الموضوع: مسافره ماليزيا وابغى احد يساعدني

السلام عليكم ورحمة الله وبركاته
صباح الخير
انا ان شاءالله مسافره ماليزيا واخيرا لي سنه انا اشوف تقاريركم واهنيكم ماشاءالله وكان السفر بالنسبه لي حلم بس الحمدلله بعد الزن والمحاله في زوجي اقتنع وحجز لنا على ماليزيا ورحلتنا بتكون في2 اكتوبر والعوده في28 اكتوبر
وطامعه في مساعدتكم لاتبخلون علي ابغى برنامج سياحي اقتصادي ممتع وابغى فنادق اقتصاديه الميزانيه محدوده عندي ثلاثه اطفال وانا وزوجي تكفون لاتقصرون معاي

مواضيع عشوائيه ممكن تكون تعجبك اخترناها لك:

• خبراء ماليزيا ساعدوني
• عاجل افضل عرضين
• استفسار عن فندق كلاي ريزيدنس كوالالمبور
• تم وضع برنامجي لرحله ماليزيا هل من تعديل عليها
• عندي سفرة بعد شهر ونص من تاريخ اليوم شهر عسل وابي منكم الافادة
• استفسار بخصوص السفر من كوالا إلى بالي
• الى كوالالمبور احجز ام لا؟
• ماهي الأجواء في ماليزيا في عيد الفطر القادم والترتيبات
• قربت الرحلة وعندي بعض الإستفسارات الهامه
• اول رحله لي ارجو المساعده
• ابي ترتيب رحله ؟
• استفسار رحلتي في سبتمبر إلى ماليزيا
• فنادق ماليزيا
• بخصوص مواصلات السيارات في السفر سانوي لاغون
• الطيران آير اسيا أو طيران الماليزي
• سفرة عائلية بين مدن ماليزيا
• استشاره في بعض الامور
• هل تحتاج العاملة المنزلية الأثيوبية تأشيرة قبل السفر
• يشرفني الانضمام الى هالمنتدى الرائع جدااا لكن ممكن ؟؟؟
• استفسارات وضبابيات تحتاج من يضيء لها النور ويرسم الطريق

هلا أختي الكريمة ...

أسأل الله لك التوفيق ... ورحلة سعيدة بأذن الله

كل أخوانكِ هنا ماراح يقصرون بأذن الله ... ونخدمكم بكل مانستطيع

لكن أنتي كاتبة ( الذهاب 2 أكتوبر ... والعودة 28 أكتوبر ) ....

سؤالي :

هل المدة 26 يوم ... لأنها مدة طويلة بصراحة

أو أنك أخطأتي في التاريخ ... أرجو الرد

http://img9.imageshack.us/i/digj.png/

هلا اخوي وافي ايوا موعد الرحله صح من 2 الى 28 بس تفاجئت انها سته وعشرين يوم نقدر نغير تاريخ العوده لاني احس الوقت طويل والميزانيه ماتسمح زوجي دفع للتذاكر خلاص اقدر اغير موعد العوده

اسفه اخوي الرحله من 2 الى 23 اكتوبر وليس 28 توي تاكدت المعذره عدد الايام 21 يوم ارجو مساعدتي بالجدول واسماء فنادق اقتصاديه ونظيفه

ماشاء الله مسافره على نفس اليوم اللي بنسافر عليه
انتو على اي خطوط ...؟

أهلا أختي ...

كنت عارف أنو فيه خطأ في التواريخ ... لأن ( 26 يوم ) كثيرة بصراحة

وأرشح لك هالبرنامج لمدة ( 21 يوم )

يومين سلانجور ( فندق إمباير )

أربعة أيام لنكاوي ( فندق الهوليدي فيلا )

أربعة أيام بينانغ ( فندق الفلامنجو )

يومين الكاميرون ( فندق الدي لافرانس )

يومين جنتنغ ( فندق الفيرست وورلد )

سبعة أيام كوالا ( ثلاثة أيام فندق فيوراما + أربعة أيام فندق دورسيت ريجنسي )

ملاحظة مهمة :

لو تنقصين المدة يكون أفضل وأسهل وأرخص ... خليها مثلا ( 15 يوم )

http://img23.imageshack.us/i/iwak.png/

الله يسعدك اخوي وافي كيف انقص المده خلاص تم الحجز اقدر اغير موعد العوده حتى لو تم الحجز انا حاجزه على الخطوط السعوديه

انا سكنت في بينانق الهوليدي ان
جممميل جدا و سعره كويس
احنا اخذنا غرفتين وحده مطلة عالبحر و وحدة عالسوق الليلي
اللي على السوق الليلي كانت رااااائعه جدا تنفع لكم بما ان عندكم اطفال ..

