الموضوع: شباب انا متورط والحل

السلام عليكم ورحمة الله وبركاته

اخواني الكرام

كل عام وانتم بخير بمناسبة شهر الخير شهر رمضان المبارك اسال الله ان يجعلني واياكم من المقبولين فيه صياما

وقياما وان يجعلني واياكم من عتقائه من النار ....

اخواني الكرام القصه ومافيها

اني متورط ولا راح يطلعني من هالورطه والهم وكثرة التفكير بعد الله الا انتم

السالفه ومافيها انه انا بسافر بمنتصف شهر شوال القادم لقضاء شهر عسل اخاف انه يكون شهل بصل ومع

مشورتكم ان شاء الله بيكون احلى شهر عسل ....

بداية تخطيطي للرحله هي ميونيخ _ سالزبورغ _زيلامسي _هايدي لاند

لكني اعترضتني بعض المشاكل ولن يستطيع حلها الا انتم

المشكله الاولى وهي اني راح استاجر سياره ومقرر فقط احجز بفندق ميونخ يومين ....لكن باقي المناطق

ما اقدر احدد حجزي فيها لاني اساسا ما اعرف وش الفنادق الحلوه اللي فيها والامر الاخر اني ما ادري متى المفروض

احجز فيها يعني بمجرد اني بمشي لها بكره احجز من النت من موقع بوكينق لكن المشكله في عدم معرفتي بالفنادق

في مناطق مثل سالزبورغ وزيلامسي وهايدي لاند فضلا عن عدم معرفتي لاحداثيات الفنادق واحداثيات الطريق

يعني ما قدرت وعجزت ارتب لي خطه كامله باحداثيات الطرق والفنادق والاماكن التي تستحق الزياره بالترتيب

كان ودي اخزن جميع الاحداثيات من ميونخ الى هايدي لاند بالقارمن ليسهل علي الامر ...سواء احداثيات الفنادق

او احداثيات القرى التي تستحق الزياره بطريقي الى هذه المدن و احداثيات الفعاليات والاماكن السياحيه مثل الشلالات والزحليقه الصيفيه وغيرها ...ياليت تدلوني ياشباب على كل هالاشياء بداية من ميونخ ومايستحق زيارته
فيها نهاية الى هايدي لاند ....

علما بأنني لا اريد الدخول في المدن الكبيره مثل فينا وغيرها رحلتي ستكون بالسياره واعشق الطرق الريفيه
والمرور بالقرى والسكن في القرى والارياف .....ياليت من يخطط لي رحلتي من انزل من مطار ميونخ الى ان اصل

الى هايدي لاند علما بان مدة الرحله كامله هي 15 يوم قابله للتمديد يومين لو سارت الامور على مايرام ....

والله لن انسى من يساعدني في رسم الخطه كامله باحداثياتها
من دعواتي القلبيه الصادقه

مواضيع عشوائيه ممكن تكون تعجبك اخترناها لك:

• الاوتلت والشوبنق ارجوا المساعده
• محتارة بين فندقين بميونخ أفيدوني بارك الله فيكم
• مساعده لعمل الرحلات اليوميه لرحلتي القادمه ميونخقامشكونستانزدوسلدورف
• طلب اقتراح جدول لرحلة تبدء من المانيا وتنتهي بفرنسا مرورا بسويسرا ؟
• تقرير رحلتى الىدوسلدورف بروكسل باريس
• اين قمم الثلج الصيفية ب غرب المانيا
• أول سفره عائليه أوربيه أرجوا من اهل الخبره مساعدتي
• مساعده في مخطط السفر لصيف
• فديتكم حبايبي مساعدة منكم لتخطيط الرحلة
• ارجو نصيحتكم ضروري
• مواعيد مكتب الفيزا في رمضان
• مساعدة في جدول رحلة وايجار سيارة
• محتار في فندقين في قارمش واحتاج رايكم
• استفسار عن رحلات ميونخ جنيف بالقطار
• كيف أعرف بانه توجد على مخالفات في المانيا
• بدأت مرحلة التخطيط و محتاج أراء ذوي الخبرة
• بعض الاستفسارات ارجوا التفاعل
• ميونخ في الويكند
• رحلتي الى المانيا بعد اسبوع شو تنصحووووووني ؟
• سؤال لخبراء السيارات اريد مرسيدس من المانيا

افا بس كل هاللي دخلو ولا واحد قال سلامو عليكم

سلامو عليكم اخي الكريم


اللي فهمته منك انك تبي اوتيل في ميونخ و تبي خط سير لمدة 14 يوم ...


