الموضوع: اهل البحرين ياريت رايكم في رحلتي مستعجل لمدة ايام في البحرين

السلام عليكم اخواني وخواتي

الصراحه شفت البحرين في المنتدى وقريت تقاريركم و عجبتني وااايد

ان شاء الله ناوين انا وزوجي وولدي -2 سنه نروح البحرين


الرحله من 16-7 إلى 19-7

لمدة 3 ليالي

و طبعا هذي اول رحله لنا في البحرين :24:


قررنا نستأجر سياره من المطار

هل في شركة معينه تنصحوني بها ؟؟
:114:
وهل تنصحوني استاجر سياره أو ناخذ تكسي للمواصلات من الفندق
علشان ما اضيع وقت في الحواطه في البحرين :24:ابي الفها كلها :109::106:

قررت بخصوص السكن يكون في

إليت غراند – 4 نجوم

أو

فريزر للشقق الفندقة الفاخرة – 5 نجوم
(عاملين عروض في موقعهم 40% خصم)

أو

: فندق L' Hotel – 5 نجوم

أو
الخليج

الصراحه هذه الفنادق التي تمدحونها في الموقع :114: و انا محتاره يجب الحجز اليوم

ياريت تنصحوني اي فندق يكون قريت من حيث التسوق و ايكون بعيد عن الازدحام و موقعه يكون مريح ومميز





بخصوص الأماكن للزياره

سوق المحرق ( طبعا علشان العبي -يمدحون العبي هناك :109::113
مجمع السيف
مجمع السيتي سنتر
متحف البحرين
مجمع الدانة
مجمع المودا
مجمع المارينا مول
مجمع اللؤلؤة

ياريت بس حد يقولي شو هي الاسواق القريبه من بعضها البعض يعني شو من هذول الاسواق اقدر ازورهم في نفس اليوم ؟؟ او يكونون جنب بعض ؟


و آخر استفسار خاص بالنساء البحرينيات :106:

ياريت تدلوني على
محلات تبيع أطقم النفاس أو قمصان نوم المرابي ؟
حلويات اتكون مش موجوده في الإمارات يعني غير المتاي و الحلوى التي تتميز بها البحين يعني محل شوكولاته مميز وحلو ؟
محلات الفساتين السهره ( التي تكون جاهزه ) واسعارها متوسطه يعني ؟


و ربي يوفق الجميع و اشكر كل من دخل وقرى موضوعي :24:

مواضيع عشوائيه ممكن تكون تعجبك اخترناها لك:

• شقق فينيسيا في البحرين
• ما ابي اتورط ارجو المساعده البيسان تاور
• هل احتاج جواز سفر
• زيارتي السريعة للبحرين
• وكالة تويوتا
• ماهي أفضل الأوقات لعبور جسر الملك فهد ؟
• لأهل البحرين اشتراك انترنت مجانا
• استفسار بخصوص افضل فندق اوشقق فندقية في شارع المعارض
• محلات الملابس النسائية
• هل توجد خدمات متل مطاعم وسوبرماركت Pars International
• اللي جربو الزلاق والعرين ممكن سؤال
• مساعدة
• مكان للفطور
• موقع وفندق قريب منه
• ساعدوني؟
• الفورميلا يتوافق مع موعد الأجازة في السعودية و الأسعار اضعاف
• عندك علم بكم شقق الجفيرة السنوية
• ابي فندق او منتجع في البحرين مناسب
• استفسار سريع لو سمحتوا
• ابي فزعتكم

انا اقترح فريزر سويتس لانة يوجد مدخل لمجمع السيف من لوبي فريزر سويتس نفسة وعندك مجمع العالي قريب جدا من البوابة الشرقية لمجمع السيف (بوابة جوهرة السيف) خطوات بسيطة وانتي واصلة مجمع العالي.

خصصي صباح احد الايام لمجمع السيتي سنتر القريب من السيف وبعدين علي مودا مول وارجعي الي الشقق وعلي طريق الرجعة بيكون مجمع اللؤلؤ ومارينا مول والدانة مول والبحرين مول (جيان).

الستي مول والمودا مول لا تفوتيهم اما الباقي فمولات صغيرة او متوسطة مو لازم تمرينهم اذا ما في وقت.

