الموضوع: أفضل شاليهات البحرين

السلام عليكم ورحمة الله وبركاته


ماهي أفضل شاليهات في البحرين تنصحوني فيها؟؟ وياليت تعطوني تفاصيل عنها ودي أحجز بالعيد ان شاء الله اذا عندكم

فكرة عن الاسعار والارقام وكيفية الحجز؟؟ انا سمعت عن شاليهات البندر بس ماعندي اي معلومات واذا في غيرها لاني

سمعت ان في شاليهات يديدة وحلوة ويمدحونها؟؟

مواضيع عشوائيه ممكن تكون تعجبك اخترناها لك:

• ذاهب للبحرين لمدة ايام مع الوالد واريد نصيحتكم بالفنادق المجربه هناك
• شاليهات البحرين ؟؟؟ هل من جديد
• سؤال عن ايقاف السيارة في مطار البحرين
• ابي فنادق قريبه من فندق الخليج
• أخوكم محتاج فزعكم
• السيارة بإسم الوالد وانا السائق الفعلي هل ادخل ؟ اريد معلومة اكيدة
• جسر الملك فهد King Fahd Causeway
• استفسار بخصوص منتجع العرين
• عندي زيارة قريـــبا للبحرين ان شاء الله وبغيت استفسر عن بعض الاشياء
• سبرت أوف مانيلا تدشن أولى رحلاتها بين البحرين والفلبين
• بالصور الحديقة المائية جنة لدمون المفقودة
• صور مجمع ذا لاغون في آخر تحديث أكتوبر صورة أمواجية
• ما هو أفضل فندق أو شقق بالحرين قريبة من المطار المحرق
• يومين في البحرين إحساس هاديء
• آرت مارين تتولى إدارة مرفأ اليخوت في الريتز كارلتون البحرين
• ابي شليهات
• طلب عاجل وخصوصا من شباب الرياض
• ياليت ترشحون لي أفضل منتجع بالبحرين مع الشكر سلفا
• السكن في البحرين معلومات
• بنات مملكة البحرين دلوني على محلات العبايات عدكم

الشاليهات في عندهم البندر وفي الدانة وفي بنيان تراي , هذيل الي اعرفهمم

ارخصهم البندر وبعده الدانة وبعدة بانيان تراي

هذا موضوع لشاليهات البندر
http://www.arabtravelersforum.com/travel405460/


وهذا لـ بنيان تراي
http://www.arabtravelersforum.com/travel386316/



واذا بخاطرج فندق , انا انصح وبقووة فندق سامر ست في الجفير ,, وسعرة معقول , شي على مستوى
وهذا رابطة http://www.booking.com/hotel/bh/some...ml?aid=1329869

وأفضل شاليهات في البحرين على الإطلاق الكامل هي شاليهات ( الرتز كارلتون ) بس مشكلتها وايد غالية ولكن على مستوى عالمي فاخر وكل الخدمات تكون حواليكم خاصة أن الرتز كارلتون في ضاحية السيف وهي أبرز منطقة سياحية في البحرين مع الجفير.

بالنسبة لقصر العرين ( بنيان تري سابقاً ) منتجع فخم وكل جناح فيه يعتبر ملكي ولكنه منتجع صحراوي يعني موقعه في البر و ما يطل على البحر.

عندكم منتجع الدانة نوفيتيل حلو تسكنون فيه بس نظام شاليهاته مفتوحة على بعضها , منتجع ذا دراغون ممكن تاخذون فيه جناح خاص فيكم وله شاطئ خاص فيه يعني ولكم خصوصية فيه.

عندكم خيارات وايد والله , عندكم شاليهات جزر حوار أو ممكن مثل ما تفضلتي تسكنون في البندر , وتقدرين تحصلين معلومات إضافية على الرابط التالي :

http://www.albander.com/


ويا هلا فيكم بين أهلكم وناسكم وفي ديرتكم الثانية.