هايدي لاند ما انصح فيها مافيها شي ..


علمني العوده من وين و انا اسوي لك مخطط حلو و مريح

المشاركة الأصلية كتبت بواسطة mzoon
http://www.arabtravelersforum.com/tr...2/#post4139862

سلامو عليكم اخي الكريم


اللي فهمته منك انك تبي اوتيل في ميونخ و تبي خط سير لمدة 14 يوم ...


هايدي لاند ما انصح فيها مافيها شي ..


علمني العوده من وين و انا اسوي لك مخطط حلو و مريح




اولا وعليكم السلام ورحمة الله وبركاته والله يرفع قدرك اختي لانك رديتي وتفاعلتي معي ويعلم ربك ماتدرين وش كثر

محتار لكن انا رجعتي من ميونخ يعني بوصل موينخ وبرجع من ميونخ هذا خط العوده

فكرت اول ما اوصل المطار اطلع سالزبورغ واسكن فيها يعني يكون السكن بسالسبورغ بحكم قربها من ميونخ

واجلس فيها يوم وبعدها اطلع لزيلامسي واجلس بزيلامسي كم يوم وبعدها اطلع انسبروك ومن انسبروك اسير

على هايدي

وبعد هايدي اروح لبرنغنز ومن برنغنز ارجع لميونخ اريح فيها يوم ومن بعدها اسلم السياره وارجع السعوديه

شرايك اللي انا محتار فيه انه ما اعرف وش الاماكن اللي اقدر ازورها بخط السير هذا واحداثياتها بالترتيب

هذا غير اني ابي لازرت اماكن يكون من ضمنها اشياء غريبه كمصنع جبن او كهوف وودي تكون الرحله متنوع بالاماكن

يعني مو مجرد طبيعه وبس .... الامر الاخر اني ما عرفت ارتب الرحله كم يوم اجلس بكل ديره امرها يعني مثلا

زيلامسي كم حقها من يوم مع اني مابي زيلامسي للسكن ابي اسكن بالريف بعيد عن زيلامسي فهل احصل

شقق او قريه صغيره قريبه لها لاني سمعت ان زيلامسي غاليه نوعا ما بالسكن هذا غير اني اكره الزحمه

وقريت مره بموضوع هنا بالمنتدى مطروح بواحد سكن بشقق خارج زيلامسي بس قريبه لزيلامسي تقريبا عشر دقايق

بالسياره .....

الله لايحرمك الاجر على انك تفاعلتي بالموضوع معي

والله لايحرمك الاجر لو رتبتي لي خط السير هذا ووزعتي لي الايام بكل ديره

ورصيتي لي كل الاحداثيات بخط السير وبالاماكن السياحيه بالترتيب والله ما انساك من دعواتي

وعسى عمرك طويل ياااااااااااااااااااارب

اهلين

يعني المانيا بهالحاله مالها نصيب الا ميونخ ..

و برنغنز للاسف ما عرفتها !! ممكن بالانجليزي تكتبها ؟

اقدر ارتب لك الايام دامك حددت المدن .. و باقي التفاصيل اللي تخص النمسا يقدر يفيدك فيها الاخ علي مشرف المانيا و النمسا لانه اخبر مني فيها ..

