الموضوع: وجهة نظري عن زيارتي لهيرشي نوفمبر

السلام عليكم و رحمة الله و بركاته

قرات في هذا المنتدى الجميل عن منطقة هيرشي اللي في ولاية بنسلفانيا فرتبت رحلتي لامريكا اولا لوس انجليس ثم هيرشيز و كنت متشوقة اكثر من اللازم لرؤية منطقة الاحلام .. بقولكم الصج من خلال ما قراته و ما رايت من صور كان في بالي ما يلي : جميع اللوحات و الليتات(الشبة) على كاكاو و الناس يستقبلونا بالمدينة بالشوكولاتة و رائحة المنطقة تعم بالشوكولاتة و عالم الشوكولاتة هناك شي ما صار و لا استوه و الاماكن السياحية كثيييييرة هناك و 5 ايام لا تكفي!
المهم حجزت 3 ليالي في فندق كومفورت انن هيرشي و ليله وحدة في فندق the hotel hershey
الفندق الاول كلفنا تقريبا 30 د.ك بالليلة مع الافطار و الثاني فوق ال80 د.ك لليلة من غير الافطار
طرنا من لوس انجليس الى هيرشيز تقريبا 7 ساعات مع الترانزيت في اتلانتا
الصراحة مادري شقولكم الفندق الاول كان زين و مريح بس المنطقة اب نظري كلششش ما تستاهل فيها وايد عيوب اول شي مافي شارع للمشاة كل شوارعهم high way و مو امخصصين مكان للمشي و ماكو باصات, اكيد بتفكرون بتكسي, تخيلوا اول مرة دقينا على تكسي نبيه يوصلنا من الفندق لي شوكليت وورلد نطرنا ساعتين و نص و كل نصاعة يقول كاني واصل اخر شي هدينا و رحنا مشي بالهاي واي نمشي على جنب !! و مرة دقينا على تكسي قال انتوا اب هيرشي و بتروحون مكان اب هيرشي لا ما انوصل و مرة عقب ما لطعنا ساعتين قال ما عندنا تكاسي!! يعني الحل الوحيد ان اناجر سيارة لكن حظنا ان عطلة و صاكين اب هاليوم, فمشينا امرنا لله
شوكليت وورلد حييل عادي يمكن لاني شايفة مصانع كاكاو من قبل!؟ مثل مصنع lindt في ديسلدورف بالمانيا و الصراحة مصنع لنت عجبني اكثر يمكن لان تشوف المصنع الاصلي و اتشوف كاكاو صجي بس اب شوكليت وورلد تقعدون اب مثل عربة تمشي فيكم و اتشوفون مراحل صنع الكاكاو و شكله كانه حقيقة بس سالتهم و قالوا لا مو صج هذا مثال للمصنع الكبير الموجود في هيرشي!
رحنا برحلة الباص تبع شوكليت وورلد و اكتشفت ان ليتات الشوارع اللي قريت عنها موجودة بس اشوية اب شارع واحد فقط
بقى شيين اب شوكليت وورلد سينما 3d كان حلو العرض و سوق كاكاو هيرشي (ممكن اتحصلون محلات هيرشي بولايات ثانية)
اشياء اخرى موجودة البارك كانت مصكوكة و انا و زوجي لا نحب الالعاب و اصلا كنا تونا يايين من ديزني شبعانين هالسوالف , ايضا السوق outlet and k mart كان السوق جميل و في حديقة حيوان و حديقة ثانية
... المنطقة ما تسوه اني اروح لها(7 ساعات طريق)و من بعد كاليفورنيا اللي متروسة(اسوقة و اوتليتات, اكبر حديقة حيوان بالعالم, افضل حدائق الالعاب مثل ديزني, سكس فلاقز و يونفيرسال)
ما قلت لكم عن الفندق الثاني , واايد حلو كبير بس الغرفة ما تسوه ضيجة و ينقصها وايد اشياء مثل ثلاجةو كوفي ميكر...


اخر شي مع احترامي لراي اللي زاروا هيرشيز ما انصح احد يتعنا لزيارة هالمنطقة الا اذا كنتوا قريبين منها و كنتوا في بداية رحلتكم , بالنسبة لي لو ارجع بالزمن لي وره حتى لو كنت قريبة منها لن اذهب لها بس الحمدلله المهم جربتها

و بعد في سفرتي هذي جربت منطقة في لندن نفس الشي اللي تكلموا عنها تقريبا 2 او 3 فقط و كلش ما تسوا فاستنتجت ان في المستقبل لن اخذ براي 2 او 3 فقط لاي منطقة جديدة لان الناس اذواق و يمكن اللي راحوا ذوقهم نفس الشي :114:

مواضيع عشوائيه ممكن تكون تعجبك اخترناها لك:

• افضل طيران الي كندا وامريكا
• مسافر الي كالفورنيا وارغب المساعدة برنامج مقترج
• استفسار عن تأشيرة زيارة لامريكا
• كم المدة الكافية لأورلاندو ؟
• هام لخبراء أمريكا أرجو من الجميع الدخول
• استفسار لما حصل لي بالمقابلة اليوم
• انا في هيوستن ممكن تساعدوني
• استفسار عاجل عن الفيزا الامريكيه
• الاسعار غاليه لسان فرانسيسكو
• أي كروز أحسن الكاريبي وإلا ألاسكا
• عـائله في ميامي
• سؤال هجره لم الشمل
• حجزنا حجز مبدئي ممكن رايكم؟؟
• امريكــــا
• مساعدة مخطط رحلتي ...
• التقرير الشامل للرحلة العائلية للولايات المتحدة الامريكية
• معهد لغة مؤقت
• رسالة تلقائية من السفارة الاميركية ارجو منكم تفسيرها لي
• أخوي امباكتمساعده عاجل
• من تايم سكوير الى جون كينيدي بالقطار ززكيف ؟

بصراحة انا من المعجبين بهذه المدينة ...

