الموضوع: قصة معاناتي في السفر

[center][b][color="DarkRed"]السلام عليكم ورحمة الله وبركاتة


كيف حالكم ان شاء الله بخير وكل عام وانتم بخير

قبل ما ابدا بقصة المعاناة

ابي اشكر اخوي المظلوووم اللي له الفضل لي بعد الله قابلته مرتين شخصيا وعلمني اشياء مهمه

والشكر لكم موصول ايضا جميعا



انا كنت حجزت على خطوط بروناي من جده لعاصمة بروناي دار السلام الى اوكلاند

وكانت التذكرة سعرها جيد 5300ريال بالاضافه الى 300 ريال لاني طلعت من الرياض

جاء يوم الجمعه والرحله يوم السبت الصبح


رحت واشتريت بعض الاغراض البسيطه

جاء الصباح سلمت على الاهل وعلى طول على المطار

جلست بالمطار من الساعه 5 الى 11 الصباح واقلعنا الى جده

وصلنا والحمدالله ورحت للسير وانتظر الشطنة ماحصلتها ؟


انتظرت انتظرت وقف السير !!

ولا حصلت شطنتي كنت تعبان ومرهق وفيني النوم وخايف من السفر بعيده الرحله

وصلت جده طبعا الساعه12 ونص والاقلاع 5 العصر ؟؟؟


يا الله وش اسوي الحين اللهم اشرحلي صدري ويسرلي امري

رحت كلمت الموظفين والرد وبكل بروده الحين بنكلمهم وبيرسلون الشنطه وعطنا عنوانك ولما توصل خير ان شاء الله

!!

طلعت الاوراق وقلت ياحبيبي انا عندي رحله برا وهذي تذاكري و عطيتهم من هالكلام ودخلت على المدير بمكتب

وشرحت له الوضع واقوله تكفا تكفا شوف لي حل

يتصل يتصل يتصل على مطار الملك خالد

وللكن للاسف مافي رد

وقال المشكله مايردون ايش اسويلك ؟؟

وقلت خلني اكلم اخوي وكلمته وقلت له السالفه وراح للمطار وحصل الشطنه ( مشيول عنه الاستكر اللزقه اللي تنحط )

وخليت اخوي يعطيني الموظف وشرحت له السالفه قال ولا يهمك في رحله الساعه 3 العصر وبتجي معها

قلت اوكي

لحظة ركزوا من متا صاحي انا ومرهق وتعبان وشوي بيغما علي ولكن تحملت تحملت

جلست وجاني واحد سعودي حن علي وقال انت وين طالع ؟

قلت نيوزلندا دراسه

قال ماشاء الله شوف انا بساعدك شكلك ماتفهم مره شئ

انا افضلك تروح للخطوط الاجنبيه وتكلمهم وتشرح لهم القصه لان الرحله بتوصل 4 ونص وعلى بال ماينزلون الركاب 5 والعفش 5ونص


ورحلته امداها راحت

فكرت وقلت طيب يالله انا رايح جزاه الله خير الله يوفقه كانت فكره حلوه

ركبت بتاكسي ب60 ريال الى المطار الخطوط الاجنبيه

ورحت كلمتهم وقالو بتسكر الرحله 4 العصر والساعه الحين 2 ونص يعني مايمدي

وكلمني واحد واعطاني رقم تلفونهم ومكتبهم بجده

رجعت للمطار واخذ علي التاكسي 60 ريال كمان

وانتظرت وانتظرت وجت الرحله وواقف وادور الشطنه ماحصلتها

وقف السيير انصدمت خلاص وقفت الدنيا بوجهي

رحت للموظفين معصب واقسم بالله اني قلت لهم ابي ارجع الرياض دبرولي تذكره لاني ضايع الحين