سالزبورغ 3 ايام

زيلامسي 3 ايام

انسبروك 3 ايام

هايدي لاند يومين

ميونخ 3 ايام

و هنا خط السير

http://maps.google.com/maps?f=d&sour...68&ie=UTF8&z=8

اولا عسى ربي يبارك لنا ولك في شهر رمضان ويهدينا الى صالح الاعمال ويتقبلها اكرم الاكرمين

ثانيا عسى ربي يوفقك في زواجك ويجمع بينكم على خير

ثالثا امورك انشاء الله سهله دامك بستاجر سياره ومعاك قارمن علشان كذا لا تشغل نفسك بالاحداثيات انت منتب رايح لفياض الصمان ولا عروق الدهنا ؟؟!! انت فقط رتب جدول يومي او شبه يومي واعرف اسماء المدن والاماكن اللي بتروح لها وهناك القارمن بيكمل خدماته والامور بسيطه وواضحه

رابعا : اقترح عليك الجدول التالي (خصوصا انك تحب الارياف والمناطق الطبيعيه ) طبعا بعد وصولك لموينخ المحطه الاولى سو لك جدول 3 ايام تزور المناطق القريبه منها بعد كذا تنتقل الى منطقة قريبه من اليورب بارك مثلا بادن بادن (موقعها استراتيجي قريبه من اليورب بارك وقريبه من فرانكفورت وقريبه من الغابه السوداء وقريبه من حدود فرنسا ) اجلس فيها3 الى 4 ايام يومين منها تخصصها لليورب بارك من الضحى حتى الساعه 6 وتقدر تزور بعض المناطق خلال عودتك للسكن وانا اقترحت عليك اليورب بارك لانها حلوه وممتعه وتصلح للعرسان الشباب يستمتعون فيها ووناسه وتضحك على العروس وتضحك عليك خخخخخخخخخخخخخخخ خصوصا كانك خوااااااااف من الالعاب الخطيره
المحطه الثالثه زيورخ واثناء انتقالك لها وقبل وصولها تزور شلال الراين يبعد عنها اقل من ساعه وانت قادم من المانيا انت تبي تزور قرية هايدي والقمم القريبه من زيورخ تكون في اليوم الثاني المحطه الرابعه الانتقال الى انترلاكن على الطريق تقدر تتوقف في لوزيرن وتاخذ رحلة بحرية الى احدى القمم هناك وتتمشى في لوزيرن وقبل المساء تتحرك لانترلاكن وتجلس فيها 4 ايام ويكفي طبيعتها الخلابه هذا غير البرامج الكثيره اللي ممكن تسويها هناك واهمها القمة الثلجيه المحطه الخامسه العوده الى ميونخ وبما ان الطريق طويله تقدر تخلي زل امسي محطة استراحه ليومين وتقدر تروح لها مباشرة من زيورخ وتلغي انترلاكن لان الثنتين يمتازون بالطبيعة الخلابة ولو ان انتر لاكن والمناطق القريبه تتفوق عليها كثير ولكن الاسعار في النمساء ارخص تحيااااااااااااتي

بالنسبه لزل امسي هي بحد ذاتها تعتبر ريف ليش تبي تسكن بعيد عنها ؟؟؟ ترى زل امسي حدهم الين الساعه 11 وكل شيء يطفى شكلك تبي قرية يطفون اللمبات من بعد غياب الشمس بساعه ولا فيها لا محلات ولاشي موحشه خلك بقرية حيه شوي

المشاركة الأصلية كتبت بواسطة mzoon
http://www.arabtravelersforum.com/tr...0/#post4141380

اهلين

يعني المانيا بهالحاله مالها نصيب الا ميونخ ..

و برنغنز للاسف ما عرفتها !! ممكن بالانجليزي تكتبها ؟

اقدر ارتب لك الايام دامك حددت المدن .. و باقي التفاصيل اللي تخص النمسا يقدر يفيدك فيها الاخ علي مشرف المانيا و النمسا لانه اخبر مني فيها ..

سالزبورغ 3 ايام

زيلامسي 3 ايام

انسبروك 3 ايام

هايدي لاند يومين

ميونخ 3 ايام

و هنا خط السير

http://maps.google.com/maps?f=d&sour...68&ie=utf8&z=8

الله يجزاك خير ويوفقك يااختي الفاضله ويجعل ماتسوينه لي في ميزان حسناتك قولي امين

الان بحاول اوضح لك بعد ما عطيتيني الخريطه تبين لي اشياء مفيده يعني بنزل من مطار ميونخ واركب السياره
ويكون السكن بسالزبورغ

السؤال الاول هل سالزبورغ تستاهل ثلاث ايام احس حقها يومين على بعضهم


السؤال الثاني عن المحطه الاولى هو كيف احجز فيها فندق وهل احجزه من الرياض والا كيف طريقة الحجز

الامر الاخير بالنسبه للمحطه الاولى اللي هي سالزبورغ كيف الاقي فندق نظيف وحليو بس مايكون تو ماتش يعني

فندق حلو وسعره مناسب .....ومجرب ....عسى ربي لايهينك ادري بتعبك معي لكن تحمليني ....ومالك الا الدعوات

الصالحه ....



نجي للمحطه الثانيه زيلامسي بكون لارجعت الفندق وانا بسالزبورغ
جالس ادبر لي حجز بزلامسي يعني احجز الفندق عن طريق النت
كخيارت للحجز لكني ما اعرف وش الفنادق الحلوه ومابيها غاليه وتكون بجنب كل شئ ويهمني كثير سالفة المواقف اقصد مواقف السيارات والا الفندق يتكفل فيها ...؟ وهل المده بزلامسي كافيه مثل مااخترتيها والا كيف ..؟



نجي للمحطه الثالثه اللي هي انسبروك بصراحه هالمدينه ما ادري شفيها من اماكن تستحق الزياره

والامر الاخر كيف احجز فيها يعني مابي الزم نفسي بحجز من الرياض بكل المناطق اللي بزورها ابي قبل لا احرك

من محطه لمحطه اخرى بيوم واحد اكون حجزت عندهم .....وهل المده بانسبروك تستاهل ... واذا يمديني ازرق

من انسبرك لهايدي وارجع بنفس اليوم مايحتاج تكون هايدي محطه استراحه او اسكن فيها لاني احس مافيها الا

بيت هايدي بشوفه وبرجع ....



المحطه الاخيره هي ميونخ ثلاثة ايام للتسوق وعلى اساس اسلم السياره بالمطار فايش رايك وش الفنادق اللي

بيمونخ ماتعقدني لا بالمواقف ولا من ناحية الزحمه ....


وياليت فضلا لا امرا ياعسى عمرك طويل ترتبين لي الايام من جديد بحسب ما ذكرت لك بخط سيري

والله ما ضبط معي المخطط الا بعد ما شفت الخريطه اللي اعطيتيني جزاك ربي الف خير والله يوفقك وين مارحتي


لان بعد ما تعطيني توزيع الايام + اسماء الفنادق وطريقة الحجز فيها بكل محطه ...يتبقى علي بس اخذ اسماء

الاماكن واحداثياتها واخزنها عندي بالقارمن ....


ملاحظه مهمه ( انا دبششششه بالانجليزي ) يمكن لاني دايم بالتشيك وكلهم مايفقهون الف باء الانجليزي

اخوي الاماكن اللي انت مختارها كلها قريبه من بعض سالزبيرق تبعد زل امسي ساعه واحده وكذلك انسبيرق خصوصا ان معك سياره ؟؟!! يعني تقدر تسكن 5 ايام بزل امسي وتروح يوم لسالزبيرق ويوم اخر لانسبيرق وبالنسبه للمواقف لازم قبل تحجز الفندق تشوف هل فية مواقف او لاء واذا فيه هل هي مجانيه ام لاء وكلها موضحه وخصوصا اذا بتحجز من موقع booking.com

المشاركة الأصلية كتبت بواسطة daayem1
http://www.arabtravelersforum.com/tr...6/#post4141566

اخوي الاماكن اللي انت مختارها كلها قريبه من بعض سالزبيرق تبعد زل امسي ساعه واحده وكذلك انسبيرق خصوصا ان معك سياره ؟؟!! يعني تقدر تسكن 5 ايام بزل امسي وتروح يوم لسالزبيرق ويوم اخر لانسبيرق وبالنسبه للمواقف لازم قبل تحجز الفندق تشوف هل فية مواقف او لاء واذا فيه هل هي مجانيه ام لاء وكلها موضحه وخصوصا اذا بتحجز من موقع booking.com

هلا بك اخوي وعسى عمرك طويل على طاعته يارب والله ييسر لك امورك كلها بالدنيا والاخره

الحين بدت ملامح الخطه تتضح لي

لكن الى الان عندي اسئله بغثك فيها ووسع صدرك علي والله مالك الا الدعوات القلبيه الصادقه في جوف الليل ...

