الموضوع: وين ألقى مجمع الآوت ليت ؟

السلام عليكم ورحمة الله

أنا مسافره لـ دبي ان شاء الله هالاسبوع ..

وقريت هنا عن مول اسمه الاوت ليت .. يبيع الماركات بس مخفضه ..

انا بصراحه اول مره اسمع عنه .. هل له اسم ثاني ؟ ووين مكانه بالضبط ؟

وهل هو يبيع الماركات الاصليه ولا تقليد ؟

شكراً جزيلاً

مواضيع عشوائيه ممكن تكون تعجبك اخترناها لك:

• دلوني على برنامج مميز مع عائلتيأيام
• السياحة في أبـــــوظبي والعـــــين
• عاجل ناوي ازور الامارات غداً ، سؤالي هل الوقت الان به ازدحام في الفنادق
• هل اسافرلدبي بالبطاقة المدنية ام بالجواز
• مواعيد مارينا مول في رمضان
• ابن بطوطة جيت دبي يطرح عرضاً ترويجياً للمقيمين في دول الخليج بمناسبة العيد
• امطارغزيره واجواء جميله تصاحب احتفالات الامارات بالعيد الوطني
• ماركات مقلده طبق الاصل
• استفــسارات عن الجو بمارس والاكلات الشعبيه والصالونات ارجـو المساعــده
• وين الفزعه بالمنتدى؟
• الغاء طيران اير اسيا من مطار ابو ظبي الي كولالمبور
• ذا ووك شقق فندقية
• ساعدوني بترتيب رحلتي
• موفنبيك تعتزم افتتاح أربعة فنادق في أبوظبي بحلول عام
• ممكن مساعده
• عرب لينك راسلناكم مرنين على البريد مارديتو علينا
• مجموعة شققماهي افضلهم؟؟
• أماكن الشواطئ في دبي؟؟؟
• تكفون الفزعه اول مرة اجيكم يااهل دبي
• مهرجان التسوق يناير فبراير

الاوتليت مول على طريق دبي - العين

شوفي هالتقرير
http://www.arabtravelersforum.com/tr...3/#post2677570

يعطيكم العافيه ..

طيب ودي اعرف رايكم وراي باقي الاعضاء .. هل ينراح له ولا الاشياء اللي فيه ما تشرى ؟
وهل هو ماركات اصليه ولا مقلده ؟
شكرا

هلا اختي

هو اسمه دبي اوت ليت

فيه ماركات اصليه مب مقلده

يعطيك العافيه ..

خلاص قررت ما اروح .. سويت بحث والاغلب ما يمدحه ,,

طيب بشكل عام فيه تخفيضات ؟ سواء ع الماركات او المحلات العاديه ؟؟

شكرا

المشاركة الأصلية كتبت بواسطة Dr.Leen
http://www.arabtravelersforum.com/tr...8/#post2683558

يعطيك العافيه ..

خلاص قررت ما اروح .. سويت بحث والاغلب ما يمدحه ,,

طيب بشكل عام فيه تخفيضات ؟ سواء ع الماركات او المحلات العاديه ؟؟

شكرا



الله يعافيج اختي

على راحتج

والتخفيضات بشكل عام على مدار السنه اكثر من60 الى 75 %

رحت له امس

بشكل عام المجمع حليوو ..

والبضايع مو لهذيك الدرجه ومافيها اشياء تنشرى

السلام عليكم

يقع الاوت ليت مول على طريق دبي - العين

وما يستاهل انج تتعنين حقه (مركز وسط صحراء)
صح ان اغلب السلع الموجوده فيه رخيصه لكن تكلفة المسافه ستعوض هذا الرخص

بعد كم سنه ممكن الواحد يروح له بعد ما تفتح بعض المراكز والمشاريع الجاري العمل بها هناك

الاوت لت .. طريق دبي العني ...


ومعروف اصلا مجمعات الاوت لت في كل دول العالم البضاعه الي فيها اصليه بس تكون بضائع المواسم الي فاتت .. وغير هاي اساسا يكون مكان الاوت لت في كل دول العالم بعيد عن المدن الرأيسيه او في اطراف المدن ... هكذا هو النظام ... يعني ليس في دبي فقط بعيد ...


