الموضوع: كيفُ تَعَام ـــل العَائٍله مَعك

السلام عَ ــليكم ..
بس عندي كم سؤال عن العائله وتعامله معك في الخارج يعني بس لو فيه واحد جرب وسكن مع عائله كيف نظامهم عامه مع الأكل غسيل الملابس واقات النوم والنت وإلخ..

مواضيع عشوائيه ممكن تكون تعجبك اخترناها لك:

• أريد معلومات عن اوكلاند والمعاهد حاليا
• ما المسموح و الممنوع من الاطعمة عند الدخول لنيوزلندا ؟
• استفسار
• مهم لمن فقد البعثه خطه عمليه ومجربه
• مدارس دنيدن
• جايب موقع معهد اتمنى رايكم فيه
• هل طيران الامارات يسير رحلات الى نيوزلندا
• المبتعثين الجدد
• وين هل الخبره
• أحترت في شراء شنطة لسفر
• سؤال عن حجز فندق المطار
• أفضل المناطق للسكن في أوكلاند و كرايستشيرش للسائح ؟
• قصة دراسه وضياع في شوارع كرايستشيرش لم يكتمل
• اهل الخير
• مواقع معاهد الغة الانجليزية في نيوزلندا
• أود الهجرة الى استراليا أو نيويلاند و أريد المساعدة
• استفسار بخصوص الفيزا الدراسية ؟؟
• تعااااااالوا فكوا أزمتي ارجوكم حايسة بشهر العسل
• اوتيل يطل على بحر و قوارب ؟
• رحلتي الدراسيه لأوكلند

اهم شي تبتعد عن التصرفات الغريبه عشان مايكرهونك

وخلك نظامي يابعدي .. وترى اهم شي ترتيب الغرفه لاتسوي زي غيرك

^^

والله ترتيب الغرفه تعتمد على نفس العائله .. أنا سكنت عند 3 ما أذكر رتبت السرير ألا اول اسبوع ولما اكون مروّق

زي ماقلت لك قبل أهم شي تعرف العائله وش تبي منك .. وانت وش تبي منهم

والله العائله ياخوي اكثر الي اعرفهم تعاملهم من افصل مايكون
بس يبغون منك تكون نظامي في وقت دخولك للبيت يعني من دون تأخير ولو تبي تتأخر افضل انك تعلمهم وتقول لهم
وترتيب الغرفه افضل انهم يشوفون منك اهتمام من دون ماينبهونك

والاكل عاده يكون اغلب العوائل على حسب طلب الطالب يعني هم يتجنبون الي ماتبغاه غالباً مثل الله يكرمكم الخزير او اي شي ماتشتهيه

وبالنسبه للملابس انا الحمدلله في الاسبوع مرتين يغسلون ملابسي وفيه ناس في الاسبوع مره وفيه ناس متى مابغو
وانشاءالله تتوفق في عائله افضل من توقعاتك
بس اهم شي تكون اخلاق معهم ولا تسوي الي يزعجهم وغالباً راح تشوف كل شي في اول اسبوع لك
وانشاءالله اكون عطيتك فايده لو شي بسيط
لكن انشاءالله باقي الاخوان يفيدونك اكثر لأن انا بس لي شهرين مع العائله

وشكراً وآسف على الاطاله

,

خلك نظامــي بتسير امورك تمام...النــت بعض العوائل ماعندهم..المملابس /على حسب الإتفاق ...!!

اهم حاجة اذا كان هم من الناس الي يروحون الكنيسة...احترم دينهم ولا تقولهم هذا دينكم محرف(خاصة اذا كانو شياب)........وهم يحترمونك لو شافوك تصلي في المنزل.ولا راح ياضيقونك

مشكورين ع ردودك الأكثر من جميله
بس معقوله فيه عوائل ماعندها نت ..!
وتقدر تختر العائله ع كيفك ..؟
وهل فيه طلبه يسكنون معك في نفس البيت

اذا كان الجواب بنعم هل الغرفه نفسها او هو في غرفه وانا في غرفه

ايه فيه عوائل ماعندها نت .. وتبي الصراحه أفضل لك وللغتك لأنك بتكون فاضي أغلب الأوقات

بالنسبه لو كان معك أحد بنفس العائله .. كل واحد بيكون بغرفه

بس بقولك شي مهم ترى بيوتهم مو زي بيوتنا بيوتهم خشب يعني لاتقعد تراكض ترى تسوي لهم قلق خل مشيك على حبه ونص

لاتحسب نفسك في بيتكم تقعد تراكض والله بيحقدون عليك ههههه

وبعدين لو بغيت توصف لهم شي او تبين لهم اي شي لاتحرك ايدك كثير يعني لاتشووح بيدك لان هذي الحركه عندهم قلة ادب

فا خلك كويس وخذلك لي مويه عشان كرمت دورة المياه

ترانزيت وش بك على الرجال بتخوفه

ترهم يقدرون عاداتك لو كنت تحرك يدينك بالكلام وأصلا لأن اللغه مو بذاك الزود تحريك اليديت ضروره

أما الركض أصلا وأنت تمشي البيت كله يطلع صوت خخخخخ



تذكرت شي وهو انهم مايحبون كثرة الكلام بدينهم .. أنا ما فتحت هالسالفه أبد بس إذا سألوني سألتهم

اتوقع الاخوااااان افادوكـ بالكثير

اتمنى لك التوفيق