اول سؤال عندي أنه انا اول ما بوصل مطار ميونيخ بطلع من المطار وسييييييده لسالزبورق وعلى الفندق على طوووول

واقترح علي واحد يكون الفندق هذا

Austria Trend Hotel Salzburg Mitte

واذا تشوف انه مو حلو ياليت تقترح علي فندق اخر

بعد ما يستقعد راسي شوي بطلع اتمشى بهالديره لذلك يهمني اعرف الاماكن اللي تستاهل الزياره فيها والله يعيينني اطلع احداثياتها ....واطبعها عندي بورقه ....

السؤال الثاني ...لاجلست يومين بسالزبورق اطلع لزيلامسي وهي اللي برايك تكون محطه المنتصف يعني

هي اللي اسكن فيها على طول رحلتي ويكون كل يوم اطلع منها لانسبروك يتبقى الفندق اللي تشور عليه فيه ويكون هادي ويطل على مكان حلو وبعيد عن الزحمات شوي لان السنتر بكون قادر اروح له بالسياره


وودي اسألك بخصوص شقق كابرون اللي قبل زيلامسي
بعشره كيلو تقريبا وش رايك اسكن فيها ؟
هذا رابط للشقق
http://www.arabtravelersforum.com/travel145713/

بصراحه تحمست لكلامهم عن الشقق هذي ومكانها الحلو لكن مع اني قريت طريقة الحجز لكن دخلت الموقع

ولا عرفت كيف طريقة الحجز عن طريق الموقع اخاف اوصلها واتورط وهل لو حصل وحجزت فيها اكنسل فكرة

السكن بزيلامسي وتكون جميع انطلاقتي لزيلامسي وانسبروك عن طريقها ؟




وابي ياجعل عمرك طويل على طاعته اسماء الاماكن اللي اطلع فيها وانا بزيلامسي من شلالات وفعاليات وكهوف

وغيرها من الاماكن اللي تستحق الزياره

اخاف اوصل زيلامسي واجلس بنفس الديره ولا يمديني اوطوط يمين ولا يسار لاني ما اعرف فيها اي شئ

لذلك الله يجعل ماتسويه لي في ميزان حسناتك والله يوفقك بالدارين الدنيا والاخره ابي تعطيني

في مثلا سبع ايام وش الاماكن اللي تستحق الزياره بالاسم والموقع وين سواء بزلامسي او بانسبروك

والله يعيينني ادور احداثياتها واخزنها بالقارمن لاني ودي اضيف كل الاحداثيات بالترتيب عندي بالمفضله ...

ويتبقى لي يومين او ثلاث ايام تكون بميونخ اسكن فيها واتسوق فيها واسلم السياره فيها وارجع للسعوديه
وانا ادعي لك وادعي لاختي المشرفه بالتوفيق والسداد ولانيب ناسيكم من تقريري اللي احس انه بيطلع
ملطششششه لكن الله يوفق وييسر الامور ....

اخر سؤال صغينوني واحس انه يفشل لكن من باب ماخاب من استشار ....الان طريقة الحجز في الموقع هذا شرايك فيه

http://www.planigo.com/ar/

يعني لاحجزت بيكون حجزي بالفيزا لكن المشكله اللي تدور براسي هل لاجيت بطلع احاسبهم كاش

والا بيسحبون من الفيزا لانهم بالاساس بيكونون حاجزين المبلغ بالفيزا والا كيف طريقتهم يعني شلون اسوي

التشيك اوت من الفندق ....

اولا اخوي لا تنحرج من اي سؤال ووجه اسئلتك للجميع علشان اللي يقدر يساعدك يساعدك

ثانيا ابعطيك معلومة مهمة ترى اللي معه سيارة يختلف 90% عن اللي ما معه سياره اقصد انه تتسهل عليه امور كثيره من ناحية اختيار السكن يعني لو بعيد حبتين مو مشكلة يعني مو لازم يسكن بالسنتر او قريب من محطة قطار او حتى في مدينه معينه (بس يدقق في الموقف هل يوجد ام لاء وبكم سعره اذا هو موجود ) وكذلك يسهل علية البرنامج بحيث يكون حر ويقدر يجمع اكثر من مكان بس اهم شيء ينسق برنامجه بحيث تكون زياراته للاماكن القريبه من بعض بيوم واحد

بالنسبه للفندق اللي سالتني حسب موقعه على الخريطه مهوب بالسنتر وهذا شيء مو مهم لان معك سياره وانا شايف سعره رخييص جدا ومن الصور باين انه نظيف و اهم شيء الموقف عندهم خاص ومجاني
بالنسبه لشقق كابرون اشوف التقرير كاتبين عنها كثير وعلى فكره كابرون قريبه من زل امسي بس انا انصحك بما انكم شخصين وعرسان اسكن بفندق واتوقع الاسعار بتكون رخيصه الشقة يبحث عنها العائله الكبيره اللي يبون يطبخون ويغسلون ملابس ...الخ الا اذا انت رجال حمش وناوي تخلي العروس تطبخ وتغسل الملابس من اول اسبوع زواج فدور على شقة علشان كذا شوف لك فندق بسنتر زل امسي لانها كلها على بعضها كيلو بكيلو على الاقل تكون المنطقة حول الفندق حية ومنعشه وعلى فكره ترى بمجرد ما تمسك السياره وتتنقل لاي مكان تعتبر فرجه ووناسه ومناظر يحبها قلبك يعني لا تدقق كثييييييييييييير في البرنامج واحداثيات تشغل فيها رااااااسك مو معقوله كل مكان بتروح له تبغى احداثياته ؟؟؟ ودام مدة سفرك 14 يوم ليش مركز على منطقة وحده (ميونخ سالزبيرق انسبيرق زل امسي ) تعتبر مثل منطقة سدير او الوشم خخخخخخخخخخخ ودامك بتجلس بسالزبيرق يومين هذي طاحت من حسابها واسبوع كثير على زل امسي لازم تبعد شوي وانصحك بفينا لازم تخصص لها اقل شيء3 الى 4 ايام وهي قريبه ثلاث ساعات بالسياره راح تنبسط فيها مدينه راقية تجمع بين عراقة اوروربا وصخبها وفي نفس الوقت بسيطه وسهلة مو معقده مثل لندن وباريس وجنيف
وبالنسبه للحجز عن طريق المواقع المتعارف عليها مثل booking.com او expedia يتم حجز مبلغ على الفيزا حتى موعد وصولك وعند الوصول لك الخيار اما الدفع كاش او بالبطاقة وحسب نظام الفندق بعضهم اذا ما حضرت سحب ايجار ليلة وبعضهم المبلغ كامل بس لازم تنتبه قبل الحجز بعضهم يكون المبلغ غير مسترجعNon refundable يعني بمجرد حجزك خلاص معاد تقدر تلغي لازم تنتبه لها بقوه ولازم تعرف مهله الالغاء كم بعض الفنادق يعطيك مهلة الين قبل بليلة وبعضهم بيومين وبعضهم اسبوع وبعضهم اسبوعين وبعضهم مستقعد يعطيك فقط قبل بشهرين وخصوصا الشقق وكل هذا واضح في موقع الحجز وانا انصحك بموقع booking لانه اوضح شيء وبعد ما تحجز يجيك التاكيد على ايميلك تقدر تطبعه

وبالنسبه للاماكن انا بسيارتي كنت مستمتع بالتمشيء بالطبيعه وعايش جوي مع العائله وزرنا اهم الاماكن ولم نحرص على دق المشاوير والارهاق لان معي اطفال ولا حبيت اطفشهم بكثرة المشاوير وعموما زل امسي اهم شيء قمة كابرون الثلجية والزحليقه الصيفية وشلال كريمر اقراء عنهم تقارير الشباب حاطين ادق التفاصيل الله يجزاهم خييييييييييييير