الموضوع: يالكويتيين زهقت اكلب فيزا بالاميل

يا اخوان
انا قريت في موضوع عن طلب الفيزا للكويتيين انك اتدز ايميل ويردون عليك ثاني يوم (حتى بموقعهم يقولون جذيه ) لكن اللي صاير اني بعثت اسمي وتلفوني ولا حس ولا خبر !! ورديت بعثت نفس الرساله ثلاث مرات تقريبا (مثل ما يوضحون بالموقع) لكن نفس الموضوع !!
الصراحة زهقت .. اذا فيه احد يعرف طريقة ثانية معتمدة غير البريد الالكتروني لا يقصر وياي .
ويعطيكم العافية .

مواضيع عشوائيه ممكن تكون تعجبك اخترناها لك:

• استفسار عن استخراج جواز السفر امريكي للخبراء
• ارخص خطوط من امريكا
• سؤال لأهل الخبره
• اسعار تذاكر الطيران ناااار لي متى؟
• آن الآوان لإجراء المقارنة تفضل بالدخول و شارك برأيك
• موقع لبيع سيارات كلاسيك
• لمن لديه الخبره فقط الرجاء الدخول
• اين افضل مكان للتسوق في امريكا
• مساعدتكم يا أهل أمريكا رجاءاً
• مو قــــــع خــــرايط
• مساعده من اهل الخبرة
• أفضل موقع لشراء تذاكر دزني لاند
• عادي تسبح الوحده في ميامي؟؟
• أرجو مساعدتي في الحصول على أبليكيشن تسجيل في معهد لغة في مونتانا
• رخصة القيادة السعودية
• رحلة عمل الى بالتي مور تبدأ بيومين بواشنطن للراحه
• تكفون قولوا لي هالصوره وين وهل هي حقيقيه
• قررت اروح بورتلاند ولكن
• الحظ مو ماشي تمام
• يالربع موضوع يخص السياره الخاصه بامريكا

المشاركة الأصلية كتبت بواسطة ابوبطوطه
http://www.arabtravelersforum.com/tr...8/#post1080850

يا اخوان
انا قريت في موضوع عن طلب الفيزا للكويتيين انك اتدز ايميل ويردون عليك ثاني يوم (حتى بموقعهم يقولون جذيه ) لكن اللي صاير اني بعثت اسمي وتلفوني ولا حس ولا خبر !! ورديت بعثت نفس الرساله ثلاث مرات تقريبا (مثل ما يوضحون بالموقع) لكن نفس الموضوع !!
الصراحة زهقت .. اذا فيه احد يعرف طريقة ثانية معتمدة غير البريد الالكتروني لا يقصر وياي .
ويعطيكم العافية .



اتصدق عاد اني يا ابن بطوطة امر الحين بنفس المشكلة !! لدرجة اني شكيت ان ايميلي فيه مشكلة !! اول ايميل بعثته بتاريخ 2 فبراير والايميل الثاني بعثته يوم 5 ، والفيزا التي اطلبها هي من نوع الفيزا الدراسية لما يسمى ببرامج تبادل الزيارات exchange visitor
ومن المفترض في هذا النوع ان اتلقى الرد خلال يوم عمل واحد بس للحين لا حس ولا خبر

ولا تستظيق طال عمرك ..

انا بعد ما طال انتظاري ولم القى تجاوب سواء من القنصلية او المنتدى قمت بشرح اللي صار وياي وبعثته على :

هالعنوان
mailto:[email protected]

وانشالله بيطيبون خاطرك بعد ما يستلمونه .

ابو بطوطه
مبروك اول شي على كسر حاجز المقابلة واهنيك مقدما بقبولهم طلبك واعطائك فيزا باذن الله
اعتقد انا نفس حالتك تجارة تحت مظلة سياحة ...
اللي بسوونه انهم يرسلون فاكس خلال شهر يرد عليهم لمعرفة تاريخك لديهم فقط وانشالله يعطونك بس يبيلك تصبر شوي ....

الله يسامحك يا خوي يا حمد اشعلت فيني شمعة الامل ..
ياخوي انا جدامي عايلة خذوا جوازاتهم بنفس اليوم بدون لا يستعلمون عنهم ولاشي !!

عموما لا تنسى اذا وصلك الرد تعطينا خبر ؛)

يا ريت يا ابو بطوطة تطمنا اول بأول وتبشرنا اذا ردوا عليك ،، وموضوع الاسئلة الكثيرة عادي جدا ولا يقلق ، وهو امر متبع ليس فقط مع الشباب بل حتى مع السيدات ، صديقتي مطلقة منذ فترة طويلة ولديها ابناء من طليقها وقد فوجئت بكم كبير من الاسئلة الموجهة لها في المقابلة عن زوجها السابق وعمله ودراسته وتاريخ الطلاق ، عادي جدا ، سألوها عن راتبها الاجمالي وعن ما اذا كان لديها مصادر اخرى للدخل ومقابلتها كانت طويلة رغم عدم وجود اسباب منطقية لذلك ولكنها حصلت على الفيزا السياحية

كل يوم استقلال وتحرير وانتم بخير
الورقة الصفراء خليها لنا يا معشر الشباب
..ابو بطوطه ...حبيبي مثل ما قلتلك دعوتك تتأخر شوية واذا شكوا بشئ راح يعطونك شهرين فيزا خلاف الاهل 10 سنوات ... حالة سابقة لواحد من الشباب حصلتله نفس طريقتك لكن هو اشتباه في اسمه مع شخص مطلوب دوليا واخر شي عطوه ورقة صفراءوراسلوا امريكا واسالوا عنه وطلع خوش واحد وبعدين زوجوه ..أفصد عطوه فيزا لمدة شهرين لان اسمه غير مرغوب فيه في قائمة المطلوبين
وبالنسبة لانتظاري مازلت انتظر دون حراك ...والاخوان الظاهر لهم اجراءات ويبيلهم وسعة صدر .. ولا صار البار كود معاي مافي خوف ...

سلام عليكم ورحمة الله وبركاته جميعا
ابوبطوطه صج انك مجلب فيها صح ... ادعيلك من كل قلبي
بس حط شي بالك ... ولا ان تحبوا شئ وهو شر لكم وان تكرهوا شئ وهو خير لكم ... يمكن كل تاخيره وفيها خيره
بس لايدخل الصيف وانت ماخلصت لانه راح يكون هناك ضغط فاستخير وصير مرن شوية وشوفلك بديل او ارسلهم فاكس يمكن يسون تحديث لك .. صراحة طولــــــــــــــــــــــــــــوهـــــــــــــــــ ـــــا
بالنسبة لي مخليهم على البراد الظاهر يبوني امرهم احسن من طلب الانترنت
اخوك حمد