الموضوع: استفسار يا أهل الكويت عن موقع جامعة الكويت

الأخوة الكرام عندي دورة بجامعة الكويت في (24/3/2007م)
وحيث أن هذه هي الزيارة الأولى لدولة الكويت وارغب في استغلالها لمعرفة معالم الكويت وأماكنها السياحية انا وعائلتي
ارجو ممن لديه الصدر الرحب:-
-تزويدي بموقع جامعة الكويت
- ماهي الفنادق أو الشقق (لا تقل عن 3نجوم) القريبة من الجامعة
- ارغب في خريطة جديدة للكويت (إن أمكن، ولامانع إن كانت قديمة)

وشكراً مقدماً لكل من يساعدني أو حتى ينوي مساعدتي

مواضيع عشوائيه ممكن تكون تعجبك اخترناها لك:

• سكن في رمضان
• تعديل لموضوعي مــنــزل ديكســون مع الصور
• أفضل موقع او مكتب حجز
• استفسار عن حملة الحوطي للحج
• الي رايح من الـكويــت إلى الامــارات بسيارة يدخل يفيدني ؟
• الطيران البريطاني يطرح عروض مميزة الى لندن
• السفر الى دولة الكويت
• الي يحب ياخذ دعوات مني يرد على سؤالي
• تقرير عن مطعم زهـر الليـموون مول
• «أرض المعارض» تستعد لافتتاح معرضي «الغذاء» و«إنفوكونكت»
• يا اهل شرق وأهل جبله
• واوا على الكويت
• ياهل الكويت ابي شقق علي البحر بسرعة
• موقع وصور فندق السالمية بالاس
• فندق ومنتجع النخيل ؟
• عندي استفساار ؟
• شاهد قوس قزح بالكويت
• سؤال يالغالين فيدوني
• فيكتوريا سيكريت تنطلق في المنطقة عبر فرعين الكويت و دبي
• جاوبني فندق رخيص وقوي نجمات في الكويت؟ وين؟

ملاحظة : ابحث بالتحديد عن كلية الهندسة والبترول

اي كليه ؟
لانه جامعه الكويت حسب مااعرف لها اكثر من كليه بالخالديه و كيفان واعتقد في بعد ؟

اما بقيه استفساراتك لنا عوده انشالله

أول شي حياك الله بالكويت ..

ثاني شي .. اسمحلي لأني راح أساعدك بس في الجزء الخاص بالجامعة ..
وأخلي الإجابات الثانية للأعضاء الكرام لقلة خبرتي فيها ..

مواقع كليات جامعة الكويت ...
1* منطقة الخالدية:
- كلية الهندسة والبترول
- كلية العلوم
2* منطقة الجابرية:
- كلية الطب
- كلية طب الأسنان
3* منطقة كيفان:
- كلية التربية
- كلية الشريعة
- كلية الآداب
4* منطقة الشويخ:
- كلية العلوم الإدارية
- كلية العلوم الاجتماعية
- كلية الطب المساعد
- كلية الحقوق
5* منطقة العديلية:
- كلية البنات

وإنشاء الله ما نسيت كلية :101:

تحياتي ،،،

كلية الهندسة بمنطقة الخالدية.
بالنسبة للفنادق عندك هوليدي ان او ريترز الشرق او كورت يارد.
بالنسبة للخريطة انشالله الاخوان يزودونك فيها

العلوم والهندسه بالخالديه قطعه 3

الأخوة الاوربي ، WishfuL ، مسافرة كويتية ، GrlA

شكرأ لكم على تعاونكم
وحقيقة أنني سبق وأن بحثت عن هذه المعلومة عن طريق موقع جامعة الكويت وعدة مواقع تخص الكويت ولم أجدها، وقد وجدت هذه المعلومة في هذا المنتدى الجميل وبكل بساطة ودون عناء.

وعلى فكرة اصبحت المعنويات مرتفعة أكثر لزيارة الكويت الشقيقة، وذلك لرحابة صدوركم يأهل الكويت

