الموضوع: يا أهل الكويت الطيبين

السلام عليكم ورحمة الله وبركاته

أهل الكويت وأهل الخبره

الله لايمسيكم إلا بالخير والعافيه

أنا ان شالله ابروح للكويت يومين بس

هل ممكن تفيدوني بأسماء شقق نضيفه طبعا لشخصين بس وتكون أسعارها معقوله
وتكون قريبه من أسواق شعبيه

طبعا الاسواق الشعبيه ماابي شي فيه بسطات ولاابي سوق فيه ماركات عالميه

يعني سوق شعبي حق جلابيات

مع كم مطعم تشوفونه حلو

بالمختصر

01- أسواق شعبيه مع مواقعها
02- شقق مفروشه مع مواقعها
03- مطاعم مع مواقعها


الله يوفقكم ويبارك فيكم ويجزاه الجنه الي بيرد علي

مواضيع عشوائيه ممكن تكون تعجبك اخترناها لك:

• التخفيضات
• الجزيرة» تتسلم طائرتها الـ ضمن خطتها التوسعية
• المشاغل الزينه والمضمونه
• ياهل الكويت ابي فزعتكم
• استفسار صغيرووووون
• كافيه ريببليك
• مهم جدا
• مواقع مهمة ومفيدة لمحبي السفر
• ايش رايكم بفندق كراون بلازا بالفروانية
• مهم حدث في مطار الكويت
• لمن يهمة الأمر
• رأيي في فندق ابيس السالميه
• اين المصلي للمغادرين في مطار الكويت
• مساعدة واستفسار لزائرة للمرة الأولى مع كل الشكر والتقدير مقدما
• أستفسارات متعدده لعيد الأضحى
• وين ألقى محلات الماركات ؟ والفساتين الناعمه؟
• بروح الكويت وابي مسااااعدتكم تكفوون ؟؟؟
• فطاير
• هل انتهت فعاليات كويتي وافتخر او لا؟
• اقرب شقق لفندق موفنبك

المشاركة الأصلية كتبت بواسطة أبو مشعل
http://www.arabtravelersforum.com/tr...0/#post1212269

السلام عليكم ورحمة الله وبركاته

أهل الكويت وأهل الخبره

الله لايمسيكم إلا بالخير والعافيه

أنا ان شالله ابروح للكويت يومين بس

هل ممكن تفيدوني بأسماء شقق نضيفه طبعا لشخصين بس وتكون أسعارها معقوله
وتكون قريبه من أسواق شعبيه

طبعا الاسواق الشعبيه ماابي شي فيه بسطات ولاابي سوق فيه ماركات عالميه

يعني سوق شعبي حق جلابيات

مع كم مطعم تشوفونه حلو

بالمختصر

01- أسواق شعبيه مع مواقعها
02- شقق مفروشه مع مواقعها
03- مطاعم مع مواقعها


الله يوفقكم ويبارك فيكم ويجزاه الجنه الي بيرد علي



وعليكم السلام ورحمه الله وبركاته يا بو مشعل الله يمسيك بالخير والنور والسرور انصحك وانا اخوك بشقق ريتز السالميه مقابل سوق السالميه اللذي يكثر فيه المحلات الشعبيه وهو سوق منظم وفيه مطاعم ومقاهي وهو مقابل الفندق يعني تروحله مشي بس تقطع الشارع

هذا اللي يناسبك وسعره تقريبا 30 دينار للشقه او اقل شوي وياليت تدخل بوابه الكويت وتشوف الشقق المفروشه وارقامهم وعناوينهم بكل سهوله
وحياك الله في الكويت

كل اللي اقدر افيك فيه:
روح سوق المباركيه... سوق شعبي يجنن
حتى فيه مطاعم تجنن...انتظر تقريري عنها
وكل المطاعم الكشخه والعالميه تلقاها بالمارينا و شارع الخليج

حياكم الله معانا بالكويت

بس عزيزي اذا انتو شخصين مو محتاجين شقة الفندق افضل والخدمة ايضا افضل على العموم شارع البحرين في السالمية مليئ بالشقق الفندقية وموقعة جدا ممتاز والأسعار من 20 الي 35 دينار

واذا تحب شقق افضل مستوى عندق ريتز الشرق وريز السالمية وبودل سويت

على العموم هذا الربط فيه اكثر من 25 شقة بمختلف المناطق

http://www.kuwaithotels.info/apt.asp

حياك الله الساعة المباركة....الشباب بالسكن ماقصروا...وكذلك بالأسواق...إخذ بنصيحتهم.

وأحب أضيف للأسواق الشعبية سوق الفروانية....وكذلك مجمعات جليب الشيوخ...مو غالية وأعتقد تصلحلك.


وبالتوفيق!!!!!!!!!!!!!!!!!

حياك الله اخوي
شقق انصحك بريترز شرق او ريترز السالمية
اسواق شعبية سوق المباركية
الطاعم كيرة منها ميس الغانم ومحل مغل وبرج الحمام هناك سلسلة من المطاعم العالمية على امتداد شارع الخليج
وسوق المباركية فيه مطاعم

حياك الله بالكويت اخوي بومشعل وانشالله تقضي وقت ممتع وحلو




وياهلا فيك

ياجعل ربي يطول بأعماركم أهل الكويت

طيبه وكرم ربي يبارك فيكم

كفيتوا ووفيتوا

الله يخليكم لدياركم ويخلي حكامكم لكم ويخليكم لهم