الموضوع: مقتطفات مواقف الاكوادوري بـ كرايستشيرش بالصور مباشر

السلام عليكم ورحمة الله وبركاتة

كيف حاكم ان شاء الله بخير

احب اشكر اخوي وحبيب قلبي المظلووم والشكر لكم ايضا

الحمدالله وصلت اليوم نيوزلندا الساعه 11 الصباح بتوقيتهم

والاجرائات سهله وسلسه

سالتني الموظفه ليش جاي هنا قلت سياحه وبعدين قلت دراسه وانا ملخبط بالفورم حقهم عدلته لي وقالت

اوكي روح دربك خضر قلت له شكررا وبعدين استلمت الشطنه ومشيت ولقيت الشرطه واشق الابتسامه

شقققققققققققق

الا قالي مسار 4 يالحبيب قلت مالت على حظي

فتشوني ومالقوا شئ وقالوا توكل على الله يابطل

وبخصوص الحجزت

حجزت على الخطوط السنغافورية ب7500 ريال

مسار الرحله الرياض دبي ساعه وبعدين سنغافوره 7 ساعات وبعدين كرايستشرش

الرحله متتتتتتتتتتتتتتتتتتتتعبه جدا لكن الحمدالله وصلنا بالسلامه

احب اقولكم تذكرون سالفتي لما سافرت وبنشرت بنص الطريق

http://www.arabtravelersforum.com/travel421811/

هذا الرابط يحكي عن السالفه والله لا يعودها من ايام

وصورت صور بسيطه ان شاء الله تعجبكم

هذا انا بالطيارة جالس اقرا كتاب الله عز وجل


https://travel.maktoob.com/photo/sho...eeeeee&cat=500

صورة ولحظة دخولنا اراضي سنغافورة

https://travel.maktoob.com/photo/sho...le=si3&cat=500

صورة تبين فيها ابراج سنغافورة

https://travel.maktoob.com/photo/sho...=sing1&cat=500

مطار سنغافوره من اروع مطارات العالم

https://travel.maktoob.com/photo/sho...e=airb&cat=500

مجهزين حق الكرسمس

https://travel.maktoob.com/photo/sho...=crsms&cat=500

العرب المسافرون معاي وين ماكون

https://travel.maktoob.com/photo/sho...e=tra2&cat=500

الخطوط السنغافورية

https://travel.maktoob.com/photo/sho...e=air5&cat=500

تجهيزات الكرسمس

https://travel.maktoob.com/photo/sho...crsmss&cat=500

الدولارات السنغافوريه

https://travel.maktoob.com/photo/sho...le=flo&cat=500

رابح صقر تشكي وانا اشكي

https://travel.maktoob.com/photo/sho...e=rab7&cat=500

كرت الدخول لنيوزلندا

https://travel.maktoob.com/photo/sho...le=joa&cat=500

صورة جويه لكرايستشيرش

https://travel.maktoob.com/photo/sho...le=cri&cat=500

صورة جوية ايضا كرايستشيرش

https://travel.maktoob.com/photo/sho...e=cei2&cat=500





تشاتل باص او شاتيل باص ينقلك من المطار لأي فندق ب17 دولار ارخص من التاكسي وانصح فيه وبقوة

https://travel.maktoob.com/photo/sho...=cat12&cat=500

هذا اللي عندي ويعطيكم الف عافيه ولا تنسونا من الدعاء

الموضوع راح يكون متجدد بالمواقف والرحلات المختلفه

اخوكم الاكوادوري

مواضيع عشوائيه ممكن تكون تعجبك اخترناها لك:

• إستفسار ضروري
• عقود تأجير السيارات في نيوزيلندا
• بخصوص الفيزه الى نيوزلندا
• اوكلاند فندق الويستن لا يفوتكم
• استفسارات عن ولنتقون مهمه
• اعلان عاجل الي جميع الطلاب السعوديين في مدينة كرايست تشيرج النيوزلندية
• تاريخ نيوزلندا
• استفسار عن الطقس في نيوزيلاندا
• استفسار بخصوص السفر للسياحة والدراسة في نيوزيلنداعاااجل
• بخصوص المحلقيه الثقافيه
• استفسارات ضروريه وابي اجوبه ؟
• ممكن سؤالا
• تكرم على وعطني رايك تكفااا
• محتار في كم معهد
• لو سمحتو عيوب ومميزات مدينتين الله لايهينكم
• أنا قررت بس ابغى فزعتكم لنيوزلندا
• الذهاب إلى نيوزلندا بدون حجز سكن استفسار ؟
• من نكلم في السفاره
• لاب توب او اي باد
• أرجو المساعده نيوزيلاند أو استراليا

بالتوفيق والسداد يابطل ،،،، بس لدي سؤال الصور اللي مصورها بأي كاميرا.

