الموضوع: رايح للقاهرة يوليو

مرحبا اعزائي اعضاء المنتدى

ان شاءالله مسافر للقاهرة الشهر القادم لمدة 6 ايام دورة في مجال عملي وان شاءالله سوف انزل في جراند حياة
لدي بعض الاستسفارات :
1- عند الوصول الى المطار ؟ الافضل استقبال الفندق ام تاكسي من المطار ؟ ام هناك شركة في المطار للتوصيل ؟
2- اذا كان الواحد لحاله ماهي البرنامج المناسب ؟ ( نسمع جميع ارئكم )

انتظر ردودكم ومشورتكم وشكرا لكم

مواضيع عشوائيه ممكن تكون تعجبك اخترناها لك:

• وش افضل وسيلة نقل من القاهره للشرم الشيخ
• استسفــآر واتمنى الافآدهـ
• الرياض القاهره
• جمارك؟؟
• ما افضل مكان للسكن في شرم الشيخ
• مساعدة بليز بليييييز
• ابغى اعرف اسماء المقاهي الحلوه
• بخصوص رخص القادة الدولية من خارج مصر
• استفسار عن فندق
• خطوط طيران من الرياض الى شرم الشيخ؟؟
• اعطونا نصائح اخيرة قبل السفر الى شرم الشيخ
• سؤال عن الدراسة
• قائمة بارقام المطاعم بشرم الشيخ
• ضروري الرد الله لا يحرمنى منكم
• لدي دورة في الجامعة الامريكية وابغى فندق رخيص
• وش السالفه؟ وش صاير؟
• اريد شراء شقة في القاهرة
• استفسار مهم لكل واحد يحب ام الدنيا
• بروح الإسكندرية و ما اعرف وين اسكن
• رحلتي القادمه يوم الخميس

مادام نازل في جراند حياة يعني ماراح تلف تدور على فندق بسعر معين أو شقه
فافضل تاخذ ليموزين من المطار أسعارهم محددة وتحصلهم أول ما تاخذ الشنطة بعد الجوازات على اليمين
وحاول تكون صارم وغير مبتسم مع الموظف ولو زودها في الكلام قله خبط لزق لو وقفنا نسلم على بعض ماراح نخلص فياليت تخلصني بدون كثرة كلام وهو حيوصلك لغاية السيارة وطبعا حيقول كل سنه وانت طيب يعني عاوز إكرامية 10جنيه
بعدها السواق عارف انك نازل في جراند حياة بس يمكن بل أكيد يجر معك كلام وتقديم خدمات ما لها أول من آخر أول ما يبدأ يتفلسف تقوله ياليت تخليك في السكه
باقي المشاوير أفضل إنك تستأجر سيارة بالسواق باليوم وتضبط موعيدك والأماكن اللي هتروحلها أسعار السيارات ممكن تكون 200إلى 220 شاملة البنزين مريحة وكيفة والسواق لو ماعجبك تشتكيه لصاحب المكتب أحرص إن السواق يكون جامعي يعني موب صنايعي لأن جربت الجامعيين قبل ما اشتري سيارة ولقيتهم في حالهم ومؤدبين بعكس غيرهم ملاقيف كل شي يدخلون فيه.

طبعا الأماكن كلها مشتاقه لك:
برج القاهرة في النهار .. واحذر من المصورين اللي في البرج حرامية ونصابين.. وكاميرة الجوال اللي معك تغنيك عنهم.
حديقة الأزهر
ستي ستارز
جلسات النيل ومطاعمها
الحسين اشرب شاهي بس الأكل ما أتوقع ترتاحله .. حتلاقي مضايقات من الشحاذين وبعض البائعين اللحوحين
الأهرامات ولي أكثر من 15 سنه مارحتلها بس عن قولتك إنك شفتها والا هي ما فيها إلا المضايقات من رجال الأمن عند البوابه وأصحاب الكرتات والنصابين إللي يبيعون العطور الفرعونية
شارع جامعة الدول العربية وخذ منه كوكتيل أو فخفخينا من محل فرغلي
لو لقيت وقت مر على مدينة الرحاب بس خلها آخر شي بتشوف عالم آخر من حيث الناس الهااااااااااااااي والحدائق والميادين والمطاعم وبعد ما تطلع مر على حي الشروق اللي أنا ساكن فيه أقصد شقتي فيه أسكنها لما أنزل مصر والا أنا بيتي وعملي في الرياض .. حي الشروق أقل مستوى من الرحاب بشي بسيط وادخل سينما السيارات اللي في حي الشروق ولما تخلص الفلم ارجع للقاهرة عن طريق الاسماعيلية بتشوف جامعة مصر الدولية والحديقة المائية أكوا بارك ومر على كارفور العبور خذ فيه لفه واتعشى في مطاعمه مستوى فخم وشوارع نظييييييييييييييييييييفه وهوا صحي وبعدها ارجع للفندق ومنها رحلة العودة
الهدايا:
الملابس ما فيها زود عن الملابس اللي بالسعودية يعني زمان كانت أمي في السبعينات - بتقول وش ودا أمك لمصر في السبعينات بقولك كانت مع ابوي لما كان يحضر الماجستير والدكتوراه في الازهر- تحرص أنها تشتري لنا ملابس قطنية والشراشف اللي يسمونها كبرته والحين البضايع كلها صيني .. وطبعا عيب تنزل ويدك فاضية فأنصحك تاخذ الهدايا تحف فرعونية صغيرة وإذا أنت متزوج وزوجتك بينك وبينها ولف زايد عن حده خذ معك بدلة رقص وشف السعودية ببدلة الرقص المصرية.
عذرا طولت عليك وشكلك بتقول ياكثر قرقه.
لو انك من اهل الديرة بقولك: ياويلك لو درى ابوي انك نزلت مصر وما مريت عليه.
تحياتي وعذرا على الإطالة.