حمستيني اجمع صور الفندق و انزلهم ، و بجيب الرابط هنا اذا خلصت :*


اما جنتنق كانت الغلطة الوحيدة بسفرتنا حجزنا فيها يومين
صراحة ما تستاهل ينجلس فيها يومين احس حدها يوم تروحين لها من كوالالمبور
كان تعامل الفندق سيء جدددا و ابدا ما ارتحنا فيه اول يوم جلسنا بالاوتيل ماطلعنا الا شوي


وبكوالالمبور كنا ساكنين بفندق التايم سكوير و سعره كويس وبوسط سوق ..


تروحين و ترجعين بالسلامة يارب

الله يسلمك يانور بسوي بحث عن الفنادق الي ذكرتوها الله يسهل يارب

هلا أختي ( لانا )

والله الأفضل تنقصون من الأيام لأنها كثيرة ... خلوها ( 15 يوم ) صافية ... أفضل فترة بصراحة

أتصلي على الخطوط أو زوروا مكتبهم ... وحاولوا تغيرين رحلة العودة ليوم ( 17 أو 18 )

http://img827.imageshack.us/i/38t6.png/

تغير الرحله
ع حسب نوع التذكره المختاره

اقل درجه ما تتغير الرحلات الا اذا دفع مبلغ لترقية الدرجه للي بعدها
وتقريبا يطلع في التذكره ما بين 100 الى 250 ريال عشان تتعلى

افضل شيء يروح زوجك لفرع الخطوط الرئيسي ويخليهم يغيروله العودهـ


كل ما قلت الفتره زاد ميزانية الصرف في اليوم
وفي اختيار الفنادق
اذا كانت الميزانيه العامه ثابته
خصوصا ان 15 يوم جدا ماهي بسيطه

للاسف زوجي رافض يغير المده يقول مايغيروها الا بزيادة فلوس عموما بنستقر على 21 يوم وبرتب الرحله على اساسها

هلا أختي الكريمة ...

طالما اعتمدتوا ( 21 يوم ) ... تفضلي الجدول الأنسب ...

طبعا كتبته في الصفحة الأولى ... وأعيده هنا

يومين سلانجور ( فندق إمباير )

أربعة أيام لنكاوي ( فندق الهوليدي فيلا )

أربعة أيام بينانغ ( فندق الفلامنجو )

يومين الكاميرون ( فندق الدي لافرانس )

يومين جنتنغ ( فندق الفيرست وورلد )

سبعة أيام كوالا ( ثلاثة أيام فندق فيوراما + أربعة أيام فندق دورسيت ريجنسي )

الله يسعدك اخوي وافي ماقصرت بس ممكن اعرف متى احجز الفنادق الحين والا باقي بدري واسفه على كثر الاسئله اتحملوني شوي بزعجكم بكثر الاسئله

هلا أختي ...

الأفضل تحجزين الفنادق والطيران الداخلي قبل الرحلة بشهر أو عشرين يوم ..

هاذي أفضل فترة بصراحة ... وتكون ( الخيارات ) فيها متاحة بكثرة

اشكر الجميع على مساعدتكم لي
بخصوص الفنادق يااخ وافي دخلت موقع بوكينق وكتبت اسم الفنادق الي ذكرتها لي وكتبت التاريخ بس ماتظهر لي الفناق ليه هل لانها محجوزه كلها والا تغيرت اسم الفنادق

هلا أختي

أحيان بوكينق يظهر الفنادق بالترتيب ... فما تجدين فندقك موجود

أنتي أبحثي من ( قوقل ) ... ويجيب لك الرابط مباشرة

مثال :

أكتبي مثلا ( رويال شولان كوالا بوكينق ) ... ويطلع لك مباشرة

الله يسعدك الحين بجرب