السلام عليكم ورحمة الله وبركاته

انا دورت كتير علي الموضوع قبل ما اعمل المكالمة بتاعت فودفون للتاشيرات بس ملقيتش حد كاتب حاجة عن الموضوع ده ففكرت اني اكتب معلومات علشان لما حد يدور يلاقيها ويسهل عليه عناء الفكر وتقليل الوقت
المكالمة تقريبا 7 دقائق سعر الدقيقه 2 جنية وممكن اكيد تختصر المكلمة اكتر من كدة لاو هتكتب الارقام الي هدهلك علي طول
الاتصال علي رقم
يمكن الوصول إليه على رقم الهاتف: ٠٩٠٠٧٠٦٧٨ أو من أى خط تليفون فودافون على رقم ٢١٠١.


اولا لازم تجهز معاك الاوراق الاتيه قبل ما تعمل المكالمة
جواز السفر بتاعك

اول ما تتصل هيسئلك للغه العربية اضغط الرقم 1
للغه الانجليزية اضغط الرقم 2

سفارة ايطاليا وبعض الدول الي مسمعتش اسمها اضغط الرقم 1
سفارة المانيا و النمسا وبعض الدول الي مسمعتش اسمها اضغط الرقم 2
سفارة اسبانيا وبعض الدور الي انا مسمعتش اسمها اضغط الرقم 3

يعني عرفنا اني المانيا 2

هتختار المانيا 2

هيفضل يرص اسماء البلاد الي انا معرفتش اسمها وحقولك للبلد دي اضغط الرقم ده وللبلد دي اضغط الرقم ده في النهاية هتلاقي المانيا رقم 3

يعني علشان تحدد ميعاد ل المانيا هتختار اللغه 1 او 2 وبعدين هتختار رقم 2 وبعدين هتدوس رقم 3

هيقولك لتحديد ميعاد للمقابلة بالسفارة اضغط الرقم 0

يعني علشان تحدد ميعاد لاي نوع فيزا هتدوس الارقام دي 1 عربي 2 المانيا وبعض الدول 3 المانيا 0 تحديد ميعاد

هيرد عليك حد من فودفون
هيسئلك الاسئله دي

الغرض من السفر : لم شمل الاسرة او غير ذلك حسب ما انتا حتحدد الميعاد ( مشكلة كبيرة انك بتاخد ميعاد بعد اكتر من شهر يعني اعمل حسابك وانتا بتتصل بيهم تتصل قبل الميعاد بشهر ونص علي الاقل شهرين علي الاكثر

اذا كان الميعاد لاكثر من شخص او لشخص واحد
طبعا انا قولتلو لواحد بس

وهيطلب من حضرتك الاسم : بتاعك الي مكتوب في الباسبور
رقم جواز السفر
تاريخ الاصدار
تاريخ الانتهاء
تاريخ الميلاد

وهيقولك اني مفيش مواعيد فاضية قبل شهر ونص يعني مثلا انا عملت المكالمة يوم 8 شهر 5 ادالي الميعاد يوم 21 شهر 6

كان عندي سؤال انا مستعجل علي السفر هل من الممكن اني اخد معياد قبل كدة مثلا لو حد كنسل الميعاد بتاعه , قالي اتصل بينا تاني في وقت تاني لو في حد مكنسل هنديلك الميعاد بتاعه

وكمان لو عاوز اكنسل
يمكنكم الاتصال برقم أرضى ٠٢٢٥٢٩٣٩٥٥ لإلغاء الموعد.




طيب في النهاية هيدلك رقم المقابلة 020343243 اي ان كان الرقم هو ده الي هتروح بيه في الميعاد في السفارة



وبينصحك تكون قبل ميعادك ب ربع ساعة ومتتاخرش علي الميعاد


يارب اكون افدت وحطيت الموضوع في القسم المناسب

مواضيع عشوائيه ممكن تكون تعجبك اخترناها لك: