ابي مساعدتكم

**ahmedali** · 01-30-2015, 12:48 PM

السلام عليكم

ياليت تساعدوني عن جو المالديف تقريبا على نهايه يناير وبدايه فبراير

ولو معاريس بيسافرون لها كم حقها من يوم

وهل فيه مكان جنبها ممكن انهم يكملون باقي الهوني مون فيه مثلا جزيرة غيرها او اي حاجه

بصراحه ماعندي خلفيه بس حابه احدد الدولة وللحين محتارين

وبالشتاء قلنا الانسب المالديف

وش رايكم

مواضيع عشوائيه ممكن تكون تعجبك اخترناها لك:

**alifun** · 01-30-2015, 12:48 PM

على البركة أختي مقدماً

المالديف حقها 4-5 أيام وممكن تزودها إلى 7 أيام لو بتغيري اقامتك في فندقين وتغيري نوع السكن يعني مرة يكون على الشاطيء ومرة في أكواخ على البحور علشان لا تملوا

الجو تقريباً ثابت طوال العام ... يعني بتلقى درجة الحرارة تتراوح من 28 - 31 لكن الفترة اللي بتروحها فترة مرغوبة من الأجانب لأنها مشمسة والأمطار فيها قليلة

وإذا حاسين ان 5 أيام قليلة على الهني مون ممكن تخلوا معاها دولة آسيوية ثانية ... وأكيد بيكون الجو مناسب

لو الميزانية تسمح جربي سنغافورة 9 أيام + 4 المالديف

أو المالديف وماليزيا (4 + 11 ) على الترتيب

وإذا كنت من الناس اللي تحبي الخضرة والطبيعة وممكن تتقبلي سيرلانكا فأنا أنصحك فيها لأنها دولة جميلة جداً بس امكانياتهم شوي متواضعه

واقتراح آخر ... ممكن تزوري اندنوسيا ... وبدال المالديف تاخذيلك منتجع كم يوم في مالي ... منتجعاتها روعه وماتقل جمال عن منتجعات المالديف وممكن تلقي بعضها فلل بمسابح خاصة وباسعار أرروع من أسعار المالديف

إذا حبيتي هالفكرة الأخيرة أنصحك تدوري تقارير الأخ نجم الكويت في هالبوابة وفي بوابة اندنوسيا ... وصدقيني بتعجبي فيها

بالتوفيق

**ahmedali** · 01-30-2015, 12:48 PM

انا ابي المالديف وودي معها بمكان ثاني

طيب ودي اجلس اسبوع فيها واسبوع مثلا في سنغافورة بس لاتقولون ماليزيا بليز كرهتها

كم تتوقع التكلفه لاسبوع المالديف واسبوع سنغافورة

**ahmedgaper** · 01-30-2015, 12:48 PM

هلا أختي ...

أسبوع في المالديف بيكلفك كثير

على افتراض انك أخذتي فنادق رخيصة نوعاً ما ... ما أتوقع تقل التكلفة عن 20 ألف ويمكن أكثر

لاتنسي انك رايحه في موسم مرتفع

وللأسف ماأقدر أفيدك عن سنغفورا لأني مازرتها من قبل لكن حسب ما أسمع انها غاليه جداً

ممكن تدخلي بوابتها وتسألي الأعضاء هناك أو اعملي بحث في القسم عن تكلفة السفر لسنغفورا وكوني فكرة عن الميزانية

بالتوفيق

**ahmed3** · 01-30-2015, 12:48 PM

انا عندي لك اقتراح ان شاء الله يعجبك وانا مسوية

رحت سيرلانكا 13 يوم وكلفتني 6500 انا وام الشباب وطلعنا المالديف 3 ايام

الطيران من الرياض ++ سيرلانكا +++ مالي (المالديف)++ سيرلانكا++ الرياض

18 يوم كلفتنا 25000

المالديف استهلكت 30% من الميزانية \

المفروض وفرنا اكثر في سيرلانكا لكن ماخذنا مشورة من احد (يعني شرينا اشياء مالها لزمة) والطبيعة لا تقولين شي هبااااااااااااااااااااال

بشكل مبسط سيلان عبارة عن عدة مدن تجارية ساحلية ذات طبيعة

المالديف جزيرة

لو تروحين للدولتين هذي اعتبرك ضربتي عدة عصافير بحجر واحد

المسافة بين سيلان والمالديف ساعة بالطيارة وهذا اللي خلاني اختار الدولتين معن