المشاركة الأصلية كتبت بواسطة الكتروني
http://www.arabtravelersforum.com/tr...7/#post3943081

مرحبا اعزائي اعضاء المنتدى

ان شاءالله مسافر للقاهرة الشهر القادم لمدة 6 ايام دورة في مجال عملي



نسيت شي مهم

تقول نازل دورة يعني بتشوف مدرسين أو مدبين في هذي الدورة وطبعا هم من الطبقة الفوق متوسطة غالبا ومتعلمين
نصيحة أحرص تاخذ صور معهم لذكرى وأرقام تلفوناتهم وتكون صداقات معهم مكالمة جوال مرة في الشهر ما راح تخسرك شي يعني ممكن تنزل مرة ثانية فيكون لهم نصيب من الزيارة ولا تنسى لو حصل ونزلت مرة ثانية تجيب معك هدايا لهم حتى لو كانت بسيطة زي موية زمزم تراها تفرق في النفوس وعلى الأقل يشوفون السائح السعودي المتعلم والمتحضر موب السائح اللي مسنتر في شارع الهرم.

هذا رأيي..

مشكور عزيزي على الرد وربنا يسهل ان شاءالله

تروح ترجع باسلامه

انا ما احب التكاسي المتجمهرين ابغا شركة نظيفة من المطار

النيل وبس غرفة مطلة عليه ياااسلام

أخي الحبيب أرجو نقل موضوعك إلى القسم المناسب
لمعاونتنا على تنظيم المنتدى
إليك الرابط

