الموضوع: زائر من السعودية

بسم الله الرحمن الرحيم

السلام عليكم ورحمة الله وبركاته


انا زائر لدولة الكويت واول زيارة لي في الدوله .

وكما تعرفون عزوبي والعزوبي وضعه صعب في اختيار السكن والراحه والمجمعات والمنتزهات

فياليت ياجماعه احد يساعدني بمواقع الفنادق والمنتزهات والمجمعات واي شي يصلح لنا كشباب

علما إن مدة رحلتنا ثلاثة ايام .

وشكرا

مواضيع عشوائيه ممكن تكون تعجبك اخترناها لك:

• الخطوط الوطنية الكويتية تدشّن رحلاتها إلى دمشق
• شاليهات في الكويت
• ماما أنيسة وين ألقى أشرطة الفيديو لها ؟
• جيفنشي
• استفسار عن سكن مناسب بالكويت
• هل توجد سينماء في الكويت تعرض الأفلام المصرية؟
• بخصوص بطاقة الاحوال الهوية استفسار بسيط الله يجزاكم خير
• اعلنهاا صريحة احبك يالكويت
• فندق رويال إن احدث الشقق الفندقية بالسالمية بمستوى راقي
• فندق بوجبة افطار
• من البطل اللي بيجاوب على اسئلتي كلهااااا
• صور للخطوط الوطنيه
• دليل الزائر السياحي للكويت مدعم بالمعلومات والصور
• تقرير خفيف ظريف عن الكويت
• أرجو الرد بأسرع وقت
• رايكم بسفريات الفضاء؟؟؟؟؟؟؟؟؟؟
• أفضل مكتبة في الكويت
• أنا رايح للكويت وأتمنى أجد إجابة للأسئلة
• هل توجد مسرحية لطارق العلي ايام العيد ؟ وكيف طريقة حجز تذاكر المسرحيات
• مستعجل طالعه الكويت بكره والسؤال عن فساتين السهره

حياك الله اخوي عندنا


الافضل انك تسكن بفندق وعندك وايد فنادق بالسالميه :
1- المارينا
2- الكورنيش
3- هوليداي ان

وعندك بعد بالعاصمه بس الافضل السالميه :
1- الشيراتون
2- ماريوت
3- يورت كارد
4- الميريديان
5- هوليداي ان
6- ريتز الشرق

الاماكن السياحيه اللي اهم شي تروحلها :
1- ابراج الكويت
2- المركز العلمي
3- حديقة الشعب
4- الاكوابارك (عند الابراج تقدر تخليهم بيوم واحد بس على فكره يوم الثلاثا للنساء )

اهم المجمعات :
1- الافنيوز
2- المارينا مول وفي بالمارينا كرسنت مجموعة مطاعم وقهاوي
3- شارع سالم المبارك فيه اكثر من 8 مجمعات مثل الفنار والبستان وليلى جاليري وجاليريا وبلازا
4- المهلب
5- الكوت والمنشر (يقع بالفحيحيل يبعد نص ساعه او ساعه الا ربع )
6- المطاعم والقهاوي اللي بمنطقة البدع عند موفمبيك البدع
7- سوق شرق


اتمنى اكون فدتك واي خدمه ثانيه لاتتردد

وياهلا فيكم

حياك الله اخوي منسدح

والاخت روان ما قصرت في كل شي

بالنسبه للعزوبيه في الكويت ما عندنا مشكله وياهم وتقدر تسكن في شقق مفروشه في السالميه وياكثرها


وانصحك خصوصا المده ثلاث ايام تقضيها في المجمعات الكبيره مثلا مارينا مول وسوق شرق تقدر تدخلهم من الصبح لليل فيهم مطاعم وسينما ومركز تسوق كبير جدا وانصحك بالمدينه الترفيهيه بس تروحلها بعد العصر لان الجو هاليومين حار جدا


وحياك الله بين اهلك واخوانك