الموضوع: استفسار بخصوص المغرب انشالله مايثقل عليكم

السلام عليكم

كيف الحال انشالله تكونون بخير ..

ندش بالموضوع

انا اخر مره لي بالمغرب الصراحه قبل عرسي سنه 2006 الشيطان وخر عنا الحمدالله لانها بلد عشقها مجنون لكن للأسف الشيطان رد هالمره وخصوصآ اني صارلي سنين مارحت ولا طرت على البال ..

عندي استفسار بخصوص الصرف شنو تنصحونه هل اخذ مبالغ دنانير كويتيه واصرفها بمطار كازا لانه ناس واجد امدحتلي هالشغله ..

انا شخصيآ كنت اسحب من بنك الوافي مادري الوفاء اذا ماخاب ضني قبل ..... ماجربت اني اني اخذ معاي فلوس كويتيه واصرفها بمطار كازا ..

وفي ناس قالت خذ معاك يورو واصرفها هناك لكن ماحبيت اني اخلي الصراف هني بالكويت ياخذ فايده والصراف الى بالمغرب ياخذ فايده بشكل عام مطقوق من الصوبين ..

وثاني شغله واهي اهم شي شغله ..

انا ماخذ معاي مبلغ 2000 دينار كويتي هل راح يكون فيه له ضرر بخصوص اني ماقدر اصرفهم كلهم او ماشبه ذالك واعتقد اذا ماخاب ضني انه في عندهم نضام انك ماتدش بمبالغ عاليه ..

واتمنى تفيدونا وراح اكون شاكر لكم ..

مواضيع عشوائيه ممكن تكون تعجبك اخترناها لك:

• للعوائل فقط
• لخبـــــراء مراكش أو من لديه اي ملعومه؟
• محتار وارجو افادتي
• بسرعه ارجوكم قبل مايبطل زوجي
• نبي احد يضبط جدولنا لهذه المدن
• استفسار عن فندق اطلنطيسفال انفا
• الكُسكُسي
• اكثر من استفسار عن مدن المغرب
• المغرب لمدة عشرة ايام حلم طال انتظاره
• هذا يمدح وهذيك تذم
• مساعدة عاجلة حاكون في المغرب بعد بكرا
• أبغي مساعدة في كازبلانكا
• كيف تكون سفيرا لبلدك
• استفسار عن بعض فنادق المغرب
• ماهو افضل موقع بالانترنت لحجز الفنادق بالمغرب اغادير ؟؟؟
• مسآفر للمغرب و محتاج مشورتكم
• المحمدية ياهيه ياهيه يالله جاوبوا يالله
• ارجو مساعدتي اريد شقة مفروشة بكازا وتكون نظيفة ورخيصة
• خدمة توصيل من المطار الي الفندق
• رحلاتي للمناطق الثلجية في المملكة المغربية إفران و أوكيمدن

وعليكم السلام
ههههههههههههههههههههههههههههههههه
يقول المثل المغربي اللي يشرب موية سيدي علي يرجع للمغرب جري
يا معود العن الشيطان وبس هههههه اتغشمر معك

بالنسبة لي انا اشوف انك تاخذ معك مبلغ معقول مثلا 400 دينار و
تصرفة في المطار و بعدين تسحب من الصراف على حسب حاجتك
و اذا كنت بتحمل 2000 دينار برضو تصرف جزء من المبلغ في
المطار و البافي في المدينة على الراحة و الصرافين ماليين البلد
اشوف وجة نظرك في اليورو صحيحة و لا يحتاج تخسر من الطرفين

وعلى حد علمي 2000 دينار ما يحتاج تفصح عنها عند السلطات و
و انا دايما احمل كثر هذا المبلغ بالعملة السعودية و ما يقولون شي
لكن المشكلة ان موظفي الامن بيعطونك ابتسامات عريضة
عشان........ انت عارف بس عطهم اشكل وخلك رسمي.
لكن اذا بتشيل 5000 دينار اي ما يعادل 60000 ريال سعودي
و اكثر فهنا لازم تقصح في المطار على حسب الانظمة و القوانين

تروح و ترد بالسلامة

نصيحة المبلغ اللي معاك خذه شيك مصدق وليس كاش واصرفة من البنك مباشرة

وعليكم السلام ورحمة الله وبركاته



مثل ماذكر لك الأخ اغادير المسيرة


خذ مبلغ بسيط معك واصرفه في المطار والباقي خله في الصراف
أو إن كنت حاب تشيل المبلغ كله معك لا تصرفه كله

وزع الصرف حسب صرفياتك


بالتوفيق

مرحبا بيك يااخوي في بلد المغرب وسفرة موفقة تجي وترجع بالسلامة

اهلين

قواكم الله على الردود الطيبه ..

لكن ياجماعه بشكل عام انا شخص رايح لحالي اقادير بالتحديد وماعتقد اقادير انه بيكون متوفر لك الصرافين كثر الى بكازا او مراكش ..

والصراحه ماحب اني اصرف مبلغ واخاف انه ينقصني شي وماقدر لازم اخذ تاكسي واروح اسحب ومثل هالامور الى انتم عارفينها ..

لاني انا افضل اني اصرفها كلها دراهم واحطها بالسيفتي بوكس لا خذ طاكسي لا روح اسحب ولاهم يحزنون

لكن السؤال وين افضل مكان اني اصرف المبلغ بمطار كازا او اقادير ...؟

وراح اكون شاكر لكم

لاتحاتي خذ معك بس 400 دينار اصرف 100 دينار من المطار في كازا البنوك جنب بعضها عند بوابة الخروج شوف اللي صرفه أعلى واصرف والباقي معك بالمحفظة أما بقية المبلغ ماشاء الله 3600 كثيرة خلها بالحساب ومن أي جهاز صرف في اغادير متوفرة حتى ببعض الفنادق ولا تشيل هم وسفرة سعيدة وتهلا في راسك خويا

لا تحمل معك مبلغ كاش كبير ... انتبه !

خل معك شوي كاش والباقي بالحساب تسحب منه بالبطاقة على حسب احتياجك

المشاركة الأصلية كتبت بواسطة ولد الهيلا
http://www.arabtravelersforum.com/tr...0/#post4479014

اهلين

قواكم الله على الردود الطيبه ..

لكن ياجماعه بشكل عام انا شخص رايح لحالي اقادير بالتحديد وماعتقد اقادير انه بيكون متوفر لك الصرافين كثر الى بكازا او مراكش ..

والصراحه ماحب اني اصرف مبلغ واخاف انه ينقصني شي وماقدر لازم اخذ تاكسي واروح اسحب ومثل هالامور الى انتم عارفينها ..

لاني انا افضل اني اصرفها كلها دراهم واحطها بالسيفتي بوكس لا خذ طاكسي لا روح اسحب ولاهم يحزنون

لكن السؤال وين افضل مكان اني اصرف المبلغ بمطار كازا او اقادير ...؟

وراح اكون شاكر لكم



هلا بولد الهيلا فلوسك اصرفهم كلها يورو وخلها معاك وبمطار كازا اصرف 200يورو دراهم والامور سهالات