الموضوع: محتارة بين فندقين بميونخ أفيدوني بارك الله فيكم

السلام عليكم ورحمة الله وبركاته
إخواني الكرام سأكون في ميونخ في منتصف جولاي بإذن الله ومحتارة بين فندقين وهي ميركيور ميونخ سيتي سنتر
وبين فندق يورو ستار قراند سنترال
أيها أفضل للإقامة من ناحية النظافة والجودة والخدمة والأمااان
علما بأننا سننستأجر سيارة للتنقل بها
وجزاكم الله كل خييير

مواضيع عشوائيه ممكن تكون تعجبك اخترناها لك:

• شرليكم ب هالفنادق اعتمدها والا لا ابي احجز يالله
• أرجو الرد عاجلا سفرتي بكره
• مساعدكم لو سمحتوا أبي مخطط رحله ألمانيا النمسا إيطاليا باريس
• اتمنى المساعده رتبوا لي الخطة لو سمحتوا؟
• بعد الترجمة هل التعريف يحتاج تصديق ؟
• ارجوا المساعدة في توزيع الأيام على المدن الرحلة بعد العيد
• ايش رايك بهذي الفنادق بمدينة ميونخ
• أرجو المساعده لو سمحتم بشأن مبلغ التأمين
• ممكن التساعدوني في تخطيط السفر
• ما افضل المدن في ميونخ
• مسافر جديد
• سيكست ولا يورب كار
• السفر الى المانياعاجل رجاء المساعدة
• ارجو المساعدة من خبراء الريف الاوربي
• مساعده بخصوص حجز الفنادق
• هل يوجد منتجعات سياحيه في ميونخ
• البشرى طلعت الفيزا وبدي نصائحكم
• تم الإنتهاء من كل شي وبقي فزعتكم في الجدول اليومي
• استفسار بخصوص استجار السياره
• طلبتك يا

جزاك الله كل خير أختي الكريمة
سيكون معنا سيارة فهل يمكننا الذهاب للمارين بلاتز ولكارل بلاتز بالسيارة ؟ أم سيرا على الأقدام؟
وهل الترام هو المترو؟؟
وما رأي بقية الإخوة في الفندقين؟؟؟

شوفي ياغاليه

فندق Eurostars Grand Central

ومحطه الترام اللي قدامه اسمها Deroystraße (للاسف اسماء المحطات ما تنكتب صحيحه بالالماني )

ولكن انتي اول ماتطلعين من باب الفندق تلقينه قدامك

وتركبون الترام رقم 16 و 17

هو اللي يوصل للكارل بلاتز

الترام اللي يمشي فوق الارض شكله يشبه هذي بس مع اختلاف اللون

يبعد عن الكارل بلاتز 2 كلم تقريبا

طبعا ابدا لاتفكرين تروحين بالسياره الى كارل بلاتز لان السنتر صعب السواقه فيه بسبب كثيره الترام وقلت المواقف

اعتمدي على الترام اللي عند باب الفندق والتذاكر تلقينها عند الاستقبال حق الفندق

انا سكنت بالشقق اللي جنبهم وكنت اروح بالترام وهذي اسعار التذاكر

- سعر القروب المكون من 5 اشخاص لمده يوم كامل بدون تحديد لعدد مرات الذهاب اوالعوده 9.40 يورو

- سعر كل شخص لمره واحده بـ 2.40 يورو

- سعر التذاكر لمده ثلاثه ايام للقروبين اي عشره اشخاص بسعر 29 يورو

طبعا انتوا على حسب عددكم وكم يوم بتقعدون تقولون للموظف اللي في الاستقبال وهو يعطيكم الخيارات وعلى اساسها حددو ا اللي يناسبكم

استفسار حلو .. وان شاء الله الكل يستفيد منه ..

اختي بنت حواء .. انزين اذا الواحد يبا يسكن في السيتي سنتر ..
بحيث انه ينزل يتمشى ويروح للمارين بلاتز مشي .. بدون ترامات وباصات ..
شو الفندق اللي ممكن يسعفه في هالحالة ..؟؟

وهل انه ينصح بالسكن بهذا القرب او بيكون ازعاج ؟ او هالفنادق اغلى شو ؟؟



وشاكرة لج .. والمعذرة

راح تكون اغلى وازعاج

فيه شقق ماكسيميليان حلوه بس غاليه وتقع في ساحه الماكسيميليان قريبه من الكارل بلاتز

ترى هالفندق اللي نصحت الاخت فيه يمكن 5 دقايق وانتي بالكال بلاتز يعني المسافه مو طويله

أختي ام نوري انا سبق وان جربت Eurostars Grand Central فصدقيني انه جداً ممتاز مثل ماوضحتلك أختي بنت حواء

أختي الكريمة بنت حواء شاكرة لك تعاونك ولطفك ورحابة صدرك ولا نستغني عنك الأيام القادمة عند وضع المخطط التفصيلي للمدن
وقد تم حجز الفندق من مكتب سفر بقيمة 580 ريال لليلة في منتصف جولاي بإذن الله

المشاركة الأصلية كتبت بواسطة سفير إسبانيا
http://www.arabtravelersforum.com/tr...6/#post4883866

أختي ام نوري انا سبق وان جربت eurostars grand central فصدقيني انه جداً ممتاز مثل ماوضحتلك أختي بنت حواء

أخي الكريم سفير إسبانيا
عاجزة عن شكرك من قبل ومن بعد
في رحلة إسبانيا العام الماضي كانت لنصائحك وومشورتك وتعاونك أثر كبير في نجاح الرحلة
أدخلك الله الجنة بغير حسااب
وبارك الله لك في نفسك وأهلك ونفعك بعلمك

المعذرة من صاحبة الموضوع ..

يزاج الله خير اختي بنت حواء .. بس عندي استفسار ..


شو الفرق بين المارين بلاتز والكارل بلاتز .. ؟؟
اي واحد فيه محلات ومطاعم اكثر .. ؟

وهل هم وايد قراب من بعض .. ؟؟


وبخصوص الفنادق ..

شو رايج في الماريوت كورت يارد .. ؟ وكم تعطينه من 10 ؟؟
وهل هو بعيد عن هذه المنطقة .. ؟

لأنه عندنا خصم العائلة والاصدقاء في سلسلة ماريوت ..
وغالبا في كل دولة نسكن في الماريوت .. الا فيما ندر ..

فإذا ما تمدحينه .. بشيله من الحسبة ..
ومشكورة

كارل بلاتز وبعده مارين بلاتز وبعده ماكسيميليان وكلها متصله ببعض وتمشي فيها مشي

انا واهلي كنا ننزل في كارل بلاتز ونمشي فيه ونستوق وبعدها ننتقل الى مارين بلاتز وبعدها الى ماكسيميليان اللي فيه الماركات الغاليه يعني كلها قريبه من بعض

اما الفندق اعطيني اسمه

الفندق اسمه : Courtyard by Marriott City Center munich

Courtyard by Marriott Munchen Zentrum


الفندق يبعد 600 متر عن كارل بلاتز


ما اعرف بصراحه من الصور واضح انه ممتاز

المشاركة الأصلية كتبت بواسطة noordubai
http://www.arabtravelersforum.com/tr...2/#post4894322

الفندق اسمه : Courtyard by marriott city center munich



جربت السكن في هذا الفندق موقعه ممتاز بجانب المطاعم العربية قريب من الكارل بلاتز و 300 متر عن المارين بلاتز

بنت حواء .. تسلمين ..



الله يبشرج بالخير اختي جواهر ..
وماقصرتي .. تسلمين