الموضوع: ارجو من الاخ القطري المساعده

السلام عليكم اخووي انا بصراحه من قطر مشش رايح الى لندن انا رايح اوربا حجزت تذاكر من ريجنسي الحين ابي احجز مثل الشقق مع الفطور ومشش قادرين يوفرون لي شقق يجبروني غلى الفنادق علما انا وزوجتي والخادمه وطفلين كيف احجز من النت وهل هي مضمونه يقولي المكتب ان مافيها سيرفس وماتصلح للعائلات ومشش مضمونه ماعرف شرايك وابي احجز سياره بعد بس وش تنصحني فيه ابيها اتوماتيك رحت لسيكست عطاني سعر غالي 6500 ومرسيدس لمدة 16 سبتمبر الساعه 2 ونصف الى 30 سبتمبر الاستلام من شتوتغارت والتسليم في زيورخ الساعه 9 ونص اي الشركات احسن تقدر تشوفلي الله لايهينك بالنت لاني ماعرفت وكم الدفع واللي يحجزونه من البطاقه كم ابيها بسعر معقول

مواضيع عشوائيه ممكن تكون تعجبك اخترناها لك:

• ابي مساعده بخصوص الوزن والطيران الداخلي ياجماعه
• مساعده في اختيار فندق
• الرجااااء المساعدة ياخبراءتأشيرة شنغن لرجال أعمال
• أرجوا المساعده
• افضل الامكان في ميونخ قارمش الفنادق
• الله يوفقكم ساعدوني
• مساعده بتخطيط لجدولي
• دورة في شفالباخ وابحث عن سكن قريب في فرانكفورت وماهي نظام التنقل بين المدن
• محتار بين هالثلاث فنادق
• نوع السيارة وطريقة الدفع سكست ويورب كار
• خطة سير الله يعافيكم ولك دعوه صادقه برمضان
• وش رايكم في خط سير رحلتي
• ابحث عن مربين حمام زينه فالمانيا
• ماهي اجمل المناطق الريفيه في المانيا
• اتمنى المساعده رتبوا لي الخطة لو سمحتوا؟
• السفر مع رضيع
• طلب مساعده في وضع البرنامج السياحي
• استفسار عن نوع السيارة
• ممطلوب خبير مطارات المانيا القريبة من النمسا
• ايهما افضل في ميونخ

وعليكم السلام ورحمة الله وبركاته

هلا وغلا الغالي

تحت امرك الغالي ..

بس احتاج تفاصيل زياده ..

مثل التواريخ بالضبط في كل مدينه ..وايش المدن الي ودك اتزورها ..واجار الموتر لااتشيل همه ..والشقق بيكون الأعتماد على موقع بوكنق ..

واسمح لي بنقل الموضوع بوابة المانيا لان مكانه هناك ..

وفالك طيب الغالي

اخوي انا وعائلتي رحلتنا تاريخ16 /9 الوصول الى شتوتغارت حجزت يومين في ماريوت من ريجنسي بس الحين انا ابي احجز شقه لمده عشر ايام من تاريخ 18 الى 28 سبتمبر ابيها في الريف ومنطقه بالوسط عشان اتمشى وادور بالمدن القريبه والمبيت بالشقه احسن من اني اخذ يومين بكل مدينه بتشحطط مع الاطفال والشنط فالاحسن شقه ابيها مثلا بروست او بادن بادن او فرايبورغ بس ابيها بعيده عن السنتر والازعاج ابيها في الريف ومكان هادي ومن تاريخ 28 الى30 باخذ في زيورخ لان العوده راح تكون منها بتاريخ 30 سبتمبر والله يخليك اخوي ابيك تساعدني وتوجهني وبالنسبه للسياره شلون

انا وايش المناطق الي تنصحني فيها قرثب منها بعد انا كل ماقلت للمكتب يقولون شقه مانقدر او مو مناسبه للخليج او مافيها سيرفس حاس انهم ينصبون علي يجبروني على فنادق غاليه لان الشقه احسن خاصه ان فيه شقق فندقيه مع الفطور انا ابي شقه لاا الخادمه معنا يعني لازم غرفتين

هلا وغلا الغالي

بما ان الصغار معك الله ايحفظهم وايبارك فيهم فمؤيد للشقه وبقوه

شوف هذا الموضوع لمشرفنا بوعمر حاط فيه الشقق في كل المدن الي ذكرتها وتحجزها عن طريق بوكنق الي خلانا ننسى مكاتب السفريات هالموقع


http://www.arabtravelersforum.com/travel442182/


والسياره وبما انك نازل المانيا فالأفضل هي سيكست وخدمتهم حلوه وفروعهم منتشره في كل مكان ..

ولنا عوده لزيوريخ ان شاءالله ..

مشكور اخوي بس بالنسبه لسيكست اسعارها مبالغ فيها قالولي ب6500 واللي بيحجزون عليه في البطاقه 13 الف هذا اللي في قطر قال هالكلاا م

السلام عليكم

صباح الخير الغالي

اسفين على التقصير رجعنا الدوحه بعد غياب شهرين للعلاج ومن رجعنا واحنا في سلامات وعزايم وتأدية واجب ..

مانسيت الموضوع واحتمال نفس المخطط الي راح ايصير اتفاق عليه احتفظ فيه حق رحلتنا مع العيال ..

اكرر اعتذاري على التقصير

بالنسبه للسياره تبيها كم راكب !

وهل تبي قير اتوماتيك ولا عادي !

الحمدلله على السلامه اخووي السياره ابيها 3 ركاب وطفلين واحد سنه واحد 3 سنوات وقير اتوماتيك من تاريخ 16 الى 30 سبتمبر الاستلام شتوتغارت بس مش المطار والتسليم مطار زيورخ ومشكور على مساعدتك وبذل جهدك معي انا وعائلتي واخوي انا للحين ماحجزت الشقه تقدر تساعدني بهالشي او تنصحني بشفه معينه بغرفتين بصراحه اخوي ماعرفت احجز ومافي وقت

هلا وغلا الغالي

الله ايسلمك ..

لقيت مرسيدس فئه سي اتوماتيك بـ 5618 ريال ..

ولقيت سيارات ارخص بــ 3827 مثل سيارة بولو شركة اوبيل ..

والشور لك الغالي ..

وحصلتها في شركة سيكست ..

اما الشقق شيك على موقع بوكنق وعطنا خبر ..

واي خدمه احنا تحت امرك الغالي