اذا تحبين المتاحف لاتفوتين متحف قلعة البحرين والقلعة نفسها وهي قريبة من مجمع السيف واقترح الذهاب قريب المغرب علشان الاضاءة والجو يكون افضل.\

مطعم تريدر فيكس في فندق الريتز من الاماكن الحلوة والفندق موجود في منطقة السيف.

لاشوكلا يقع مقابل الشقق مباشرة اكلهم وحلوياتهم حلوة ويصلح حق عشاء وتحلية.

ليلو كافية في مجمع العالي والمطاعم القريبة من مجمع العالي ممتازة للغذاء والعشاء اما الفاست فود فعندك مجمع السيف.

اشكرج جدا يا بلادي البحرين

جدا اسعدني ردج و ان شاء الله يتم الحجز في الفندق

وشو بخصوص السياره هل نستاجر سياره أو مايحتاج يعني هل التكاسي اتكون موجوده في جميع الأماكن وبكثره ؟؟

لان في زياره لنا في قطر الصراحه اتوهقنا مع التكاسي بصعوبه كنا نلاقيهم

التكاسي متوفرة في السيف مول والسيتي سنتر وتقدرين تاخذين رقم التاكسي تحت الطلب يوصلون بسرعة ما يتأخرون. جربي تكاسي لندن كلش ممتازة.

اهلا وسهلا فيج اختي ...

اذا اول مرة تزورين البحرين وما تدلينها عدل ما راح تضيعين ان شاء الله اذا عندك الجارمن يدليك كل مكان ...
اما اذا خايفة يضيع وقتك التكاسي اشوفها متواجده وبكثرة عند كل مجمع في الباركات تلقين التكاسي موقفة وهذا غير ان في تاكسي تحت الطلب او شركة تكاسي لندن ...

بالنسبة للمجمعات تقريبا كلللللللللللللللها في منطقة وحده في المنامه العاصمة ..

السيف جنبه العالي ..
المارينا مول جنبها الؤلؤة ..
مجمع الدانه جنبه مجمع البحرين ..

والسيتي سنتر قريب للسيف ..

فساتين السهرة تلقين محلات في شارع بوكواره ومجمع السيف و مجمع الؤلؤة ..

الحلويات بعد في محلات تبيع شوكلت تبع الزهور الطبيعية في شارع بوكواره .. والله مو حافظة اسمائها ..

محل كوخ الامومة على ما اظن حق النفاس وفي كم محل نسيت اسمائهم ايام الحمل قمت ادورهم خخخخ .... في سوق بوكواره ..

يعني سوق بوكواره لا تفوتينه حلو وفيه محلات عبايات مميزة .. وهو شارع بوكواره منطقة في الرفاع ابحثي في الموقع تلقين الغالية واصفة المكان في موضوع ..

واي سؤال حبيبتي لا تستحين ... بيتك ومطرحك

حياكم الله في البحرين

اذا اول زياره لكم لا تستأجرون سياره وتضيعون وقتكم

خذوا تاكسي لندن .. وخلوا عندكم رقم السواق عشان تدقون عليه دايركت بدل ما تدقون على المكتب

اذا رحتوا عن طريق المكتب ياخذ زياده دينار .. واذا كلمتوه دايركت ما ياخذ الزياده

مجمع اللؤلؤه ماشوفه يستحق الزياره

وبشكل عام التكاسي قليله في البحرين بس ممكن تلقينها عند المجمعات

السيف والعالي جنب بعض على طول والسيتي قريب منهم .. الدانه والبحرين بالجهة الثانيه

ممكن تخلين سيتي سنتر والسيف والعالي في يوم

وبالنسبة لاطقم النفاس اختي قالت لي على كوخ الامومه في المحرق عند حلويات طارق

وبالنسبة للعبايات عندك بعد في المحرق جهة استوديو المناعي في محلات حلوه

وشارع البوكواره في الرفاع

وبالنسبة للفساتين ما عندي فكره لاني دايم اشتريها من السعوديه .. بس المولات فيها شوية محلات

شوفي هالموضوع

http://www.arabtravelersforum.com/travel295339/

الأخوان ما قصروا والبرنامج منظم .. وبما انتوا الحين في البحرين حبيت أتمنى لكم أوقات سعيدة ..

..