الموضوع: نبي كافيهااات رايقه

السلام عليكم


خبراء الامارات .. ممكن تعطونا اسماء ووصف اماكن بعض الكوفيهات
والمطاعم اللي تستحق الزياره في دبي والشارقه ؟
وتكون مناسبه لجلسات العوائل ..


ننتظركم

مواضيع عشوائيه ممكن تكون تعجبك اخترناها لك:

• سوال عن عرب لينك
• منتجع فلل السهل ومنتجع فلل اليم تجربة لا تنسى
• من هي افضل الفنادق ؟
• بأذن الله بنروح لدبي بس ؟؟؟؟؟؟؟؟؟؟
• ضرروري
• المسافرون الى الإمارات
• من عنده فكره عن هذه الشقق وماهو الفرق
• اين الطريق الى شقق
• شقق فندقيه في دبي
• اقرب طريق من دبي ال مسقط
• جسر دبي المعلق يحكي قصة الجمال المعماري
• استفسار السفر ببطاقة الأحوال المدنية للسعوديين جوا
• استفسارات مهمة عن حجوزات بوكنج وافضل شقق فندقية قريبة من دبي مول ويتضمن السعر الافطار
• اريد جدول 8 ايام في دبي
• لا تفوتون عرض شادو لاند في أبوظبي
• إستفسارين عن طيران العربية سعر صرف الدرهم
• اليازي والا بنوتة الامارات وحدة منكم ابغاها ضروري
• تعالوا اسمعوا قصتي وساعدوني
• استفسار
• عاجلارجو منكم الـ دخول

السلام عليكم

حياكم الله في داركم الثاني الإمارات.


الكوفيات ولمطاعم كثيره..

منها مطاعم جميرا بيتش ريزيدانس (The walk )



-مطاعم وكوفيات سوق جميرا :24:



-مطاعم مرسى دبي او يسمى المارينا



-الكافيه الثلجي....تجربة حلوه



-الجلسات الخارجية لكوفيات ومطاعم الفستفال (ووتر فرونت سنتر )


معلومات عن الأماكن المذكوره فالرابط:
http://www.arabtravelersforum.com/travel191790/





وإذا تريدين مطاعم بكبائن(غرف خاصه للعوائل) حاظرين



.

مرحــــــــــــــــــبا اختي مرحبا في بلادج الثانية الامارات

وان شاء الله نفيدج من واقع تجاربنا في هذي الامارة الجميلة امارة دبي

من اجمل الكافيهات عندي

1. فندق جراند حياة دبي الكافية لي مقابل المدخل .

2. فندق ميناء السلام نفس الشي الكافية لي بالمدخل .

3. كافية هيديارد مركز برجمان .

4. كافيهات فندق انتركنتنال الفيستفل ستي .(انصحج فيهن بقوة ).

5. كافية فندق جروفنرهاوس مرسى دبي .

6. كافية فندق العنوان (ذا ادرس) لي بجنب دبي مول فندق في غاااية الروعة وانصحج فيه بعد بقوة .

المطاعم .

1.مطعم المنى فندق ميناء السلام .

2. مطعم الدوار فندق حياة ريجنسي دبي .

3. مطعم المنتهى فندق برج العرب .

4. مطعم ايطالي في فندق شيراتون خور دبي .



ان شاء الله ان اكون افدتج اختي الكريمة وجربي لي خبرتج عنهن وخاصة مطعم المنى الانة من المطاعم

الرومانسية لي ماتنسى هو ومطعم الدوار .

احلى وارقى الكافيهات عندي

كافيه ارماني في مول الامارات قسم الماركات العالميه
وبيلا كافيه ومطعم في مول الامارات ومبركاتو وتايمز سكوير

بنوته :

يعطيك الف عافيه يارب .. اعشق الكافيهات وجلستها والاسماء اللي ذكرتيها

مغريه صراحه

ياليت تذكرين لي المطاعم اللي بكبائن للعوائل وعجبتك ..

كل الشكر

hamad001

فعلا حمستني كثير اجرب هالمطاعم والكفيهات

احلى شي لما تكون الجلسه حلوه ووالاكل لذيذ .. غالبا بعض الاماكن

المشهوره القى اكلها عادي واحيانا سيء لكن الاجواء والديكور رائع .. يعني

الواحد يدفع مقابل الجلسه والا الاكل مو قد كذا !

كل الشكر لاختياراتك اللي ان شاء الله ازور منها اللي اقدر عليه

بنت الشيخ زايد

الف شكر ياقلبي على ترشيحك لافضل الكافيهات
بس كيف تشوقين الاسعار ؟ مقبوله او مرتفعه ؟

مرحبا

اسمحي لي على المداخله بس عندي استفسار للاخت بنوتة الامارات

انا كنت افتكر ان The walk هو نفسه مرسى دبي المارينا

بس من كلامك اتضح انه مكانين مختلفين :114:

ممكن تخبريني اذا مافيها ازعاج شنو الفرق بين الاثنين وايهما افضل وموقعهما ؟ :24:

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...2/#post2453132

احلى وارقى الكافيهات عندي

كافيه ارماني في مول الامارات قسم الماركات العالميه
وبيلا كافيه ومطعم في مول الامارات ومبركاتو وتايمز سكوير



اختي كافية ارماني مشكلة مووول مافية خصوصية للعائلات ماينفع للعائلات المحافضة ابداااا