وهذا منتجع يديد ففي جزر امواج , موقع الجزيرة ممتاز وتبعد عن المطار 10 دقايق

http://www.arabtravelersforum.com/travel257903/

اذا انتم عائله انصحك بالبندر مره حلو ويعجبني فيه كل شيء
بناتي فيه ما يملون حتى انا احبه مره وارتاح فيه
واسعاره مره حلوه

اختي كويتيه رحاله

منوره بوابه البحرين
وبتنورين البحرين اكثر واكثر

وليسمح لي اخوي بحريني غير اني اعقب على رده








المشاركة الأصلية كتبت بواسطة بحريني غير
http://www.arabtravelersforum.com/tr...5/#post4111748

وأفضل شاليهات في البحرين على الإطلاق الكامل هي شاليهات ( الرتز كارلتون ) بس مشكلتها وايد غالية ولكن على مستوى عالمي فاخر وكل الخدمات تكون حواليكم خاصة أن الرتز كارلتون في ضاحية السيف وهي أبرز منطقة سياحية في البحرين مع الجفير.


مثل ما قال من افضل الشاليهات وجريب من كل شي..يعني بتكونين في نص المدينه ..اي شي تبينه بتوصلين له خلال 10 إلى 15 دقيقه بدون زحمه العيد

بالنسبة لقصر العرين ( بنيان تري سابقاً ) منتجع فخم وكل جناح فيه يعتبر ملكي ولكنه منتجع صحراوي يعني موقعه في البر و ما يطل على البحر.


ما انصحج فيه وايد بعييييد..ومافيه اي حياه..يعني حلو للمتزوجين وشهر العسل

عندكم منتجع الدانة نوفيتيل حلو تسكنون فيه بس نظام شاليهاته مفتوحة على بعضها , منتجع ذا دراغون ممكن تاخذون فيه جناح خاص فيكم وله شاطئ خاص فيه يعني ولكم خصوصية فيه.


النوفيتيل بعد حلوو وجريب من كل شي...

والدراغون في جزيرة امواج وبيكون اقرب للمطار والمحرق..
عندكم خيارات وايد والله , عندكم شاليهات جزر حوار أو ممكن مثل ما تفضلتي تسكنون في البندر , وتقدرين تحصلين معلومات إضافية على الرابط التالي :

http://www.albander.com/

البندر بعيد عن وسط المدينه وفيه شباب وايد!!


ويا هلا فيكم بين أهلكم وناسكم وفي ديرتكم الثانية.



وهذي موضوع لواحد في املتدى عن شاليهات الريتز
والشالهيه عباره عن 3 غرف ويوجد خادم داخل الشاليه وسعره بين 850 إلى 1000 دينار بحريني

http://www.arabtravelersforum.com/travel79198/


انتي عطينا كم البجت لليله عشان نقدر نساعدج اكثر

تحياتي لج حبيبتي

هذي صفحة الاسعار إلى شاليهات البندر ..
http://www.arabtravelersforum.com/re...eservation.asp

وهذي اسعار الدراغون لليله الوحده من موقع بوكينغ
http://www.booking.com/hotel/bh/drag...10&aid=1329869

وهذي اسعار سي لوفت من موقع بوكيتغ
http://www.booking.com/hotel/bh/sea-...ml?aid=1329869


اما بالنسبة للريتز والنوفيتيل مب موجود على موقعهم الرئيسي لاني عيزت وانا ادور لج
واتوقع لازم تتصلين بهم او تراسلينهم لمعرفه السعر

واسمحي لي على القصور

مشكورين ماقصرتوا يعطيكم العافية على ردودكم وتفاعلكم


أما بالنسبة للشاليهات فأنا أبي شاليه يصلح لعائلة مع أطفال وليس لزوج وزوجة فقط يعني الاطفال يبون بحر وألعاب ومرافق

يعني مانبي منتجع رومانسي فخم ماينفع


أشكركم على ذكر الروابط ان شاء الله أشوفهم بحرينية حبيبتي ماقصرتي وأقولج يعني ليش الاحراج لوول ميزانيتي محدودة

مثل ما انتي عارفة توني رادة الديرة من بعد شهر قضيته وقاطين كل ماورانا ودونا بالسفرة يعني كل ما كان السعر زين

أفضل وأحسن انا بشوف الاسعار اذا ناسبتني توكلنا على الله أو ندور لنا شقق فندقية باخذ طلة عالاسعار..

سؤال

منتجع دراغون

حسب اللي شفته فيه غرف مع حمام سباحة خاص

لكن مو موضح اي نوع من الغرف

الحين كل الغرف مسبح خاص
ولا نوع خاص من الغرف معاه حمام سباحة خاص !!