الموضوع: مساعده عرسي ومسافر المالديف بليز

السلام عليكم ورحمة الله وبركاته

تحيه طيبه الى الجميع

اخواني انا عرسي ان شاء الله تعالى تاريخ 6-10-2009
وشنو احسن الجزر الى تنصحون اروح لها طبعا حاط في بالي يومين
في منتجع ويومين في منتجع ثاني


ابي احجز هل يومين حق المالديف مدة 4 ايام كم الميزانيه

وهل تنصحوني اسافر مع

الطيران السيلاني للارحلات او الاماراتيه

وحبيت اعرف كم الميزانيه تكفي حق 4 ايام

بنتظار ردكم جزاكم الله خير

مواضيع عشوائيه ممكن تكون تعجبك اخترناها لك:

• العطف على الصغيييييييييييييييير
• استفسار عن تكاليف الأكل بمنتجعات المالديف
• مطلوب فنادق معقولة السعر في موريشيوس
• اقتراحاتكم في تقسيم شهر العسل بجزر المالديف ؟ عااااجل
• جزيرة تاهيتي هل من معلومات كافيه عنها
• استفسار عاجل عن موريشوس
• وين الاحلى والارخص بالي او لنكاوي
• أفضل جزيرة في المالديف؟
• مجموعه من الأستفسارات عن زنجبار للخبراء الرجاء المساعدة
• أي فنادق المالديف؟؟
• هـل سيتـحقق الحــــــلـمـ ؟ استفـسار
• شهر عسل وطالب فزعتكم ؟؟؟
• ضائع في الموريشوس
• تنازلت عن اوربا بس كلامك الحلو
• شهر العسلارائكم النيرة ارجوو
• شهر العسل إلى أيـــــــــــــــــنـ ؟؟؟
• تكاليف رحله موريشوس
• ارجو التكرم بالمساعده ابو عزوز
• ميزانيه لتركيا
• هل يوجد تاشيرة دخول للمالديف

ولله انا مثلك ناوي اروح على شهر 12 ومادري كيف الاجواء في المالديف وابغي اعرف كم الميزانية

ياليت المجربين يساعدونا

تشكرات للجميع

مليون مبروك أولا

الميزانية للمالديف في منتجعات اربع نجوم شامل كل شي من طعام وشراب ورحلات وتاك النقل للجزيره يكلفك تقريبا الف دينار كويتي او الف ومئة دينار كويتي

بلريال تقريبا 15 الى 13 الف ريال

لمدة اربع ليالي ....

انصح بالطيران الاماراتي طبعا

وانصح انك تروح لماليزيا وتختار احد جزرها لان الجو هناك جو عرسان وفيه صخب واسواق وهدايا وايضا جزر جميله

أخوي واسطة ,,

كل عام وأنت بخير ..


مبرررروووك الزواج مقدما ...


ودي افيدك لكن عشان نسهل المهمة...


أولا : لابد أنك تذكر ميزانيك للرحلة عشان يفيدوك الأخوان بأنسب المنتجعات المتوافقة مع الميزانية لأن فيه منتجعات 5 نجوم و فيه أقل و كل شيء بحقه .


ثانيا : بما أن الرحلة كلها 4 أيام ان اقترح ان تقضيها في منتجع واحد لأنكم عرسان و التنقل كل ليلتين مرهق خصوصا بالطائرات المائية اضافة إلى الرحلة الدولية التي لا تقل عن 5 ساعات .


ثالثا : الإماراتية للعطلات ثم القطرية الأفضل ترتيبا , و لم اجرب السيلانية و لا أدري كيف خدمتهم .


شهر 10 في المالديف الجو طبعا استوائي و الحرارة بين 25-30 درجة مئوية لكن معدل هطول الأمطار هو الأعلى بعد نوفمبر شهر 11 يعني حط في بالك غيوم و أمطار .

بالتوفيق و اتمنى يفيدك الأخوان أكثر

تروح و ترجع بالسلامة

مثل ما تفضلوا الاخوان
15 الف ريال سعودي تقريبا
منتجع واحد يكفي

هناك بعض المنتجعات غير مذكورة بالمنتدى جميلة ورائعه
من واقع بحثي خلال مواقع أجنبية عديدة
طبعا غير مجربة ,, ولكن بلد سياحي لا تخاف منه
لانه يهمهم سمعة المكان قبل اي شي ثاني

اذا حبيت اي مساعدة لاتتردد
وخصوصا ان ما عندك وقت كثير للتفكير ومتأخر جدا بالنسبة للحجوزات

اضم رايي للاخوه ترا 4 ايام يعني 3 ليالي او حتى 4 ليالي 5 ايام بتكون مريحه اكثر في منتجع واحد لان التنقل من بين واحد والثاني يبي له وقت و مجهود و ما بيمديك تستانس بالجزيره ونشاطات الفندق ,, وهذي كله يبي له حجز و من رايي تقعد في فندق خمس نجوم عشان تستانس و بما انك معرس شهر عسل لازم يكون مكانك حلو بس تاكد من شي ,, ان دورات المياه تكون داخليه عشان ما تكره حياتك هههههههههههههه مثل ما حصل لي سكنت بالفورسيزن و كان روعه و رجعت بنيان تري والله لا يوريك عالعموم عزم و حدد و بنفيدك باللي نقدر عليه ,, ولا تنسا اهم شي الهاف بورد لان الاكل بالمالديف غالي ومع الهاف بورد يوفر عليك كثير .. و بعد في شغله اذا رحت المالديف اذا بتروح ماليزيا و جزر بعد بيكون ممل يعني 4 ليالي بالمالديف جزيره وبعد ماليزيا جزر من رايي تغير عشان تكون نوعت ,, و الف مبرووك

نسيت اقولك الف مبروووووووووووووك

اتمنى لكم التوفيق والسعاده والذرية الصالحه

اهلا بك اخى الكريم
اولا
بارك الله لكما وبارك عليكما وجمع بينكما فى الخير.
ثانيا
هل فيه امكانية انك تغير وجهتك
انت رايح مع المدام ولازم تنستر قدامها وتكون عارف كل
حيث ان المعلومات عن المالديف ليست كثيرة مثل ماليزيا
يعنى حتى لو ماعمرك رحت ماليزيا من تقارير الاخوان راح تروحها وانت فى بيتك
وبعدين التكاليف اقل
وايضا ضيف عليها ممكن انك تروح سنغافورة مع ماليزيا
تثريبا 3 ساعات بالباص من كوالا

المشاركة الأصلية كتبت بواسطة (السراج المنير)
http://www.arabtravelersforum.com/tr...8/#post3332778

اهلا بك اخى الكريم
اولا
بارك الله لكما وبارك عليكما وجمع بينكما فى الخير.
ثانيا
هل فيه امكانية انك تغير وجهتك
انت رايح مع المدام ولازم تنستر قدامها وتكون عارف كل
حيث ان المعلومات عن المالديف ليست كثيرة مثل ماليزيا
يعنى حتى لو ماعمرك رحت ماليزيا من تقارير الاخوان راح تروحها وانت فى بيتك
وبعدين التكاليف اقل
وايضا ضيف عليها ممكن انك تروح سنغافورة مع ماليزيا
تثريبا 3 ساعات بالباص من كوالا



جزاك الله خير اخوي
والله انا اشوف بخاطري اروح واقعد في هلتون المالديف 3 ايام
وتعرف يمدحون المالديف في شهر العسل
وبنتظار رد منك
وهل تتوقع السكن في هلتون المالديف كم يكلف مع التذاكر والمواصلات من والى المطار
هل تتوقع 1000 دينار كافي في قضاء 3 ايام في هلتون المالديف والمصرف يكون 500 دينار كويتي
وبنتظار الرد منك وياريت لو تذكر كم المبلغ المتوقع والتقريبي
وشكرا لك كثرت عليك بالكلام
ثانكس

الف مبروك

وانصحك بزيارة تقريري عن رحلتي الى المالديف

عن طريق هذا الرابط

http://www.arabtravelersforum.com/travel251934/