr...2/#post4215074

السلام عليكم ورحمته الله وبركاته


وعليكم السلام ورحمة الله وبركاته




كيف الحال ياشباب ؟؟ ان شاء الله تكونوا بصحة وعافية....


الحمدلله رب العالمين بألف خير.



انا تصفحت المنتدى ولقيت اشياء كثيرة استفدت منها ..لاكن عندي بعض الأستفسارات أتمنى أني القى اجابات عليها:


تفضل يا الغلا





2 ابي اعرف افضل وأرخص وسائل التنقل بالبحرين يعني مثلا النقل العام أو استئجار سيارة أو الاعتماد على التكسي .

والله يا الغالي أرخص وسيلة مواصلات هي ( النقل العام ) بالتأكيد ، وهناك فرق كبير جداً في المصاريف ما بين التاكسي والنقل العام ، ولكن النقل العام لا يعتمد المحطات السياحية محطات رئيسية في تنقلاته بعكس التاكسي اللي تشوفه متواجد على وجه الخصوص في المناطق السياحية ، ناهيك عن أن النقل العام يغص بالعمالة الوافدة كباقي دول الخليج العربية.




3 ابي منطقة فيها كافيهات اشاهد فيها مباراة الهلال مع الغرافة .


منطقة العدلية أخوي من أكثر مناطق البحرين اللي تزخر بالكافيهات ، مثلاً عندك موقع كافيه البنديرة فيه حوالي 7 كافيهات مجاورة كلها تنقل المباريات وبعضها تكون لك زاوية خاصة مع جهاز التلفزيون الخاص تقدر تتحكم في القناة الي تحبها.

أرشح لك من كافيهات العدلية ( البنديرة ) ولكن اذا حبيت يكون لك تلفزيون خاص عليك بكافيه ( أريزونا ) المجاور للبنديرة ، ولكن في فترة العيد البحرين تكون زحمة زحمة وهذا هو الواقع مع الأسف لأن السياح الأشقاء من السعودية والكويت يكونون متواجدين بكثافة عالية ، فأنصحك بكافة avanti الموجود في ضاحية السيف وهي منطقة بعيدة عن العدلية ولكن الكافيه ذي كبير وفي كل جلسة فيها تلفزيون خاص واذا حبيت أوصف لك موقع الكافيه بالضبط أنا حاضر بس ماحب أطول عليك بهالمشاركة.



4 منطقة العدلية اين تقع بالتحديد وماهو المميز بها .

منطقة العدلية أبرز ما يميّزها الكافيهات والمطاعم الراقية ، وهي واحدة من أبرز المناطق الراقية في مدينة المنامة ، وفيها عدة مواقع سياحية مثل شارع يوسف الشيراوي الي راح تحصل موضوع عنه في توقيعي ، ومن خلال موضوع يوسف الشيراوي راح تعرف موقع منطقة العدلية بالضبط وين فأنا وصفتها بالموضوع من المطار + من جسر الملك فهد.




5 اللي عرفته ان الاسواق والمدينة المائية هي افضل الأماكن اللي يمكن زيارتها اذا ممكن تضيفون اماكن من عندكم .


تقدر تقول أخوي ، خاصة أن الجو حالياً لا زال حار فمحمية العرين ومنتزه عذاري وبعض المرافق السياحية المفتوحة أفضل أنك تزورها في عيد الأضحى.

المجمعات كثيرة جداً ، وأبرز المجمعات التجارية في البحرين تقع مجاورة لبعضها ( يعني مسافة مشي على الأقدام ) ولكن يعني بعضها يبي لك 15 إلى 20 دقيقة مشي على الأقدام مع انها متجاورة ولكن نظراً لضخامة بعضها ، من أبرز المجمعات ( البحرين سيتي سنتر / السيف / العالي / الدانة / جيان / مودا مول ).

