الموضوع: ممكن اقرب شققة مفروشة رخيصة للأحمدي؟؟؟

الســــــــــــــلام عليكم..
تحية ود وتقدير .. لأهل الكويت الطيبين (خوالي) :24:
ممكن اقرب شققة مفروشة رخيصة للأحمدي؟؟؟
لان عندي دورة في معهد إتحاد عمال البترول الكويتي بالاحمدي (مدري وين)بس من اسمه بالاحمدي وخابرها على طريق السفر السريع (الملك فهد) كان ما نقلوها عقبي :101: .. منذو مبطي ماجيت للكويت ياحبناله حب ... وحبيت ازور الكويت مع ابنائي. فستكون زيارتي سياحة و دراسة.

مواضيع عشوائيه ممكن تكون تعجبك اخترناها لك:

• مبنى الركاب الجديد يؤهل مطار الكويت ليصبح الأول في العالم تصميماً وبيئياً
• الجواز قرب ينتهي نقدر ندخل الكويت
• ارجوا المساعده ضروري
• بسافر من الرياض للكويت بالسيارة شوركم ؟
• مطعم معهد ايليزيم الصحي بالصور
• شريكم في طيران الكويت
• الريال السعودي كم يساوي بالنسبه للدينار والفلس
• تحذير من مطاعم موفمبيك البدع دوله داخل دوله
• ممكن مساعدتكم
• تخطيط لمدة سبوع
• طلب واستفسار ممكن
• مبرووووك تاهل الكويت
• أين تقع العامريه؟
• مسرحيات في الكويت
• ايهما افضل السكن في شارع المطاعم او شارع الخليج في الكويت
• وين القى محلات بالكويت
• أماراتيه طالبه فزعتكم
• سؤال للي سافرو الكويت السنة دي بالبطاقة محتاجة اجابة ضروري
• طيران الجزيرة تطلق عرض ميجا للسفر من الكويت إلى وجهة
• هل تنصحونني بزيارة الكويت

ذكرت ان فيه شاليهات على الشاطئ الموازي لطريق (السفر السريع) وهي مقابلة لمفرق الاحمدي .. فهل هذه الشاليهات مناسبة للاقامة لفترات طويلة ومكتملة الخدمات ام هي بعيده ولا تغني عن الذهب للبلد.؟

؟؟؟؟ طبعا اسعارها تكون معقولة .. دمتم بخير.

مثل ما قلت لك ..

ان في شقق مفروشه ( موتيل الأحمدي )

خدمه راقيه وسعر مناسب ..

اذكر من قبل 3 سنين كان سعر الشقه بالليله 20 دينار الحين مادري اكد السعر زاد ..

اذا عندك ميزانية عندك فندق روتانا المنشر 5 نجوم في الفحيحيل بالقرب من الاحمدي تقريبا ربع ساعه بالسيارة