وعليكم السلام ورحمة الله وبركاته



الحمدلله على السلامه ولا تعبت يا غالي

منافس قوي قادم وبعنف على الساحه

ننتظر بقية المتعه

تحيتي‘ . . لك

وعليكم السلام ورحمة الله وبركاته

ما سويت ألا الواجب يالغالي

الحمد لله ع السلامه

نفس مسار رحلتي بالضبط .. مسار يفقع المراره

الشاتيل باص .. شكله لاعبن علي .. أخذ مني 25 دولار

شكلنا موعودين بتقرير ولا أحلى .. بس صور لنا كل شي

موفق يالغالي .. شد حيلك

سلامة الوصول يا الاكوادوري

[font="courier new"][size="5"][color="darkolivegreen"]ورحلة سعيدة بإذن الله عاد الله الله لانوصيك بالتقرير والصور الزينة وانتبه للميموري حق الكام ها انتبه

مراسلنا من نيوزيلندا يعطيك العافية ويوفقك بس لاتنسى
تصوير الاماكن السياحية وتعرفنا عليها

الحمد لله على السلامة
والله يوفقك في بداية طريقة نحو تعلم اللغة
واعلم اخي الفاضل ان (قليل دائم ، افضل من كثير منقطع)
يعني على الاقل في اليوم تذاكر ساعة !!

وقومة الصباح بدري ما في مثلها
تقبل مروري البسيط

موفق ! ..

a4100
الله يوفقك حبيبي وبخصوص الكاميرا اسمها fujiflm زي كذا ولها خصائص بالتصوير ليلي ومادري ايش وانا ما اعرف الصور

يعني ما اعرف اتعامل مع وضع الصور التقط صوره وادعسسسسس ^_^

أسامه العتيبي هلا ببناخي الله يسلمك وان شاء الله قريب

المظلوم
الله ييسلمك حبيبي ماتقصر والله بقولك اليوم رحت سوبر ماركت وشريت فيش ب14 دولار وتذكرتك يوم تشتريه ب15 دولار خخخخخ

الاسير
الله يسلمك مشكور وما انسى وقفتك معي

عاشقة الارياف
تسلمين على المرور والتقرير ان شاء الله قريب اذا في فرصه

كاتلوني
الله يسلمك

ويوفقك انت بعد

والمذاكرة لابد منها ياوخيي

حاليا انا ساكن بـ So hotel

وموقف طريف حطيت الشناط بالغرفه ورحت للمعهد ومعي عنوانه ومعي الخريطه تبعه

لفيت شوارع كرايستشيرش مالقيته تكسرت روجلي من المشي كل ماروح عند احد يقولي الشارع هذاك

والثاني يقول عكس تعبببببببببببببت

اخر شئ لقيت سعوديين وسالتهم وماقصروا وصفولي مكانه وطلع مكانه

جنب الفندق يبعد دقيقتين هههههههههههههههههههههههههههههههههههههههههههههههههه ههه

طبعن احسبه زي معاهدنا بالرياض رازين اللوحه فوووووق مكتوب درايركت انجلش او ماشابه

طلع المعهد بالدور العلوي ومكانه صعيب شوي خخخخخخخخخخخ

خلصت اموري مع المعهد وقالوا بكرة بنوديك للعائله قلت اوكي

رحت نمت الساعه 6 وصحيت 1 الفجر وكنت جووووووووووعان

اطلع ولا ما اطلع اطلع ولا ما اطلع كنت خاااااااااااااااااااايف

قلت خلني اطلع واخذ 20 دولار بس واغراضي تككون بالفندق

رحت ولقيت مطععم يبيع شاورما وحلال بزاوية تقاطع مانشيستر ستريت

وانا طالع الا الشعب سكرررررررران وصوت النايت كلوبات مرتفع

ومشيت واحاول اقلل من نظراتي فيهم ورجعت البيت والحمدالله اموري طيبه

والشرطه بكل مكان موجودين يعني الامن الحمدالله تمام والحافظ الله




الاكوادوري

السلام عليكم ،،،
في البدايه الحمد لله على السلامه
وأعانك الله ووفقك لما يحب ويرضى
وأتمنى لك رحله موفقه يملائها عليك جمال وطبيعة نيوزيلندا
وماشاء الله صور جميله جدا وننتظر منك المزيد
وأتمنى لك الرحله موفقه وتقرير جميل ولاتنسان بالصور
وشكرااا لك أكوادوري

