الموضوع: ممكن مساعدة خبراء البوابه ؟

مرحبااا خبراء الامارات

ان شـالله الويك اند الجاي بكون في دبي (خميس - جمعه - سبت)

حجزت السكن في البستان

بكون برفقة الوالده واختي

ونبي نغيير جووو

وحاطه فبالي اروح مول الامارات - فستفال مول - الغرير - حمر عين

شتنصحوني في هاليومين وين اروح وشسوي

وبخصوص المواصلات شـ استخدم ؟؟؟

عندكم ارقام سواقين ؟؟؟

او شركة مواصلات ؟؟؟

ومشكورين ع المساعده مقدماً

:106:

مواضيع عشوائيه ممكن تكون تعجبك اخترناها لك:

• ممكن مساعده لاختكم شموووعه بخصوص مراكز ومطاعم دبي
• صير بني ياس
• استفسار عن المقاهي
• إنجـــاز الاختبار المتحــرك للخــط الأخضــر لمترو دبي
• هل هناك تنزيلات بدبي
• مساعدة يااخوان
• أحمد بن سعيد مطار دبي يمضي باتجاه المركز الأول عالمياً
• أسئلتـــي سريعة جدا جاوبوني بالتفصيل ياهل الخبرة
• توقعات بوصول زوار مفآجات صيف دبي إلي مليون زائر
• أماكن يستحقها أطفالنا للتسلية وتنمية القدرات
• أداك تطلق خدمة إتمام إجراءات السفر الذاتية بفندق بارك روتانا
• سيارتي لكزس سعوديه ماهو نوع البانزين
• بوكنق؟
• ساعات ترانزيت
• الطريق من الرياض الى دبيارجو المساعدة
• افضل الأماكن في دبي مناسبة للعوائل المحافظة
• عرب لينك مواصفات تأجير سيارة
• عروض طيران العربية المخفضة تبدأ ب درهم
• شركة بي ام دبليو تنتج نسخة خاصة بالعيد الوطني الأربعين للإمارات
• دبي تعتزم إنشاء أضخم بحيرة اصطناعية في العالم

مراحب


حياكم الله في الامارات بلادكم الثانيه

وان شاء الله تستانسون وتغيرون جو


بالنسبه للأماكن اللي انصحكم فيها

اذا تبغون مولات

مول الامارات حلو حق تمشي وتدخلون سكي دبي وايد بتستانسووون

بن بطوطه وايد حلو حق تمشي وتسوق

دبي فيستفال سيتي وايد حلو حق تسوق ومطاعم حلوه

ميركاتو بعد حلو حق سوالف ماركات

اذا تبغون اشياء رخيصه صناعه صينيه عندكم مركز التنين بس اخر مره دخلته ما حبيته من كثر الزحمه والروايح كرمكم الله

مركز برجمان حلو

مركز حمر عين ناسنه والله من زمان ما رحته

عندكم قناة القصباء في الشارقة حق يلسه وفيه مطاعم حلوه وتقدرون تركبون عين الامارات

مركز صحارى في الشارقة حق تمشي وتطمش واهل الشارقة اغلبيتهم تحصلونهم في الويك اند في هالسنتر

لو بيلس اقول المراكز ما بخلص


تقدرون تخصصون يوم تسيرون العين وتزورون المبزره وتسبحون في الماي الحار خاصه ان هالايام الجو بدا يعتدل


وبالنسبه للمواصلات

انصحكم بخيارين

تأجرون سياره من احد مكاتب التأجير في المطار

أو

تستأجرون سيارة بسائق بيكون وايد اريح لكم

بالنسبة للتكاسي ف بتدفعون وايد تخيلي انج في كل مشوار تدفعين مبلغ ما يقل عن الستين درهم

يعني لو في اليوم نويتي تسيرين اكثر من مكان صدق بيخسرونكم وخاصة التكاسي يوم يشوفون زوار ما يدلون في البلاد يطولون المسافه علشان يطلع العداد لصالحهم من غير مضيعة الوقت في الانتظار


واذا كنتي تبين رقم سواق بسيارة فأنصحج بواحد من اهل الامارات كذا شخص من معارفنا اتعامل معاه وما قصر وياهم
مشكلته شوي في المواعيد بس يحاول قد ما يقدر انه ما يقصر واذا حصل منه تقصير ما ياخذ قيمة هاليوم

xxxxxxxxxxxxxxxxxxxxxxxxxxx

ْ xxxxxxxx
يمنع وضع الأرقام

واسمحيلي على القصور

ما قصر الاخ بالمعلومات ..


بس حمر عين و الغرير اكل عليهم الدهر و شرب .. لا تضيعين وقتك فيهم ..


اهم الاماكن مول الامارات و فيستيفال و المارينا و مدينة جميره ..



موفقه

السلام عليكم


رابط بيفيدج بالأماكن السياحية
http://www.arabtravelersforum.com/travel191790/


.

يعني امشي على الجدول اول يوم مول الامارات

وثاني يوم الفستفل مول .. وبنشوف آخر يوم قبل المطار وين نروح

تسلمون جميعاً ماقصرتوا

الله يعطيكم العافيه

مراحب

الغاليه خلو اول يوم الفيستفال

وثااني يوم مول الامارات علشان تدخلونه مرتاحين وتاخذون وقتكم وراحتكم فيه

واخر يوم تقدرون تسيرون السيتي سنتر لانه قريب من المطار

والسموحه

والسموحه