السلام عليكم ورحمة الله

اخي الحبيب الاجمدي في مكانها على خبرك

لكن والله اعلم مافيها سكن لكن منطقة الفحيحيل

التجاريه قريبه منها وان شاء الله تحصل فيها سكن

مثل موتيل الاحمدي او برقان هذا اذا ماسكرونها

من قلة الزباين اما فندق روتانا المنشر بصراحه غالي

واذا ما حصلت في الفحيحيل مالك الا منطقة الفنطاس

فيها واحد ومتأكد انه موجود للحين واعتقد ان ليلته ب25

دينار واذا بتطول اكيد بيعطونك اقل من هالسعر لكن هو

الاقرب للاحمدي بعد الفحيحيل

اما الشاليهات اقرب شي هلتون المنقف وغالي جدا

وهو بجانب الفحيحيل

وطلبك صعب لان الشقق والفنادق اغلبها في منطقه

السالميه وحولي واذا تبي تسكن فيها ترى المسافه

20 ساعه تقريبا واذا زحمه ماتتعدى نص ساعه

وهناك تكثر عندك الخيارات والاسعار وفي نفس الوقت

الاماكن الترفيهيه والمجمعات والفحيحيل بعد منطقه

حيويه كلها اسواق ومطاعم

وحاظرين لاي خدمه

ترافلز مان
أحلى كيميائية
راى

الله يعطيكم الف عافيه .. انا يكفيني شرف ردكم على سؤالي ..لان نجمكم ساطع ومقالاتكم منوره المنتدى .. وراح تسمعون وشيش عسيبي قريبا فوق فيلكه.
الله والعالم ان منتجع هيلتون هو المناسب كانه قريب .مابقى غير رقمه او رقم استعلامات الهاتف في الكويت (البداله).
ومن ردودكم يبدو ان اقرب شي فيه خيرات سكن الفحيحيل ..بس ان امكن تزودوني برقم البداله عندكم عشان اجمع ارقام الفنادق في الفحيحيل. والله والعالم ان منتجع هيلتون هو الخيار الافضل .. بس يقولون الغالي دواه تركه .. وخاصه اني ابجلس لي حول درزن ايام.

تبين لي بالبحث ان 101 هو رقم استعلامات الهاتف وعن طريقه ممكن اخذ ارقام الهواتف بالاسم.

نعم هذا رقم البداله الحكوميه بس ان شاء الله يردون عليك هههه

وعندك البداله التجاريه 808080 وفيه اكثر من بداله تجاريه

( البداله يعني الاستعلامات )

والهلتون افضل لكن كثر الخرده يعني القروش لاني والله اشوفه

مكلف ومستغرب من اللي يقول تبدأ اسعاره من 35 دينار

لكن يمكن يكون اعلم مني باسعاره وانت اتصل واخذ العلم من روسهم

وعلى فكره ترى البداله التجاريه متوفر فيها ارقام المطاعم وسيارات الايجار

والتكاسي ووووو الخ

لكن اذا ماني غلطان مكالمتهم اغلى شوي من سعر المكالمه العاديه

والله يوفقك

جايكم جايكم :11ight: .. بس عاد لا يصير حركم اشد من حرنا لان حرنا زاد اليوم عن حركم ..هذا اذا بقى حركم على خبري قبل لا ذوق حرنا.. بس شكلي اخذت حقي من حرنا وبجي اكمل الباقي وخلص عليكم حركم... :109: :109:

فندق روتانا المنشر عامل عرض حتى 15سبتمبر القادم فقط 35 دينار مع الافطار

حياك الله وتشرفنا بالكويت واتمنى لك اقامه سعيده واي شي تحتاجة انا حاضر ومن عيوني بس انت ارسلي على الخاص

تسلم عيونك ياغالي

حياك الله بين اهلك واخوانك

واذا احتجت شي حنا بالخدمه

الاخ مسافر على عسيب حياك الله فى بلدك الكويت

شرايك يا خوى فى حرنا مو على كيف كيفك ؟ تراك ليما الحين ما شفت شى عموما الله يعينا ويياك والحمد لله على كل حال ثلاث شهور فقط 7-8-9 وباقى السنة خير وبركة

اخى ارجوك عدم الخروج من الساعة الواحدة ظهرا حتى الساعة الرابعة عصرا واتمنى لك اقامة سعيدة بين اهلك فى الكويت

تسلمون يالغاليين .. احرجتوني بتحفيكم وكرمكم .. وهذا ما عهدناه منكم .. الله يرفع قدركم .. ويزيدكم خير وبركه بهل كويت الحلوة باهلها واخلاقهم .. وطيب تعاملهم .



لكن تراي ما اسمح .. والله ما اسمح ..



ما اسمح تحتاجون حاجة من الرياض وما تراسلوني..
لا يردكم الا الخاص ان بغيتوا اي شي من السعودية ..



عازه غرض بالخدمه اي شي تمر سكري منصف(نص فانيلا ونص شوكلاته) او برحي لا يردكم الا الخاص
لو برطمان حر ..لمحبي المراسلة والتواصل . :101: