تحياتي للجميع
الحمدلله رجعنا من الاجازه واللي فعلا كانت احلى اجازه يمكن عشانها عائليه, في البدايه كنت محتار بين الطريق
الدولي القديم ( الرياض- حفر الباطن-عرعر - القريات ) والخط الدولي الجديد ( الرياض - حايل-الجوف -
القريات ) واخترت اخيرا الخط الجديد وبذكر تعليقي على شكل نقاط لاني متاكد كثير يبغى يعرف معلومات
عن الطريق:
1- المسافه الاجماليه من بيتنا في شرق الرياض الى موظف الجمارك السعوديه بالظبط 1345 كيلو
2- الطريق من الرياض الى حايل ماشالله تمشي وانت مغمظ بس تمشي في القصيم مسافه مي هينه
ويمكن هذي المسافه اللي زودت الكيلوات ومحد انتبهلها لان اكثر الناس تحسب المسافه بناءا على اللوحات
اللي على الطريق مو على عداد السياره
3- الطريق من حايل للجوف 3 مسارات وجديد لكن ما تقدر تمشي فيه اكثر من 120 كيلو بالساعه لان كل شوي
يجيك منعطف مع طلعه او منعطف مع نزله يعني بالعربي ما عجبني
4- الطريق من اخر السريع اللي هو دوار الرديفه الى النبك ابو قصر حوالي 120 كيلو ممتاز وسريع
5- الطريق من النبك ابو قصر الى طبرجل حوالي 50 كيلو صعب جدا كانك في الاردن طريق مكسر وبدون اكتاف
بس للامانه قاعدين يستغلون على الطريق يمكن كم شهر ويضبط
6- الطريق من طبرجل الى القريات حوالي 140 كيلو الناس خوفوني منه وقالو طريق واحد رايح جاي ومتعب ولكن
الحقيقه انه طريق ممتاز يعني فيه اكتاف يمين ويسار والطريق عريض يعني ما تتعب منه
لما رجعت من سوريا قررت اني اجرب الخط القديم عشان اشوف الفرق
1- المسافه الاجماليه من موظف الجمارك السعوديه الى بيتنا في شرق الرياض بالظبط 1485 كيلو
2- من القريات الى طريف حوالي 160 كيلو - اول 80 كيلو خط واحد بس حلو وما يخوف وفيه اكتاف
3- من طريف الى رفحاء مرورا بعرعر 520 كيلو ماشالله تمشي وانت مغمظ سريع وجديد
4- من رفحاء الى ما قبل حفر الباطن ب100 كيلو ممتاز وبعدين تجيك تحويلات كل 20 كيلو والطريق مكسر
قاعدين يشتغلون فيه
5- من حفر االباطن الى الرياض تمشي وانت مغمظ حوالي 490 كيلو
الفرق بين الطريق الجديد والقديم حوالي 140 كيلو فقط
حبيت اذكر الفروقات عشانالاعضاء و الزوار يستفيدو من هالتجربه
تحياتيمواضيع عشوائيه ممكن تكون تعجبك اخترناها لك:
- كيف رمضان في سوريا
- اذا ممكن حد يعرف اماكن الشلالات ؟
- من عنده معلومات عن الدراسة بالانتساب في سوريا
- عاجل جدا وللأهمية ادخل
- ورشة عمل سورية ـ تركية لطرح البلدين كمقصد سياحي واحد
- تأبريني يادمشق
- فقط للمسافرين برا عن طريق الاردن مهم جدا
- اخواني احذروا بائعي السمك
- بعد نحو أسبوع من قرار بإعفائهم سورية تعيد فرض رسوم على السعوديين المغادرين منقول
- الحلبيون يلقشون لهجتهم لتمييز الدخلاء
- حمص السكن والباقي عليكم
- الزى الخليجى الثوب والغترة والعقالمارئيكم
- مشاركة دمشق بين السوق والجبل
- أخوكم أول مرة يروح سوريا ممكن تفيدوني
- انا بالحديثه
- ممكن س
- ابن محفوظ في دمشق
- اللهم اغفر لأختنا أحلى كيميائية و ارحمها برحمتك الواسعة
- كفى بالمرء إثما أن يحدث بكل ما يسمع
- فنادق حلب
رد مع اقتباس
المفضلات