الموضوع: يا خبراء معقول الف مايكفي باكج اسبوعتذاكر فنادق لا تقل عن نجوم

السلام عليكم

جد جد محتاره انا وزوجي وين نسافر فيه مره قلنا ماليزيا والحين مالديف جد محتارين :108:

طبعاً شهر عسل ..

معقول 25 الف ماتكفي اسبوع مالديف ! من تذاكر وفنادق وبورد هاف ومواصلات !

مانبي فنادق خمس نجوم علشانها غاليه 4 نجوم بس يكون كالتالي :

3 ايام فيلا مادري شاليه على الشاطئ ..

و 4 ايام بانقلو ويفضل بمسبح .. عموماً واحد منهم فيه مسبح خاص

مادري وش قصة الاسعار الموحده عند الاعضاء اغلبهم !

جد محتاره .. تكفون ارشدوني ..او علموني اي دوله ثانيه او جزيره حلوه بنفس ميزانيتنا .. ماتتعدا 30 الف ..

شامل كل شي

مواضيع عشوائيه ممكن تكون تعجبك اخترناها لك:

• سيريلانكا والهند والمالديف
• لابو عزيز ضروري
• رايح المالديف و ابغى فزعتكم
• أبو عزيز وأبو تركي الفزعه
• تكفووووووووووووون ؟
• استفسارات لمخطط رحلتي افيدوني يا اهل الخبرة
• استفسار ،، فندق باندوس
• موريشوس ولا المالديف ؟؟
• مساعده ارجوكم يا أصحاب الخبره
• مساعده ارجوكم يا أصحاب الخبره
• افيدوني افادكم الله بأسعار الطيران السيرلانكي
• فزعتكم يآقدعآن
• جزر القمر ،، معلومات عنها ،، لا أحد يبخل للضرورة القصوى
• استفسار عن سعر التذاكر
• استشارة لخبراء جزيرة موريشوس
• لخبراء موريشس كيف اقدر ؟
• موقع لأهم جزر سياحية في العالم
• استفسار مهم اتمنى افادتي
• فندق المالــــديف
• فنادق الكوروماثي في المالديف

والله ماليزيا حلوووه وتكفيها 30 الف ويمكن تزيد وفنادق 5 نجوم وفيها جزر وتكون فيها فيلا ومع مسبح خاص

اانا العام سافرت ماليزيا واخذنا فيلا مع مسبح خاص ليلتين ولعبنا الالعاب على الشاطئ من بانشي وسكوتر وكل شي

بعدين مالديف مافيها غير الانشطه البحريه اما ماليزيا فيها الانشطه البحريه والجزر والمدن والمجمعات وكل شي

والاختيار لج يالغالية

اختى انا من رائئ انك تروحين للماليزيا او سيرلانكا او تايلند

والمالديف تراهاا غاليه وغير كذا رح تملون ..انا عن نفس رحت لها انا وزوجي وملينا منها حدها 4 الى 5 ايام فقط

والله يوفقك يارب

اختي تكفي ..

انا حجزت ماليزيا وسنغافوره والمالديف .. باقل من هذا السعر ..

بس لازم ترتبين مع مكتب محترم ..

انا من الامارات ..

اذا كنتي من الامارات اقدر افيدج ..

اما من دولة ثانية فـ إن شاء الله يفيدونج الاعضاء ..

السلام عليكم ...

الف مبروك اختي الزواج ...

والله يهنيكم ويسعدكم

أنا من الناس اللي زرت المالديف واعجبت فيها وحبيتها ... ومستحيل أقول انها ماتنفع لعرسان لأنها جزر حالمة ورومانسية وكلفتني 5 أيام بحدود 25-26 ألف وماخليت على نفسي شي من تماشي ورحلات ومساج ويمكن هذي الميزانية كانت مع تسوق بعض المستلزمات قبل السفر والفنادق كانت 5 نجوم لباروس وباندوس وان كان باندوس يصنف في بعض المواقع 4 نجوم

لكن نصيحتي لك ... انت عروس وهذا شهر عسل ... يعني تروحي 7 أيام وترجعي وتصرفي 30 ألف على 7 أيام ..كثير ...

لأن هذي الـ30 ألف ممكن تسافري فيها لأماكن ثانية ولمدة أطول (14 يوم تقريباً )

يعني عندك تايلند - ماليزيا وانا أرشحها جداً - أو جنوب أفريقيا ... وهي جداً مناسبة للميزانية

أو انك تروحي ماليزيا + المالديف ... وتاخذي أرخص خطوط طيران وتقتصدي شوي في فنادق ماليزيا وخلي سفرتك 11 -12 يوم ماليزيا + 2-3 المالديف
وخذي بكج _ فل بورد أو هاف بورد في المالديف لأن الأكل هناك مكلف جداً

وبالتوفيق

المالديف جدا جدا انصحك فيها

فيه عروض في بعض المنتجعات تحجزين خمس ايام وتاخذين السادس مجانا وسبع ايام والثامن مجانا واربع ايام والخامس مجانا


الفنادق ماهي غالية لدرجة الاستحالة ولكني يعني مثلا

فندق خمس نجوم او اربع نجوم ترى مستواهم واحد

تاخذين بكج كامل شامل الوجبات الثلاثة مع الرحلات والنقل من المطار الى الجزيرة والعكس بــ 10 آلا ريال

انتي هنا ماتحتاجين تصرفين بعد هالباكج لانه شامل كل شي وكلمة كل شي تعني كل الضرائب والاكل والرحلات والشاي والتنظيف وايضا غرفة بانجلو على البحر وليست على الشاطئ او مقابله


هذا السعر موجود في المواقع الخاصة بالحجوزات ولو كلفتي على نفسك بالبحث راح تلاقينه وحاولي تراسلين الفندق اللي يعجبك عن طريق موقعهم نفسه

فلو كان عندهم الحجز راح يتفقون معاك او راح يرسلولك عن طريق الايميل المواقع المعتمدة لديهم


هذا السعر طبعا لاربع ليالي


يزيد بزيادة عدد الايم وينقص لو اخترتي فندق آخر مثل مستواه وراح تلاقين طبعا لان الاسعار مختلفة ولا تهتمين بخمس نجوم او اربع او ثلاث حتى فممكن تلاقين خمس نجوم ارخص من اربع نجوم


يبقى معاك 15 الف ريال واعتقد انك تقصدين الرايل وماراح نختلف لو كان درهم لان الصرف واحد


راح تكون منها 8 آلاف ريال تقريبا تذاكر سفر وسبع آلاف مشتريات من بلدك قبل الرحلة وتقدرين تزيدين عدد الايام لو حبيتي لأن عندك 7 آلاف ريال زايدة




ماليزيا زحمة وتصلح للعوائل نعم ولكن العرسان الجدد لابد ان يجربون المالديف لانها فعلا جزر موجوده لهذه المناسبة السعيده اللي تحتاج للهدوء والاستجماما

في البداية الف مبروك والله يبارك لكم وعليكم ويوفقكم
25 الف كافية جدا

انا رحت شهر العسل المالديف اسبوع وسيرلانكا اسبوع التكلفة الاجمالية تقريبا ما تعدت 30 الف بالتذاكر و ماخلينا بنفسنا شي مساج ورحلات بحرية وعشاء خاص على البحر وكتبت تقرير مبسط عن المالديف وكلفني السكن بالمالديف في منتجع ميدهوفوشي 5 نجوم 18الف مع النقل من والى المطار وسكن 3 ايام بيتش فيلا الكبيرة و3 ايام فيلا عالبحر فطور وعشا