الغريب

وعليكم السلام والله يسلمك

والله يوفقك

طبعن هذا مب التقرير لكن بعدين لما اجمع صور راح انزل التقرير

ويعطيك العافيه

بداية موفقة اخي الاكوادوري وفعلا احسنت ثم احسنت انك تعتمد على نفسك ولات تلجأ للمكاتب النصابة

وان احتجت اي شئ لايردك الكيبورد وانا اخوك.

يآهلآ بـالاكوادوري ..~ الحمدلله على السسلآمة ..
[b]متـآبعـك .. ولآتنسسـآنـآ ..

يعطيك العافيه اخوي الاسير والله اخجلتني بطيبك

عندي مشكله انا شريت شريحة فودافون من المطار زين كلمت الاهل ماطلع رقمي طلع لهم الرقم خاص (

وكلمت صديق لي نفس المشكله (

اذا عندك الحل ياليت تقولي واكون شاكر لك


ناصر اهلين والله يسلمك

تسلم على المرور العطر

اخي الاكوادوري بالنسبة لشريحة الاتصال سوا فودافون او اي شركة اخرى مشغلة للهاتف الجوال

فعلا عندما تتصل على الاهل يكتب لهم الرقم الخاص وعندما يتصلون بك احيانا يكتب لك الرقم الخاص ولكن من الافضل انك تخليهم هم يتصلون بك لان تكلفة الاتصال جدا باهضة من هناك ولا اعتقد لها حل لان الاتصال بعيد جدا

وانصحك حتى وانت بكرايست شيرج اوغيرهامن مدن نيوزلندا اتسخدم الرسائل القصيرة ولاتستخدم الاتصال للمحافظة على رصيدك وتقدر تشتري 2000رسالة قصيرة مقابل 10دولار نيوزلندي وستخدمها لمدة شهر كامل وبكذا انت وفرت على نفسك الرصيد واسئل اي محل تابع لفودافون او العائلة بيفدونك عن طريقة شراء الـ2000رسالة انا ناسيها ياخوك.

اتمنى اني ساعدتك بمعلوماتي البسيطة وابد احنا والاخوان هنا بالخدمة وانا اخوك.

بداية موفقة يا اكوادوري
اكمل بارك الله فيك نحن في انتظار تقريرك

للمكالمات . . جرب بطاقات BLAH BLAH

تقدر تشتري من هنا

هذي الخريطه


وهذي عناوينهم

Email : mailto:[email protected]

Phone : + 64 3 3772381

Fax : + 64 3 3661009

Twitter : eblahblahnz

Address : 77 Cathedral square

وهذا موقعهم وبتلقى كل الزحمه اللي فوق خخخ
http://www.blahblah.co.nz

- - -

وإذا أحتجت أي شئ روح للعم علي فالسكوير راعي كفتيريا لونها أصفر وبيخدمك

تحيتي‘ . . لك

حمدله علي السلامه
مريت علي الفارابي وقلت والله يالاكوادوري يمدحك وبقوه
اجل ربي يسهل دراستك ان شاءالله

الحمدلله على السلامه ياغالي
نبي تقرير جامد

وتوي قريت موضوع اللخبطه اللي صارت لك بجده


لكن الحمدلله عساها خيره









رحت ولقيت مطععم يبيع شاورما وحلال بزاوية تقاطع مانشيستر ستريت



ههههههههههههههه
شارع مانشستر مايحتاج والله ياهو انواع البلاوي
الله يحفظك

الاكوادوري
الحمد لله على السلامه
باذن الله ننتظر تقرير قوي منك

حبيت اقول لك بالنسبة للاتصال على اهلك بالسعوديه
حاول انك لا تكلم عن طريق شريحتك لان المبلغ مررره غااالي
لكن فيه بطاقة الظاهر اسمها اسيا او كذا المهم في اكثر من بطاقه
ميزتها تكلم فيها عن طريق جوالك و سعرها 10 دولار وفيها حوالي 45 دقيقه
و تزيد الدقائق بعد 12 بالليل يعني فيه تخفيض لا اوصيك فيها