والرحله ااجلها بعد اسبوع الين ماتطيب النفسيه

جاني الموظف قال في سير ثاني تعال اخذ معاي السير هذاك حق الشنط الضايعه

ورحت والحمدالله حصلتها يا الله يارباه ثلج صدري بعد ماشفتها

واخذ الشطنه وطلعت مكسور لان الرحله فاتتني وكنت تعبااااااااااااااااااااااااااااااااااااااااااااااا اان

وحصلت ناس تاكسي تاكسي انا من النوع اللي اكاسر شوي لان يوم اروح الخطوط الاجنبيه واحد قالي 100 ريال قلت توكل ياكابتن يبي يستغلني

واحصل ناس قدامي تاكسي تاكسي كنت تعبان مره وقلت اقرب شقه مفروشه ركبت مع واحد ووصلني ماقصر

والشقق والفنادق زحمة وحصلت اجنحه وشوي غاليه

250 ريال مع 50 ريال له توصيله الميزانيه رااااااااااااااااااااااحت

دخلت الغرفه رميت كل شي بيدي وطحت على السرير نمت الساعه 6 وسبحان الله صحيت 10 ونص

على وقت الخطوط نكون فاتحه والحمدالله ما غطني النوم

ورحت وتفاهمت مع المكتب ومنا ومنا قالوا في رحله بكرة قلت اوكي

ووقالوا لا تتنسى في غرامه ؟؟

وقيمتها 100 ريال




قلت يالله هي خاربه خاربه


والحمدالله تم الحجز وكل شئ

وركبت تاكسي والحمدالله ان التاكسي طلع يمني وقلت تكفا ابي مطعم دقايق بس قالي ابشر

وماقصر وقفت لاني كنت جووووووووووووووووووووووووووووووووووووووووووووووووو ووووووووعان

ونزلت وطلبت من المطعم واعتقد وجهة اهل الريياض على طول له


https://travel.maktoob.com/photo/sho...0009&cat=12946




وان شاء الله اصحى بكرة ورحلتي الساعه 3 الفجر ودوعواتكم ان شاء الله


## مايستفاد من هذا الموضوع ##

1 - ضاعت شنطتك وراحت رحلتك وغيره كلم الموظفين وتفاهم معهم زين يعطونك فندق بالمطار

ويدبرون امورك

لأ

مواضيع عشوائيه ممكن تكون تعجبك اخترناها لك:

• كرايست تشيرس او كوينزتاون
• هل نيوزلندا مكان جميل ومناسب للعوائل
• رأيكم قي دنيدن ؟؟ معدل الصرف الشهري ؟؟ واستفسارات أخرى
• يا اهل نيوزلند الفزعه
• رحلتي الى اوكلاندا
• مساعه هامه
• شنو افضل معهد في نيوزيلاند
• دراسه لمدة شهر واحد فقط
• هاملتـــووووون ؟؟ ماشفت شي عنها ممكن اخواني ؟
• الى خبراء البعثات ارجوا الدخول عااجل
• الطيران السنغافوري والوزن الزائد ؟ الي عنده خلفيه يتفضل
• أرجو المساعدة عن معهد كراونعاجلا لأن الابتعاث قريب
• والله احس نفسي ضااايع
• اتعرفون ؟؟؟
• اريد منكم المساعدة في الهجرة الي نيوزيلاندا
• للمسافرون لنيوزلندا ارجو الفزعه
• معاهد نيوزيلاند
• اهل الخبرة ولكم الدعاء افضل مدينة لمدة ايام في نيوزلندا
• والله مالي غير الله ثم انتم ساعدوني
• مواقف

وعليكم السلام ورحمة الله وبركاته

كان الله في عونك وبإذن الله تتيسر امروك في الغد

كثير ماتكلمنا وتكلم الاعلام عن مطارتنا وخطوط الطيران المحلية ومعاملة مؤوظفي الخطوط

للأسف اصبحنا نشيل هم السفر من مدينة الى مدينة في السعودية

اذا وجدت حجز ممتاز ولكن ربما تصطتم بالغاء حجزك او رفض قص البوردنق
ويجب عليك الحضور قبل الرحلة بساعة ونصف

