الموضوع: استفسار من مطار فرانكفورت ال كنيسه كولون

السلام عليكم ورحمه الله و بركاته

حبيت استفسر اساله لقيت اجوبه بسيطه لها في المنتدى (ماقصرتوا( بس ابا الباجي اذا ماعليكم امر


١- كم المسافه بالسياره من مطار فرانكفورت الى كولون السنتر عند الكنيسه؟ و كم المسافه بالقطار؟
٢- شو هو الافضل التنقل الذهاب والعوده بالقطار او بالسياره الخاصه؟ لشخصين فقط
٣- قرات انه افضل شركه اجار هي سيكست مشكورين على المعلومه والاسعار ان شاء الله ماتغيرت .. هل اقدر اسوقها بامان و الطرق سهله؟
٤- هل توجد محطه للقطارات في مطار فرانكفورت ؟ كيف اصل لها و كيف احجز؟
٥- يقال ان شركه اي سي ئي للقطارات افضل ؟ هل هذا صحيح ٠٠٠ وهل اقدر اجد مكان للقطارات بسهوله في مطار فرانكفورت -- المطار كبير جدا هل يسعني التنقل من مكان الى اخر و اللحاق بالرحله الاخرى

ولاتبخلون باي نصيحه تساعدني ...


افيدوني افادكم الله ٠٠٠ لكم مني الدعاء

مواضيع عشوائيه ممكن تكون تعجبك اخترناها لك:

• سؤال بخصوص خطوط اللوفتهانزا
• التنقل بين المدن الاروبية في شهر العسل
• تصاريح و بطاقات دخول والحجاب
• الحـــــدود مــــــــغلقه ايش الــــــــــــــــــــــــــــــحل ؟؟؟؟؟
• استفسار عن بطاقة الهاتف
• مساااااعدة ضرووووووري
• الله يرزقة الجنة اللي يساعدني
• مقارنه بين فنادق ميونخ من افضل مريديان او سوفتيل
• وش رأيكم في خط السير مناسب أو لأ
• تم حجز الفندق وباقي ترتيب البرنامج اليومي
• ممكن رقم المكتب الموحد لإصدار التأشيرات في ام الحمام
• دخول الاطعمة إلي المانيا
• مساااعدتكم يا اخواني وخواتي
• استفسارات عن روست وقارمش و زيلامسي بليز يالاخوان
• أبي فزعتكم يالربع في حجز سيارة
• صديقي في ميونخ ويجهل المدينة وكلمني الان ايش الحل بليز فزعه يا اهل الفزاعات
• حجزت في رمادا ميونخ وأبغى أتنازل عن الحجز
• بخصوص تأشيرة الدراسه لالمانيا
• أرجو إفادتي بالمسافات ؟؟؟
• انا حالياً في أخـــن الالمانية

السلام عليكم اخي العزيز وانشاء الله بتشوف الجواب قبل ما تقوم من الكومبيوتر الان حالا وفورا
المسافه بين مطار فرانكفورت ومركز مدينه كولن او الكنيسه او ( دووم ) باللغه الالمانيه وهي كنيسه كولن العريقه وهذا اسمها بالالماني بالقطار السريع الله سلمك تقريبا ساعه
ونعم هناك خط مباشر من محطه قطارات فرانكفورت اللي في المطار واللي اساسا تقع تحت المطار نفسه تحت الارض تقريبا تنزل بالمصعد اربع طوابق تحت الارض هي بتكون موجوده هناك ارصفه القطارات وانت اللي بينفعك لو بغيت القطار السريع يسموه انتر ستي اكسبريس ice ولكن تذاكره بتكون اغلى ولكن خطه مباشر بدون تحويل اما بالسياره من مطار فرانكفورت الى كولن تعتمد على السرعه وانا عن نفسي اقطع المسافه بين ساعه ونص الى ساعتين الا ربع بهذا الحدود ما بين وقفه استراحه في مجطات تعبئه الوقود اللي بتكون باماكن طبيعيه مناظرها خلابه وفيها باركات جميله
اما كيف تشتري البطاقه للقطار فتوجد محطه القطار كما قلت لك تحت المطار مباشرتا وفيه هناك اذا كنت تجيد التقنيات والبرمجيات توحد مكائن الكترونيه في المخطه تستطيع الدخول في برنامجها واختيار خطوط الرحله وكذلك الاسعار واخر شي تختار الرحله اللي تناسبك وتشتريها وتخلي الفلوس وهي اتطلعلك التذكره
واذا كانت صعبه الشغله هذي اتشوفها فتوجد شبابيك وفيها موضفي مبيغات التذاكر هم اللي ممكن يبيعوك التذاكر
وفوق هذا كله ان كنت حاجز ومعزم ومحدد كلشي وعارف وقت الوصول الى فرانكفورت تقدر تعطيني الموعد وانا اشوفلك الرحلات للقطار واي وحده بتكون انسب لك واعطيك الخيارات والخطه للقطارات كلها وانت اختار اللي ينسبك ورقم الرحله عشان لما توصل وتروح تشتري التذاكر تعطي الموضف مباشرتا رقم الرحله وهو على طول بيقطعلك التذاكر عليها بدون تعب وحيره
واتمنالكم التوفيق برحلتكم