وبس عن نفسي حبيته

الله يعطيكم العافيه .. ما تقصرون والله

طيب في المجمعات الثانيه هل الآن موسم تخفيضات ؟

اذا ماانتهى مهرجان دبي للتسوق ففيه تخفيضات تصل الى 80 بالميه

بس اذا انتهى المهرجان فيعتمد اذا فيه تخفيضات على المحل نفسه ... والاغلب مافيه والله اعلم

مثل ما قال اغلب الاعضاء البضاعه الموجوده فالاوت لت مالت المواسم السابقه وفدبي بتحصل مولات ثانيه ولا اروع...
مع امنياتي لdr.leen بسفره ممتعه في ربوع بلادي الحبيبه الامااااااااارات ...........

معليش ممكن يكون ردي متأخر...


بس طلعت له في الاجازة هذي...
امشي في طريق زايد كأنك متجهه لبر دبي لين تجيك لوحة العين وراح تكون حول دبي مول
وعقب ما تمسكين طريق العين راح يجيك على بعد 10 كيلو تقريبا...

المول بشكل عام ما حبيته

البضاعة الي فيه حسيتها قديمة بزيادة

وبعض الاشياء خصوصا الالكترونية لقيتها اغلى من برااا...

يازين آوتلت باريس..

الموقع :
وانت طالع من القرية العالمية شرق متجه الى دبي
يجيك جسر مخرج تروح معه يمين متجه جنوب الى العين
تلقاه على يدك اليمين ..... بعيد شوي
ومخرج الرجعة بعيدة جدا
فعلا البظاعة غالية جدا ومايستاهل الروحه له

السلام عليكم بنات
أنا اليوم واصلة من الامارات و مريت على دبى آوت ليت
بصراحة المجمع كبير ومكون من طابقين وفيه وايد محلات والاسعار واااااااااايد حلوة
وأنا عن نفسى ماخليت شى ماخذيته
ومن المحلات اللى الموجودة وتحضرنى حاليا
ريبوك
تيد لابيدوس
مانغو
أديداس
نايكى
بوما
بير كاردان
نعومى
واذا تذكرت شى بعد راح أكتبه لكم
وبالنسبة للمول صراحة يستاهل العنوة له وايد بنات ضلموه بالوصف
لكن لولا اختلاف السلع لبارة السلع

:115:

مرحبا

اليوم سرت الاوت ليت

ولقيت ملابس تجنن

للاطفال عند بامبيني محلهم برع يبيع ماركات للاطفال واقل بدله 900 والف بس في الاوت ليت على 200 درهم,,, وفي محل السلام فوق بدل للاطفال مسكينو
ولي انا خذت لي قميصين من محل riva واحد ب 35 درهم والثاني ب 71 درهم ما اعرف كم كانو قبل بس بصراحه عندهم بدل رووعه وتنفع للعزايم والسهرات

وخذت من برانس بنطلون جينز ماركة sass &bide على 100
وعجبني بنطلون من محل ثاني سعره الاصلي ب 1395 وبعد الخصم 95 درهم بصراحه رووووووووعه بس للاسف وايد صغير ومافي الا هالقياس..

الاوت ليت يبغي له واحد يدوووور وبيحصل اشياء مميزه.. واللى يقول البضاعه جديمه ,, اوكي نحنا نعرف انها جديمه واصلان الاوت ليت عرض للاشياء والموديلات اللي منتهيه موسمها

بنحطه في الجدول

بنت الشيخ زايد لاتقعدين تقولين عن الاوت لت وايد وتمدحين بعدين بيخلصون عنا الاشياء الحلوه خخخخخ

المشاركة الأصلية كتبت بواسطة احلى من العقد
http://www.arabtravelersforum.com/tr...7/#post2735167

بنت الشيخ زايد لاتقعدين تقولين عن الاوت لت وايد وتمدحين بعدين بيخلصون عنا الاشياء الحلوه خخخخخ



لووووووووووووول لا مابيخلصن الاغراض وايد