الموضوع: اخــواني احتــاجكم ضروري وخاصه مشرفنا بو علي وانتم يالاعضاء رايكم يهمنــــي

السلام عليكم ورحمة الله وبركاته


اخواني انا قصيت تذكره 30/6 والرجعه ان شاء الله 18_7

ع طيران الاتحاد نزول في فرانكفورت

لاكني مخططيه مب مقتنعه فيه

قولولي رايكم فيــه


النزول من فرانكفورت والتوجه إلى

المانيــا (استراسربورغ الفرنسيه 2ليالي)_فرنســا(انسي)4 ليالي_سويسرا(انترلاكن) 6 ليالي_شتوغارت 5 ليالي لتسوق



انا محتار هل استراسربورغ تنصحوني فيها؟؟

والسؤال الاهم من ناحية التسوق والاكبر في الســوق وخاصه ملابس الاطفال تنصحوني في ميونخ والمبيت فيها 5 ايام ولاشتوغارت؟؟ لان سمعت ان شتوغارت المارين مالهم اكبر ومحلات اكثر شورايكم؟؟؟ المحطه الاخيره اهم شي فيها السوق


ياريت من مشرفنــا بو علــي يشوفلي شقق فاضيه في هالايام
لاني تعبت ادور وماعندي خلفيه ابدا في موضوع الحجوزات

نحن عايلتين العايله الاولى 7 افراد
والثانيه 4 افراد مع وجود اطفال معانــا

علمـا ان بنستأجر سيارتين
وشو السياره الي تنصحونــا فيــها ,, زينه للخطوط وماتهلكنــا بالبترول او الديزل؟


في انتضاااركم ,, اي حد يدخل الموضوع يعطيني رأيه مع تجربتــه

مواضيع عشوائيه ممكن تكون تعجبك اخترناها لك:

• شقه بقنوات عربيه بفرانكفورت
• مواصفات تأجير سياره
• سؤال لاخواتى بالمنتدى الكرام
• مارأيكم في خط السير وفي القياده بالمانيا
• استفسار عن افضل المناطق في المانيا
• قارمش؟ اوفوشن؟ اوشوانغو ؟
• خبرتكم الله يسعدكم اول مرة بسافر لألمانيا
• شقق ميونيخ
• شهر العسل في المانيا وسويسرا والنمسا
• تسليم السيارة في دولة أخرى؟ وطيران عمان الله يعافيكم
• لخبراء القطار الالماني
• اختكم قطرية محتاجتكم ولاحد يبخل عليها بالمساعده
• يا خبراء المانيا بخصوص الشنغن
• استفسار عن البصمه
• استفسار عن المقابلة في السفارة الألمانية بالعربي او انجليش؟؟
• مساعدة في عمل برنامج لمدة يوما
• تقرير رحلتي الى فرانكفورتقارمش ميونخزيلامسيسالزبروغ
• طلب وضع اعلان في موقعكم (المسافرون العرب)
• كاش ام بطاقة الصراف الالي؟
• رحلتي الاوروبية

افضل مكان للتسوق هو بفرانكفورت واعتقد العوده من فرانكفورت صحيح ؟؟


اذا نعم المخطط هكذا لو نزولكم الى مطار فرانكفورت بالنهار نختار مدينة روشت التي بها الملاهي يوربا بارك للسكن كون فيها شقق كثيره وانزور ستراسبورغ منها ..ثم انترلاكن ثم شتوتغارت ثم فرانكفورت للتسوق ..

الكلام المبدئي صعب انحصل شقق

انسي بعيده جدا وستراسبورخ مشابه لها .. ااذا ما حصلنا سكن بروشت ننتجه الى ستراسبورخ الفرنسيه بينهم ساعه فقط

السياره ديزل ..

الحين نحتاج انقسم الايام مره اخرى ...

انزين بوعلـــي لو تقولــي اي شارع في فرانكفورت اقدر احصل الاسواق المناسبه..

