الموضوع: الى مشرفنا ابو عمر

السلام عليكم ورحمة الله وبركاته ..

تناقشت معاك بخصوص تخطيط السفر في الصيف ..

في هذا الرابط ..

http://www.arabtravelersforum.com/travel463862/

تخطيط السفر كان الوصول مطار فرانكفورت والرجوع من نفس المطار ..

جتني فكره اني اخلي الوصول مطار زيورخ وزيارة نفس الاماكن والرجوع من مطار فرانكفورت ..

احس انه بيكون توفير للجهد والوقت ..

في انتضارك ..

مواضيع عشوائيه ممكن تكون تعجبك اخترناها لك:

• خمس أيام في المانيا ميونخ ممكن جدول ؟؟
• ارجوا مساعدتي في حجز فندق بميونيخ
• مشكلتي في مطار ميونخ انتبهو
• ممكن تعطوني رايكم بالفندق هذا ؟
• افضل خطوط لوصول الى مطار فرانكفورت
• كم يبعد هيلتون فرانكفورت عن المطار
• مقترحاتكم فنادف في ميونخ
• مدينة اسخو
• ممكن مسااعده في ترتيب الرحله
• الموجودين في ميونخ ياليت تفيدوني عن سكن مناسب
• الخطوط السعوديه وميونخ
• رحلتي الى المانيا بعد اسبوع شو تنصحووووووني ؟
• شقق في ميونخ قريبة من السنتر
• ارجو من الاخوة المكرمين المساعده
• فنادق
• بخصوص فيزا الشنغن مصدرها من سفارة سويسرا وابدخل مطار ميوتيخ؟؟؟هل فيه مشكله
• مهرجان اكتوبر في ميونخ
• أستفسار عن فندق
• ياأخوان من يعرف جزيرة الطاووس في برلين يساعدني
• مدينة ماينز

هلا فيج

اولا هو ممكن ... لكن تقسيمج لهم لو افترضنا ان البدايه بزيوريخ والنهايه بفرانكفورت ..

ثانيا .. شوفي سعر التذكره بتفرق وايضا سعر استلام السياره من سويسرا بيفرق ... احسبيهم

ثالثا .. لو بديتي بفرانكفورت وانتهيتي بجنيف لو كان بخاطرج زيارة لوز ان ومنترو .. على ان يكون المخطط

فرانكفورت ومنها انزرور هالديبرغ وحتى فيس بادن ... ثم بادن بادن او ستراسبورخ للسكن وزيارة الاخرى منها ..ثم انترلاكن ثم جنيف او ضواحيها والرجوع منها .. ممكن المخطط بالعكس


بالانتظار

اذا نخلي الوصول مطار زيورخ والرجوع من مطار فرانكفورت راح يكون السعر ارخص تقريبا ب 680 درهم اماراتي ..

وبعد هذي فايده ثانيه .. وتقريبا اسعار تأجير السيارات نفس الشي ولا فرق 100 يورو يمكن .. يعني آخذ من التذكره واحط في سعر السياره ..

انا اخترت هذا المسار لان القياده راح تكون اقل .. يعني اذا نزلت بفرانكفورت ورحت الاماكن اللي ناوين نزورها ورجعت لفرانكفورت .. بيصير المسار روحه ورجعه .. بس اذا نزلت بزيورخ بيكون المسار واحد بس ..

المسار الجديد زيورخ يوم او يومين ..

انترلاكن 3 او 4 .. يعني اذا تشوف نخلي زيورخ يوم راح ازيده في ايام انترلاكن ..

بادن - بادن 3 ومنها ازور ستراسبورخ ..

هالديبيرغ 3 ..

فرانكفورت 3 وازور المناطق اللي جنبها ..


في مشروع اني اروح فرايبورغ يومين في الرجعه من انترلاكن ومنها تكون محطه .. يعني بشيل من فرانكفورت وهالديبيرغ يوم من كل منطقه ..


والسموحه على الاطاله والازعاج .. والله يجزيك كل خير و أيسر امورك ..

هلا فيج ..

ممكن عمل كالاتي ...

زيوريخ يوم ثم انترلاكن 4 ايام ثم .. بادن بادن او روشت 4 ايام وزيارة ماحولها .. ( فرايبروخ.. ستراسبورخ .. تيتسي ) لو الميزانيه اقتصاديه اختارو روشت للسكن ...

ثم هالديبرغ يومين ثم فرانكفورت الباقي ... واذا حبيتو ادخال دوسلدروف بالمخطط ممكن ايضا نضعها بدال هالديبرغ

تحياتي

خلاص المخطط اوك .. ومابدخل دوسلدورف .. انشاء الله بزورها بعدين مع المناطق اللي جنبها ..

بس صار شي واحد ناقص .. الا وهو احداثيات مطار فرانكفورت اذا ممكن ..

يسلمو ابو عمر .. واسفين على الازعاج ..

هلاومرحبا

الاحداثيات كالاتي

n 50 ' 2 . 904
e 8 ' 34 . 242

دمتم بخير