الموضوع: جدول سريع لشهر عسل بليز

السلام عليكم ورحمةالله وبركاته

اخواني انا مسافر ان شالله شهر عسل لماليزيا 19 يوم

مشاءالله التقارير وايد ومفيده ونصايح رائعه الله ياجركم عليها ان شالله

لكن ما قدرت ارتب لي جدول لاني ضعت بين التقارير والاماكن فاذا احد يقدر يسوي لي جدول على السريع بكون له شاكر وبدعي له

انا فكرت عقب ما قريت كمن تقرير

4 ليال كوالالمبور في فندق ماريوت

3 ليال لانكاوي محتار للحين فالفندق و بغيت فندق فيه مسبح خاص بس ما عرفت ايهم اختار !

بعدين قلت ارد كولالمبور ونكمل باقي الايام

ولا نروح مكان ثاني مب مشكله

والاماكن السياحيه بعد ماعرفت ارتبها ولا وين اماكن تناسب عرسان جدد

قريت كثير لي وافي بزمن جافي ياليتك تساعدني ماشاءلله يبين عليك فاهم ولا يهونون باقي المتواجدين الله يبارك لكم والله استفدت كثير
بس اتمنى احد يساعدني بجدول سريع ابي اسوي فيها البطل الفاهم اللي اعرف كل شي جدام بعض الناس ..

والسلام عليكم ورحمه الله وبركاته

مواضيع عشوائيه ممكن تكون تعجبك اخترناها لك:

• آرائكم مهمة ومساعدتكم في القمة و رزقكم الله الجنة
• ابغى استفسر بخصوص الفنادق
• يا اهل الخبرة هل جدولي تمام او عندكم تغيير اول مرة اسافر
• الى خبراء ماليزيااااا
• برنامج سياحي بماليزيا لمدة 12 يوم لعائلة مكونة من 6 افراد 4 نجوم 2016
• المساعدة في جدول شهر العسل الى ماليزيا
• هذا جدول المواصلات وش رايكم غالي والا لا ؟؟
• سياسة فنادق ماليزيا
• مشكلتي في الحجز في وبطاقة الاهلي ماسترد كارد
• أتمنى الأفاده الجميع للسفر إلى ماليزيا
• عااااااجل جدا إستفسار عن حجز أو تأكيد الطيران الداخلي قبل الخروج من مطار كوالالمبور
• خطة لمدة عشرة ايام في ماليزيا
• استفسار من أهل الخبره تحويل العملات
• رحلتي هالصيف يونيو يوليو
• استفسارات متنوعه بخصوص شهر عسل ،،
• اريد مساعدتكم بارك الله فيكم في اختيار فندق بلنكاوي
• ماليزيا وجهتي وهذي استفساراتي
• ارجو المساعدة بخصوص فنادق لنكاوي وبينانق
• تخطيط رحلة لماليزيا والأنطلاق من السعودية المدينة المنورة
• ارغب ببرنامج سياحي لكلا من

هلا والله ياحبيبنا ... شرفت ونورت منتدانا بتواجدك

ولنا كل الشرف بخدمتك ... قد مانقدر يالغالي ...

ماشاء الله تبارك الله ... فترة ( 19 يوم ) فترة ممتازة ... والأفضل يكون الجدول ( منوع ) وفيه أكثر من مدينة

لاسيما ومدن ماليزيا ( قريبة من بعض ) والتنقل بينها ممتع جدآ ... وفرصة لأستكشاف ماليزيا أكثر ...

يعني لو بغيت رأيئ المتواضع ... أنصحك بهذا البرنامج :

يومين سلانجور - أربعة لنكاوي - ثلاثة بينانغ - ثلاثة الكاميرون - ستة أيام كوالا

http://img708.imageshack.us/i/1iin.png/

مشكور اخوي وافي واسمحلي اذا بغثك شوي .. اذا انا بنزل على كوالا من المطار اروح سيده ل سلانجور وابات هناك والف على الباقي واخر شي ارد ع كوالا مره ثانية .. جي افضل ؟ انزين شو تنصحني عن الفنادق والاماكن ؟ ادري كثيره وانا اكتب واشطب دار راسي الصراحه بغيت مساعده عشاني ضعت .. انا شوي مستحي لان ادري وايدين يسالون والمنتدى ما يقصر فيه من كل شي والواحد لازم شوي يتعب ع روحه ويدور بس انا شو من كثر ما ادور ضعت هههههه

هلاوالله يالغالي ...