وربما تتأخر الرحلة الى وقت طويل كعادة مطارتنا وهي الاغلب ( كل ماذهب الى المطار اشاهد في شاشة الرحلات ان الرحلة في موعدها وهي قليلة عجبي بينما الكثير منها تأخرت أو تأجلت او ألغيت )

وان اقلعت فربما لن تصل حقائبك كما حصل مع الاكوادري

كان الله بعون الشعب السعودي على مطارتنا وخطوطنا الموقرة


موفق يالغالي والتوفيق في بلاد العشق والعودة سالما غانماً
تقبل تحياتي

الله يعطيك العافيه يالسفير

وماقصرت

والله يعين ودعواتكم


عندي استفسار بخصوص البنوك اللي هناك هل فيه حواله بنكيه ؟

يعني يقدرون الاهل يحولون لي فلوس بأسمي واستلمها من هناك

واذا جيت بفتح حساب كيف نظامهم لازم رصيد و امور طويله ولا سريع سريع ؟


ويعطيكم الف عافيه

وعليكم السلام ورحمة الله وبركاته

والله شرف لي أني تعرفت عليك يالغالي

وان شاء الله اللي صار لك خيره .. ويكفي أنك رحت للي مهبل بأهل الرياض (البيك)

وتاصل بالسلامه


أما الخطوط السعوديه فحدث ولا حرج وانسى يعوضونك لأنهم ما لقوا ناس يراقبونهم

وألا أقل نوع من التعويض هو توفير السكن

لكن أن شاء الله يتعدل حالهم


بالنسبة لسؤالك .. الحواله البنكية للأسف ما أدري عنها

أما فتح البنك بسيط وهم يساعدونك وأعتقد مو لازم تحط فيه رصيد .. وبصراحه مو متذكر انا أخذتها بنفس اليوم وألا من بكرا .. لكن هي ما تاخذ يومين واتوقع أن طولوا 3 أيام

طبعاً تجربتي كانت بـ Bank of New Zealand واختصاره BNZ




دام أسلوبك بطل كذا أجل منتظرين تقريرك بعد ما ترجع

بالنسبة للبنك

انا فتحت في بنك anz وتحصل على البطاقة في نفس الوقت
وايضا في بنك bnz ولكن تتأخر ويجب عليك حجز موعد معهم

حبيبي ..لا تشيل هم وأنا أخوك..
ياما وياما ضاعت الشنط..وشرينا غيرها!!!بسبب الخطوط..
الخطوط الآن في قمة الروعة..
إذا أخطأت عليك.. تعوضك بدون ماتطلب!!!
من جميع النواحي الفندق ، الإعاشة ، التذاكر.. و..و..إلخ..
بس ما أقول إلا الله يحرق نظامهم حرق!! هذي فوائد الملحم
من جد إنت فااااضي..العالم تروح عليها الشنط والحجوزات ..وإنت تصور الجواز جنب البيك!!! ههههه
والله جبتها على الجرح!!
بس وش تسوي؟؟
مالك إلا تقول: حسبي الله ونعم الوكيل..
عموماً تروح وترجع بالســـــلامة حبيبي..الله يوفقك

يعطيكم العافيه يا اخوان على الردود

واحب اقولكم اني اجلت السفره لبعدين

نفسيتي تعبانه ومكتوم وضايق صدري

حسبي الله اللي كان السبب

هذا وانا بجده الحين ضايع وودي ارجع الرياض عاد كيف نيوزلندا ابعد ديرة بالعالم

الله يعين




الاكوادوري

مرحبا الاكوادري ,,, جعلها خيره انشالله وكل تأخيره فيها خيره.
ومن ناحية الخطوط فلازم تدعمهم مو تعصب عليهم عشان شنطه تراها خطوط بلدك ههههههههههههه

وانشالله انها آخر معاناة لك وتروح وترجع بالسلامه وانت محقق طموحاتك اللي رايح عشانها ,,,

^^

يعطيك العافيه على المرور

والله يسلمك

وبعد العيد ان شاء الله بروح

صباح الخير الاكوادري ,,,,

اللي فهمته انك رايح بكره بس شكلي مكثر فيمتو ههههههه والا اخرتها

الله يوفقك.

