السلام عليكم اخواني واخواتي
انا كنت مخطط اروح ماليزيا وسنغافورة بس الحين غيرت راي بسببين السبب الاول اني من خلال التقارير عم ايطاليا حبيتها قبل لا اروحها والسبب الثاني ان المدام خاطرها تروح ايطاليا لذلك قررت اسوي لها مفاجأة ونروح ع ايطاليا (شكلي طلعت رومانسي)
المهم انا جهزت مخطط بس بدون اسعار ولا شي لذلك ودي تساعدوني اذا كان المخطط يحتاج تعديل وكيف بالنسبة لاسعار التنقلات والفنادق
المخطط كالتالي:
النزول في مطار روما: من المطار لحد المدينة هل فيه قطار او باص او تكسي وكم الاسعار
روما: يوم كامل للتجوال بالباص والتعرف ع المعالم السياحية
سؤالي كم سعر الباص ومن متى يبدا ومتى تنتهي تنقلاته؟
اتوقع يوم واحد يكفي ف روما ولا ايش رايكم؟
الذهاب بالقطارمن روما الى فلورنسا كم سعره وهل ينطلق بس مرة ف اليوم ولا عدة مرات الى فلورنس؟
بعد ما اوصل محطة فلورنس استخدم تكسي ولا المحطة قريبة من المدينة
فلورنسا: اول يوم تجوال
ثاني يوم الذهاب بالقطار الى مدينة بيزا ولوكا والرجوع الى فلورنس. كم سعر القطار؟ وهل اروح بيزا اول وبعدين لوكا ولا العكس؟
ثالث يوم الذهاب الى القرى الخمس. هل ف رحلات سياحية ولا بس مكتب واحد يروح القرى وكم الاسعار ووين اقدر احجز الرحلة؟
الذهاب بالقطارمن فلورنس الى ميلان كم سعره وهل ينطلق بس مرة ف اليوم ولا عدة مرات الى فلورنس؟
بعد ما اوصل محطة ميلان استخدم تكسي ولا المحطة قريبة من المدينة
ميلان: اول يوم تجوال
ثاني يوم الذهاب الى جاردا لاند وبحيرة كومو. اريد نصايحكم وايش وسيلة النقل الي استخدمها
ثالث يوم الذهاب الى لوجانو بحيرة لوجانو وحديقة الميني تور. هل ف اماكن اخرى تستحق الزيارة ف لوجانو
رابع يوم الذهاب الى سيرميوني هل يكفي يوم واحد اروح وارجع ميلان ولا اجلس يومين؟
الذهاب بالقطارمن ميلان الى فينيس كم سعره وهل ينطلق بس مرة ف اليوم ولا عدة مرات الى فلورنس؟
بعد ما اوصل محطة فلورنس استخدم تكسي ولا المحطة قريبة من المدينة
فينيس بحط لها يومين بس ايش من الاشياء الي فيها
الذهاب الى الاوت لت سيرفيالي وفوكس تاون. هل يصير اروح لهم ف نفس اليوم ولا صعبة وهل هم بعيدين عن بعض؟ واذا ما يصير اثنينهم ف يوم وحده وين الاحسن والارخص؟
لاني اريد التسوق اخر شي وارجع روما عشن المغادرة
السموحة طولت عليكم بس احب تكون الامور واضحة عندي خصوصا الميزانية عشن يكون شهر عسل ما ينتسي.

مواضيع عشوائيه ممكن تكون تعجبك اخترناها لك: