الموضوع: اطلب نصيحتكم ورايكم وشورتكم يا اهل دار الحي

السلام عليكم ،،

تجولت كثير بهذا القسم وقريت كثير عن الامارات وبصراحه احترت جدااا

ولذلك ابي اسألكم رأيكم ..

انا اول مره اروح الامارات وتقريبا الرحله بتكون بحدود الـ 10 ايام ممكن الى اسبوعين(تتحدد بالنسبه للبرنامج) .. معاي طفلين تحت 5 سنوات .. وزوجي محااافظ جدا وبالموت وافق ع هالسفره عشان يبي يشتري سياره من هناك ..

فـ انا ابي اقتراحاتكم لاماكن تكون تناسب عائله محافظه مايكون فيها اجانب كثير ولا موسيقى واغاني ..

عااامه بخصوص السكن + اماكن الترفيه + المطاعم ..

+ انا اعشق التصوير .. فلو فيه اماكن حلوه ياليت تدلوني :106:

+ اتمنى لو تعرفون مكان شاليه سواء ع البحر ويكون معزول عن الناس .. او شاليهات بمسابح خاصه مسوره .. لاني احب السباحه:surf

بالنسبه للاسعار اتمنى معرفه متوسط الاسعار بالنسبه للخدمات عموماا..


سؤال اخير .. بعد الاجراء الاخير بالغاء الجوازات بين السعوديه والامارات .. ماهي الاوراق الرسميه المطلوبه ؟ ابي اعرف بالتفصيل لانه ممكن نروح جو ونرجع بر عشان السياره الجديده : ) (ان شاء الله)

والف شكر لكم ع المساعده مقدما ..:surf

مواضيع عشوائيه ممكن تكون تعجبك اخترناها لك:

• وين القى مقهى يعرض مباريات بدبي
• شهر عسل في الإمارات العربيه ياليت تخدموني
• هل مسموح الدخول للسعودين بالبطاقة الوطنية لدولة الامارات
• دليلك للسفر الى أبوظبي
• استفسار عن دبي
• جزيرة بوطينة
• هل أسافر للإمارات بدون جواز ؟؟
• ممكن أحد يفيدني بخصوص الميزانية
• حبايبي اهل الامارات وروادها
• اتمنى ان تفيدوني في بعض الامور في دبي
• بالنسبة لتأجير السيارة في دبي
• فزعه ياجماعه
• فندق جراند موف هوتيل المرقبات رأيكم فيه ؟؟ بسرعه ساعه على إلغاء الحجز
• ذكرى زواجي الأربعاء الجاي وابي مشورتكم
• ميركل جاردن موفمبيك جميرا ومباريات كاس العالم على الجي بي ار جون
• شاهين في ساحة الإماراتيين لأول مرة ساعدوني
• ولا موضوع عن مترو دبي
• برج ذهبي من الشوكولاتة في دبي مول
• اهل دبي ردو علي
• يااهل الخبره مطلوب مروركم الكريم

أختي الكريمة

أعتقد بالنسبة للسكن انا رديت عليج في http://www.arabtravelersforum.com/tr...9/#post2029232

وبالنسبة للأماكن السياحية
الوقت اللي بتجون فيه بيكون فيه فعاليات مفاجآت صيف دبي .. فأنصحج بزيارة مدينة مدهش وحدائق دبي .. الأماكن وجدول الفعاليات للحين ما أعلنوا عنه .. بس ممكن اتابعينه من خلال موقعهم http://www.mydsf.ae

وأنصحكم بزيارة قناة القصباء .. وبحيرة خالد في الشارقة .. بما انكم بتسكنون في الشارقة

وكل الاماكن السياحية مذكورة في المنتدى






+ اتمنى لو تعرفون مكان شاليه سواء ع البحر ويكون معزول عن الناس .. او شاليهات بمسابح خاصه مسوره .. لاني احب السباحه

بالنسبه للاسعار اتمنى معرفه متوسط الاسعار بالنسبه للخدمات عموماا..