http://www.arabtravelersforum.com/travelarab149/

تحية طيبة :
هذه مشاركة متواضعة مني لبرنامج القاهرة :
بعض الاماكن التى يمكن زيارتها بالقاهرة مثل المتحف القومي بميدان التحرير علما الوقت المفضل لزيارته بعد صلاة الظهر مباشرة لانه تقفل ابوابه الساعة الخامسة عصر، ( يفضل يكون مع الزائر بطاقة اثبات شخصية او جواز السفر ، لانه في بعض الاحيان يطلبون اثبات الشخصية عند دخول المتحف ) ، و هناك المتحف الحربي ، و يفضل زيارته بعد صلاة العصر مباشرة ، وهناك ايضا القرية الفرعونية تستأهل الزيارة والوقت الحلو قبل صلاة العصر و بدون وجبة غداء ، لان الاكل ليس على مستوى .
وايضا الباخرة الفرعونية والافضل الحجز قبلها بيوم ( رحلة الغداء ) وتتحرك الباخرة الساعة الثالثة قبل العصر ، واحرصوا على حمل الكاميرا ، ويوجد رحلة للباخرة ليلا ، وانا افضل الباخرة نهارا لتستمتعوا بمشاهدة القاهرة نهارا والباخرة مكيفة ، وتقدروا تطلعوا لسطح الباخرة و خذ تصوير ، و من الافضل الحجز مسبقآ بيوم ، و سوف ارفق لكم رابط اسفل هذا البرنامج يوضح صور مع ابنائي بالباخرة الفرعونية .
( يوجد طرب بسيط بالباخرة خلال الرحلة ) .
اما الاسواق الشعبية فهناك سوق خان الخليلي بالحسين والوقت المفضل لزيارته اما بعد العصر او بعد صلاة العشاء وزيارة الجامع الازهر لانه قريب من هذا السوق ، وبعد الانتهاء من التسوق خذوا قسط من الراحة على احد المقاهي الواقعة امام مسجد الحسين وسوف تستمتعوا بهذا الوقت وتستمروا بالجلوس حتى الفجر وتتذكروا كلامي هذا .
وايضا زيارة الاسواق ( المحلات ) بالسيدة زينب - المحلات شعبية بحتة - .
المطاعم مطعم قدورة خاص بالاكلات البحرية بشارع جامعة الدول العربية ، مطعم فرحات ويشتهر بالحمام ، مطعم البرج بمدينة نصر و يقع بتقاطع شارع الطيران مع شارع مصطفى النحاس ، و هوخاص بالاكلات البحرية و ركزوا على هذا المطعم لانه حلو مرة مرة ، ومطعم العمدة خلف فندق اطلس بشارع جامعة الدول العربية _ فول ، طعمية ، كشري _ .
الاسواق فيه مركز ستي ستارز بمدينة نصر ، وبهذا السوق سبع صالات للسنما ، وايضا زيارة مركز جنينه مول بمدينة نصر قرب شارع عباس العقاد ، والملحق التجاري التابع لفندق هيلتون رمسيس وتشتهر المحلات بهذا الملحق بالشنط النسائية المقلدة للماركات العالمية ( و التقليد على مستوى عالى ) ، ومركز اركيديا ، وركزوا على المحلات اللى بوسط البلد شارع فؤاد ، وزيارة المحلات بشارع جامعة الدول العربية مقابل فندق النبيلة ، و ايضآ زيارة الكرداسة و تشتهر المحلات بالكرداسة بالجلابيات و يوجد لديهم جلابيات مطرزة تطريز ممتاز. ولا تنساءوا زيارة حديقة الازهر ة و يفضل بعد صلاة العصر ، وايضا زيارة القلعة والوقت المناسب لزيارتها بعد صلاة الظهر مباشرة لانها تنتهي الزيارة الساعة الخامسة عصرا .
وايضا زيارة مدينة الانتاج الاعلامي ، ومدينة ملاهي دريم بارك التي تقع قرب مدينة الانتاج اللاعلامي ، والوقت المناسب للزيارة هو بعد صلاة العصر .
وايضا لاتنساءوا ان تستاجر قارب بعد العصر لمدة ساعة او ساعتين واستمتعوا بالغروب الجميل ، وتجدون هذه القوارب شمال فندق كونراد ولا تدفعوا اكثر من 50 جنيه الى 80 جنيه للساعة الوحدة مهما كان .
وايضا لا يفوتكم زيارة الاهرامات والوقت المناسب للزيارة الصباح بدري وقيمة ايجار العربة لا تدفع اكثر من ( 60 الى 80 ) جنيه ، ويكون معكم اثبات شخصية عند الدخول .
ولا تنساءوا تأخذ تمشية بالاقدام على كوبري قصر النيل بعد الساعة الثانية عشر مساءا وتركب الحنتور ..
وفي الختام اتمنى لكم رحلة حلوة وبالتوفيق ان شاء الله ، .
ملاحظة هامة :
لازم تتغدواء بمطعم البرج لانه مطعم نظيف بالمرة واكله حلو جدا وكما ذكرت بالسابق انه خاص بالاكلات البحرية ، و ركزوا على طلب
( شوربة بحر مخلية ) لديهم تراها حلوة ..
و بالسلامة أن شاء الله ،
‏
‏ http://www.arabtravelersforum.com/travel152919/
، ورحلة موفقة إن شاء الله .
تحياتي ،،،

الحمدلله رجعنا من القاهرة الحبيبة

وكلي شوق العوده اليها جلست فيها اسبوع كان رائع جدااا بالرغم اني لم اذهب اماكن كثيرة

لكن مشتاق لها هذه المدينة الرائعة


بالنسبة للفندق جراند حياة رائع والطاقم ممتاز

بالنسبة عند وصولي لمطار القاهرة صرفت الفلوس من بنك مصر قبل الجوازات تقرييا ريال ---- 1.5 جنيه

وبعدها اخذت ليموزين 90 جنيه من مطار القاهرة الى جراند حياة ((( تسعيرة محدده)))

نزلت شارع طلعت حرب ونزلت الدقي وتمشيت برجلي (( هواية المشي عندي )) ودخلت افلام وستي ستارز

الذ ما في الرحلة تعرفت على ضابط مصري في الامن المركزي هههههههههه وصرنا اصحاب وعطاني موبايله

واول ماوصلت السعودية اتصل واطمن علي والله فيه خير ....


ببساطة ودي ارجع القاهرة مرة ثانية ماتنمل



اطيب تحية