الموضوع: رحلتنا الدمام ميونخ

هل معاكم سياره ولالا؟؟

وهل عندك علم بالمسافات


ميونخ بدون اقامه - زيلامسي 5ليالي - فينيسيا ليلتان - لوقانو 3 ليالي - رست - ميونخ 3 ليالي

المنطقه المرشحه ممكن رست العاب اليورب بارك

ممكن تشوف فوشن او شوانغو وتلقين خيارات كثيره ب سمن مواقع غير بوكنج

الف شكر اختي دموع الوجد والله احرجتيني بسرع تجاوبك واحس تعبتج معاي ..

نعم لدينا سياره وخلفيه عن المسافات وشكرا للتنبيه,,

رست خيار رائع لكنا زرناها مرتين العام واللي قبله اذا في مجال قريه طبيعه وكذا سواء من جهة سويسرا او ايطاليا او المانيا وماتكون اكثر من اربع ساعات عن ميونخ
شرايج بــ بحيره Konstanzالي ذكرتيها بتوقيعج مناسبه ندخلها بين لوقانو وميونخ؟؟

نسخت من ردك مايلي((فوشن او شوانغو وتلقين خيارات كثيره ب سمن مواقع غير بوكنج))
ياليت السبيل لفوشن , شونانغو, موقع سمن للحجز؟؟


واخيرا.. اذا عندج خلفيه عن منطقه تصلح للسكن بحيث منها نزور فينيسا ونرجع في نفس اليوم لها وتكون بالطريق من زيلامسي الى فينيسيا (الصراحه قوقل ماب حيرني) وودنا نستفيد من خبرتج ما شاء الله عليك..

بالانتظار..

كونستانس رائعه وممكن تبحثين عن طريق قوقل تلقين مواضيع لي عنها وقريبه من ميونخ 227 كلم

ومن لوغانو الى كونستانس 283 كلم

فوشن وشوانغو قرى ريفيه في المانيا قريبه من قارمش ومشابهه لها انتي قلتي انك ماحصلتي سكن في قارمش صح؟؟ اقولك ممكن تبحثين عن طريق مواقع ثانيه تلقين خيارات كثيره سواء في قارمش او فوشن او شوانغو
اذا تبغين اعطيني التواريخ وعددكم وابشري اجيب لك مجموعه خيارات


شوفي هنا كم صوره عنها جديده هالسنه احنا رحنا لها مرتين


http://www.arabtravelersforum.com/travel503174-2/

باالنسبه لمنطقه جنب فينيسيا ما اعرف لكن راح ابحث لك تبغين تروحين لها اكثر من مره ولامره واحده؟؟

الصراحه الوضع جدا محير ماتوقعت ان في المانيا طبيعه رائعه بهذا الشكل مع ان زيارتي الجايه لها ان شاء الله هي الثالثه!!

بعد اطلاعي على مواضيع عده عن بحيره كونستانس قلنا بنحطها ببرنامجنا ما بين لوقانو وميونخ ونخلي لها 3ليالي بدل اثنتين لكن قريهSchwangau الي ذكرها اخونا ثامر في التقرير الي نوهتي عليه عجبتني كثير
والاكثر السكن الريفي الي فيها احنا راح نرسل لهم من موقع هوم اوي وبننتظر الرد وان ماناسبنا حطينا بحيره كونستانس
يعني جدولنااصبح كالتالي
الدمام
-ميونخ بدون اقامه
-بادقستاين 5ليالي
-قريه قريبه من فينيسيا ليلتان
- لوقانو 3ليالي
-بحيره كونستانس او قريه Schwangau ثلاث ليالي
-ميونخ ليلتان

استفساراتي ياغاليه..

بالنسبه للبحيره يعني لو رحت للجانب السويسري منها كيف ممكن انتقل للجانب الالماني! لازم سفينه ولانلف حولها بالسياره!
فمثلا لو صار السكن فيها ..بان لي من قوقل ماب ان المسافه من البحيره الى ميونخ يتخللها عباره يعني بنقطع البحيره بسفينه بعدين بنكمل الطريق بالسياره صح!!

وودي انك ترشحيلي منطقه صالحه للسكن فيها ليلتان تكون في الطريق من زيلامسي الى فينيسا بحيث نروح لـ فينيسا منها ونرجع لها طرحله اليوم الواحد
عددنا 5بالغان و3اطفال باعمار (11-8-2)
من 15 الى 17 جولاي هو تاريخ تواجدنا باذن الله في فينيسيا او المنطقه الي بترشحينها

شاكره بامتنان
بالانتظار

الجانب السويسري من البحيره اسمه مو كونستانس لان المنطقه الالمانيه هي اللي اسمها كونستانس وهي الاجمل

اما الجانب السويسري مايستاهل الزياره وبالسياره تقدرون لان سنتر كونستانس قريب منه الحدود السويسريه

لا الطريق من كونستانس الى ميونخ بالسياره مافيه بحر ولا شي

اقرب مدينه نمساويه من فينيسيا هي فيلاخ Villach

258 كلم 3 ساعات او تسكنون في فينيسيا افضل دامكم راح تقطعون المشوار عشانها

شكرا جزيلا