الموضوع: لكل بحريني ومن لديه خبره في البحرين الرجاء المساعده ضروري

اول شي بسم الله الرحمن الرحيم

السلام عليكم ورحمة والله وبركاته: وبعد اول شي كل عام وانتم بخير وكل المسلمين بخير المهم راح ادخل في الموضوع على طول انا اخذت عطله بسيطه من عملي حق اسبوع فقلت ابغا مكان اسافر فيه واغير جو فيه فلم اجد
غير البحرين لاني جيتها في العيد ولدي بعض الاسله بعضها غريب وبعضها عجيب لكن اتمنى انكم تجاوبني انا لمارحت
البحرين في العيد يعني عيد الحج الاسعار حق التكاسي كانت غاليه الشقه حصلت ب200 ريال سعودي الان السوال
هل الاسعار لازلت في البحرين مرتفعه لانه الان راس السنه هل اسعار التاكسي لازلت غاليه قريت هنا في تقارير الاخوان وسمعت من ناس عن جنة دلمون هل هي قريبه من شارع المعارض لاني ناوي اسكن في شارع المعارض وكم الدخول لها وهل هي عوائل او شباب محمية العرين هل هي في المنامه وكم اسعار تذاركها وعذاري هاذي اشي هي وايش احسن كورنيش عندكم ايضا هل اجد # كوفي شوب فيها قنوات الارتي والجزيره والستي سنتر فيه سينما
اين اجد الملابس الرياضيه الجديده خصوصا لبس اليوفي وشكرا

مواضيع عشوائيه ممكن تكون تعجبك اخترناها لك:

• اختكم فجر تسال عن البحرين هل من مجيب
• من يدلني على شارع المطاعم بالعدلية البحرين ؟
• سؤال ممهم
• استفسار بسيط
• فندق قلف قيت
• الغالية البحرين بزيارة سريعة يوم الاحد
• اللي يبي فندق عائلي يتفضل بالدخول
• المواصلات من مطار البحرين إلى الدمام
• انسب الايام والاوقات لزيارة محمية العرين والمتحف الوطني
• ابي فندق رخيص ونظيف لعائلتي
• أنا مسافر للبحرين بالسياره مين يقدر يساعدني ؟؟؟
• معرض الخريف الدولي من يناير إلى فبراير
• سؤال عن مطاعم تقدم الافطار
• هل الدخول الى البحرين عن طريق الجسر ممنوع؟
• كم رقم الاستعلامات في مملكه البحرين ؟
• معرض البحرين الدولي للطيران ۔ يناير
• ابي مطاعم حلوه تبيع اكل مشاوي وتكون قعدته حلوه وعائلية
• سؤال بخصوص الحلوى البحرينية
• مطعم ومقهى بانوراما في البحرين ؟
• محتاج مساعدكم اول مره اسافر للبحرين

وعليكم السلام ورحمة الله وبركاته
بالنسبة للتكاسي ما اقدر افيدك لاني ماجربتها
-لكن اذا انت بتروح بالسيارة فما يحتاج تاكسي لانك ممكن تسأل واهل البحرين مايقصرون معاك

-جنة دلمون ليست في شارع المعارض هي نوعا ما بعيدة وتذاكرها اعتقد بحدود 70 ريال وفيها يوم مخصص للنساء وباقي الايام للجميع (عوائل +شباب)

- محمية العرين بجانب جنة دلمون ( ممكن الاعضاء يفيدونك اكثر بالوصف) واسعارها رخيصة على حسب ما اذكر

- عذاري عبارة عن مدينة ملاهي ترفيهية

-انا افضل كورنيش المحرق

- بالنسبة لباقي الاسئلة ممكن غيري يفيدك

بالتوفيق

جنة دلمون ومحمية العرين قريبين من بلاج الجزائر ويبعدون عن المعارض 45 تقريبا او يمكن زياده في حالة الزحمه


وسعر دخول جنة دلمون 14 دينار


التكاسي اسعارها ماتتغير لانها بالعداد ومالها اي شغل بالمواسم


والستي سنتر فيه سينمات

توني تذكرت ان جنة دلمون بهذا الوقت البارد مسكره وممكن تروح بدالها واهووو اللي بالستي سنتر

ما قصروا الأخوان ,

أسعار التكاسي لا تتغير , وجنة دلمون المفقودة سعرها 14 دينار للتذكرة الواحدة ( 140 ريال سعودي ) ولكنها مغلقة حالياً لأن الجو بارد وراح تفتح في شهر مارس أو أبريل القادم.

تقدر تروح ( واهووو ) وهي أحدث حديقة مائية في البحرين وتقع في مجمع السيتي سنتر وبها نظام تكييف متطور وألعاب جميلة.

سينما السيتي سنتر مفتوحة وراقية وجميلة وهي أكبر سينما في الشرق الأوسط مع 20 قاعة عرض.

جنة دلمون المفقودة بعيدة عن شارع المعارض حوالي 35 - 40 دقيقة بالسيارة.

ملابس اليوفي تحصلها في أي محلات رياضة وكل المجمعات تقريباً مليانه هالمحلات ,

أوقات سعيدة

,

مشكورين اخواني لكن ممكن سوال اخر كيف الاجواء الان في البحرين هل هي باردة او ممطره او معتدله وشكرا

الجو بالنهار معتدل وبالليل يميل للبروده اكثر يعني لازم تحسب حساب الكم الطويل والسويترات الخفيفه