وروشت احس انها زحمه ومستحيل احصل شقق فاضيه كثرة الزوار ع الحديقه

بنقول الجدول فرانكفورت يومين

شتوغارت بنضيف لها يومين

وانترلاكن 6 ايام ,, بس العايلة تريد تروح الريف الفرنسي .. شورايك الانسب؟؟

انا شفت ان استراسربورغ تبعد عن انسي فقط 4 ساعات ولا انا غلطــانه ؟؟


شورايك؟؟؟

اختي

ستراسبورغ عن انسي 5 ساعات تقريبا ادخلها يجبرنا على تغير الجدول

مثال يكون من المطار الى ستراسبورخ ثم انسي ثم انترلاكن ثم شتوتغارت ثم فرانكفورت ,,, هذا المخطط لكن فيه تنقلات كثيره جدا وانتو رحلتكم فقط 13 يوم

وبعدين عندج انتركن اروع بكثير من انسي . وستراسبورخ تشبه انسي .. شفتي تقريري عن ستراسبورخ الفرنسيه

ثانيا لا تقارن اشتوتغارت بفرانكفورت شوفي الاسواق هنا

http://www.arabtravelersforum.com/travel434878/

ما جاوبتيني متى الوصول ومن وين المغادره

اخذي بنصيحتي فترة سفركم قليله جدا على 5 او 4 مدن.. خصوصا انكم عائله كبيره


انا لو علي انصحكم بالجدول هذا من المطار مباشره اما روشت او ستراسبورخ على حسب توافر الشقق او السكن الانسب .. 4 ليالي ثم انترلاكن 4 ليالي ثم فرانكفورت 4 ليالي

انتي تبين ادخل شتوتغارت يكون جذيه

3 ليالي روشت او ستراسبورخ 4 ليالي انترلاكن ليلتين شتوتغارت ليلتين فرانكفورت..

للعلم شتوتغارت صعب جدا نحصل شقق فيها ..تأخرتم كثير لهذا توقعي يكون سكنكم بفنادق


تحياتي

اخويــه نحن رحلتنــا 18 يوم مب 13

الخطأ مني قراتها بشكل خطأ

عموما شوفي الترتيب الثاني جيد جدا

من المطار الى ستراسبورخ او روشت ثم انترلاكن ثم شتوتغارت ثم فرانكفورت...

ولو ما عندكم مشاكل بكثرة التنقل والمسافات ممكن ادخال انسي

تحياتي

لاعادي اخويه العايله متعوده ع المسافات الكبيره

كل سنه نروح صلاله الي ماتقل عن 12 ساعه والشارع ابدا مايشجع

اكيد اوروربا بتكون احلـــى

انته عطني رايك اخويه وانا معتمده ع ربي ثم عليك


انا زرت ميونخ السنه الي طافت وعيبني المارين ان شاء الله فرانكفورت ماتقل عنها

وياريت ان الجدول يكــون التســوق بالاخير

تعرف اخويــه الريايبل مايطيقون الســوق بيقولون هاذيلا من اولهن جذي خساير ههههههه

ومشكوور اخوي ,,سامحني بتعبك ويايه

آسفه اخويه الوصول في النهار بس ماعرف اي ساعه بالضبط والمغادره من مطار فرانكفورت بعد

حيـــاك يالقطري


وينــك يابــوعلي انا في انتضارك,, الايام تمر وفرصة السكن تقل

ابى جدول اعتمد عليه

هلا فيج اولا ما ف ازعاج اسئلي كما تحبين



اتبعي الجدول الاتي

انزلي فرانكفورت وبالسياره الى ما ستراسبورخ او روشت او فرايبروغ 4 ليالي ... ثم الى انترلاكن اطول مده جلوس فيها 5 ليالي ثم شتوتغارت وزيارة حدائقها واسواقها ومعارضها 3 ليالي ثم لفرانكفورت والملاهي واسواقها 4 ليالي


لو تحبون الريف بعد ممكن ندخل غارمش الالمانيه الجميله والقريبه من ميونخ لكن من انترلاكن الى غارمش بحدود 4 ساعات ونصف الى 5 ساعات ويكون المخطط هكذا

روشت 4 ليالي انترلاكن 4 ليالي غارمش ليلتين شتوتغارت 3 ليالي فرانكفورت 4 ليالي

واخيرا ما احب اخلي شي بخاطرج رغم المسافه الي ذكرتها ممكن ادخل انسي بعد ستراسبورخ ويكون كالاتي

روشت او ستراسبورخ 4 ليالي انسي 3 ليالي انترلاكن 4 ليالي شتوتغارت 3 ليالي فرانكفورت 3 ليالي


اي من الجداول الثلاث جيد اختاري ماهو في خاطرج انتي ولو حبيتي تفصيل عنهم اكثر انا حاضر


ان سويت بحث على اغلب المدن المذكوره لم احصل شقق

بنتظاركم

المشاركة الأصلية كتبت بواسطة القطري
http://www.arabtravelersforum.com/tr...8/#post5496468