طبعا أول ماتنزل مطار كوالا ... تأخذ تاكسي على سلانجور

وهي تبعد 35 دقيقة فقط عن المطار ... وسعر التاكسي 75 رنقت ...

صدقني جدولك اللي رشحته لك هو الأسهل ... وتفضل طريقة التنقلات :


* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى الكاميرون ... تاكسي بسعر ( 400 رنقت ) والمسافة أربع ساعات ..

* من الكاميرون إلى كوالا ... باص ( يونيتيتي ) بسعر (38 رنقت ) والمسافة أربع ساعات


أما الفنادق الأنسب :

سلانجور ( ون وورلد ) ... لنكاوي ( الشيراتون ) ...

بينانغ ( القولدن ساندس ) ... الكاميرون ( دي لافرانس ) ... كوالا ( الرويال شولان )

http://img708.imageshack.us/i/1iin.png/

مشكور اخوي كفيت ووفيت وانا الحين يالس ارتب الجدول ..

بالتوفيق حبيبنا ... الله يسهل أمرك يارب

http://img441.imageshack.us/i/4v6b.png/

السلام عليكم ..

للاسف اتضح ان صار لبس بعدد الايام لان انا تلخبط بالتواريخ ..
مده السفر 13ليله تم توزيعها على المدن المقترح لها

راح يكون :يومين سلانجور - 3 ايام لنكاوي - 3 ايام بينانغ او الكاميرون - خمسة أيام كوالا ..

لاازم الغي منطقه محتار بين بينانغ والكاميرون شو تنصحوني فيه ؟ هل الرحله بتكون مريحه ولا مرمطه بسبب التنقل والايام قليله ولا بتكفي ؟
بالنسبه للفنادق اخوي وافي انا غيرت وابي رايك فاللي اخترته
سلانجو (سن واي لاقون فيلا ) لانكاوي (ويستن فيلا) بينانغ (قولدن ساندس) او الكاميرون (فندق هايلاندز ريزورت) واخيرا كوالا( بالترايدرز )

انا ماخذ غرف شوي غالية عشانه شهر عسل طلع معي تقريبا 18 الف درهم ..تحسه مبالغ فيه ولا الفنادق والغرف تستاهل وهاذي هي الاسعار؟
شنو تنصحني اعتمدت واحجزهم ؟ لان انا ما فكرت بموقع الفنادق بالنسبه للي قلتلي عنهم خفت من بعض الردود والتقارير اللي قريتها

شكرا جزيلا

ياهلا والله ...

بصراحة أحلى تقسيم ... وأحلى فنادق ... بجد ( ذوووووق )

ألغي ( الكاميرون ) ... بينانغ أنسب لك كعريس

يصير الجدول النهائي :

يومين سلانجور ( صن واي لاقون )

ثلاثة لنكاوي ( الويستن )

ثلاثة بينانغ ( القولددن ساندس )

خمسة كوالا ( التريدرز )

فنادق راقية جدآ ... بس السعر مرتفع ... من وين حجزتها ؟؟؟

http://img90.imageshack.us/i/4jhb.png/

الله يسلمك من ذوقك والله

انا للحين ما حجزتهم بس دخلت على فندق فندق وحطيت الاسعار وجمعتهم طلعوا لي تقريبا 18 الف الحجز بين اغودا وبوكينق

خلاص باي باي كاميرون سوينا لها ديليت

هلا بالغالي ...

أتوقع مستحيل يوصل السعر إلى 18 ألف ... عيد الحساب من جديد

أحسب حساب كل فندق لوحده .. أعتقد مايتجاوز 10 ألاف بأذن الله

http://img41.imageshack.us/i/1zc3.png/

اخوي هاي الاسعار اللي انا مطلعهم من قبل من الموقعين :

الاسعار بحسب عدد الليالي شامله الافطار وبدون الضرايب

ليلتين فندق صن واي لاقون: فيلا مع بركه سباحه 2,791.65 او غرفة بريمير مزدوجه 1000

ثلاث ليالي فندق ويستن لنكاوي: فيلا مطله على البحر مع بركه سباحه aed 7,636.32 غير قابله للاسترداد واذا قابله للاسترداد بيكون 11 الف
او غرفه بريميور مطله على البحر 2300

ثلاث ليالي فندق قولدن ساندس :جناح مطله على البحر 4700 او ديلوكس مطله على البحر 2300

خمس ليالي فندق ترايدر : غرفه مطله على البرجين 1800 او غرفه اكبر مطله على البرجين 2500

نحسب مع فيلتين : 17000
نحسب مع فيلتين واقل سعر تكلفه لباقي الغرف المعروضه: 14500
نحسب فيلا وحده ويستن واقل الغرف تكلفه بالنسبه للمعروضين: 12000
نحسب فيلا وحده صن واي لاقون و اقل الغرف تكلفه بالنسبه للمعروضين : 9891

إن الله لا يحب المسرفين وانا ما احب التفشخر ولاالاسراف القصد ان الواحد يستانس وما يقصر في شي ..

السلام عليكم

اخواني بسالكم .. اذا انا حاجز ليلتين في سلانجور واصلا بوصل ماليزيا الساعه 11 فالليل انزين بيكون بعدها يوم كامل في سلانجور وثاني يوم لازم اطير للنكاوي مادري يمديني اجوف سلانجور ومتى افضل وقت احجز حق اروح للنكاوي العصر ولا الليل ؟

حياك حبيبنا ...

والله الأسعار غالية بصراحة ... لكن الفنادق تستاهل

أما وصولك لسلانجور ( متأخر ) ولازم تراسل الفندق وتعطيهم خبر

واليوم الثاني بأذن الله كافي لزيارة سلاتنجور ... راح نكتب لك برنامج ( حلو ) ياحلو ... ولايهمك

http://img853.imageshack.us/i/jeln.png/

واقسم بالله انك كنق ياوافي بس حبيت اسئلك في لنكاوي تنصحني فندق لنكاوي لاقن او هوليدي بس عندي مشكله بالهوليدي عن طريقه البوكننق مو محدد ع البحر بس ع الحديقه او المسبح واللي ع البحر هناك هم يحددون لك اذا في امكانيه او لا طبعن يفرق السعر والله احترت محتاج رايك يالغالي ولاقصور ف البقيه
ع فكره جدولي اخذته من احد مواضيعك المميزه مع بعض الاضافات وعما قريب راح انزله ليستفيد غيري

السلام عليييكم .. اخوااني انا اليوزر ضااع مني وبصعوووبه رجعته ! وانشغلت كثييربسبب تحضيرات الزواج ..
ارجوو مسااعدتكم لي بجدول يومي لأن ما عندي وقت ابداا
عندي استفسار..
بالنسبه لحجوزات الفنادق .. شو لازم اسوي بعد ما حجزت اونلاين ؟ وهل لازم اودي معاي نفس البطاقه اللي حجزت منها اونلاين للفندق ؟ وهل يجب اكون نفس الشخص حامل البطاقه ولا عادي ؟
بالنسبه لمغادرة سلانجور والذهاب للنكاوي انا للحين ما حجزت لي طيران متى انسب وقت لمغادرة سلانجور بالنسبة لجدولي وفي اسيا اير ماحصلت سلانجور هل هي نفسها كوالا لامبور ؟ يعني سلانجور منطقه في كوالا؟
يعني اسوي مغادرة من كوالالامبور لين لنكاوي

ارجوو الرد سرييع منكم اخواني ..

تحياتي عريس متوهق

انا من يوم حجزت اونلاين للفنادق وارسولولي تاكيد الحجز ما راجعتهم .. هم ما اسحبو مني للحين انا اعرف ان يسحبون لين اوصل عندهم وجي بس مادري فيني وسوااس ومتخوف اطير اهناك وما القى اي حجوزات ..

اخواني انتظر مشوركتم