اتمنى اني افدتك
وبالتوفييييييييق يا رب ,,,,

الاسير
الله يعطيك العافيه الرقم صار يطلع لهم و30 دولار على طول خلص رصيدي بستخدم الرسائل افضل

الفهد
تسلم على المرور ياعسل

الكعبي123
مشكور على المرور

اسامه
يعطيك الف عافيه

فيصل
اهلين وسهلين اهم شئ عجبتك الفارابي ^_^


حساس
الله يسلمك وشاكر لمرور العطرر

الحروف الشقيه
الله يسلمك يارب يعطيك الف الف عافيه

طبعن رصيدي كان 30 دولار كلمت فيه تقريبا 7 دقائق اعتقد وطار

لازم استخدم الرسائل او الكروت المخفضه افضلي واوفر

شاكر لك مره ثانيه

الحمدلله على السلامة بعد طوووول انتظار و تأخير خخخخخخ

الله يوفقك ويسهل امرك والله الله بالاجتهاااد .

شرق وشرق
الله يسلمك ويوفقك ويسهل امرك

ربي جابك ..!!

أولاً الحمدلله على السلامه .

ثانياً :- أنا حالياً قاعد أرتب إجرأت السفر والذي سيكون في 21-2-2011 م
وخلال هالأسبوع راح أشتري التذاكر وكل شيئ ,! ولكن ..!! لازلت محتار بين أوكلاند وبين كرايستشرش وبين
بعض المدن التى تبعد عن أوكلاند 2-3 ساعه بالسياره .
ومانستغني عن نصائحك ...؟

الحمدلله على سلامتك وعسى الله يوفقك موفق خير

الحمدلله على السلامه يابطل . وكيف الحر الحين عندكم ههههه


اجل اجواء حارقه والعالم فالينها هههه

الإكوادوري

يعطيك العافيه ، وبالتوفيق لك في رحلتك النيوزيلندية ..

وبإذن الله تحقق ماتصبو إليه من أهداف لهذه الرحلة ..


نصيحة لك كشخص يعاني من غلاء أسعار المكالمات الدولية بخارج المملكة : إذا أردت مكالمة الأهل والأصدقاء داخل المملكة عليك بأن ترسل رسالة قصيرة على جوال المُراد مهاتفته بأن يتصل عليك ، وبأن يتصل من كبائن الإتصالات المنتشرة بكل أنحاء السعودية ، حيث أن تكلفة الدقيقة الواحدة منذ الساعة الرابعة عصراً وحتى الرابعة فجراً بـ 49 هللة للدقيقة الواحدة فقط ولجميع بلدان العالم ، وأنا أنصح بذلك بشدة ، وذلك بسبب غلاء أسعارالمكالمات الدولية بشركات الهاتف الجوال .

تحياتي ..

المازني

الله يسلمك وموفق وتوصل بالسلامة

والله انا مارحت اوكلاند عشان احكم هي او كرايستشيرش بس انا ارتحت بكرايست واجد واشوف مناسبه

واذا تحب تدرس بقرى عندك روتروا او كورومندل تبعد عن اوكلاند اعتقد 3 ساعات ولو تلف القسم بتحصل مواضيع عنها

وايضا في قرى قريبه من كرايستشيرش مثل نيلسون و واناكا وكوينزتاون

وبالاخير فكرر والراي رايك وموفق ياخلفهم

خالد الزبيني الله يسلمك ووياك يابعدي

ترانزيت
الله يسلمك والله حاليا فيه حرر انا طلعت امس لابس كم قصير وجاء الليل وصفقنا بررررررد خخخخخخخخ


ali85
بارك الله فيك وماقصرت ويعطيك الف عافيه على المعلومات وان شاء الله استفيد منها

باك

من المواقف الصعبه اللي واجهتني بكرايستشيرش ركبت باص بالغلط ووداني مكان بعيد شوي

وانا لغتي ميح وقلت له ابي الحي تبعي قال انزل ورح المكان هذاك بتحصل باص بيجي اركبه ورح محطة الباصات