السلام عليكم

متابع بصمت



منور الموضوع ومنور المانيا

تحياتي لك

هلا فيــك اخوي



ستراسبورخ 3 ليالي_ انسي 4 ليالي_ انترلاكن 6ليالي _ فرانكفورت 5 ليالي

فضلت فرانكفورت نتسوق فيـها بعد ماشفت موضوعك عن هالمنطقه يزاك الله ألف خير ونلغي شتوغارت من الجدول
وقارمش زايرتنها العام الماضي وابى ازور شي يديد

أخوي فرانكفورات دايما اشوف مواضيعها فيـها شمس ,,يعني هي دايما جي مشمسه (شاردين عن الشمس نحن هههه) ؟؟

اخوي ماقتلي وين اقدر القى شقق تعبت من هالمسأله ؟؟

؟؟

اولا مخطط حلو

من انتركن الى فرانكفورت 4 ساعات ونصف تقريبا ..

ثانيا السكن بفرانكفورت انا كتبت بعض الشقق والفنادق هنا

http://www.arabtravelersforum.com/travel419584/

شوفي تقريري عن ستراسبورخ وكتبت فيه شقق سكنيه جيده جدا

http://www.arabtravelersforum.com/travel439352/

اذا ما حصلتي يكون الخيار للسكن بروشت .حاولي تستعجلين



اوربا كلها شمس بالصيف .. دمتي بخير

اخوي مانقدر نزور باريس عن طريق انسي في نفس اليوم ونرجع؟

ولامايصير؟؟

وشو الاماكن الي نقدر عن نزورها حسبب المخطط

لا باريس بعيده ما ينفع بنفس اليوم

ممكن اتورين من انسي اتروحون جنيف او مونترو اوالشامونيه ..

الحين انتي ظبطي الليالي على الفنادق وشوفي ما هو متوفر بعدها نرتب الاماكن السياحيه

هلا وغلا مشرفنا ..

الصراحه حبيت اشكرك على الفندق

ولي عجبني في الفندق انه عنده غرفه خاصه للناس الي على عربانه

وهذا الشي ماتتصور اشكثر ريحنا لأنه تكرمون الحمامات وسيعه ومجهزه بشكل خاص ..

حتى شيبتنا استانس على الفندق

المشاركة الأصلية كتبت بواسطة القطري
http://www.arabtravelersforum.com/tr...0/#post5509790

هلا وغلا مشرفنا ..

الصراحه حبيت اشكرك على الفندق

ولي عجبني في الفندق انه عنده غرفه خاصه للناس الي على عربانه

وهذا الشي ماتتصور اشكثر ريحنا لأنه تكرمون الحمامات وسيعه ومجهزه بشكل خاص ..

حتى شيبتنا استانس على الفندق




هلا بالغالي الحمدلله انه اعجبك

والله يحفظ الوالد . وترجعون بالسلامه

دمت بكل خير

اخوي علي

اليوم رحت مكتب سياحي

وعطتني اقتراح ع مخطط شرايك فيــه

استراسربورغ 2 ليالي_شاموني 4 ليالي_انترلاكن 6ليالي_ميونخ 4ليالي_فرانكفورت 2

ولا اعتمد ع مخططنا القبلي؟؟

ووقتلها ادورلي شقق بس بصرااااحه نــــــــــــاااااار اسعارهم

شوووالحل؟؟؟؟؟؟

ياريت حد يقرا موضوعي يفيدني بالشقق..بليـــــــــز

هذا المخطط نفس ما ذكرنا بس طولنا المسافه باضافة ميونخ

واستبدل انسي بالشامونيه ...

عموما لو مشيتي على مخطط المكت غيري بعدد الليالي ويكون كالاتي

استراسربورغ 3 ليالي_شاموني 3 ليالي_انترلاكن 5ليالي_ميونخ 4ليالي_فرانكفورت 3

خلاص اوكيــه اعتمدنا ع هالمخطط


بس كيف اقدر احصل شقق مناسبه باسعار معقوله؟
دورت في النت ماحصلت والمكاتب غاليه شو الحل؟

مساء الخير
بالنسبه لستراسبورخ وميونخ وفرانكفورت انا كتبت عنهم

اما لو حصلتي بمكاتب شقق انصجج بالحجز منهم واكتبي لنا الاسعار حتى انقارن لج مع النت


تحياتي

*** مخالف لقوانين المنتدى .. نرجو عدم طرح مثل هذي المواضيع ****