الموضوع: رحلتي من دار زايد إلى لؤلؤة الخليج

السلام عليكم ورحمة الله وبركاته

حيالله هل لؤلؤة الخليج

تقريري بسيط ...لأن الأيام كانت قليله بس استمتعنا فيها..فاقلت ارد الجميل لو بالشي القليل لكل من ساعدني بالمعلومات. والله يعطيكم العافيه.
والسموحه تراني أول مره انزل تقرير بالصور...والصور على قدي


كانت رحلتنا بتاريخ 30-11-2006 تصادف إجازة عيد الإتحاد بالإمارات إلي بيكون بتاريخ 2-12-2006
فاستغلينا الإجازه وقلنا بنروح لكويت الحبيبه.


الإنطلاقه كانت من مطار دبي الدولي على طيران الإمارات






واهم شي المطاعم إلي فالمطار :36_1_51: مايفوتون شي :109:





طبعا من ادخل هالمكان ما اخلي آيه ولا دعاء إلا اختمه من الخوف راكبه صاروخ مب طياره :109:







انطلقنا وبحمدلله وصلنا مطار الكويت الدولي...وأحلى شي فالمطار ان أغلب إلي كانو يستقبلون أهلهم من هل الكويت... بعكسنا نحن 1000 من الجاليه الآسيويه و 100 مواطن :112:




واول ماظهرنا استقبلنا سائق من الفندق إلي هوه (ريتز السالميه) مع العلم كنا حاجزين في لي مريديان وخونو فينا وكنسلو الحجز قبل لانسافر بساعات :112: ولحمدلله لقينا حجز في ريتز السالميه لأن كان عددنا كبير ما شاء الله.وكان وصولنا المغرب
وخذنا سويت غرفتين وصاله وحمام(عزكم الله)
وعندهم أيضا غرف منفرده






لوبي الفندق صغير بس مرتب






الغرف...وماشي فرق بين الغرفه الاولى والثانيه









الصاله









وبعد مارتحنا شوي فالفندق....
اتصلنا على رقم الإستعلامات فيه 8080 اضن ناسيه الرقم...خذته من المنتدى وفادني الله يعطيهم العافيه.
وطلبنا منهم أقرب مكتب لتأجير السيارات وماقصرو،يزاهم الله خير...وأجرنا كمن سياره ، لأنا كنا 4 عوائل

خذنا جوله في لؤلؤة الخليج...وصلنا شارع الخليج...وكان شوي مزدحم بس الحلو ما شاء الله كلهم من هل الكويت.خذنا لفه بالسياره.. وبعدها رحنا لمطعم كبابجي :36_1_51: (في الستي سنتر) وهو المركز المقابل للفندق على الشارع الثاني.و أكله ممتاز :24: ...بس خذنا تقريبا ساعه فالسياره على بال ماحصلنا باركن لأن الشارع إلي يدخل عالسنتر كان مزدحم.






ونتهى يومنا الأول....ولي عوده :101:

مواضيع عشوائيه ممكن تكون تعجبك اخترناها لك:

• وين مطعم سلك اند سبايس ؟ رشح لنا مطعم صيني
• أول فرع لمطعم زافران في الكويت
• الكويت لمدة ثلاث ايام في فترة العيد
• هل الكويت فيها قرية ثلج
• معلومات وشرح تفصيلي وصور عن ابراج الكويت
• بالصور فندق بلازو
• الكويت بعيوني
• امهات الكويت الذويقات
• شوف الكويت بين اصابعك
• استفسار عن سيارات التاكسي
• سامحوني عالتقصير
• الاسعار
• ريتز لشقق المفروشه
• استفسار بسيط لحبايبنا في الكويت الغالية
• استاد جابر الاحمد الصباحصور
• اراء مختلفة عن طيران الكويت
• استفسار في غاية الاهمية
• اهل الكويت
• معرض الكتاب في الكويت أين يقع وما أٌقرب الشقق له
• يا أهل الكويت الله لايهينكم

ماشالله بداية موفقه اختى تقرير مميز....

بانتظار البقيه لا تتاخرين علينا

حياكم الله بالكويت

والحمدالله على سلامتكم


تقرير رائع:24: وبإنتظار بقية التقرير


لاتطولين علينا

مشكورة اختي بنوتة الامارات وماقصرتي يابنت بلادي الموضوع والصور آخر حلاوة ولاتتأخرين علينا ترانا
نترياج .

حياج الله اختي بالكويت والكويت نورت بوجودكم
وبانتظار البقية

الف شكر على هذا التقرير الرائع والحلو والممتع اختي بتوتة الامارات وبانتظار اليوم الثاني وبقية التقرير

ياهلا فيكم .. ونورتوا الكويت ..


