استفسار عن افضل شركة لاستئجار سيارة وهل في ميونخ ارخص من غيرها؟

**ahmed1** · 01-31-2015, 01:45 PM

سلام
ناوي استأجر سيارة للصيف القادم ان شاء الله من الآن لعل الاسعار تكون افضل هكذا ظني .. وايضا استئجار الشقق

بصراحة ما لي مقصد في ميونخ ولكن اخترتها محطة الوصول لانها قريبة من سالزبوغ (النمسا) وما جاورها ولان اسعار استئجار السياارت فيها ارخص حسب ما سمعت
انا ناوي استأجر مدة شهر او اكثر

فما افضل شركات تأجير السيارات وهل تفرق كثير بين اخذها من المطار او من وسط ميونخ ؟

السؤال الآخير: عددنا ستة اشخاص لكن السادس طفل سيكون عمره وقت السفر ان شاء الله سنةفقط فهل هناك غرامة لو اخذت سيارة تتسع لخمسة اشخاص فقط ؟

كيف افرق بين سيارة الديزل والبنزين في اختيار السيارة من موقع تأجير السيارات ؟

بانتظار مشورتكم ونصائحكم ودمت بود وكل عيد وانتم بخير

مواضيع عشوائيه ممكن تكون تعجبك اخترناها لك:

**ahmed3** · 01-31-2015, 01:45 PM

هلا فيك طالما انتم 6 اشخاص اخذها من المطار بتوفر .. والفرق لييس بكبير

الطفل الصغير يحتاج كرسي .. الديزل تتطلب عند الحجز ولا يضمن تسليمها ديزل .. شركة سيكست ويورب كار وبدجت .. وممكن اتشوفهم اما بالنت او ببلدك

تحياتي

**ahmed3** · 01-31-2015, 01:45 PM

انصحك اخي الكريم بالحجز عن طريق موقع http://www.easyterra.com انا حجزت عن طريقهم وحجزولي من شركة اوربا كار وشفت الفرق بينهم وبين لو حجزت بنفسي من اوربا كار طلع الفرق اكبر من ما تتخيل
لاحظ انك ما تقدر تحددلهم الشركة اللي يستأجروا لك منها والدفع يكون فور الحجز
تحتاج رخصة دولية ورخصتك المحليه سارية المفعول وبطاقة ائتمانية
بالنسبة لتحديد سيارة ديزل تستطيع تحديدها لو حجزت عن طريق مكتب اورباكار بالسعودية مثلا أو عن طريق المكاتب السياحية (بيكون السعر اغلى من لو تحجز بنفسك)
انصحك تاخذ معاك جهاز ملاحة (قارمن مثلا) معاك لأن مدة استأجارك طويلة وراح يكون اوفر لك انك تشتريه وتقدر تنزل عليه المواقع اللي ناوي تروح لها من بدري
طولت عليك النصايح بس ما انصحك تستأجر السيارة من بدري ما تدري عن الظروف ولا اعتقد بيكون فيه فرق يسوى

**ahmedali** · 01-31-2015, 01:45 PM

يعني الرخصة السعودية ما تنفع ؟؟

**ahmed3** · 01-31-2015, 01:45 PM

عندي سؤؤؤؤؤؤال ضروري

هل لازم الفيزا تكون بأسم اللي يسوق السيارة ولا مو شررط ..

وهل اذا حجزت من الان من نفس الموقع او من بوكنج هل يتم سحب المبلغ على طول ولا فى وقتهاا يسحبون المبلغ

وشكررا لكم

**alifun** · 01-31-2015, 01:45 PM

الرخصة السعودية ضرورية مع الرخصة الدولية وبطاقة الائتمان لازم تكون بنفس اسم مستأجر السيارة ويتم حجز مبلغ منها ويسترد بعد تسليم السيارة وبالنسبة للحجز عن طريق بوكينج فيه غرف يتم سحب المبلغ مباشرة وبعضها يكون الدفع بالفندق وتستخدم الفيزا للضمان وبعض الغرف قيمتها غير مستردة وتجد هذه الشروط موجودة عند كل غرفة على حده وياليت تنبه لأني اعرف واحد يبغى يطلع فيزا سويسرية وعمل حجز عن طريق بوكينج لكامل مدة السفر على اساس يكنسله بعد كذا وبدون ينتبه ان المبلغ غير مسترد
اما موقع ايزي تيرا فيتم سحب كامل المبلغ مباشرة بعد الحجز