الموضوع: عنوان مجمع الدانه وسيتي سنتر

رجاء ياشباب من يوصف لي أين أجد مجمع الدانه وسيتي سنتر ، وهل توجد شقق مفروشة نظيفة بجانب مجمع الدانه؟

مواضيع عشوائيه ممكن تكون تعجبك اخترناها لك:

• ممكن معرفة أقرب وأفضل فندق من دخولي البحرين
• فندق محترم لعرسان جدد بالبحرين ؟ ؟ ؟
• أهل البحرين لوسمحتو بغيت أعرف أفضل فندق أسكن فيه
• شلون جو البحرين ها الأيام
• يومان في البحرين ياأهل البحرين
• مطعم بوفيه بالبحرين ارجوا الافاده
• شقق اليت
• احدث مناطق سياحيه في البحرين ماظنكم تعرفونها
• الملف الإخباري السـيـاحـي الأحـد مارس
• ترى سفرتي تعتمد على الله ثم عليكم
• سعر الذهب
• مشروع بحيرة البحرين و فندق فور سيزون مشروع راقي جدا في مرحلة التخطيط
• افيدوني جزاكم الله خير
• سؤال خاص لبنات البحرين وعشاق التسوق
• أعزائي أهل البحرين الكرام أو من يعرف البحرين وأماكن الترفيه العائلي فيها
• يأهل البحرين بجيكم ممكن تساعدوني
• مهرجانــــ صيفـــ البحرينـــــــــــ غيــــــــــــــــــــــر
• تأجير السيارات أستفسار؟؟؟؟؟؟؟؟
• فورمولا
• مطلوب فندق عوائل بالبحرين ويكون سعرة مناسب ومايقل عن 4 نجوم

شكرا لك، أتمنى ان توصف لي وانا جاي من جسر الملك فهد وين اروح؟

يا هلا أخوي شلونك ؟

أول ما تنزل من الجسر وتدخل الأراضي البحرينية , خذ ثالث مخرج إلى اليمين , راح يلف فيك تلقائياً إلى أعلى جسر , بعدين راح تكون على شارع الشيخ خليفة بن سلمان ( الشارع المذكور ) , واصل إلى الأمام لا تلف لا يمين ولا يسار راح تحصل جسر استمر من خلاله إلى الأمام وبعدين راح تحصل جسر ثاني وواصل فوقه إلى الأمام ,, بعد النزول من هالجسر مباشرة خذ المسار الأيمين وبعده بعشرات الأمتار راح تحصل مخرج إلى اليمين أدخله , واصل إلى الأمام وبعد حوالي 200 إلى 300 متر راح تشاهد مجمع الدانة ومقابلة في الجهة الثانية من الشارع الي كنت عليه مجمع السيتي سنتر ,, مجمع السيتي سنتر يتضح بصورة أكبر لأنه ضخم , أما مجمع الدانة فلازم تتبع الإرشاد الي وصفت لك إياه على أساس توصل له

بالنسبة للفنادق ؟

فندق اليت سويتس جريب جداً من مجمع الدانة مسافة مشي على الأقدام ,, تذكر لما قلت لك خذ أول مخرج إلى اليمين بعد ما تنزل من الجسر الأخير ؟؟ بعد ما تاخذ هالمخرج واصل شوي إلى الأمام وخذ أول منعطف إلى اليمين , واصل إلى الأمام راح تحصل دوار , خذ ذي الدوار إلى اليمين وواصل إلى الأمام راح تحصل دوار ثاني خذ هالدوار ( u turn ) دوران عكسي يعني ارجع على نفس الشارع ,, وبعدين راح تحصل أول منعطف إلى اليمين وبتحصل عنده محطة بترول ,, فندق اليت سويتس ملاصق تماماً لمحطة البترول هذي ,, وكلها مسافة مشي إلى مجمع الدانة يمكن تاخذ لك 10 أو 15 دقيقة مشي على الأقدام.

طبعاً المنطقة هذي فيها العديد من الشقق الفندقية بس أنا أرشح لك اليت سويتس لأنه الأفضل من ناحية السعر والخدمات والنظافة ,,

وعندك مجمع البحرين ( جيان ) أقرب لفندق اليت سويتس من مجمع الدانة ,, وهذيلا المجمعات كلها راح تحصلها حواليك حتى مجمع العالي ومجمع السيف ما يبعدون كثير ( مسافة مشي ) ومجمع المارينا مول ومجمع اللولو بعد يكون خلف مجمع الدانة ولكن شوي أبعد يعني يبي لك 15 إلى 20 دقيقة مشي على الأقدام من اليت سويتس.

أوقات سعيدة ,

شكرا لك أخي بحريني غير، ماقصرت على هالوصف

ستي سنتر إذا دخلت من الجسر اول ماتلقى لوحه مكتوب عليها وسط المنامة ادخل معها يمين وسيده لا تلف لا يمين ولايسار وتحصله على اليسار هو السيف