بالنسبة للمدن المائية في البحرين مدينتين ، جنة دلمون المفقودة وهي مدينة مائية كبيرة تقع بعيد عن المنامة بحوالي 30 إلى 40 دقيقة بالسيارة وهي قريبة من حلبة البحرين الدولية ( الفورملا واحد ) والمنتدى يغص بالتقارير عنها ، وعندك مدينة واهووو للألعاب المائية وهي مدينة حلوة وفيها ألعاب لا توجد في جنة دلمون رغم أن جنة دلمون مدينة متكاملة يعني مطاعم فيها ومرافق أخرى ، واهووو تقع داخل مجمع البحرين سيتي سنتر مدخلها في الطابق الثالث بجانب الردهة الثالثة للمطاعم.

أخوي الغالي ، بإمكانك ( يوم كامل ) في مجمع البحرين سيتي سنتر يحتوي على كافة أنواع الترفيه.






والله براسي أكثر من استفسار لكن احس اني ثقلت عليكم ... مشكورين مقدما ..





بالعكس يا الغالي أبد ما ثقلت ، وانا ان شا الله رجع لك مرة ثانية لأي استفسار ، ويا مرحبا فيكم بين أهلكم وأخوانكم.




,,

أخوي الغالي ...

انا مب عارف كيف اشكرك على المعلومات اللي زودتيني فيها واستفدت منها كثير . خصوصا كلامك عن منطقة العدلية

وايضا شاهدت تقريرك المميز عنها ..



وايضا عندي استفسار صغير اتمنى مايزعجك .. انا ان شاء الله راح اسكن بمنطقة عند مبنى البلدية ( اظن اسمها باب البحرين أو شارع الحكومة ) .... هل فيه أماكن قريبة من هذي المنطقة ممكن أروحلها مشي ...(لأني أحب المشي كثير) وهل هذه المنطقة اسمها منطقة السيف ...



فيه فندق اسمه البحرين انتر ناشيونال .. وين مكانه بالضبط وهل تنصح فيه ...



انا مأقدر أقول الى الله يوفقك يالغالي .. والصراحة اسم على مسمى مع كامل احترامي للأخوان لكن أنت غير

المشاركة الأصلية كتبت بواسطة بردان والجو حر
http://www.arabtravelersforum.com/tr...2/#post4218282

أخوي الغالي ...

انا مب عارف كيف اشكرك على المعلومات اللي زودتيني فيها واستفدت منها كثير . خصوصا كلامك عن منطقة العدلية

وايضا شاهدت تقريرك المميز عنها ..



وايضا عندي استفسار صغير اتمنى مايزعجك .. انا ان شاء الله راح اسكن بمنطقة عند مبنى البلدية ( اظن اسمها باب البحرين أو شارع الحكومة ) .... هل فيه أماكن قريبة من هذي المنطقة ممكن أروحلها مشي ...(لأني أحب المشي كثير) وهل هذه المنطقة اسمها منطقة السيف ...



فيه فندق اسمه البحرين انتر ناشيونال .. وين مكانه بالضبط وهل تنصح فيه ...



انا مأقدر أقول الى الله يوفقك يالغالي .. والصراحة اسم على مسمى مع كامل احترامي للأخوان لكن أنت غير




اسمح لي ارد عليك باللي اعرفه
منطقه باب البحرين منطقه سوووق قديمه فيهااا محلالالات وبنووك ومحلات شعبيه وتعبر عن البحرين القديمه ومسوينها على الطراز القديم حلوه للتمشي لانها من معالم البحرين اذا كان الجو يساعد بس زحمه واغلبها جاليااات اسيويه خاصه يوم الجمعه

اما منطقه السيف فتبعد شووي عنها وتحتاج سياره للوصوول لها من باب البحرين وباختصار منطقه السيف مافيها الا شقق ومكاتب ومجمعات ومطاعم تابعه للمجمعات

الفندق اللي ذكرته ماعندي فكره عنه انشالله اخوي بحريني يفيدك اكثر

اهلين أختي العنود ... أولا كل عام وأنتي وأهل البحرين والمسلمين كلهم بألف خير


ثانيا نورتي الموضوع بردك المميز وألف شكر لك ...