مول الامارات مافي مكان في خصوصية الا كافية هافانا ولا الباقي موووول مافي خصوصية الا

لو مضطرين فيه ستار بكس في دبنهامز فوق وااايد هادي

المشاركة الأصلية كتبت بواسطة ام النواعم
http://www.arabtravelersforum.com/tr...9/#post2453239

بنت الشيخ زايد

الف شكر ياقلبي على ترشيحك لافضل الكافيهات
بس كيف تشوقين الاسعار ؟ مقبوله او مرتفعه ؟



لا شكر على واجب

اممم اختي الاسعار بالنسبه لي اشوفها اوكي

المشاركة الأصلية كتبت بواسطة hamad001
http://www.arabtravelersforum.com/tr...1/#post2453541

اختي كافية ارماني مشكلة مووول مافية خصوصية للعائلات ماينفع للعائلات المحافضة ابداااا

مول الامارات مافي مكان في خصوصية الا كافية هافانا ولا الباقي موووول مافي خصوصية الا

لو مضطرين فيه ستار بكس في دبنهامز فوق وااايد هادي





اخوي اي كافيه اصلاً فيه خصوصيه ؟؟ نحنا عندنا الكافيهات بصراحه للشباب والاجانب
واذا المكان مب زحمه ندش يعني نحنا كابنات ولا الصبح وبس وحتى لو فيه خلط وايد بس كل واحد يكون محترم نفسه
اما سينمت مول الامارات الثانيه واللي اقصده ستار بكس ها بالمستحيل نمر من جنبه

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...4/#post2453694

اخوي اي كافيه اصلاً فيه خصوصيه ؟؟ نحنا عندنا الكافيهات بصراحه للشباب والاجانب
واذا المكان مب زحمه ندش يعني نحنا كابنات ولا الصبح وبس وحتى لو فيه خلط وايد بس كل واحد يكون محترم نفسه
اما سينمت مول الامارات الثانيه واللي اقصده ستار بكس ها بالمستحيل نمر من جنبه



الله يستر عليكم اختي وعلى اخوانا المسلمين ,,,وايد زحمة يعني ماتقدر ترووق فيه

لكن من خلال تجربتي احسن مول فيه خصوصية برجمان حتى في المشترى تاخذ راحتك وحتى في

الكافيهات بعد وايد فنانة وترتاح فيها صدق واهم شي مافي صدعة مراهقين حتى فية مطعم فوق في

الطابق الثالث مطعم ايطالي حذال مدخل روتانا للشقق المفروشة بعد مكانة حلوو وكم مرة متعشي ويا

اهلي فيه .

ام النواعم

الله يعافيج عزيزتي


رابط فيه مطاعم فيها غرف خاصة لللعوائل
http://www.arabtravelersforum.com/travel94434/?f=11




.

أم جاد

مرحبابج عزيزتي

مطاعم المرسى(المارينا) و جميرا بيتش ريزيدانس (The walk ) قريبيين من بعض، مسافة 5-10دقائق.


-كل مكان أحلى من الثاني. المرسى(المارينا) المطاعم اطل على بحيرة بها مرسى لليخوت.

-The walk يشعرج بأجواء أوروبيه ، خاصة إن الجو بدى يعتدل . المكان يطل عالبحر بس مادري حالياً فتحو البيتش أو بعدهم.




**المرسى ..
في منطقة الصفوح بعد برج العرب ومدينة جميرا اتكملين سيده..
إشارات مدينة الإعلام تاخذين يسار بيكون المرسى على يمينك ،
أو وإنتي ماشيه على شارع الشيخ زايد في لوحات إرشادية تدلك عليه بيكون على اليمين..



**The walk
قريب جداّ من المرسى ... إذا جايه من جهة برج العرب اتكملين سيده بيجييك على يمينك فندق الوستن أيضاً اتكملين سيده ، بيجيك شارع تصليحات بعده على طول بتلاحظين لوحة مدخل عاليمين لي جميرا بيتش ريزيدانس ..


الرابط المذكور فالأعلى ، فيه صور للمرسى ولي The walk ، خذي فكره عن المكان وشوفي إلي يناسبك.
هذا الرابط
http://www.arabtravelersforum.com/travel191790/




اتمنى الشرح واضح.




.

مشكورة اختي بنوته الامارات ماقصرتي

سؤال ثاني اذا مافيها ازعاج

ان شاء الله راح نسكن في كراون بلازا فيستيفال سيتي , ايهما الاقرب للفندق المارينا او ممشى جميرا ؟

والسموحه على كثرة الاسئلة

المشاركة الأصلية كتبت بواسطة hamad001
http://www.arabtravelersforum.com/tr...7/#post2453757

الله يستر عليكم اختي وعلى اخوانا المسلمين ,,,وايد زحمة يعني ماتقدر ترووق فيه

لكن من خلال تجربتي احسن مول فيه خصوصية برجمان حتى في المشترى تاخذ راحتك وحتى في

الكافيهات بعد وايد فنانة وترتاح فيها صدق واهم شي مافي صدعة مراهقين حتى فية مطعم فوق في

الطابق الثالث مطعم ايطالي حذال مدخل روتانا للشقق المفروشة بعد مكانة حلوو وكم مرة متعشي ويا

اهلي فيه .



اللهم امين

صح برجمان مركز هادي
بس مشكلته زحممممة الطريج ولين ماتوصل تهلك