واركب باصك

وهذي بعض الصور اللي صورتها


ظلي

https://travel.maktoob.com/photo/sho...e=qw11&cat=500


صورة من الشارع


https://travel.maktoob.com/photo/sho...le=qq9&cat=500

وحده ثانيه

https://travel.maktoob.com/photo/sho...le=qa1&cat=500

فلسفه

https://travel.maktoob.com/photo/sho...e=aa64&cat=500




https://travel.maktoob.com/photo/sho...=aaa28&cat=500




https://travel.maktoob.com/photo/sho...tle=ws&cat=500


هذا اللي عندي وشكرا


الاكوادوري

هههههههههههههه وش السالفة دايم الشباب يضيعون الله يستر علينا .

حبيبي , الملابس شريتها من الرياض لا لاني محتار بذا النقطة ولاتنسى سعر التذكرة بكم لاني رحت للمكتب ويقول 7450 ريال وانا ابي اسافر على نهاية فبراير ,

شد حيلك بالمعهد وحاول تغتنم الثانية الله يوفقك ويستر عليك .

اهلين شرق

نصيحه اشتر ملابس واااجد عندك ارخص واحسن من هنا رح البطحاء او الشعله

هنا غااااااااااالين وياليت الملابس تستاهل اصلا


ويوفقك حبيبي


الاكوادوري

الحمد لله على سلامة الوصول أخوي الاكوادوري
وأسأل الله لك التوفيق الدائم
بس طلب لو سمحت تعطينا المواقف اللي تصير معك أول بأول عشان يصيرعندنا تصور للوضع هناك

حتوم الله يسلمك ويوفقك

ابشر يالغالي ماطلبت شئ ^_^

الله يسلمك

التذكرة ماقلتلي عنهااااا طيب ؟

التذكرة انا اخذتها السنغافوريه ب7500 ريال وتودي على كرايستشيرش

وفي الكاثي باسيفك ب6300 ريال الى اوكلاند

وفي الماليزية وبروناي بس تقلع من جده هذي

واللي يناسبك اختاره

موفق يابطل

اخوي الكوادوري الحمدلله على سلامتك يالغالي وابي منك خدمة يالغالي

حاولت ارسلك وراسل اسامه العتيبي عجزت

كيف الطريقه اني اراسلك ضروري

الحمد لله على سلااااااااااااامتك

شرق وشرق
التذكرة للاسف 6 شهور وتقدر تاخذ سنه بنفس السعر لاني انا اخذتها بوقت موسم واستعجلت
ئل
وبخصوص المعهد انا جيت ورحت للمعهد وسجلت لكن بعلمك طريقه جدا ممتازه

انت تعال واسكن يوم وبوصيك عند شخص سعودي عنده مكتب قبولات معاهد + جامعات + سكن عوائل + تعقيب بالدوائر الحكومية وكل شئ عنده يعني تبي معهد يدبر لك معهد ويعطيك سعر كوووووويس جدا

تقدر تراسل المعهد بالنت بيعطيك سعر غالي اما هو يراعيك بالسعر وانسان طيب جدا

وموفق حبيبي

نايف

الله يسلمك يالغالي تقدر تاخذ ايميلي من الادارة اكتب موضوع في القسم وان شاء الله مايقصرون

خالد الزبيني الله يسلمك

باكككك

من احدى المواقف القوية الي حصلت لي اليوم

ركبت الباص وطبعن مغير الهومستي تبعي

وسكنت بمنطقه بعيده


وركبت الباص االساعه 9 ونص ووصلت الساعه 10 ونسيت مكان البيت والحمدالله اني مسجله بورقه احسن من غيري

الا وقف الباص شخص كبير بالسن شايب ومايتكلم زين وقالي انزل انزل انا خففففففففففففت

منطقه مظلمة وكان معي جوازي وجوالين وبوكي فيه 300 دولار يعني ياحظ اللي بيسرقني

وطبعن خفففففت وشوي بصيح ورفع صوته وانا ماعرف اتكلم انجليزي اصلا قلت خلاص تكفا رجعني المحطه مره ثانيه

قال نو انزل هنا وبعد اخذ الورقه مره ثانيه مني وفهمني الطريق هذا هو ودور على رقم البيت ومشيت وراح الباص وزاد الخوف