للأسف دبي تفتقر لمثل هالاشياء .. اغلب الشاليهات تكون غالية جدا
ومافيها خصوصية كبيرة
في شاليهات في الشارقة .. بس مالها مسبح خاص






بالنسبه للاسعار اتمنى معرفه متوسط الاسعار بالنسبه للخدمات عموماا..



ايش الخدمات اللي تبين تعرفين أسعارهم؟
التكاسي غالية .. يعني اقل مشوار 10 او 15 درهم .. بس المتوسط 40 الى 60 درهم عشان الزحمة
الاكل يعتبر شوي غالي .. خصوصا مقارنة بالسعودية






سؤال اخير .. بعد الاجراء الاخير بالغاء الجوازات بين السعوديه والامارات .. ماهي الاوراق الرسميه المطلوبه ؟ ابي اعرف بالتفصيل لانه ممكن نروح جو ونرجع بر عشان السياره الجديده : ) (ان شاء الله)



ماعندي فكرة عن السعوديين .. بس بالنسبة لنا القطريين ندخل بالبطاقة الشخصية .. ومافي اي اوراق ثانية مطلوبة

ومبروك عليكم السيارة مقدما

الف شكر ماقصرت .. كفيت و وفيت

الاسعار كنت اقصد السكن في دبي والشارقه .. السياره مب اشكال


بس يياليت تدلوني ع ارقام او مواقع لوكالات تويوتا بالامارات ،، وكيف ممكن استفسر عن وجود السياره عشان ما اجي بعدين تصير السياره مب موجوده ، ابي اتأكد من وجودها عندهم او احجزها واعرف متى تتوفر..

وعليكم السلام ورحمة الله وبركاته

بالنسبه للسكن شوفي هالراوبط

http://www.arabtravelersforum.com/travel181633/

http://www.arabtravelersforum.com/travel166159/

http://www.arabtravelersforum.com/travel182902/

http://www.arabtravelersforum.com/travel182186/

ان شاء الله تكون اسعارها مناسبه ورخيصه بالنسبه لكم




وبالنسبه للتمشيات اغلب الاماكن الحلوه اجانب فأخاف زوجك مايعجبه هالوضع فمالك الا تشوفين هذي الروابط بعد

http://www.arabtravelersforum.com/travel156125/

http://www.arabtravelersforum.com/travel161499/

http://www.arabtravelersforum.com/travel106986/

والمطاعم اغلبها مافيها جلسات عائليه

الا مطعم قصر الهند

ومطعم صدف الايراني



شاليهات ماعندنا الا في فنادق دبي الغاليه جدا

اذا تحبون اطلعو كم يوم للفجيره واجرو شاليه هناك بس مب متأكده من مسألة الخصوصيه

http://www.arabtravelersforum.com/travel184338/




عموما المواصلات عندنا غاليه والمطاعم متنوعه فيه الغالي والرخيص



موفقه

المشاركة الأصلية كتبت بواسطة um Fahad
http://www.arabtravelersforum.com/tr...2/#post2030199

الف شكر ماقصرت .. كفيت و وفيت

الاسعار كنت اقصد السكن في دبي والشارقه .. السياره مب اشكال


بس يياليت تدلوني ع ارقام او مواقع لوكالات تويوتا بالامارات ،، وكيف ممكن استفسر عن وجود السياره عشان ما اجي بعدين تصير السياره مب موجوده ، ابي اتأكد من وجودها عندهم او احجزها واعرف متى تتوفر..



في وكالة وحدة في الإمارات لسيارات التويوتا
اسمها الفطيم للسيارات
وهذا موقعهم
http://www.toyotauae.com/

وفي شغلة ثانية
في ناس يروحون يشترون السيارة من وكالة عمان
احيانا تكون ارخص
بس المواصفات شوي غير
اقرب وكالة لدبي في منطقة اسمها البريمي في مدينة العين
هالمنطقة تابعة لعمان .. بس هي في وسط العين
وهذا موقعهم
http://www.toyotaoman.com/

الف شكر لكم والله ماقصرتوا .. بااخذ لفه ع الاقتراحات وارجع اخذ رايكم بالمخطط : ) الله يعينكم عليّ :d