ومتابعين معاج للاخر ..


والله يعطيج الف عافيه ..

حياكم الله في ديرتكم الثانيه
وبانتظار بقية التقرير

يا هلا وغلا فيج اختي بنوتة الامارات والحمد لله على السلامة

والدار دارج انتي واخواننا في الخليج

وبأنتظار اليوم الثاني .............

السلام عليكم

اشكر كل من رد وشارك بالموضوع
تسلمون... الله يعطيكم العافيه :101:

قبل لا ابدا جولتنا... رابط الفندق...والصور وايد قريبه من الواقع
http://www.ritzkuwait.com/salmiya/splash_salmiya.htm


فاليوم الثاني إلي هوه الجمعه..فطرنا الصبح فالفندق(بوفيه مفتوح)وفري مع الحجز

وبعدها قلنا بنطلع بناخذ لفه بالسياره نستكشف الكويت :106: وبنرجع عشان اخوانا وأهلنا بيروحون يصلون الظهر(صلاة الجمعه)

وهذي بعض من الصور
المارينا...واضح من الخلف فندق الكورنيش-التابع لفنادق- ريتز









شارع الخليج...وكان الجو عجييييييييب






مطعم مس الغانم....كان وايد خاطري اروح المطعم بس الوقت مامدانا :105:








عدنا للفندق وبعد الصلاه قررنا نروح نتغدى في سوق شرق...ونتسوق بالمره حريم مايصبرون عن السوق :109:










وخترنا مطعم تشليز....تفضلو معانا بالعاااااااااافيه :36_1_51:





الجلسات الخارجيه للسنتر من الشرفه، المكان يجنن :whistling ..ولجو كان باااااااارد ثلجنا :11ld:






وقعدنا فالسنتر تقريبا لين المغرب، بعدها ظهرنا وتمشينا عالبحر،ورحنا محل لبيع الأقمشه واخص بكلامي خواتي إلي بيزورون لكويت من دول الخليج...عندهم محل فالكويت يبيع الأقمشه الماركات الأصليه (الحراير) بسعر مغري الوار اضن ب300درهم مثل كرستيان لاكروا وديور وغيرهم من الماركات،بعكس السعر لو خذتي الفستان من المحل الأصلي يصل لل12000درهم :112:



والعشاء كان في مطعم آشاز (الهندي) في ردهة المطاعم في مارينا كرسنت



وخلص يومنا الثاني وعدنا للفندق

اختي بنوتة الامارات تقرير اكثر من روعه والصور اروع هناك اماكن كثيرة تستحق الزيارة مثلا عندكم المهلب مول والكوت ومجمع الصالحية ومركز الراية وفيلا مودا في الفحيحيل ومنتزة الشعب والمدينه الترفيهية ومرح لاند ومرة ثانية لاتنسون المطاعم والمقاهي في البدع قريب من السالمية عن فندق النخيل ولاتنسوق سوق المباركية وانشاء الله في زيارتكم القادمة يكون مجمع ذي افنيوز تم افتتاحة رسميا حيث سيكون اكبر مول بالمنطقة بعد مول الامارات

سلام عليكم
تقرير جميل وصور رائعة
وتباركة الكويت بزيارتك
وشكرا لك

ما شاء الله عليج أختي بنوتة الامارات


تقرير ولا أروووووع :24:


وإن شاء الله المرة الجاية تروحين كل الأماكن اللي مارحتيها

يعطيج العافية :surf

شي جميل إختي بنوتة الكويت
ورحلة موفقة وواضح إنكم إستانستوا هذا أهم شي

وبالعافية على الشوكالاته:101: :101: :101:

[center][color="DarkSlateGray"]أهلين بنوتة



تقريرك .... روعة مثلك





شوكليت بار :114:

حياج الله بنوته في الكويت بين اهلج واخوانج

الحقيقه انا دائما انصح اللي يجي الكويت يسكن في ريتز السالميه لانه قريب من كل شي واسم السوق مو السيتي سنتر اسمه سوق السالميه وفيه كل شي

تقريرج حلو وصورج روعه واشكرج على التقرير الحلو من اهل الامارات الطيبين ونشوفكم في فبراير ان شاء الله

اختى حمدلله على السلامه

استفسار بخصوص الاقمشه الماركات اين اجدها بالكويت؟

وشكرا

ماشالله مانت رحلة مميزة وخفيفه
كل الشكر وبانتظار عودتك من جديد

تسلم الأيادي اختي الغالية على هذا التقرير المميز والتصوير المتمكن واتمنى ان تكررو الزيارة لبلدكم الثاني