المشاركة الأصلية كتبت بواسطة kewl
http://www.arabtravelersforum.com/tr...5/#post4237460

السلام عليكم ورحمه الله و بركاته

حبيت استفسر اساله لقيت اجوبه بسيطه لها في المنتدى (ماقصرتوا( بس ابا الباجي اذا ماعليكم امر


١- كم المسافه بالسياره من مطار فرانكفورت الى كولون السنتر عند الكنيسه؟ و كم المسافه بالقطار؟
٢- شو هو الافضل التنقل الذهاب والعوده بالقطار او بالسياره الخاصه؟ لشخصين فقط
٣- قرات انه افضل شركه اجار هي سيكست مشكورين على المعلومه والاسعار ان شاء الله ماتغيرت .. هل اقدر اسوقها بامان و الطرق سهله؟
٤- هل توجد محطه للقطارات في مطار فرانكفورت ؟ كيف اصل لها و كيف احجز؟
٥- يقال ان شركه اي سي ئي للقطارات افضل ؟ هل هذا صحيح ٠٠٠ وهل اقدر اجد مكان للقطارات بسهوله في مطار فرانكفورت -- المطار كبير جدا هل يسعني التنقل من مكان الى اخر و اللحاق بالرحله الاخرى

ولاتبخلون باي نصيحه تساعدني ...


افيدوني افادكم الله ٠٠٠ لكم مني الدعاء

تسلم اخووووووووي على المعلومات القيمه و الله ما قصرت

الاخ العزيز Kewl السلام عليكم
توني داخل البيت قبل ربع ساعه بس غيرت ثيابي وجلست على طول للنت كنت في مدينه مانهايم وزرنا بعد مدينه صغيره اسمها لودفكسهافن خرجنا من البيت ساعه اربع وصلنا ساعه خمس يعني الطريق ساعه بالسياره والان قبل شوي ردينا البيت وطريق الرجعه من بدايته لنهايته كان في الليل
بصراحه ياخوي السياقه في المانيا بالذات متعه متعه متعه وخصوصا في الطرق الخارجيه لان المانيا هي البلد الوحيد اللي السرعه فيها مفتوحه في اغلب الطرق الخارجيه ما عدى اماكن معينه
اما داخل المدن فالسواقه شوي يبيلها تركيز لان هنا في نظام حتى في المسار اللي بتمشي فيه في الشارع بنفس الاتجاه يعني اشبه ما تكون السياره بقطار ماشي على سكه من اول الشارع لازم اتكون ماخذ المسار الصحيح اللي بيلف يمين مثلا في نهايه الشارع ونصيحه يجب الحذر وعدم تغيير المسارات في الشارع بنفس الاتجاه كثيرا وتبقى السياقة في اوربا متعه وتتيح لك مزيد من حريه التنقل في هذه السفره
اما بخصوص اقطار فياخوي ما حددت لي يوم الوصول وهالشي يصعب علي اعديك رقم الرحله المناسبه ولكن بكل حال من الاحوال ابشوف القطارات اللي بتطلع بعد ساعه سبعه بتوقيت المانيا على فرض انكم بتستغرقون ساعه بين نزول الطايره واكمال معاملات الدخول والجوزات والحقائب
الان بمر مره سريعه على لائحه رحلات القطار وبعطيك فكره عامه عن الرحلات بالمشاركه القادمه







المشاركة الأصلية كتبت بواسطة Kewl
http://www.arabtravelersforum.com/tr...5/#post4237738

تسلم اخووووووووي على المعلومات القيمه و الله ما قصرت

تذكرت حاجه جدا مهمه اخي العزيز
انت قلت لي انك حاجز بفندق ملاصق للدوم او الكنيسه في كولن هذا يعني انت بتسكن في سنتر كولن لذلك شيء جدا مهم وضروري تتاكد الفندق هل فيه مواقف سيارات مجانيه للنزلاء ام لان في حاله عدم توفر هذا الشيء السياره ستكفلك مبلغ وقدره فقط لمجرد انك توقفها في سنتر المدينه وهذي نقطه جدا جدا مهمه انتبه لها
اما بخصوص القطارات فالان شفت الرحلات توجد رحلات جدا كثيره ما بين محطه قطارات فرانكفورت ومركز مدينه كولن ولكن يجب ان تاخذ بنصر الاعتبار المسافه بين المحطه والفندق كيف بتقطعها هل بتكسي او بتاخذها مشي لان هذي هي النقطه عيب من عيوب القطار انه ما يوصلك للبيت مباشرتا
اوضح لك كل الامور هذي ويبقى القرار الاول والاخير اخوي العزيز وربي يوفقكم بسفرتكم هذي وتقضون اوقات سعيده في المانيا