ومشيت اليييييييييييين حصلت البيت وبعدها احس ثللللللللللللج صدري

اعوذ بالله كانت ليله مخيفه وماراح انساها طول حياتي

ونصيحه للجدد انه يسجل رقم البيت والشارع ورقم التلفون بورقه ويحطها في بوكه او يسجلها بالتكست تبع الجوال





-------------------------

وهذي صورتين ان شاء الله تعجبكم واهدااااااء للمظلوم خاصه





هذا انا صديق نفسي












الاكوادوري

لبى قلبك ياصديق نفسك خخخخخخخخ ,
"لاخلا ولاعدم على نصايحك الحلوة وعرض مساعدتك يابطل "

كيف وضع اسعار معهدك ؟ انا قالولي 360 دولار في الاسبوع , اللهم ياكافي .


والتذكرة شكلي باخذ الاماراتية هي اقل سعر 5950 رس. وبشوف وضع فيزة استراليا .

بالتوفيق والسداد .

أنت بطل

النصر و Wanaka

مو معقوله

سلًم لي على NZ

شرق وشرق

الله يعينك بس ماقلت لي انت جاي وين كرايست او اوكلاند ونصيحة مثل ماقلت لك روح للمكتب

بدل ماتاخذ الاسبوع ب360 تقدر تاخذها ب340 او اقل وعلى حسب الشهور

والله يوفقك يابطل


المظلوووم

يبلغ سلامك يابطل





الاكوادوري

الحمد على السلامة والعقبال ماتجي بلبل السؤال الله يسعدك هل اخذت معك قهوة عربي وهيل وتمر وهل وضعت عليها تاريخ الصلاحية
بالتوفيق ان شا الله

مشردة بلا خطيئة
الله يسلمكِ

والله ما اخذت معي قهوة ولا هيل ولا تمر

بس اعتقد تقدرين تدخلينها معاك بس لازم يكون تاريخ الصلاحيه عليه

وتوصلين بالسلامه

يالبى قلبك يا الاكوادوري

[size="5"]واااصل يابطل واحنا معاك

الاسير
وقلبك ياخلفهم

ان شاء الله بواصل وهذا الموضوع كتبته كذا وقلت خلني اكمله بمواقف وكم صوره

لاني ما اصور واجد ولا كان كتبت تقرير لكم وانتم اكيد تستاهلون

ماشالله عليك متى تروووح المعهد انت ؟

ان شالله على اوكلاند بأحد القرى .

تحياتي واشواقي .

أخوي المبدع الاكوادوري
يا سلاااام عليك يابطل فعلا ذكرك للمواقف اللي تصير لك وكيف تتصرف فيها يستفيد منها غيرك بس عندي استفسار :
أنت في المطار قلت لهم إنك جاي سياحة وإلا دراسة (الجملة هذي تذكرني بموضع مشرفنا الغالي أسامه العتيبي)
وكيف الجو في الوقت هذا ( بما أنك في قلب الحدث )
واااااااصل إبداعك فنحن في انتظارك

[b]شرق وشرق
اهلين ياصديقي كل يعرف دوامات المعهد من 9 الصباح والى 12 بارت تايم وبعدين الين 3 وعشر دقايق مساء الفل تايم



حتوم
مطار كرايستشيريش مطار صغير وممتاز ويوم وصلت كانت رحله وحده وعددنا بسيط جدا وسالوني ليش جاي هنا قلت لهم

سياحه ودراسه وبرجع خلال 3 شهور وعطيتهم التذكرة حقت الرجوع واسم المعهد ومامعي قبول وقالوا تفضل

والجو والله ياخوي مره برد ومره مطر ومره حررر وخاصتن شمسهم قوية شوي [/b]

المشاركة الأصلية كتبت بواسطة الإكوادوري
http://www.arabtravelersforum.com/tr...0/#post4621740

[b]شرق وشرق
اهلين ياصديقي كل يعرف دوامات المعهد من 9 الصباح والى 12 بارت تايم وبعدين الين 3 وعشر دقايق مساء الفل تايم



حتوم
مطار كرايستشيريش مطار صغير وممتاز ويوم وصلت كانت رحله وحده وعددنا بسيط جدا وسالوني ليش جاي هنا قلت لهم

سياحه ودراسه وبرجع خلال 3 شهور وعطيتهم التذكرة حقت الرجوع واسم المعهد ومامعي قبول وقالوا تفضل

والجو والله ياخوي مره برد ومره مطر ومره حررر وخاصتن شمسهم قوية شوي [/b]




هههههه الله يسلمك ادري بالمواعيد بس اتغشمر معك لاني كل ماخشيت للمنتدى تقريباً لقيتك اون لاين .