عزيزتي ..
بنوتة الامارات

تسلم يدج على هذه الجولة الرائعة في الكويت الحبيبة ...وما شاء الله عليج ما نيستنا من كل الزين لا أسواق ولا أكل ومطاعم ...كله روووعة ...
تدرين أن شوكولاته بار ..سوي أزمة عندنا ....الكل يبي منه :109:

وبالنسبة الي





عندهم محل فالكويت يبيع الأقمشه الماركات الأصليه (الحراير) بسعر مغري الوار اضن ب300درهم مثل كرستيان لاكروا وديور وغيرهم من الماركات



تراهم عندج في مركز الغرير فالدور الثاني وين محلات الاقمشة والقطعة أربع وارت بالف درهم سعر ثابت وعندهم الي بشغل للمناسبات بثلاثة ألاف ...

بارك الله فيكم ....

تسلمين بنوتة الغالية على التقرير
وفي اماكن واااايد مازرتيها حسافة
بس ماعليه انشاءالله اليايات اكثر

ملاحظة المسلسل المعروض هو مذكرات بوعليوي وليس درب الزلق
نورت الدار بزيارتكم
وانشاءالله نشوفكم عن قريب بزيارة ثانية تنورونا فيها

صراحة تقرير رائع...

من كل شي سواء صور ولا تعليقات كل شي فيه حلوة ماشالله...

نتمنى ان تونوا استمتعتوا بالكويت يارب...

و تعيدون الزيارة مرة ثانية...:kashkhah:

شكرا مجددا...
تحياتي.

اختي بنوته .. يا هلا ومرحبا فيج بديرتج الثانيه الكويت


تقريبا ما رحتي شي بالكويت p:

نترياج

حياج الله اختي الكريمة وعلى العين والرأس وننتظركم بهلا فبراير

المشاركة الأصلية كتبت بواسطة حور الإمارات
http://www.arabtravelersforum.com/tr...1/#post1066731

أفاااا يابنوته افااااااا رايحة الكويت ولا تاخذيني وياج



مرحبا السااااااااااع

ياليت نتشرف بزيراتكم لنا وتتحقق امانيج بالقريب العاجل

حور الإمارات حياج الله والساعه المباركة وان شاء الله تعالى تتحقق في ظروف افضل

حياكم الله وحيا الله الكل والجميع
و تشرفونا
والكويت و أهلها ينتظرونكم دائما .. :106:

وتسلمين على هالتقرير الحلو
والله يعينا على بلاوى الشوكلت بار
ترانا ضعاف حيييييييل ومحنا سمان أبد :108:


تحياتي ............

تشكراااااااااااااات على نقل الرحلة الحلوة الحمد لله على السلامه

مشكورة على التقرير العجيب

يعطيج العافيه
اختي....وين مكان الشوكلت بار؟

مرحبا اختي الكريمه
شوكلت بار في مارينا كرسنت ومجمع الارجان بجانب منتجع شيك فلامنغو
مع محبتي

[color="Magenta"][b]السلام عليكم

اسمحولي عدنا إجازة الربيع وقضينا الإجازه (فالمزرعه) مادري شو تسمونها فالكويت :114:
وهذا إلي ماخلاني أشوف ردودكم الحلوه :101:





ســود العيون: تسلمين الغاليه ، وإن شاء الله إنتي بعد تروحين كل الأماكن إلي مارحتها أنا


:36_15_24:


الاماراتي: العفو اخوي ، وتسلم ع مرورك الكريم


:101:

سايح في البلاد: مشكور اخوي على مرورك الكريم


:36_1_11:


bent al-kuwait: الله يسلمج حبيبتي.


:101:

Traveler Q8i: الله يعافيك ، الدار منوره بأهلها الطيبين


:115:


حنين79: الله يحييج حبيبتي


:bounce8:


روان بنت الكويت: مشكوره ع مرورج ، ولكويت منوره بأهلها


:101:

الباب العالي:مرحبا بمشرفينا ،تسلم ع مرورك الكريم ،تقرير بسيط رد للجميل لمشرفين وأعضاء بوابة الكويت لمايقدمونه من معلومات تخدم الزائرين.

:1:


رحــــال: الأروع مرورك الكريم ، وإن شاء الله فالزياره القادمه انزور كالأماكن إلي ذكرتها وما زرناها،
ودام مجمع ذي افنيوز بمستوى مول الإمارات اكيد يستحق الزياره

:106:


ريح الشرق: الله يبارك فيك اخوي وتسلم ع مرورك


:bounce8:




فهد الأحمد: مشكور اخوي، صح الأيام قليله جدا بس الحمدلله استانسنا اكيد.


