تنظيم جدول سياحي

**alifun** · 01-30-2015, 05:42 PM

السلام عليكم ورحمة الله وبركاته

كل عام وانتم بخير وبارك الله لكم في العشر ومن العايدين مقدمآ
حبيت من اهل الخبره وضع جدول سياحي عائلي ابتداء من اول ايام العيد لمدة سبع ايام
مع ذكر افضل اوقات الزياره للاماكن التاليه:
المدينه المائيه ,محميه العرين,عين عذاري,الفورمولا1, ستي سنتر , المتاحف وبيت القرآن, سوق المحرق
واذا فيه اماكن كمان حلوه اتمنى تذكروها لتعم الفائده على الجميع
وشكرآ لكم مقدمآ

مواضيع عشوائيه ممكن تكون تعجبك اخترناها لك:

**ahmedali** · 01-30-2015, 05:42 PM

واتمنى كمان احد يشوف لنا جزيره حوار هل سوف تفتح ابوابها في العيد وكيف نظام الحجز
وذا فيه جزيره آخرى بنفس فكرتها ياليت تدلونا عليها

**ahmed2** · 01-30-2015, 05:42 PM

انا بعد ابي جدول سياحي لمدهـ4ايام

**ahmed3** · 01-30-2015, 05:43 PM

مرحبا فيك أخوي في البحرين ......

بالنسبة للجدول السياحي .. ماعندي خبرة في وضع الجداول لكن :

حاول انك اتخلي المتاحف ومحمية العرين والقلاع الاثرية في الفترة الصباحية من 9ونص صباحا ورايح .

- جنة دلمون المفقودة ( الحديقة المائية ) اعتقد تحتاج 5 او 4 ساعات لكن حط في بالك ان يوم الخميس المغرب ايكون مخصص للنساء فقط.

- منتزه عين عذاري افضل انك اتروح لها العصر او المغرب لان الجو اشوي يعتدل واتخف الحرارة.

- سوق المحرق تقدر اتروح له العصر او المغرب .. ويحتاج له 3 ساعات حق التسوق.

- المجمعات تقدر اتخليها حق الغداء او العشاء ومرة وحدة حق التسوق ...

خل مجمع السيف والعالي في يوم .

و مجمع السيي سنتر يوم بروحه.

- متحف البحرين الوطني وبيت القرآن خلهم في يوم واحد .

وان شاء الله اكون عطيتك فكرة بسيطة .. وان شاء الله الاعضاء مايقصرون معاك.

وبالتوفيق ان شاء الله في رحلتك ... وتنور البحرين بطلتك علينا