السلام عليكم ورحمة الله وبركاتة

يومي السبت والاحد من تاريخ 25 و26 ديسمبر لن انساه ابدا طيلة حياتي

وقت الكرسمس الكل عارف اغلب المحلات مقفله وكان وقت طفششششششششششششششششششش

جاء واحد من الشباب وقالي تعال عندي بالبيت العائله مسافره وانا لحالي فكرت قلت اوكي لان الباصات مقفله

وبيته قريب من السنتر 30 دقيقه سيرا على الاقدام

رحنا البيت وجت الساعه 2 الفجر وجت هزة قوييية زلزال واول مرة بحياتي يصيرلي موقف زي كذا

خف خووووووف شديد جلست اتنافض من الخوف وجت الهزه الثانيه والثالثه ونسمع صوت الدوريات بالشوارع

واتصلنا على صديق لنا وقال ان الكهرب انطفا عندنا بالحي

وانتظرنا وقت طويل شوي وقلنا نروح نرقد وان شاء الله مايصير الا خير ووقت النوم جت حوالي 4 هزات قوية

وصحينا ورحنا للسيتي الدوريات مقفله كل شئ واثار الزلزال واضحه كانت بالشواررع تكسرت القزاز والبلك

والحمدالله ماصار لنا شئ والله يحفظنا من هالزالازل



















هذا كل عندي





الاكوادوري

حمد لله على سلامتك اخي الاكوادوري انت واصدقاءك في كرايست شيرج

والهزات عايشتها في زالزال كرايست شيرج عندما وصل درجته على مقياس ريختر 7.5 من 8 والحمد لله ربك لطف وسلم

بالتوفيق ياعزيزي

الله يسلمك يالاسير وبارك الله فيك

قبل شوي جت هزة قوية والان الساعه 12 ونص بالليل والعائله صحت من النوم وخايفة وقلقانه

والله يحفظنا من كل سوء

أخي العزيز الإكوادوري

الحمدلله على السلامه

والله يكفيكم أنتم وجميع المسلمين من الزلازل وكل شر

تحيتي‘ . . لك

الله يحفظكم يا رب

طمّنا عن أوضاعكم يالغالي


لا تنسى وردك


موفقين

الحمدلله على السلامـــة وربي يحفظكم ان شالله .

أسامة العتيبي
الله يسلمك حبيبي

المظلووم
ويحفظك يابعد وابشرك امورنا طيبه ولله الحمد

دلة رسلان
الله يسلمك والصور ظاهرة كلها ومافيها اي شئ

شرق وشرقالله يسلمك يابعدهم

السلام عليكم

عندي بعض الصور لكرايستشيرش وتحديدا ساحة سكوير وان شاء الله تعجبكم




صورة لشباب سعوديين مشاركين بدورة لكرة القدم ولابسين نادي النصر




السكوير



الكنيسة



ايضا صورة للكنيسة ومعلم من معالم كرايستشيرش



هذا الكشك لشخص لبناني ويشتغل فيه اثنين واحد اسمه علي والثاني جون عنده كل شئ اكل حلال وتبي معاهد او اي شئ يفيدك بكل شئ وسالته عن اسامة العتيبي قلت طالب قبل 3 سنين هنا قال مر علي اسمه بس انا ناسي
لان السعوديين هنا كثيرر


وهنا بعض الكتابات والذكريات لاخوانا السعوديين على الاحجار اللي قبال الكنيسة










هذا كل عندي ومشكورين على المتابعة

المشاركة الأصلية كتبت بواسطة الإكوادوري
http://www.arabtravelersforum.com/tr...8/#post4650638

وهنا بعض الكتابات والذكريات لاخوانا السعوديين على الاحجار اللي قبال الكنيسة

هذا كل عندي ومشكورين على المتابعة

مشكور أخوي الإكوادوري وماني عارف وين المشكلة الخاصة بالصور حيث أنه فقط ظهرت لي هذه الصورة أما باقي الصور لم تظهر