:36_1_24:



Rima: تسلمين حبيبتي مرورج الأروع ،وإن شاء الله تروحين الشوكلة بار .وعلى كثر ماسويتله دعايا المفروض يطرشولي بارسل :109:



:36_1_39:



المسافرة من قطر: الآسيويين(السينما) يعقدون إلي مايتعقد ههههههههههه ، مشكور الغاليه ع مرورج


:36_1_41:


ناصر كويتي: الله يحييك اخوي ، بس الافته إلي حاطينها مكتوب عليها الستي سنتر.
واضحه فالصوره ،وتسلم ع مرورك.


:36_7_13:



osama80:الله يسلمك اخوي، اسمحلي عالتأخير إن شاء الله بسألك عن محل الأقمشه وين بالظبط
لأن إلي ودتنا صديقتنا من لكويت.


:36_1_24:



Kuwaity2: الله يسلمك اخوي ، وإن شاء الله لنا عوده لؤلؤة الخليج


:36_15_17:


مهاجرة: تسلمين حبيبتي ، والله كان ودي انقللكم أماكن اكثر ، لاكن خيرها في غيرها إن شاء الله
ودام شوكلة بار سوا ازمه عندكم خلاص بنطلبلكم اوردر لين قطر بارسل :109:
وبالنسبه للأقمشه مش نفس الأسعار ، فالكويت من 150درهم لل300درهم وماركات مش اي حرير.
فالغرير مستحيل القى الوار أقل من 400درهم.


:bounce8:


مسافرة كويتية: تسلمين ، الدار منوره بأهلها :idea:



:king:



Dhari: تسلم اخوي ،وأكيد النا زياره ثانيه بإذن الله ،لكويت ماينشبع منها.



:212:



MARSHALQ8: ( لمرحب باجي)

الصور تهبل نورت الكويت هلا ومرحبا فيكم

وبالنسبه لمحل الاقمشه الماركات عندنا محل شرفي بالبلوكات في بلوك رقم 1

الله يعطيك العافيه اختي وانا في انتظارك

bambena: لم افهم الموقع بالضبط الرجاء التوضيح

في سوق يسمى سوق البلوكات للاقمشه

متخصص بالاقمشه والكلف للملابس وفيه دراريع وتراث هندي وشغلات حلوه

قريب عند المسجد الكبير في الديره



المحل اظن الي اذكرته ويبيع فيه اقمشة الماركات اسمه "الجذور"

في كذا بلوك للاقمشه والمحل اسمه شرفي موجود في بلوك رقم 1 متخصص باقمشه الماركات

موضوع جمييل وإلي امام

السلام عليك

تسلمين اختي عاى التقرير الحلو و الصور

اعجبتني الصور


بس ما يكفي

زارتنا البركة بنوته والله شهيتينا للشوكليت بار اتصدقين احنا بالكويت مانروحله والسبة الزحمة كل مارحنا حطونا waiting list

وفي مطعم طافج مارحتيله اسمه برغر بوتيك في الراية عندهم ميني بيرغر خطييير

الحمدالله علي السلامه
نورت الكويت واتمنا انكم قضيتو وقت ممتع ببلدكم الثاني الكويت

https://s.yimg.com/qn/travel/data_tr...ta/516/41-.jpg

بالنسبة للفندق وايد بعيد عن الديرة ( البلاد) بس سيتي سنتر قريب منه وشارع الخليج العربي ، وهناك مشكلة في الفندق اذا كان فيه سكان وايد نازلين يفطرون طلع جائع !!!!!

السلام عليكم
عزيزتي ذكرتي في خلال رحلتك عن محل قماش يبيع الماركات
ممكن تذكرين اسمه ومكانه في اي منطقه:114:

بنوتة الامارات تقريرج رائع وشرفتونا بزيارتكم وياريت تكررونها وحياكم في بلدكم الثاني

ماشاء الله جدا رائع...
[size="4"][color="blue"]

تقرير ممتع
اتمنى لج اجازة سعيدة

اختكم
بين الحروف

حياج الله ونورتي الكويت
ويعطيج العافية على التقرير الحلو.......

ما شاءالله

هذي التقارير الزينه ولا بلاش

وظهر نجم جديد في البوابة الكويتيه

الف شكر لج

صراحه تصوير رائع

وواضح ..

ومرتب

وتصنيف الصور بمكانها ..

واهم شئ سكنج ..

ريتز من الفنادق الراقيه

وكفاية انه يطل على الكورنيش ..

الف شكر لج

حياك الله أختى كل ساعة وكل يوم وكل عام فى ديرتك الكويت تقرير جميل وأجازة أن شاء الله تكون دوما سعيدة

روووووووووووووووووعة تقرير جدا حلو