خيره يالغالي ولا تضيق صدرك

أن شاء الله تنبسط مع أهلك بهالعيد .. وخلها درس وخل وصولك لجده قبل رحلتك لبروناي بيوم للإحتياط

موفّق

مشكورين على المرور

وخيره ان شاء الله

بكرة ان شاء الله راجع للرياض

واحتمال أأجل السفره لبعد العيد او اكنسلها نهائيا

حسبي الله ونعم الوكيل اللي كان السبب


https://travel.maktoob.com/photo/sho...dddd&cat=12946

صورتي بالمطار الملك خالد وكنت مبسوط اني بروح نيوزلندا

لكن قدر الله وماشاء فعل

https://travel.maktoob.com/photo/sho...aaaa&cat=12946


صوره لغرفتي بجده وتذكرة نيوزلندا موجوده

الله يعين

خيرررة أخوووووي وتذكر ( كل تأخيرة فيها خيرة )

الله يعين انا بكره انشاء الله طاير

خيرة ياغالي وزين انك بتعيد مع اهلك احسن لك من الغربة وانا اخوك وحاول تاصل قبل الرحلة بيوم كامل للمدينة اللي بتطلع منها مثل ماقال اخوي المظلوم

[font="comic sans ms"][size="6"]وانت ضاعت عليك الرحلة انا ضيعت جوازي والبوك بمطار جده يوم فتحو البوابة واعلنو الرحلة ادور وين الجواز وين البوك وين الدخان

قدر الله وما شاء فعل وعسى تكون خيرة لك.

ان شاء الله تسافر بعد العيد وتوفق في دراستك.

شكراً.

اخوى العزيز مافيه حق يضيع وراه مطالب

اكتب خطاب مفصل عن الى حصل وارسله إلى مدير عام الخطوط السعوديه واطلب تعويض عن قيمة السكن والغرامه وعن قيمة المواصلات الى انت دفعتها

طبعاً لازم تذكر رقم الرحله وتفاصيل الاتصال فيك

ولا ترضى بخطاب اعتذار منهم,, لانو مايوكل عيش

لانو هذا شى ماينسكت عنه ابد,,

الله يعطيكم العافيه على المرور

واخوي Ms

والله ماني فاضي اروح واتعب نفسي واكتب خطابات و و و

خلاص دام السالفه راحت بكيفها

ودعواتكم ان شاء الله بعد العيد



الاكوادوري

الله يستر رحلتي قربت وياخوفي من الخطوط السعودية هم والبنقاليه اللي حاطين
يشيلون الشناط ( العالم تطور سير من موظف المطار الى الطائرة ) وحنا باقين على بنقالي
يشيل بيد ويكلم ديرته باليد الثاني طبيعي كل شي بيضيع ( الله يستر )

المشاركة الأصلية كتبت بواسطة ms
http://www.arabtravelersforum.com/tr...3/#post4192093

اخوى العزيز مافيه حق يضيع وراه مطالب

اكتب خطاب مفصل عن الى حصل وارسله إلى مدير عام الخطوط السعوديه واطلب تعويض عن قيمة السكن والغرامه وعن قيمة المواصلات الى انت دفعتها

طبعاً لازم تذكر رقم الرحله وتفاصيل الاتصال فيك

ولا ترضى بخطاب اعتذار منهم,, لانو مايوكل عيش

لانو هذا شى ماينسكت عنه ابد,,






والله يانت بتردد( ياليل مااطولك ) قابلني ان عطوك وجه
ولكن لا يضيع الاحتساب