والاخت ام يوسف ما قصرت عطتنا شرح كافي ووافي لها ..

وباذن الله لها زيارة اكيدة في المرات القادمة لي عندما ازور امريكا ..

وفي النهاية الناس اذواق ..

والي ما يحب الملاهي والشوكولاته لا يروح !!

[B]يعطيج العافية الاخت العزيزة ام يوسف ما استغنى عن تعليقاتج و تعقيباتج الجميلة:24: مثل ما قلتي و انا قلت الناس اذواق و هذا مو معناته ان ذوقكم مو حلو بس انا حبيت ابين حق اللي ذوقهم غير ترى ممكن ما تعجبهم و الصراحة انا من اشد المحبين للشوكولاتة ولا جان ما رحت هناك و انتي ما بالغتي بس انا فهمت و شفت الصورة اب مبالغة و الليتات هاذي ما شفتها الا اب هالشارع حتى اذكر على ما فتحت الكاميرا و بصور ما لحقت الا على اخر جم ليت!!:110:
يعني للتوضيح اللي بيروح هناك ماراح يشوف كل الدنيا او المنطقة كلها جذي عشان ما يفهمون الناس مثل ما فهمت !
و الاخت lole ا اذكر اني قريت منها ان الناس يستقبلونا بالشوكولاتة و ان هالمنطقة مثل ما تخيلنا باحلام الطفولة هذا اكثر شي ركز في بالي!! (احلام طفولة=كل شي على كاكاو و حتى اتخيل امسوين بيت على كاكاو:114: :109

البارك كانت مصكوكة مو قاعدة اقولها عشان ابين لكم ان كان ودي اروح لها و مصكوكة بس ببين ان حتى البارك لو كنت بروح لها مصكوكة ... اصلن لو مفتوحة ماراح اروح لها لاني مليت من الالعاب مثل ما قلت لكم

الصراحة صج ان وقت السفر يختلف و الناس اذواق لاني رحت ديزني اب كاليفورنيا و ما كانت زحمة و حدهاااااا روعة :24:

و على سالفة التكاسي الصراحة موقفج يعور القلب و احس ان صج تخلف لم تروحين مكان سياحي و مافيه تكاسي اب كل مكان او على الاقل باص تحصلينه!!!:114:

يعطيك العافية الاخ impact على التعقيب و كلامك صحيح:108: "نصيحة للي ما يحب الشوكولاتة لا اتفكر اتطب هيرشي:108:

و سامحوني ماراح اسوي تقرير لان اب رحلتي كلها ما عندي شي زايد عن التقارير الموجودة الا وجهة نظري عن هيرشي و طبعا منطقة وندرمير اب لندن لازم اكتب عنها عشان اوضح للناس ايجابيات و سلبيات المنطقة

ايي بالنسبة للجو كان بررررررررررررررررد قارص:11ld:
بس احلى شي لون الشجر كان ملون اشيرة حمرة و اشيرة برتقالية ان شالله انزل جم صورة للشجر مع الايام القادمة[/]

اللي يعجبني فيكم هذا التفاهم اللي ما يوصل لطريق مسدود ابد واخلاقكم دائما عاليه على عكس البعض اقول البعض


الاخت هاني مون انتي مطلوبه حيه ولا ميته لازم تكتبين تقرير نسيتي اسالتج عن كاليفورنيا الواجب منج ان تكتبين لنا تقرير وتخلينا نستمتع بالصور عن الرائعه لوس انجلس طبعا مو امر طلب منج وانا امون عليج يا بنت الكويت


مو مشكله الكتابه على قد ما تقدرين كتبي ونزلي صور


الله لايفرقكم ويخليكم لبعض

وعاشو عيال وبنات امريكا

الاخ سواح كويتي الحمدلله احنا مسالمين ما نحب المناقشات الحادة و المليقة
جذي انا مظطرة اسوي تقرير باللي اقدر عليه ان شاءالله قريبا

الادارية بنت الصقور انا سعيدة لتعقيبج و الصراحة انا هذا اللي ابيه ان انبين الاشياء الزينة و الاشياء الموزينة بالاماكن الغير معروفة و الجديدة ,والله 100% عشان هالمنتدى لان اي مكان بالعالم لازم فيه ناس يحبونه و ناس لا ,فودي الناس اتشوف وجهتين نظر و تقرر باللي يناسبها

و شكرااا

شكرا على وجهة نظرج أختي .. لكن لو يحصل لي أروح لأمريكا ..رحت لهيرشي

هلا اختي بهاء ان شاءالله تروحين و تستانسين بس ديري بالج لا اتروحين وقت البرد شهر 10 و طالع لان برررد مووت اعتقد احلى شي شهر 7 و 8

يا هلا اختي .. كتبتي تقرير؟ ودي اشوفه.. الصراحة الناس اذواق و تختلف الاهتمامات من شخص لاخر و يفرق مع يهال ولا لأ و بررررد مووت و لا الجو حلو و تحبون تركبون الالعاب ولا مو نوعكم!
اهم شي اختي انكم استانستوا والحمدلله على السلامه ...