حياك الله اخوي الفاضل بين اخوانك في بلدك الكويت
بخصوص سؤالك ان شاء الله راح تاخذ دورتك في كلية الهندسة والبترول في منطقة الخالديه بالضبط على الدائري الرابع يعني بخصوص المكان ابد ما يتوه
اعتقد دورتك تسعير او عقود ومواصفات حسب علمي راح تكون خلال شهر مارس
اقترح عليك تسكن في مكان قريب من الخالديه مثالا منطقة حولي وفيها العديد من الشقق الفندقيه اسعارها ما تتجاوز 20 دينار لليله وممكن تلقى ارقامهم في اي جريدة اعلانات مجانيه هذا لو كنت تحب تسكن في مكان حيوي وفي حركه ولو حبيت الهدوء والعزله ممكن تسكن بمنظقة الرقعي هم بسهوله ممكن تحصل شقه فندقيه ونبفس السعر ( لو تكاسرهم تاخذها ب15 دينار لليله) اما لو كنت تحب تسكن في فنادق فأقترح عليك الذهاب لمنطقة بنيد القار فيها العديد من الفنادق 3 نجوم و 4 نجوم ولكن اسعارها ما عندي فكره عنها
على العموم صدقني ما راح تحتاج خريطه ابدا بسبب ان الكويت بحجم منطقة الرياض واللوحات الارشاديه تارسه الشوارع على العموم اقترح عليك تسكن في منطقة الرقعي اقرب مكان للخالديه وبعيد عن الزحمه المروريه فقط 3 دقائق بالسياره عن الجامعه وموفق خير ان شاء الله

اخوي الفاضل بخصوص السياحه ممكن تشوف مشاركتي على هالرابط
http://www.travel4arab.com/vb/showthread.php?t=104586

هلا اخوي


حياكم الله بالكويت


بالنسبه لكلية الهندسه فهي تقع بمنطقة الخالديه على الدائري الرابع


انصحك بالموفمبيك 5 نجوم وقريب من الجامعه تقريبا ربع ساعه مع الزحمه

وبالنسبه للاماكن السياحيه

هذا رابط للمواضيع المهمه والمميزه :
http://www.travel4arab.com/vb/showthread.php?t=90646

واهم الاماكن اللي لازم تروحلها :

بدايه بالمجمعات :
1-سوق شرق بمنطقه شرق
2-مارينا مول على شارع الخليج
3-الرايه سنتر في دسمان للماركات
4-الصالحيه للماركات
5-المهلب في حولي
6-شارع سالم المبارك بالسالميه في اغلبية المجمعات مجمع الفنار والبستان وزهره وتالا وبلازا وجاليريا 2000 وليلى جاليري والخ
7-مجمع البحر بحولي شارع تونس
8-مجمع بيروت بحولي قريب من المهلب
9-مجمع الكوت بالفحاحيل
10-ماجيك لاند في بو حليفه
11-اجيال مول في الفحاحيل
12-مجمع المثنى عند الصالحيه
13-فيلا مودا للماركات موجود بالقرب من الموفمبيك بالمنطقه التجاريه الحره

بالنسبه للمطاعم :
1-مطاعم شارع الخليج منها شيليز وميس الغانم وفرايديز وفدركرز وبرج الحمام ولونوتر وابل بيز
2-مطاعم مارينا كرسنت
3- مطعم سراي بالبدع
4- الصالحيه بلازا مقابل مجمع الصالحيه فيه قهاوي ومطعم
5- برجر بوتيك بالرايه
6- واسابي الصيني ولابياتزا الايطالي ورا الكنيسه

بالنسبه للقهاوي :
1- مارينا كرسنت في قهاوي وايد ومطاعم منهم شوكليت بار وزعتر وزيت
2- قهاوي البدع بالقرب من شاطئ ومنتجع النخيل (بالم بيتش)
3- قهاوي بحيرة الكوت اللي برا المجمع

بالنسبه للاماكن الترفيهيه :
1-المدينه الترفيهيه (يوم الاثنين للنساء)
2-صالة التزلج
3-ابراج الكويت
4-المركز العلمي (انصحك بالاكواريوم و باافلام الاي ماكس)
7-يوم البحار
8-سوق المباركيه
9-تقدر تاخذ جوله لمدة ربع ساعه بالهليكوبتر تشوف فيها معالم الكويت

بالنسبه للمتاحف :
1-متحف كي لاننسى بالشويخ

بالنسبه للشواطئ :
1-شاطئ الشويخ
2-شاطئ المسيله

بالنسبه لسينما :
1-سينما شرق
2-سينما المهلب
3-سينما مارينا
4-سينما ليلى جاليري
5-سينما الفنار
6-سينما الكوت

بالنسبه للجزر :
1-جزيرة فيلكا (تحجز من المارينا والشخص على مااعتقد 7 دنانير ونص)

بالنسبه للمنتجعات والشاليهات :
1-شاليهات الخيران
2-شاليهات الوطنيه
3-كمبنيسكي جليعه
4-منتجع هيلتون
5-منتجع النخيل


انشالله تقضي وقت حلو بالكويت

واي خدمه احنا حاااضرين ؟